沙田官立中學 第25屆學生會候選內閣－Halos

學生會競選結束，Halos成功當選第25屆學生會。

首先，我十分感謝陪伴我哋，支持我哋，信任我哋至最後嘅284位同學，我哋知道自己有好多不足，但你哋仍然願意相信，相信我哋有心去改進，呢份信任對我哋嚟講十分珍貴。雖然好老套，但係你哋嘅支持，就係我哋堅持落去嘅動力，我哋一定唔會辜負你哋嘅信任，將最好嘅帶俾同學！

由競選到而家，我哋受到好多嘅抨擊，令到我哋曾經因為壓力而迷失咗方向。但係靜咗落嚟之後，我哋明白，同學嘅批評係建基於關心，同學唔希望一個未準備好嘅學生會上任，所以先透過呢個方法向我哋表達呢個訊息。喺呢度，我哋要多謝每一位願意發聲嘅同學，因為你哋，我哋先可以認清自己嘅不足，作出改變。而家，我哋可以好肯定咁同大家講，我哋已經準備好接受嚟緊嘅挑戰！

我哋清楚只有努力做得比以往更多、更好，先可以對得住支持我哋同批評我哋嘅同學。今後，我哋一定會喺各位同學嘅監察下做得更好。若然我哋有做得不足，請同學狠狠咁點醒我哋，令我哋有機會作出改善。而做得好嘅，亦希望同學可以用心欣賞我哋份努力！

未來一年，衷心希望大家一齊肩並肩行落去 🙂

跟住落嚟嘅日子，我哋將會透過學生會嘅facebook專頁發放資訊，未like嘅同學記住like返，緊貼我哋嘅最新動態~另外我哋亦會利用instagram呢個平台同同學溝通，大家快啲去follow啦！

Facebook: https://www.facebook.com/stgssscscsc/?fref=ts
IG: stgsssc_1617

沙田官立中學學生會 STGSS Student Council 此為沙田官立中學學生會粉絲專頁，學生會將會在此宣傳、發佈動態。

一別以往，今天的我早早完成了所有家課，爬到床上，希望能早點休息，以迎接明天的選舉。要是平常的我，想必一到床上便呼呼大睡，在夢鄉與周公相聚了。然而，今晚我卻輾轉無數回，不論怎樣也都未能入睡。於是，百無聊賴的我決定坐在電腦跟前，寫下這篇文章。

從小到大，我都很喜歡寫東西，因為我所寫的每一字丶每一句均能表達出我內心的感受。可是，隨著生活日益繁忙，近年來能坐下靜靜地寫東西的機會愈來愈少。此刻，我終究可以靜下來，沉澱一下，抒發埋藏已久的感受。

選舉的前一天，我內心固然緊張。明天若然成功當選，我們當然非常高興，因為能達成我們欲為同學服務的盼望，亦代表著一直以來的努力沒有白費。縱使失敗，縱使我們已投放所有心血於Halos中，也未能取得同學的信任，我們在失落過後仍會珍而重之的把這段青蔥回憶收藏著，因為這段成長印記確實精彩，我們搏盡無悔。

猶記得決定參選的那一天，數位志同道合的好友，各自談論著屬於自己的理想學生會。從最初的泛泛空談到決意要化為實際行動，我們憑著一顆熾熱地想為同學服務的心，一步一步的走過來。由選擇合適的幹事人選，到構思每一個活動與福利，一關一關，大家就如此手挽手闖了過去。

感情的要好，除了彼此的信任和真誠，也少不免一些爭執作點增潤。儘管我們經歷過激烈的"意見不合"，但從沒有怪責對方不願退後一步，因為我們清楚明白，只有認真思考過，想每一樣事情都辦得完美無瑕，才會如此著緊，如此固執。若非如此，回覆一句”Ok”不就行了嗎？犯得著吵得面紅耳赤？傷害大家之間的感情？

「若非有情，何須動怒？若已無情，又何須動怒？ 」

在這段時間，我們承受了不少的批評及責罵。而壓在我身上的重擔亦彷彿越來越重。上一年參與學生會工作的經驗不再是我們的優勢，相反，已然成為了我們今次選舉的桎梏。縱使如此，我們依然努力求變，希望能為同學爭取最好的一切。

嘻笑打罵的三個月，轉眼間便來到尾聲。未知明天是我們的謝幕，還是新的一幕，我依然衷心感謝每一位在我身邊支持我的人，尤其是那十三位同甘共苦，共同進退的同伴。不管我多吹毛求疵，怎樣雞蛋裏挑骨頭，你們總願意不厭其煩地修改作品，以達到我的期望，真是窩心。我十分慶幸遇上一群充滿活力與熱誠的同伴，組成今天的Halos，你們的每句提點，每份支持，每一顆心，最後形成今天最光、最亮的光環。

明天便是投票的日子，選情告急等無聊的話我就不説了，只希望大家能投下你手上的一票-- 信任與否，於我們來說，均意義非凡。

閱畢至此的人，我衷心感激。祝願大家心想事成，擁有美好的中學生活！

明天，盼望由我們為你締造那份美好。

晚安

這一晚，很美。

今日有唔少同學向我哋查詢有關其他內閣嘅事宜，在此我哋希望作出以下澄清:

根據第25屆學生會選舉委員會指引，第25屆學生會只有一個正式候選內閣 Halos☝

我哋對其他同學嘅創意持開放態度😂但始終學生會喺推行活動時都需要考慮學校嘅政策以及可行性，所以好抱歉，我哋未能提出咁「創新」嘅政綱~ 希望同學體諒🙈

我哋Halos 由籌組至今兩個半月，實在花費咗唔少心血及時間為同學構思多元服務以及改善學生福利😉每一項事務都係我哋14位幹事嘅深思熟慮下嘅決定，盼望將最好嘅獻給同學。🙏希望大家能投下信任一票，繼續支持我哋Halos😃

姓名: 張德怡
別名: Cdd!
班別: 5D
職位: 候選外務副會長
性格: 調皮、開朗、平易近人
嗜好: 彈結他、打網球、壁球
夢想: Work hard, and play even harder!!
Short description: Cdd 份人好開朗，成日笑面迎人，俾人一種好friendly、平易近人嘅感覺，難怪同各級同學關係都咁好啦！佢又彈結他，又打網球，一睇就知係又sporty又outgoing嘅女仔，可能因為咁，佢喺校外都人緣甚廣，絕對稱得上相識滿天下！有佢做外務副會長，沙官一定會有各式各樣嘅聯校活動，等大家可以認識下友校同學，擴闊自己嘅社交圈子！

姓名: 鄧荣軒
別名: Sam Tang/ 書蟲
班別: 5C
職位: 候選內務副會長
性格: 完美主義者、穩重、愛思考
嗜好: 四藝、閱讀、探索事物
夢想: 尋找屬於自己的定理
Short description: 處理內務其實會有好多需要思考嘅部分，所以內褲...內副呢個Post絕對可以令Sam發揮所長！佢平時最鍾意睇書同埋探索新事物，儲儲埋埋一定有好多唔同層面嘅知識啦。對於任何事情，Sam都有一顆為同學、為學生會做到最好嘅決心，正正就係呢種完美主義，搞到大家拍片嗰陣都有啲怕咗佢......(orz)但係同時我哋又好放心喎，因為佢唔會容許任何嘅錯漏，所以...有Sam Tang，冇驚青！

姓名: 梁維展
別名: Jimmy
班別: 5C
職位: 候選活動策劃幹事
性格: 瘋癲、樂觀
嗜好: 觀察身邊嘅人和物
夢想: 最緊要開心
Short description: 將「最緊要開心」掛喺嘴邊嘅Jimmy，諗頭多多，一定會積極構思多元化、新奇又有趣嘅活動俾各位同學參加，希望同學喺努力讀書之餘，都可以放鬆下心情，好好享受美好嘅中學生活。佢生性好動，又瘋瘋癲癲咁(佢本人就話自己唔係嘞，不如你話我知佢係咪吖？)，設計出嚟嘅遊戲一定會係最正、最爆同最趣(請俾趣!10個趣!)！活動策劃幹事捨「展」其誰？

姓名:曾韜
別名:韜/Peter/Curry
班別:5C
職位:候選行政管理幹事
性格:軟心腸
嗜好:打波、跳高、游水、影相
夢想: 幫助癌症病人脫離痛苦
Short description: Peter籃球排球跳高游水樣樣皆精，喺運動場上，大家成日都會見佢滿腔熱血、充滿幹勁，但係佢坐喺到靜靜哋做嘢嘅樣，大家就可能比較少見到喇。其實佢做嘢爽手又有條理，multitasking對佢嚟講真係家常便飯。最重要嘅係佢對每一份工作嘅堅持，唔做好手頭上嘅工作佢係唔會罷休嘅！而佢，亦都一定會將呢一份堅持奉獻俾學生會，惠及每一位同學。

姓名: 古羨瀅
別名: 肥古/ksy
班別: 4B
職位: 候選學生事務幹事
性格: 外向好動
嗜好: 打排球、打乒乓波
夢想: 做一個自己滿意嘅人
Short description: 大家認識嘅ksy可能只係一個喺球場上撲嚟撲去嘅排球隊精英。喺球場上嘅佢固然熱血萬分，但係球場下嘅佢都有沉着、冷靜嘅一面。學生事務就算再繁忙都好，佢都一定可以不慌不忙、妥妥當當咁處理好，絕對係一位值得同學信任嘅幹事！

姓名: 林穎翹
別名: Venus(姐)
班別: 4C
職位: 候選宣傳及出版幹事
性格: 有修養、文靜
嗜好: 琴棋書畫
夢想: 每日都咁開心
Short description: (background music!)「如果你願意一層一層一層的剝開她的心，你會發現，你會訝異，她是個最熱情最nice的幹事...」冇錯！雖然Venus(姐)話自己擁有文靜嘅性格，又話自己鍾意琴棋書畫(偽文青...)，但係佢嗰幾層心嘅深處，其實係好活潑同nice架！佢揸筆寫文又得，宣傳訪問又得，「宣出」嘅工作對佢嚟講易過食生菜啦！

姓名: 張巧穎
別名: 小wingwing/ 大背穎
班別: 4C
職位: 候選宣傳及出版幹事
性格: 開朗、活潑、熱情
嗜好: 唱歌、食甜品、跳繩
夢想: 環遊世界
Short description: 人稱小wingwing嘅大背穎...人稱大背穎嘅小wingwing...唉點都好啦！Rachel平時成日無啦啦哈哈大笑，笑到成個傻婆咁。但係好出奇地，佢身邊嘅人見到佢笑到咁又會唔知點解跟住佢哈哈大笑架喎(點解嘅?點解嘅?哈哈哈哈哈!)。睇嚟佢做咗「宣出」之後，唔單止會將最快、最新、最Hot嘅資訊帶俾同學，仲可以將正能量傳遍沙官每個角落添！