Silva for QC

Silva以85票之差，未能成功當選來年學生會，Silva在此感激210名選民對我們的支持，並期望Vatra能兌現競選承諾，帶領皇仁走得更前，為皇仁增添色彩。

社際排球昨日舉行首輪賽事，Stewart先後以25：21，15：12，直落兩盆擊敗Tanner；Wright則以1：1與Dealy打成平手，礙於今日下午人數不足，兩隊將於下星期二再戰。

就友黨今早的選舉論壇回應，Silva現作出以下回應

選舉論壇過後，Silva已經為同學跟進有關個別餐廳嘅福利問題。The Pudding Nouveau方面，Silva已經向該餐廳負責人反映情況，負責人坦言問題嘅成因係在於負責人同員工嘅溝通失誤，而負責人亦承諾往後會提醒員工實行該免加一嘅優惠，琴日（26/9）Silva亦派員到餐廳進食，確保該餐廳員工有執行免加一嘅優惠。

至於台灣郎方面，由於同學於一點後埋單，所以先未能享用一點前埋單免加一嘅優惠，而總綱未有註明『一點前埋單』，Silva就此向受影響同學致歉。

友黨今早嘅論壇回應中指我黨冇資格質疑其福利工作，Silva希望同學明白上星期為冷靜期，Silva已盡快為同學跟進有關問題，至於我黨有冇資格質疑友黨嘅福利工作，就交由各位同學定奪。同時，友黨同學於多個問題上仍未作正面回應，包括舉辦EKI是否空頭支票、以及宣傳過百條IES問卷的可行性。

以下選舉論壇後，本黨對友黨、現任內閣及台下發問嘅回應，希望同學可以細閱，明辨是非。

選委會提問
1. Halloween party嘅玩法有咩革新？唔係過往嘅d-game加狼人feature咩？

我哋嘅Halloween party革新嘅地方係在於遊戲玩法；今年嘅玩法係由d-game轉為家傳戶曉嘅遊戲 狼人殺。

參加者將會分成8至10人小組，當中有2個係狼人。村民盡可能完成10個Tasks同估邊個狼人，而狼人要暗中做Tasks同隱藏自己身份，啫係狼人同村民各有tasks。做完每Round都會俾關於狼人嘅hints，如果狼人做到佢嘅task，我哋就會俾假hints誤導村民；相反如果村民做到佢嘅task，我哋就會俾真hints幫助村民搵狼人。

最後嘅贏家分為村民同狼人。
村民： 每組要估中自己組嘅狼人
完成最多tasks（計分）
狼人： 隱藏身份，唔好俾人估到

如果8成狼人冇俾人估到就狼人贏；相反夠8成就村民贏。

我哋喺Halloween party加入呢個革新嘅玩法，務求吸引多啲同學參與。

2. 如何確保所有學界賽事可以進行直播及得到平等機會宣傳？

Silva從未有承諾直播所有賽事，礙於資源所限，Silva會儘量直播校內活動，方便同學喺課餘時間觀賽，並配合各學會需要而直播其活動。

至於學界比賽，Silva會喺情況允許下直播重點賽事，吸引同學支持校隊。另外，宣傳方面，Silva會定期整合所有學界、班際、社際比賽的賽程同結果，以便同學短時間內了解各賽事資訊，同時Silva會確保資訊嘅真確性，並唔會偏頗任何一個學會或校隊。

Vatra提問

1. 友黨陳倬楠同學指九龍華仁書院已經落實舉辦EKI，並指我黨「資訊outdate」。

本閣已向九龍華仁書院學生會候選內閣Aspire查詢，有關同學指該校只有一個學生會候選內閣參選，而該內閣已經同本閣達成協議，除咗同本閣舉辦EKI外，該內閣唔會同其他黨舉辦任何活動。再者，Aspire表示冇向本校發出任何有關活動嘅正式邀請，意味EKI係未落實會搞。本閣唔知友黨指會舉辦EKI嘅承諾係唔係為咗令友黨嘅活動篇多啲聯校活動，達至助選嘅效果，而冇經求證嘅情況下胡亂向同學開空頭支票。

2. 同時，友黨陳倬楠同學指九龍真光中學學生會不想與我黨合辦活動。

首先，本閣聯絡嘅九龍真光中學學生會內閣Aurora已經喺選舉中順利當選。

其次，本閣指九龍真光中學學生會內閣不會同友黨合辦活動，係因為本閣與Aurora簽嘅合約條約列明 “Once you have submitted this form, cooperation with other cabinets of Queen's College is not allowed.”，而並唔係友黨所指「唔想與我黨合辦活動」。本閣希望有關同學作為公關部主任，回應前認真思考有關言論嘅正確性，唔好為咗令台下起哄而胡亂諷刺本閣。

再者，本閣與Aurora已經達成協議，如果有幸當選後將於4月舉辦Game project，詳情請回顧我哋已經派發嘅活動篇。

3. 友黨指出我黨獨家優惠餐廳The Pudding Nouveau亦係其提供優惠嘅餐廳，並質疑我黨資訊真確性。

呢個係一個比較尷尬嘅情況。事源係該餐廳嘅負責人與Silva及Vatra兩黨各簽訂咗一份提供獨家優惠嘅合約。

本黨合約中提及

「本閣乃皇仁書院2018-2019年度學生會侯選內閣Silva。現誠邀貴商戶________________與本閣簽定合約，為本校學生提供優惠 。合約一經簽訂，必須得到雙方同意方可解約。(註: 簽定合約後，貴公司不能與本校其他內閣簽訂優惠合約)」

，相信友黨有關合約中都有類似條款。本黨相信事源係負責人疏忽，責任唔喺本校任何一個內閣，希望友黨同各位同學了解事件。

合約內容請閱附上嘅圖片。

4. 友黨表示我黨派發嘅宣傳單張、folder等多處出現錯字，認為我黨做事馬虎。

我黨承認嗰啲錯處係源於我黨疏忽，實屬我黨無心之失，但唔小心絕對唔等於我黨黨員唔認真、馬虎了事。

日後Silva會對此多加留意，避免同類事情重蹈覆轍。

5. 友黨指我黨總綱中Christmas V-Show下嘅描述與F6 Inter-class嘅描述只有些微差別，而“V-Show”的錯處只以塗改帶更正，而友黨發現錯處則以貼紙更正。相比之下，質疑我黨做事馬虎。

我黨承認總綱嘅錯處係我黨嘅疏忽，但我黨已經作出即時修正，希望友黨與同學諒解。

選舉論壇嘅前一晚（即20/9/2018），我黨收到總綱嘅1000份正本，並即時發現當中文膽出現錯處。由於當時已經係夜晚8點幾，所有售賣有關貼紙嘅印刷商已經過咗營業時間，因此我黨成員立即以最快捷嘅方法進行修改，務求於一日後將總綱喺論壇送到俾大家。

至於友黨認為相比之下我黨嘅補救工作較馬虎，我黨則有保留。友黨有充裕時間喺活動篇嘅錯漏進行補救工作，而我黨實在時間倉促，唯有先作簡陋嘅更正，至少能一定程度地確保資訊正確地發放。假若我黨有充足時間，必定作出更美觀嘅修正。

在此，Silva希望友黨同各位同學諒解，並會避免同類事件再次發生。

6. 友黨質疑我黨獨家福利之一西貢嘅訂飯優惠描述含糊不清，質問若果需要訂飯應該於早會前定十點半前。而且，若同學需要使用該優惠則只可向一位黨員落單，但同時於福利篇指「向我哋任何一個落單」，係唔係向大家開空頭支票？

我黨承認訂飯的時間並唔清晰，經與店方協調後，西貢的訂飯時間係10點半前，我黨明白10點半前訂飯對同學嚟講未必方便，但希望同學理解時間係店方提出，我黨亦需要時間整理資訊致電店舖落訂。

至於搵我黨成員落單方面，我黨成員從未指出過只可以搵一個成員落單，友黨同學有此見解係源於言語上嘅誤會。

台下發問

1. QC好聲音疑似抄襲中國好聲音?蒙面機制之有效及可行性?

QC好聲音只係參考有關節目嘅名稱，目的係為咗清晰表達俾同學知呢個活動同歌唱比賽有關，就好似Vatra嘅宣傳片「Vatra職業特工隊」一樣，參考電影—職業特工隊。Silva希望同學嘅好聲音能帶嚟共鳴，令大家可以喺sing con入面享受音樂帶嚟嘅樂趣。

此外，蒙面機制實屬可行，而同學亦可以穿著服裝表演，加上評審老師在初賽時背對學生，呢啲措施都可以令比較怕醜嘅同學更想參加，令各位參加者發揮得更好，亦都確保賽事之公平性。

2. 傳聞指Silva有黨員食電子煙及染髮?被質疑會否影響學校聲譽?

成員吸食電子煙係一個好嚴重嘅指控，Silva唔明白點解友黨同學喺完全冇任何實質證據嘅情況下，誣捏本閣成員，並散播完全未經證實嘅謠言。

Silva明白友黨同學求勝心切，但希望同學唔好用一啲虛假嘅黑材料攻擊我哋。同時Silva亦希望同學唔好人云亦云 ，作為有批判性思考嘅皇仁仔 ，要判斷消息嘅來源是否可信。

至於染髮方面，我黨承認喺8月15日，Instagram發佈嘅宣傳海報當中，葉有軒同學嘅髮色確非黑色。發佈該相片前，為咗確保最佳效果，我黨為照片進行調色，然而，發佈當晚，我黨當時錯誤地將一張經過度調色嘅照片發佈至IG，但由於發佈咗若干時間後，先發現有關問題，經黨員商討後決定唔重新發佈，而照片嘅正常版本則可參閱Facebook同9月3號派發嘅個人介紹。

我黨相信「謠言止於智者」，而我黨亦唔希望因為呢啲嘅流言蜚語影響大家對Silva嘅信任，甚至係導致皇仁聲譽受損。為咗避免以後再有類似嘅謠言出現，Silva亦會請各成員從自身做起，互相監督，更加注意自己喺校外校內嘅一言一行。

3. 有中六師兄指申訴 · 樹未在中六班房外停留予佢地申訴，問Silva有否漠視佢地申訴的權利?

每一個QC仔都係同等重要嘅，我黨係會尊重各個年級同學嘅權利。如果Silva喺推申訴樹嘅時候，真係冇點喺中六班房外停留，加上當日申訴部主任回應質詢比較激動嘅態度，而令到師兄有呢個誤會，Silva謹此致歉，並承諾往後將會更加留意各位同學喺唔同方面嘅需要。

除此之外，Silva亦鼓勵大家以不同渠道表達意見，例如使用Google form或者喺FaceBook或Instagram專頁私訊Silva等等。而Silva亦喺申訴樹推出冇耐之後就拍咗一條片回應申訴，顯示出我哋相當重視同學嘅意見。Silva將會汲取今次嘅經驗，加以改善，必定會留意每一個細節位，唔會因此而忽略咗任何一位皇仁仔。

4. 電競學會係唔係真係可以成立？有咩因素影響學會成立？

電競學會絕對有成立嘅可能，根據凌副校所講，校方最大嘅擔憂係現時有太多學會（55個），學校好難搵到足夠嘅同學去負責學會，擔心再成立學會會導致其他學會人數不足。

Silva 當然明白到開辦新學會並唔單只係人數多少嘅問題，若然有幸當選，只要校內有一定聲音希望成立學會，一定會積極同校方商討有關事宜，並認真審視各方面嘅問題。

以下係一啲友黨喺論壇冇正面回答過嘅問題，供同學參考。

1. 友黨嘅獨家合約內容入面有一項條款「若本閣落選，合約將自動作廢。」本閣質疑友黨擬定有關合約內容嘅目的只為作宣傳用途，只考慮及友黨利益而漠視QC同學福祉。
合約內容請閱附上嘅圖片。

2. 友黨如福利篇中提及會提供Bounce嘅優惠，但係Bounce喺香港嘅唯一分店已經於2017年8月下旬結束營業，現時只有澳洲分店仍然營業。友黨不斷指已向Bounce嘅官方電郵申請提供優惠而且已經達成協議，唯友黨同學唔知Bounce於2017年已經結束營業，試問如何提供福利？本閣質疑友黨同學查證工作極為馬虎，向同學開空投支票，並冇資格指責本閣。

3. 友黨稱 錦尚甜 為其獨家優惠之一，但 錦尚甜 其實係HKFSU提供嘅優惠。本閣並非否認友黨與 錦尚甜 嘅合約唔成立，但Silva同Vatra都係HKFSU嘅會員，友黨竟然冇查證welfare list就標明 錦尚甜 係友黨獨家優惠，查證工作極為馬虎。再者，就算同學唔係HKFSU嘅會員都可以查閱welfare list，友黨貴為HKFSU會員都竟然唔知，令人難免質疑友黨嘅查證工作出現問題。

4. 現任內閣Comet質疑友黨來年7月財政能力足唔足夠應付兩個Camp，友黨司庫回答時竟指出可以將成本「分期付款」，並唔知道需要預訂營地，本黨因此質疑友黨有冇能力在7月舉辦兩個camp。再者，友黨與真光女書院舉辦嘅talent camp，友黨所聯合嘅內閣已經落選，當選內閣Aurora亦表明唔會與友黨舉辦該talent camp。

5. 友黨於福利篇中提及會提供SC房貯存服務，但被問到一旦出現失竊情況，友黨竟指一切後果由同學自己承擔。本閣並非對友黨人格有任何質疑，但如果責任在於友黨黨員，後果都係由同學承擔嘅話，係唔係一個唔恰當嘅做法呢？同學應該慎重考慮使唔使用SC房貯存服務。

6. 本黨質疑友黨提供嘅IES福利嘅可行性，友黨指出會整合F5同學嘅IES問卷連結，並放置在Album內，本黨質疑將過百條連結放置喺Album內可否達致宣傳作用，並質疑放置連結嘅順序會否導致公平問題，然而友黨喺論壇回應中亦未作出任何解釋。

【Silva提提你】各大院校InfoDay

之前咪仲有幾間U未出Info Day嘅，而家有喇！我哋Silva都極速將資訊送俾大家！想知道各間大學嘅資訊?梗係要去佢哋嘅Info Day啦！想去睇吓又唔知幾時有得去?等我哋Silva話你知啦！各大Info Day嘅日子如下，得閒就去攞吓贈品啦！唔係！得閒就去參觀吓啦！

HKUST 29/9
PolyU 6/10
BU 13/10
CityU 13/10
CU 20/10
EDUHK 27/10
Ling U 27/10
HKU 3/11
OU 3/11

【 】

又多日假！？你冇睇錯呀！由於公共交通尚未完全恢復正常，部分學校仍受塌樹等情況影響，教育局宣佈星期二繼續停課一天。大家開心之餘，唔好唔記得幫我哋清理校園嘅職員呀~ 開學之後，不妨同佢地講返聲多謝！

http://www.info.gov.hk/gia/general/201809/17/P2018091701226.htm

【 】受颱風山竹影響，教育局宣佈咗聽日停課喇！未做哂功課嘅你都可以抖抖喇！Btw記住留喺安全嘅地方呀！

http://www.info.gov.hk/gia/general/201809/16/P2018091601018.htm

【 】各大院校InfoDay

話咁快就九月中啦，相信唔少中六同學都投入翻備戰狀態，準備嚟緊嘅DSE🤧而八大院校亦會喺近期陸續舉辦Info Day，Silva就喺下低列明咗其中四間大學Info Day嘅日期同時間，比大家參考 :3 (p.s.礙於其餘院校至今仍未有公佈相關詳情，Silva之後會儘快開post補翻)

想更了解自己心儀院校嘅資訊，就mark低下面嘅日子同時間，記住到時去啦🙈