職業專才教育專業證書資訊站

3 Jul 人樹共融●樹醫生@IVE(ST)
今日我地去學爬樹。
有技巧，有姿勢，學員都話好玩!

2 Jul 美容及個人護理產品製作+食品3D打印+寵物護理保健工作坊@IVE(CW)

講師示範咗政府係點樣檢查過境蔬菜有冇超標農藥，保障食品安全。言談間仲教曉我地如何正確清洗蔬果。
另外我地又學咗點樣為寵物急救。寵物護理及保健高級文憑係IVE今年新開嘅課程，據聞十分之受歡迎。

28.6.2024 幼兒、長者及社會服務職業路向@IVE(ST)
今日透過遊戲，我地了解咗做幼稚園老師要掌握嘅技巧，同埋做社工要用心嘅道理。

27.6.2024 營養學及醫療護理行業介紹 (ST)
除咗聽行業介紹，我地仲親身試插尿喉同打針 (當然係同個模型公仔啦)! 又去見咗營養師，評估健康狀況。。好專業呢!

25.6.2024 髮型工作坊 (KF)
今日去YC，除咗了解職專文憑個職學計劃之外，我地仲參觀埋佢地嘅美容課程培訓基地，睇見D學生好認真咁練習。我地都學埋一份，去試下幫公仔頭吹鬈髮。一技傍身!

24.6.2024 車身貼膜技巧體驗@YC(KC)
今時今日汽車維修唔再單純喺車房捐車底，原來新型汽車都可以用上電腦/電子裝置檢查架車嘅性能。我地仲噝佢地個培訓中心試玩車身貼膜，體驗一下學生嘅細藝。

14.6.2024 設計職業路向
知專係設計潮人嘅搖籃，佢地除咗有建築、室內及產品設計，仲有數碼媒體、傳意設計同時裝及形象設計。唔單止有Gallery、仲有時裝資料館、設計企劃研究中心等等，學生又喺各大設計比賽，甚至殿堂級嘅紅點設計比賽攞大獎，可謂犀利!

17.6.2024 鐘表制作及測試 @ YC(KB)
參觀完青年學院嘅卓越培訓發展中心(機械業) 同印刷設備，我地變身學徒，好認真咁學點樣裝嵌機芯。真係好考功夫㗎!

15.6.2024 工程職業路向 (TY)
IVE嘅工程學系涵蓋四個重要發展範疇，包括：數碼建築與工程設計、機電建設、創新科技應用，同埋智能城市運輸技術。最受歡迎有土木工程、測量、電子工程、電機工程等。今日特別d ，我地去咗參觀VTC學生研發嘅太陽能電動車，仲有未正式對外開放的建造工程培訓中心，了解BIM對工程項目發展的重要性。

14.6.2024 資訊科技職業路向 (TY)
香港資訊科技學院(HKIIT)係VTC新成立嘅，主力全方位培育IT人才，課程涵蓋 AI、網絡安全、區塊鏈、數據科學、Web3.0、物聯網、機械人應用、自動化智能科技等。首屆學生將於今年9月入學。
我地今日去了解咗行業未來發展同人力需求情況。求新知，我地都唔可以落後!

12.6.2024 KOL直播帶貨+我的虛擬展覽會+HR數碼化秘訣自肥企画 (KT)
我地今日走咗去學做網紅，試下不停對住個鏡頭講嘢sell貨，要有策略，又要口齒伶俐，都咪話容易。我地仲試咗用軟件自己設計展覽攤位，同埋用VR玩拆彈遊戲，從中了解組織、合作嘅關係。依家d學生學習真係多樣化!

8.6.2024 商業職業路向@IVE(ST)
商科涵蓋面廣。今日我地參觀咗IVE”青衣航空”模擬機艙，聽講院校仲有模擬機場運作中心，希望下次可以去參觀下。