11/01/2013
一連兩日的陸運會完滿結束！今年陸運會感觸良多：我响學校教了十二年，I社第一次羸金禧，亦係第一年可以攞晒看台清潔冠軍同埋啦啦隊冠！唔好睇小呢兩個獎，計社全年總分嫁，陸運會都係計社分乘2，羸呢兩個獎等同羸咗個陸運會嫁啦，而且，要䇔呢兩個獎，係要全體社幹事同埋啲啦啦隊齊心一齊喊口號先可以攞到！我今日見到的再唔係一個散漫的I社，而係一個齊心的I社！我哋之所以輸，係輸唔團結，陸運會報名時已經落後其他社，試問又怎會有機會拿到好成績！今日嘅團結，可以拿到金禧冠軍，証明我哋係得嘅！多謝跑到腳痛抽筋仲要堅持跑接力跑金禧嘅社員們，仲有最感動係當4乘400男子乙組接力嚴重缺人俾我臨時拉夫嘅社員們，其中兩個跑完4乘400即刻要跑3000嘅都肯幫忙，仲要係成日俾我鬧嘅都肯，其中一個跑3000時真係抽筋，仲要兩個同學陪住扶住先可以完成賽事，仲要俾唔知內情嘅老師話，我其實有點內疚，對唔住！今日校長都特登同我講，話我哋I社今年真係做得好好！响呢度，我要多謝一班社幹，你哋好團結一齊做；特別係五大，真係用咗好多心機去預備！仲有舊年嘅五大，特別係Alice，响我搵佢嘅時候一口答應幫手帶啦啦隊，仲有協助全程一冇賽事就返嚟幫手帶cheers今年低年級嘅社幹，同埋當然係中一嘅同學啦，你哋嘅投入，我哋先可以羸到啦啦隊冠軍！仲有所有參加比賽嘅社員們，你哋好多個都傷咗冇辦法好似去年咁攞到獎，但你哋都充滿信心哋應承我下年養好傷再出戰！多謝各位嘅努力，終於將I社團結精神發揮出嚟！只要我哋團結投入，我哋下年一定勝！
