聖言中學天文學會 Sing Yin Secondary School Astronomy Club

大家好！我哋係2025-26年度聖言中學天文學會！
又係一年一度嘅學會招募，唔知你哋有冇諗過宇宙究竟有幾遼闊無邊呢？🌌🌌🌌

今年天文學會嘅活動包羅萬有，包括有太陽觀測活動☀️，天文望遠鏡工作坊🔭，觀星活動🪐，仲會分享唔同嘅天文知識🤩

鍾意觀星或者想了解浩瀚宇宙嘅你，千祈唔好錯過今次機會，請加入天文學會！🌠🌠🌠

全港學界天文問答比賽2025在剛過去的星期六圓滿結束

在剛過去的星期六，聖言天文在全港學界天文問答比賽中，面對來自全港29隊精英隊伍，過關斬將，最終兩隊均進入決賽，榮獲冠軍及優異獎！

🏆 冠軍
4E 官崇禮
5E 伍日朗
6E 沈力恒

🎖️優異獎
3B 梁健韜
4E 羅泓哲
4E 羅皓程

比賽過程中我們沉着冷靜，並且過關斬將，最終取得冠軍，實在是過去一個月準備最圓滿的結局，實在可喜可賀！

#聖言天文 #三連霸

🌟 聖言中學 55 周年開放日・天文學會星象廳講座 🌟
今個週末開放日，天文學會除了會在地下舉辦展覽，更有我們睽違已久的星象廳講座環節
【CELESTIAL ODYSSEY 星空巡禮】【COSMOS IMAGING 拆解天文攝影】
📍 新清水灣道38號 聖言中學一樓 傅一民堂
📅 6月29日
⏳ 每場限30人，需預約
🎫 請於地下天文學會攤檔即日取籌，先到先得，額滿即止。
☄️【CELESTIAL ODYSSEY 星空巡禮】
場次：12:30｜13:30｜15:00
在這場講座裡，我們一起欣賞大自然給我們最壯觀的禮物——夜空不一樣的美，更會細說一些近期天文現象以及星座故事
🌌 你知道夏季大三角時夜空中的那幾顆星嗎？
🌠 若果天氣晴朗，抬頭你會看到什麼星呢？

📸【COSMOS IMAGING 拆解天文攝影】
場次：12:45｜14:15
拍星空不只是拍張照片那麼簡單，
📸由魚眼鏡到望遠鏡，由銀河到拍攝深空天體
🌠 從香港以手機，相機及望遠鏡等等設備可以拍攝的天體
最後更會帶大家走出香港，逃出這座被光害籠罩的城市，看看究竟在絕小光害的地方能夠拍攝出什麼？

開放日當天，歡迎你走進星象廳，仰望頭頂的無垠星河。
讓我們一起欣賞宇宙的壯麗，細味這份大自然給我們的禮物。

#聖言天文 #星象廳

聖言中學55週年開放日
天文學會展覽
📍 地點：聖言中學地下 攀石牆外展區（新清水灣道38號）
📅 日期：28-29/6
⏰ 時間：
6月28日（星期五）15:30-18:30
6月29日（星期六）10:00-17:00
🔭 從占星到天文科學：人類對星空的永恆追尋
自古以來，人類便運用天上星星占卜未來,現今人們又用星座來推測他人性格，但這片星海所蘊藏的遠比我們想像的多，時至今日，我們更以科學方法探索宇宙奧秘。本次展覽將引領您從文化視角邁向天文學領域，認識這片星海所蘊藏的無盡知識。

🪐 深空天體攝影特展
精選天文攝影作品包括：
・M31仙女座大星系——距地球250萬光年的鄰近星系
・M45七姊妹星團——年輕恆星組成的疏散星團
它們明明遙遠數萬里，但為何我們仍能透過拍攝來捕捉它們呢？天文攝影和普通拍攝又有甚麼不同呢？

天文攝影透過不同器材記錄宇宙天體，從月球、行星到遙遠的星系皆可成為鏡頭下的主角。不同於日常攝影，它需要極暗環境與面對天體在夜空中移動的挑戰，展現肉眼難以看見的星空細節。

📡 天文觀測實務演示
望遠鏡能捕捉到星空中的微小細節，在今次展覽中我們同時亦會設立望遠鏡給大家使用，觀察周圍事物，幹事們將會從如何尋找、對焦目標說起，理解望遠鏡的光學原理與操作要點。此外，若天氣許可，我們將會實地觀測太陽作演示，細看太陽表面特徵。

大家記得在開放日期間，蒞臨天文學會展覽，探索我們的浩瀚夜空！

天文學會出版嘅50周年紀念會刊《獵星》終於面世啦！

其中包含咗天文學會嘅發展、橫跨幾十屆師兄弟去觀星嘅經歷，以及今年舉辦嘅活動，例如聯校觀星，仲有今年重點天文現象攝記。內容豐富多彩，點可以錯過？

我們將會在每間課室派發兩本，如有額外需要可向學會幹事索取，大家亦可以索取電子版 link in bio 。此外，《獵星》將於學校開放日28-29/8派發，敬請期待！

圖二＆三：《獵星》預告少量內容—玫瑰星雲

大家好！呢排各位同學考完試又放假咁得閒，係咪好似冇咩做咁呢？咁就啱啦，我哋天文學會將會聯同拔萃女書院舉辦聯校觀星夜，到時若天氣許可將可觀察木星，火星等天體。除此之外，當日若果天氣許可，我哋會教大家點樣影到喺星空之下影到星空人像相。無論係想用望遠鏡睇吓唔同星體，定係想飽覧吓個星空，有興趣嘅你哋記得快手啲報名呀！

日期：7/2 （星期五）
時間：1745-2145
名額：25位學會會員
截止報名日期：21/1 2359pm

有興趣嘅同學就快啲去email撳入我哋條link報名啦，咁難得嘅機會切勿錯過啦！😎😎

—C/2023A3 紫金山——阿特拉斯彗星—
聖言中學天文學會及攝影學會聯合攝記

八萬年造訪一次地球—21世紀北半球數一數二亮的彗星。

1.由攝影學會主席 5A鄭璟謙 於大東山拍攝
Sky 135mm 2s f2.8 iso2500 x 55 frames
Foreground 50mm 10s f2.8 iso800 x 5 frames
Captured by Sony a7iii

2.由天文學會主席5E伍日朗 於荃灣西海濱拍攝
135mm 8s f2.8 iso100 x 109frames
Captured by Canon r8, with vixen polarie

相信大家都在近期有聽聞有一顆非常之亮的彗星-紫金山阿特拉斯彗星，佢最光嗰陣視星等達到0等或更光，肉眼可見，但由於其最光時過於接近太陽，以致難以觀測，因此我哋往往會喺彗星最光嘅之前或者之後進行觀測。我地亦都順利喺10月中以肉眼觀測及相機拍攝。

講起彗星，唔知大家會諗起啲咩呢？高達入邊嘅紅彗星馬沙？定係你的名字入面嗰粒彗星有部份碎片分裂咗而撞入系守湖？其實呢啲關於彗星嘅形象都冇錯嘅，就等我哋講吓彗星係啲咩嚟㗎啦！

彗星，由水冰、岩石同埋凍結嘅氣體（如二氧化碳）融合埋一齊組成嘅。咁究竟彗星條尾又係點樣形成㗎呢？就係表面物質因為熱力而溶化背向太陽噴出嘅物質，主要分為離子尾，塵埃尾，以及反常彗尾（和正常彗尾反方向），而因為塵埃尾比較粗，我哋通常睇到嘅彗尾係塵埃尾（如圖所示），而細心觀察亦可以喺圖三見到反常彗尾。

咁彗星係咪行得好快？

係呀，彗星喺越接近太陽嗰陣就會行得越快(開普勒第二定律）。大家如果有留意多啲嘅話，由彗星接近地球至到佢經過咗近日點再遠離地球都係講緊一個月內嘅事。

彗星有機會有碎片？

當彗星太接近太陽而被太陽引力影響，依附喺彗星表面嘅物質有機會剝落而成為碎片，而當啲碎片被地球引力捕獲就好似你的名字入邊咁樣。

#聖言天文

大家好！我哋係24-25聖言中學天文學會！
唔知大家有冇留意我哋過去一個禮拜喺lunchtime睇太陽呢？
冇嘅都唔緊要，嚟緊仲有大把機會😎

對於天文有興趣嘅你，又或者好鍾意抬頭望起夜空中嘅星星，機會嚟啦！
學會展覽及招募日將會喺23/9-24/9 lunchtime 同埋23/9放學後喺禮堂舉行
我哋今年將會不定期觀測太陽，夜晚觀星
在10月觀測彗星
以及舉行聯校觀星，吹氣天象廳等等嘅活動

對天上面嘅星星好奇嘅你，又或者嚟咗我哋上個禮拜睇太陽活動而感興趣嘅你，記得把握機會加入天文學會！

#聖言天文

大家好！話咁快23-24學年就完啦！我哋天文學會今年影咗好多唔同嘅天文相，其中更（有同學）遠赴台灣合歡山，拍攝銀河，星團等等！以下就係我哋嘅作品啦！

1. 北極星下的火流星-攝於台灣清境
2. 南天星流跡-攝於中國酒泉
3. 銀河-攝於台灣清境
4. M13 武仙座大星團-攝於香港中文大學
5. M45 七姊妹星團-攝於台灣合歡山武嶺
6. M31 仙女座大星系-攝於台灣合歡山武嶺
7. M42 獵戶座大星雲-攝於香港沙田
8. M16 鷹星雲&創生之柱-攝於香港中文大學

以上作品由
20-22 天文學會主席 黃柏源師兄
23-24 天文學會主席 4E伍日朗
23-24 天文學會幹事 3D官崇禮
所拍攝

#聖言天文

大家好！我哋天文學會將會聯同伊利沙伯中學天文學會 舉辦聯校觀星夜，到時若天氣許可將可觀察木星，蜂巢星團等天體。除此之外，當天亦都準備咗不同天文遊戲俾大家玩。錯過咗我哋上次聯校嘅同學，今次名額多咗記得快手啲報名呀！
日期：2/2 （星期五）
時間：1800-2130
名額：20位學會會員
截止報名日期：29/1 1000pm
有興趣嘅同學就快啲去email撳入我哋條link報名啦，咁難得嘅機會切勿錯過！

#聖言天文

大家好！我哋天文學會將會喺嚟緊星期五19/1舉辦天文分享會。到時將會分享一啲基本天文知識，例如基本天體運行，同天文有關嘅數學。無論係對天文有興趣，定係唔滿足於課堂內容，抑或想鞏固已有知識，都歡迎參加。有興趣嘅聖言仔記得萬勿錯過啦！
日期：19/1
時間：1545-1700
地點：201室

#聖言天文 #天文分享

本會與嘉諾撒書院天文學會在昨晚（15/12）舉行了聯校觀星夜🌌
我哋非常多謝邀請我哋一齊舉辦聯校觀星嘅嘉諾撒書院天文學會 🤩🤩，昨晚亦非常幸運地好天，順利觀察到獵戶座四邊形🥹，七姊妹星團以及木星。

我哋亦都感謝各位參加者嘅踴躍參與，令活動順利進行，希望大家喺尋日嘅活動都了解更加多天文知識。想知道更加多天文知識嘅你，亦都隨時歡迎搵我哋天文學會幹事

想知道更加多天文知識嘅聖言仔，記住踴躍參與我哋日後嘅活動呀😎😎😎

✨⭐️🌌

#事隔兩年我哋終於有聯校活動 #奇蹟嘅一晚開天