Stage Edu Net Foundation

19/07/2026

🎉 一年一度書展又嚟喇！
我哋今年都會繼續喺 老夫子攤位｜3樓兒童天地 3G-G09 同大家見面～
今次我哋有 免費派發 嘅小驚喜送俾大家😍
記住到時可以：
買少少嘢支持我哋，或者直接去搵我哋插畫師 Ava，同佢講：「我好鍾意 Hear Me Dor D！」
咁就有機會收到我哋送出嘅一套教材圖喇，每日50套咋📚✨到時見！快啲嚟搵我哋，一齊開心打卡、支持老夫子～
#書展 #香港書展 #老夫子 #免費派發 #教材圖 #親子活動 #兒童天地

18/07/2026

喺呢個展覽入面，我睇到小朋友嘅故事。
有時候，第一眼睇落去未必即刻明白，但當佢哋再用文字或者語言去分享，就會發現原來每一個 LEGO 作品背後，都有自己嘅故事同想法。LEGO 亦常被用作支持故事表達、口語分享同語言發展嘅學習媒介。
其實，好多時作品唔只係作品，
而係小朋友內心世界嘅延伸。
當佢哋肯講出嚟、寫出嚟、表達出嚟，你就會發現——原來每一塊 LEGO，都可以有文字，亦可以有聲音。

16/07/2026

今日繼續上載小朋友嘅作品。
有時候，砌 LEGO 其實可以幫小朋友訓練專注力，因為喺整個過程入面，佢哋會靜靜地、慢慢地一路觀察、一路思考、一路砌。LEGO 亦常被用作幫助孩子培養專注、耐心同自我調節嘅工具。
我覺得，呢個亦係一個好好同自己相處嘅方法。
當小朋友專注喺一件作品上面，佢哋唔單止學識完成一個任務，亦喺過程中慢慢建立內在平靜，同自己連結。

15/07/2026

在 Build2Talk Your Story 活動裡，我有一個好深嘅感受。活動本身亦強調透過積木建構同分享故事，幫助人整理經驗、探索內在同表達自己。�
原來，嚟自唔同國家、唔同文化背景嘅小朋友，對同一件事情嘅理解、想像同表達方式，都可以好唔一樣，甚至好有趣。
佢哋眼中嘅世界，其實反映緊佢哋所經歷過、所接觸過、所「見過」嘅一切。
而我哋往往都只係喺自己熟悉嘅框架入面去理解世界。
我哋所識嘅，其實就係我哋所見過嘅；
我哋所相信嘅，往往都係基於我哋曾經接觸過嘅經驗。
所以，如果我哋希望小朋友有更豐富嘅表達、更開闊嘅視野，唔係只係教佢哋「點樣諗」，而係要俾佢哋機會——
去見多啲、去感受多啲、去表達多啲。
當佢哋有更多經驗，就自然會建立出屬於自己嘅理解同世界觀。
教育，或者就係由「擴闊經驗」開始。

14/07/2026

🔥 書展限定優惠｜G3–G09 攤位見！
我哋聽日開始一連幾日會喺書展 G3–G09 攤位等你！
📚 書展限定｜買書有禮
凡購買滿指定金額，即送
🎁「Hear Me Dor 童我講多D」精選繪本禮物
數量有限，送完即止，記得早啲嚟！

✨ 支持本地創作 × 共融教育
我哋一直致力製作「聲音導讀＋手語版本」嘅本地繪本，讓更多不同需要嘅小朋友都可以一齊閱讀、理解同表達。而家，我哋嘅捐款系統已正式開始試用！
如果你都想支持我哋繼續創作更多本地教材，歡迎即刻行動👇
🔗 https://share.google/3YUC0yV4lEZsYGPDP
💛 每一份支持，都幫緊更多小朋友被聽見。
📍 書展 G3–G09
等你嚟探我哋，一齊用故事連結更多可能！

14/07/2026

我哋今次喺 FLL 嘅 Build to Talk Your Story 活動已經順利完成啦！
衷心感謝每一位參加者、家長、義工同支持我哋嘅朋友，因為有你哋，呢個活動先可以變得咁有意思。
接下來嘅幾日，我哋會每日上載一啲參加者嘅展品，慢慢同大家分享每一位小朋友背後嘅故事同創作心聲。
每一件作品都唔只係一件展品，而係一段真實、獨特、值得被聽見嘅故事。
希望大家繼續留意我哋嘅分享，一齊認識小朋友用 LEGO 砌出嚟嘅想法、感受同世界。
期待同大家繼續分享呢段充滿創意同連結嘅旅程。

12/07/2026

今次好榮幸收到 FFL 邀請，Stage Edu Net Foundation 一齊參與今次喺亞博舉行嘅活動。
呢兩日，我哋都用心製作咗 Build to Talk , Build Your Stories 活動，免費俾小朋友參加，希望透過積木、故事同創作，繼續實踐我哋一直相信嘅 mission：俾小朋友有一個安全、自在又有力量嘅平台去表達自己。
睇住枱上面一個個故事作品，真係非常鼓舞。每一份創意、每一個想法，都提醒我哋：小朋友其實擁有好多可能，只要俾佢哋空間，就可以慢慢發光。
如果你今日有時間，歡迎嚟亞博搵我哋，一齊感受一下創作同故事帶嚟嘅力量。

30/06/2026

本年嘉年華其中一個支援機構，First LEGO League將於7月11 及12日 在亞博舉辦活動！

亦有部分曾在嘉年華參展的同好在場繼續展出 。
有興趣參觀嘅就快啲報名喇。
免費入場！

FLL香港錦標賽 🌟 個別參觀人士登記 🌟
7月11-12日@亞洲國際博覽館 二號館！
無論您是教育工作者、機械人愛好者，或關心香港創科發展的伙伴，歡迎蒞臨現場：
📌 與全球年輕創科交流及直擊刺激機械人賽事
📌 了解FLL賽事的玩法及教學可能，為來年教學進行預備規劃
📌 發掘與FLL的合作可能，推動更多STEM教學發展

【立即登記】reserve your spot!
https://www.eventbrite.com/e/2025-26-first-lego-league-fll-hong-kong-championship-tickets-1988827912825
*登記者將使用參觀人士入場證，7月11日上午9時30分方可進場
* 參賽隊伍學生和導師，及每位參賽學生一位家長將預先收到入場證，不用額外登記；可於7月11日上午8時進場準備和佈置
* 入場名額有限，先到先得
* 每人只能登記一張入場證

01/06/2026

我一直相信，旅行不只是看世界，也可以溫柔地回饋世界。
在早前的摩洛哥旅程中，我認識了Hala Hola Travel 創辦人 Karen Li（www.halaholatravel.com）以及 Eco Morocco Tours 創辦人 Yassine Achabou（https://www.ecomoroccotours.com），透過他們，我更了解當地遊牧民族小朋友的生活。他們因為居無定所，往往難以接受穩定的教育。
這段經歷，讓一個小小的想法慢慢萌芽。
很感恩這次可以透過 Stage Edu Net Foundation，與 Karen 及 Yassine 一起合作，把「Six Bricks」帶到當地小朋友手中。這是一套由 Care for Education 設計、LEGO Foundation 支持的遊戲學習工具，透過簡單的積木，促進孩子的專注力、語言、記憶和社交情緒發展。
最讓我感動的是，這個計劃不只是「捐贈」，而是「連結」。每一位旅人，都可以成為故事的一部分——在旅途中，帶著一份小小的心意，甚至與孩子們共享一段短短的遊戲時光。
原來，學習可以很簡單，改變也可以很輕巧。
有時候，只需要六顆積木，一點時間，一份心。



#教育 #遊戲中學習 #社會影響 #遊牧民族