Vanilla Garden - Handmade Artisan Soap - 美 . 手工皂

28/08/2025

今朝一早醒來，發現已有156位朋友填過送出手工皂的表格。

大吃一驚！

因為我只預備了40份手工皂。我今天已經將手工皂用順豐寄出給頭40位填表的朋友。你們的名單我已登在這裡。收到手工皂的朋友，因為皂沒有獨立包裝，請自行用密實袋或密實盒妥善收藏。

今次收不到手工皂的朋友不要失望，很快會有下一輪的送出，到時會按今次的填表順序一路送出去。

多謝你們喜歡手工皂。

27/08/2025

工作室存放着一堆已熟成的手工皂，適合用來冲凉或洗面，我想將它們送給懂欣賞手工皂的朋友。

手工皂已包裝為一盒4件，當中可能有苦楝皂，羊油皂，或單純的椰棕橄皂。手工皂隨機入盒，不能選擇款式。

因為想慳功夫，我沒有修皂，沒有獨立包裝，亦沒有提供詳細成分。介意醜皂的朋友請勿索取。

手工皂會只會用順豐寄出，運費到付。因為我不定期在工作室，抱歉不設自取。

有興趣索取的朋友請填寫以下資料. 先到先得，送完即止。

27/08/2025

23/08/2025

只能用一個亂字來形容工作室的狀況

太多冇用的材料及已用舊了的工具一直唔捨得棄置,。心諗: 或者將來會有用，先放一旁。但心知肚明，再放多十年八年，呢堆冇用的東西，最終的命運都係會去堆填區。

呢兩日終於的起心肝，重新整理及規劃工作室的空間，目標係區間出打皂，車縫及烹飪3個區域。整理好之後再來跟大家分享。

工作室有好多已熟成的皂要送出，下星期會有送出的安排。想要手工皂的朋友這得留意我呢個page.

21/07/2025

由零開始說起……

大概於2016-17年我剛開始做手工皂的時候, 個人比較喜歡看外國YouTuber 的影片, 學習她們的配方設計, 用色及渲染技巧. 其中一個我很喜歡的YouTube channel 叫Handmade in Florida. 頻道主人Zahida用的顏色都非常獨特, 令人望上去感覺舒服, 可以用優雅來形容她的配色. 她每一件手工皂都是藝術品. Zahida是一位業餘的手工皂愛好者. 以往每隔幾個月她都會有一批新皂上架, 而往往她的皂都會於上架後一兩日內被一掃而空. 我有幸曾經買到數件她的手工皂….. 可惜近幾年Zahida已沒有再推新皂上架, 亦沒有再更新她的YouTube channel或instagram account.

有興趣看Zahida以往的video可以到以下連結
https://youtube.com/?si=kB049qprCiwOSDjB

Zahida最擅長的渲染技巧是in the pot swirl 及butterfly swirl. 兩種看似簡單的技巧, 但要做出令人驚艷的效果就一定要對色彩配搭有獨特的眼光.

近來又開始打皂, 決定模仿Zahida常用的分層+ in the pot swirl 來打了3款皂. 用了3隻我十分喜歡的fragrance - White Tea & Ginger (Nature’s Garden), Jade (Bramble Berry) 以及Lilac (Bramble Berry).

配方如下, 有興趣打渲染的朋友不妨試試.

椰子油10%
可可脂20%
芒果脂20%
橄欖油50%
減鹼5%
水量是NaOH量的1.5倍

添加物: 蠶絲, 高嶺土, 椰奶(油重5%), Fragrance (油重5%), 雲母粉

17/06/2025

好耐冇見, 大家好嗎？

原來我有半年時間完全冇打理這個page了!

這半年, 一直專心學習. 終於寫完份paper, 做埋presentation, 成功畢業, 攞到個Master of Science in Cosmetic Science degree. 讀左差不多4年Cosmetic Science, 對皮膚及護膚品有更深入的了解, 亦改變了我對護膚品配方及製作的一些想法. 有時間會同大家分享.

同一時間於這半年間, 我考到電單車牌, 成為P牌仔. 身邊所有人都唔明我明明已經揸緊四個轆既車, 一把年紀做乜仲咁危險要去考電單車牌…. 其實, 做人好多時做野係冇原因既, 我單純係貪玩, 想挑戰下自己, 唔想被"一把年紀"限制我想做同可以做的事情…但冇諗到考個電單車牌原來咁難 - 我響駕駛學院跌過無數次車, 車扁左不少雪糕筒, 練車練到導師都話怕咗我. 但考電單車牌令我實踐到"響邊度跌倒, 就響邊度起返身", 同埋"放棄好容易, 堅持先係贏家"呢兩個道理. 對於我來說, 考取到電單車牌係我人生一大成就.

這半年, 花了更多時間關心及照顧家人朋友, 亦努力地學習令自己成為更好既人.

停止Vanilla Garden運作已有一年, 近來開始整理網址及教學材料, 認真地去諗, 未來要用甚麽方式跟大家互動.

付上一張早兩日打皂入模既相, 不如由分享手工皂配方開始吧!

10/10/2024

瘋狂左4個月

成功將工作室變成一個車衣間
開始學緊木工
報左名學俄式刮刀畫
去左幾次短程旅行

係時候做返D正經事
就係清油
由今日開始會大量生產手工皂
目標係聖誕前free晒比大家做聖誔禮物

有興趣既朋友記得密密留意我個page

13/08/2024

分享洗衣膏配方同做法既video出左喇！希望推動到買開洗衣膏的你們改為自製.

呢條片表面上係關於洗衣膏既片，實際上係我練習拍攝手法既片.

我一路剪輯呢條片既時候一路都好感動. 因為由一開始我對相機，鏡頭，燈光，剪片軟件一竅不通，到今時今日剪輯到一條我覺得睇得下，係我想要既mood既片，真係一步一腳印，花左好多心機，時間(用年去計)同錢(買器材)去摸索.

我好想响做到分享資訊之餘能夠療癒到我既觀眾，因為我曾經被其他人分享既video療癒過，令我得到放鬆，令我見到事物的美好.

希望你喜歡我既video, 亦希望你見証我的進步.

最近我微調了一下我的洗衣膏配方一如以往, 洗過的衣服光潔亮白, 無需添加柔順劑衣服也柔軟. 改良後的配方不易出水, 洗過的衣服着上身一整天也有淡淡的香味 (當然視乎你添加甚麼fragrance oil/essential oil, 我最喜歡的是Nature's Gar...

13/08/2024

很抱歉

本身諗住工作室結束營運之後我會好得閒，有時間同大家分享手工皂同護膚品配方

但自上一個post, 分享我完成埋我嗰個3年都未埋尾既布袋仔之後，我既車縫潛能就被激發起

近排瘋狂地車衫，買左好多本教車衫既書同纸樣，又買左唔知幾多米布

日車夜車，有時响工作室車到晚上12點，好熱血

今日终於車完第一件我覺得手工唔太差，可以着出街既衫

雖然我微胖既身形其實唔適合着呢D咁多皺褶皺褶既衫

但容許我自high一下我覺得件衫...好鬼靚

手工皂同護膚品配方分享係一定會做的

但只係以慢一D既速度進行.....

22/07/2024

歷時3年零8個月
终於車完

#第一次車拉鏈
#接近完美