不二期權

【港股想玩五窮六絕七翻身？】

港股而家有幾弱，其實真係唔使我多解釋。無論係新聞定坊間言論，都已經將佢踩到一文不值。現時港股相對環球的表現，確實十分唔爭氣。

壞消息大家都聽得多：強美元、缺乏AI相關題材、環球資金動向等等，全部都係大家已知的負面消息。

但每當情況一面倒咁差嘅時候，我都會諗，到底有冇啲相反觀點呢？

現時我認為唯一比較正面的因素，就係短中線市寬已經進入重要支持區域。

過去咁多年嚟，只要跌入呢類支持區，好多時一個月內就會見底回升。當然依個月底部可能仲未見，無人會知，因為根據現時弱勢甚至仲有機會跌穿24,000點。

反正見步行步，如果再跌多啲，恐慌情緒爆發出嚟，係咪反而更適合short貨賺IV錢呢？

我認為今晚聯儲局議息結果將會是催化劑，大家拭目以待。

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【選股重要定判斷大市重要？】

自上星期四恆指一度跌穿24,300重要支持位，當時我提到如果收市前能夠升返此水平，就有機會觸發極端情緒反轉，結果兩日之後，恒指果然一度重返25,000點。

經調整後的25,000點已經成為新的牛熊分界線，只有企穩先有機會進一步向上挑戰。

而當時我搏反彈的選擇，第一就是1024同2018。單從選股角度睇，當然好過其他一直破底的股票，但在大市拖拉之下，走勢反覆，時間值都耗費咗一大截，未能夠達到原本預期的回報。

呢件事都解答咗好多人經常問我嘅問題：選股重要定判斷大市重要？

其實兩者唔應該分開嚟睇，而係同一個思路的過程，正如多次為我找出高倍數回報的長倉思路一樣——先判斷大市方向，再進行買強沽弱。

值得留意的是，今晚美聯儲議息會議將有結果，可能會提供另一個逆轉的契機。祝大家好運！

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【如何養成健康的交易心態】

交易心態，是每個交易者成長過程中離不開的一道坎。

無論你的交易策略多穩定，只要心態崩了，就可能滿盤皆輸。

許多人認為心態問題無法系統解決，只能靠意志力對抗人性，但我認為解決心態問題仍是有方法的。

以下正是我親身驗證及有效維持交易心態健康的做法：

第一點：雖然我全職交易已有一段時間，但大部分時間與心思並未放在市場上。我擅長在生活中找樂趣，例如旅行、看書、寫文章、運動等，不會整天沉迷在市場裡。

與市場保持距離，能維持新鮮感，避免陷入市場陷阱。

第二點：做一個清心寡欲的人，不要總把賺錢掛在嘴邊。當今社會物質主義橫行，一切話題似乎都指向錢。

這雖非壞事，但過度關注金錢，會過於在意帳戶的金額波動，而非市場本身。「賺多少就走」「回本就平倉」等思維，會主導大腦。

但你的賺蝕並不會決定市場走勢。請把注意力從錢上移開。

第三點：不要和別人討論你的決策邏輯，若你已充分研究並得出結論，那麼這個時候不要讓那些沒有研究的人來反駁你的觀點，那麼大概率你會聽到一連串質疑的聲音，最終影響自己的心態。

有時，你更需要相信自己，而非依賴他人。

最後願每一位認真對待交易的朋友，都能擁有一顆堅韌而平靜的心，最終在市場中找到屬於自己的從容與自由。

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【港股歷史重演，但不重複】

再一次證實判斷關鍵位的重要性，從上月尾期結日大跌跌穿支持位 24900點後，到下午極端情緒反彈回升，我指出可以博反彈。

直到上星期指數再次跌穿24900點，但發覺市場情緒十分冷靜，引申波幅無上升，反映恐慌情緒沒有出現，因此我無再博反彈，更指出下方支持將會去到24200點。

而昨日恆指亦都因為外圍跌穿這個水平，我再次指出(下圖)只要收市從重回24200點就有極端情緒反轉的可能，又是一個博反彈時機，結果今日再次大幅上升。

值得留意的是今次反彈同上次有所不同，上次我反彈我選擇科技股1024高達五倍以上回報，但今次暫時以內券內銀為主，大家都知道內券內銀反映內地資金鬆緊，好多時更加是春江鴨入市先兆。

反正一步一步嚟，正如之前所講，24900已成為阻力，就睇吓嚟緊有冇機會企穩，見步行步吧，祝大家好運。

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【科技股分化十分嚴重】

上月底期結日跌穿24900點時，我曾指出只要能升回該水平並企穩，就可以博反彈，之後三日就升近26,000點。

而今次劇本相若，大市跌穿牛熊分界線25600後轉弱，惟在跌穿24900點之後，我已沒有再選擇搏反彈。

反而多次指出，24900已由之前的支持位變成阻力。

目前下方支持已落到24200附近，昨日恒指一度跌穿24200點，但尾市成功收復，情況同上次類似一樣有極端情緒反轉的傾向。

不過值得留意的是，並非所有股份都值得反彈。舉例說，如果前日跌到24200時，你揀了弱勢股9988，昨日已經蝕錢；相反，選擇同板塊的1024還算守住成本價，永遠進場買強沽弱的做法。

到底係唔係真反彈？很快就會有答案。祝大家好運！

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【先有交易思路，才用AI】

上文提到如何使用AI參與交易決策，好多人私下問我：係咪直接問AI問題就得？

其實對交易新手來說，最大的盲點正正係——你根本唔知應該問啲乜嘢。

難道直接問AI「應唔應該買」？佢不可能直接答你。

所以，如果想真正用AI提升交易決策，首先你要有一套完整、清晰的交易思路。

而我自己過去多年一直用來挑選高倍數回報的長倉思路，已經整理成一套期權長倉交易檢查表，並用嚟進行實戰推演。

因此，當有人問我「點樣用AI交易」時，我永遠會講同一句：先有思路，後用AI，次序不能反轉。

如果你想了解我這套期權長倉交易檢查表的更多內容，記得填以下問卷。我會在未來兩日內整理好，並電郵俾你。

【如何用AI參與你的交易決策？】

經常有人問我：究竟可唔可以用AI嚟炒股？

作為一個中度AI用家，加上有多年全職交易經驗，我嘅答案係：暫時仲唔得。

普通AI目前只能夠比較有效咁分析基本面，用嚟揀長線股或者做長渣都仲ok，但短線炒賣就仍然會GG。

不過，我最近開始認真用AI參與自己的交易決策，方法就係：每日將我寫好文章同交易計劃交俾AI閱讀，再問佢我當日交易有冇符合自己既定條件。

好多人問點解要咁做？

第一，好多文章係開市前寫，當時思路比較清晰。但一進入真實交易時段，要長時間保持絕對清醒好難，好易受情緒影響，結果多做咗或者少做咗。呢個時候，一個理性、冇情緒嘅AI就可以幫到你把關。

第二，仲可以提前將自己某啲交易想法講俾AI知，讓佢根據過去既定的交易規矩幫你找出思考盲點同潛在風險。

呢啲實戰用法，我之後都會在《長倉訣》更新。

另外，我由於即將重新推出《長倉訣》，為咗令內容更加實用，想請大家幫幫手填下面留言的問卷，作為報答我會將AI參與交易決策的完整思路分享俾大家。

多謝大家支持！

【24900 不是牛熊分界線】

昨日提到今次唔會似月初一樣，在跌穿 24900 後博快速反彈，主要原因是當時市場情緒極端反轉。

但今次市場好似已經完全接受港股弱勢表現，沒有出現恐慌情緒，再可能加上 6 月環球市場有好多關鍵大事即將發生，例如大型 IPO（SpaceX）、議息會議、美元指數升穿 100、債息向上突破等等，都有機會成為大市逆轉的催化劑。

正因為咁，大家唯有耐心等待消息明朗化，但有朋友問我：市場如果升返 24900，係咪大市就會好番？

我要講清楚，24900 並唔係牛熊分界線，相反呢個位已經由之前支持位，變咗阻力位，反而係有膽量做淡倉的朋友的機會。

講真，作為短線交易者，唔怕大市轉弱，最怕大市變成細波幅的悶市。

所以建議大家俾多少少耐性，等上述提到的事件會否真正落實，到時香港先有可能出現”反高潮”機會，有咩第一手消息，群組再更新。祝大家好運。

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【港股應唔應該再博反彈？】

大家都知道，上個月期結日大跌嗰陣，我已經指出，只要下晝能夠回升上24900點（下圖），就可以博反彈。結果大市真係跟劇本走，只用三個交易日就直衝26,000點。

今次呢波下跌，同上次極為相似，大市跌穿牛熊分界線25600點之後，開始明顯轉弱。

好多朋友都問我，而家仲博唔博反彈？

我只能講，今次同上次唔一樣。上次係極端情緒反轉觸發，但今次好似大家都已經預咗會跌。

假如今朝大市恐慌式下跌到24200點、IV爆升，仲有機會搏一搏；但而家睇落，更似會進入一段悶局。

因此我都唔敢同上次咁大膽去搏反彈，寧願先觀察市場反應再作決定。

嚟緊space x上市好大機會吸引大量市場資金，到時會唔會「反高潮」見底？大家拭目以待啦。

特別注意: 不二之選群組只餘下少量空缺，有興趣的朋友馬上點擊下方留言連結了解更多。

【想要成為一個好的交易者，首先要對自己極度真誠】

經常有人問我：「你日日喺網上分享睇法，唔怕講錯俾人笑？」
老實講，我真係冇呢個顧慮。

就好似上星期，我話即使有阿爺打擊跨境炒股的壞消息，恆指都未必會大幅回落。
結果啪啪打面，連跌兩日。雖然我手持的9888在反彈時表現出色，基本上睇錯方向之下都冇蝕錢，甚至仲有倍數賺，但錯就係錯，我唔會過度掩飾。

因為我深信，對自己極度真誠，是交易員在市場上長期生存的必備條件。
市場會長期獎勵持續做出正確決定的人，而幾乎所有錯誤的根源，都唔係市場本身，而係——自我欺騙。

當一個交易員不夠真誠，會發生三樣致命的事：
第一，美化錯誤
虧損不再是策略問題，變成「今日運氣差」；止損不再是紀律，變成「再等等啦，可能會返嚟」。錯誤被不斷合理化，最終形成穩定輸錢的模式。
第二，扭曲系統
唔係市場唔配合系統，而係自己不斷改規則去迎合情緒。結果系統冇真正優化，反而失去所有邊界，交易徹底淪為情緒賭博。
第三，高估自己能力
盈利就歸因自己叻，虧損就推畀市場、外界。呢種認知偏差，會令佢喺關鍵時刻過度加大倉位，最終被一次大回撤直接打爆。

交易的核心，從來就唔係預測市場，而係管理自己。
只有對自己極度誠實，你先有資格長期留喺牌桌上，最終成為贏家。

特別注意: 不二之選群組只餘下少量空缺，有興趣的朋友馬上點擊下方留言連結了解更多。