17/08/2026
早於數個月前，好開心收到崇山管樂團團長 Angela 嘅邀請，去睇佢哋樂團嘅表演。Angela 以前係我嘅大提琴學生，能夠見證住佢一步一步踏上更高嘅舞台、接觸更廣泛嘅音樂層面、了解唔同樂器嘅特性，甚至成為一個樂團嘅團長，真係我嘅榮幸。😄
🎻雖然喺大提琴方面佢係我嘅學生，但論教學經驗，Angela 本身已經係幾種樂器嘅導師，調返轉喺教學上，反而係我向佢取經。呢種互相學習嘅心態，令我哋喺音樂路上嘅交流可以更坦誠。今次受邀親眼睇到佢喺台上演奏幾種樂器，亦令我重新體會到——生命中能夠演奏音樂、讓生活與音樂同行，真係一件好幸福嘅事。加油！祝福你！
