Sneaker Reborn

SneakerReborn 球鞋復活計劃開動

經過多個月來嘅練習同埋試驗同埋加上大家嘅鼓勵同埋查詢，我覺得係時候可以為大家服務一下，同時亦都將我自己嘅興趣發展成為一個半事業😊😊

我依家正式推出Sneaker Reborn計劃,詳情及收費如下，

服務詳情及包括以下內容

-基本全套球鞋清潔及翻新，包括鞋面，中底，鞋底及鞋墊。

-包括黑，白兩基本色嘅補油服務，例如 Ultra Boost 嘅boost 重新上色及其他球鞋黑色部份嘅補色程序。

-已包於下列所列嘅港鐵站接收及送回費用, 計劃初期會包括以下嘅港鐵站:尖沙咀，佐敦，油麻地，黃埔，何文田，旺角，太子，觀塘，九龍塘，美孚，中環，金鐘，灣仔及銅鑼灣。換句說話講你可以從以上所列港鐵站揀取一個你想要嘅pick up點及送回點。

-所有球鞋將於五個工作天內送回你手上。

-備有特快送回計劃，可指定於兩個工作天內送回你手上，每對球鞋將收取急件加工費100元正。

費用:正價:$200

備注及特別情況

如果有不幸出現將你嘅球鞋損毁嘅情況，最高賠償金額為該球鞋之行貨零售價嘅30%為上限。

收取你球鞋嘅時候，會為你嘅球鞋影四張相片已確定接手時嘅球鞋狀況。

所有交俾我嘅球鞋都會有可能用作宣傳之用，如果你介意請事先說明，否則我就會假設你係同意。

當然我都明白我冇可能將每一對球鞋都變成全新一樣。但係我可以應承你嘅就係我一定會用盡我所有嘅方法去令到嗰一對球鞋最接近係原來嘅樣子。

所有有興趣嘅朋友請密切留意本專頁嘅更新，thanks!


#球鞋復活計劃

感謝客人嘅支持，希望你滿意我哋對你對鞋嘅改做啦😛😛

如果要揀一對鞋着出街，你會着邊對？