言語治療 Let'S Talk

言語治療 Let'S Talk Contact information, map and directions, contact form, opening hours, services, ratings, photos, videos and announcements from 言語治療 Let'S Talk, Education, Hong Kong.

22/09/2026

閱讀理解分數唔好，其實可以有好多唔同原因。

有啲小朋友係認字有困難；有啲係讀得出，但腦入面形成唔到畫面；而其中一類，家長特別容易忽略：學生唔係睇唔到資料，而係組合唔到資料。

例如題目問：「點解文文有砵仔糕食會咁興奮？」

小朋友可能好快就答到：「因為砵仔糕好美味。」

但文章入面可能仲有：熱辣辣嘅砵仔糕、姐姐細個請佢食嘅回憶，以及自己考試考得好就有得食砵仔糕嘅經歷，呢幾樣嘢放埋一齊，先至構成咗砵仔糕對佢嚟講特別嘅意義。就好似一幅 Puzzle，小朋友可能每一塊都見到，但未必知道點樣拼埋一齊。所以你會見到，有啲小朋友可以應付短答，但一到自己完整作答，就只講到部份答案，未能將幾個重要條件組織成一個完整答案。呢個時候，單純叫佢「睇清楚啲」、「諗多啲」或者「做多幾題」，未必真正幫到佢。

所以，「閱讀理解唔好」只係一個結果，背後嘅原因可以完全唔同。如果未搵清楚小朋友真正卡住嘅地方，只係同所有人一齊做同樣嘅練習，未必可以真正做到對症下藥。

17/09/2026

如果你想像大腦係一個水桶——

個桶本身有漏，你再倒幾多水落去，都未必留得住。

普通補習，主要係將學校要學嘅知識、技巧同題型倒入去。

個別言語治療，就會透過專業評估，仔細了解個別孩子個「桶」點解漏、漏喺邊度，再按佢獨特嘅情況去處理。

而學習小組，係另一個層次。

既不是取代個別言語治療，亦並非普通補習。

有唔少孩子喺學習過程中，都有一啲常見嘅「漏水位」。所以小組會用一套有系統嘅方法，預先幫孩子加固呢啲位置，建立更穩固嘅學習能力，而唔係盲目再倒多啲水。

而係要先令個桶接得住水。

所以，如果一個小朋友已經試過唔少補習，但學習成效始終唔理想，我會建議家長停一停諗一諗：

可能小朋友唔係要再加一個老師，而係要換一個方向。

學習無quick fix。

有時一條唔啱嘅鎖匙，你開一百次、一千次，道門都唔會打得開。

但換一把鎖匙，可能就會發現——

雖然道門一直都喺度，但係條鎖匙唔啱，所以先開唔到。

今次中文學習小組，除希望精益求精嘅孩子，亦歡迎學習上有較明顯需要嘅學生。我手上一條未必係唯一一條鎖匙，但可能正正就係呢一條可以打開你孩子學習嘅大門。

如果你覺得孩子一直好努力，但學習始終好似隔住一道高牆，歡迎聯絡我了解一下。

16/09/2026

生活，真係最好嘅修煉場。

做我哋呢一行，最難嘅地方就係——
好多學生根本唔明白，點解自己要上堂。

學生小B喺學校遇到一件事。

有同學話佢講粗口。小B其實有嘗試解釋，但因為表達能力唔算好，加上平時成日將「I don’t care」掛喺嘴邊，所以當佢真係想為自己辯解嗰陣，冇人信佢。

最近一次上堂，小B竟然冇再問：「點解我要上堂？」

反而自己提起咗呢件事。

再同佢傾，佢突然停咗一停，罕有地眼濕濕咁點頭。

嗰一刻，佢好似終於明白：

原來學溝通，唔係為咗交功課。
係有一日，當你受咗委屈，你有能力將自己講清楚。

家長可以保護得幾好，但總有一啲時候，父母唔會喺身邊。

同學未必會幫你，老師亦未必有時間由頭到尾了解成件事。

而一個小朋友如果有能力清楚表達自己、講出界線、為自己辯解，身邊嘅人接收到嘅訊號亦會唔同。

呢一點其實好重要。

有時候，校園入面嘅相處未必咁簡單；有啲表達特別弱、比較唔識處理人際情況嘅小朋友，可能會令人覺得比較容易被針對。

唔係話能力弱就一定會遇到欺凌，
而係有能力保護自己，本身就多一重保障。

所以我一直相信，真正重要嘅能力，未必全部寫喺成績表上。

父母唔喺身邊嘅時候，
小朋友自己有冇能力處理？

有事發生嘅時候，
佢有冇能力講清楚、保護自己？

呢啲，先係會跟住佢一世嘅能力。

唔好等到落後，先諗住補救。
有啲能力，應該趁未有需要之前，先修好。

低價代售，有興趣請留言或pm 95% 新
14/09/2026

低價代售，有興趣請留言或pm

95% 新

14/09/2026

數學考試九十幾分，家長自然會覺得：個仔個腦唔差㗎，計數又快，又識諗，點解一去到中文英文，就好似另一個人？

中文閱讀理解問「為甚麼」，答非所問；英文問「Explain your answer」，只得一句很短的答案。老師再追問：「你點解咁諗？」小朋友就開始支吾以對。

家長最容易得出一個結論：佢係語文差。

但其實未必。

因為數學同語文要求小朋友展示思考嘅方式，本身已經好唔同。

數學好多時有條路俾你行：睇條件、搵數字、揀方法、計算，答案出現。小朋友就算唔係好識講自己點諗，只要方法熟練，都可以攞到一個幾靚嘅分數。

但中文英文就冇咁客氣。

篇文章冇人話你邊一句最重要，你要自己揀；人物冇直接話「我好傷心」，你要由佢嘅行為推斷；問題問「為甚麼」，你唔可以淨係講結論，仲要講得出你根據邊啲資料咁樣判斷。

於是有些小朋友會出現一個幾矛盾嘅情況：

佢有答案，但冇辦法交代答案點樣得返嚟。

「你點解覺得佢唔開心？」

「因為佢唔開心。」

「你喺邊度睇到？」

「……我覺得囉。」

家長聽到呢度，通常已經開始嬲：「你究竟有冇睇㗎？」

其實有可能佢真係睇咗。

只不過，佢腦入面嗰啲零碎資料，仲未整理成一條可以講俾人聽嘅思考路線。

香港學校嘅考試文化，最容易令人忽略嘅，正正就係呢一段。

我們很習慣問小朋友：「答案係咩？」

卻未必有耐性問：

「你點樣知道？」
「你根據咩？」
「如果題目改少少，你仲識唔識？」
「你可唔可以講返你中間點諗？」

於是小朋友可能愈做愈多題，答案愈來愈熟，卻未必愈來愈懂得解釋自己。

這也是為甚麼，有些數學九十幾分的小朋友，中文英文卻長期卡住。

未必係佢個腦唔得。

亦未必係佢懶。

而係數學幫佢行過一條比較清楚嘅路，語文卻要求佢自己建構嗰條路。

真正困難嘅，往往唔係「搵答案」。

而係由「我覺得係咁」開始，走到：

「我知道點解係咁，而且我可以講俾你聽。」

這一段，才是真正的思考、語言和學習能力開始接上的地方。

所以有時孩子需要先修的，唔係做多啲。

而是諗到答案嘅嗰套方法。

#十月小組報名 #語言訓練 #邏輯思維

做練習唔一定係越多越好，有機會係越多越亂 😵‍💫尤其係家長做圖卡練習嘅時候不自覺地頻繁切換主題，每題都換新故事（一下子爆水管、一下子又去露營、一陣又食雪糕），學生不斷要花額外精力去理解新畫面，又點樣去專注學習新內容？ 同樣地都係練習連接詞，...
12/09/2026

做練習唔一定係越多越好，有機會係越多越亂 😵‍💫

尤其係家長做圖卡練習嘅時候不自覺地頻繁切換主題，每題都換新故事（一下子爆水管、一下子又去露營、一陣又食雪糕），學生不斷要花額外精力去理解新畫面，又點樣去專注學習新內容？

同樣地都係練習連接詞，單一主題 先可以產生強烈「邏輯對比」：講緊同一個故事，換咗連接詞，句子重點就完全唔同了。

Work hard 都要 Work smart 😉

十月中文小組都會做同類練習 ~

想要連接詞練習，留言 +1

11/09/2026

「補」 ——就係有啲嘢穿咗、爛咗，我哋先諗起要補。

屋企漏水，補。
件衫穿咗，補。

但小朋友又唔係屋企條水喉、又唔係衫褲鞋襪 🤣 點解我哋又好自然咁用同一套邏輯？

英文差，補英文。
數學差，補數學。
閱讀理解差，補閱讀。

點解我哋唔可以進取啲同小朋友一齊先做好預備功夫，非要等到破爛，先嚟亡羊補牢？

你嘅小朋友唔係一件爛咗嘅物件呀 ～

好多時小朋友唔係冇能力，喺佢哋自己個腦入面本身已經有好多知識，佢哋只係唔知道幾時去用，所以成日都會唔識得「睇題目」、唔識得理解文字背後嘅深層意思，成日都要老師同家長「畫公仔畫出腸」；日復一日，年復一年，不斷補習、不斷漏水，永遠離唔開老師同埋家長，只要條題目一轉，又唔知由邊度開始。

與其補習，不如「先修」。

未等落後，先修其法。

修小朋友面對問題嘅方法 —— 做題目之前，先停一停。

「我個腦入面，有咩工具可以用？」

題目要我留意咩嘢資料？
邊個係關鍵詞語？
條問題係要我比較、推理、分類、連結？
如果呢個詞我唔識，我可唔可以靠上文下理去推理？

呢啲先係真正可以帶住小朋友走得遠嘅嘢。

所以，「先修」唔係等小朋友有難題、跟唔上、成績跌咗，先走去修補。

我認為唔需要等個窿出現，先諗辦法補返個窿，呢個窿未出現之前，先將承托佢嘅能力建立。

小朋友需要嘅，唔係盲目做更多題目，而係需要有人帶佢睇見：

「原來我自己個腦，係有方法嘅。」

有興趣讓小朋友一齊小組學習嘅家長，歡迎你留言 +1
我會安排年齡能力相若嘅小朋友，一齊學習處理中文科更好嘅方法。

09/09/2026

過去一段時間，我研究唔同出版社不同年級的閱讀理解/ 重組句子/ 排句成段練習，大部份對於邏輯同埋語言比較論盡嘅學生嚟講實在太難，就算學生勉強知道問題問乜嘢，其實都唔識得答，更加唔好講題型五花八門，就算有去補習，效果都好有限，因為其實都冇處理到佢哋個腦袋handle唔到咁多資料嘅限制 🫠

過去服務初小同高小學生嘅時間，我嘗試調整咗唔同出版社嘅補充練習題目，用一個比較合乎邏輯、同埋有系統嘅形式去幫小朋友去答題，我唔會吹晒水咁話上完我個班，小朋友全部入晒名校 DSE 5** 🤣🤣🤣 但起碼能夠做到唔抗拒，願意投入參與郁吓個腦，大人小朋友都已經覺得好安慰了 （係呀，唔放棄已經係贏咗一半），而且小組有個好處，家長經濟負擔較輕，小朋友亦可以互相刺激思考，氣氛亦係意外地好 ~

有興趣了解的家長歡迎留言 +1 ，再聯絡你睇睇是否可以配對到現時正在上課的學生，年級/能力不限，跟能力組合，完成小組就等如同小朋友開開心心咁完成咗本補充練習，好過你買完之後擺喺屋企，個個都唔願意掂 😆

07/09/2026

你站在客廳喊了第三次吃飯了，躺在沙發上的那個青少年連頭都沒抬一下，彷彿在那一刻暫時喪失了聽覺功能。

但就在幾秒鐘後，他的手機在茶几上輕輕震動了一下，他幾乎在三秒內就彈起來拿起手機回覆訊息，嘴角還帶著掩飾不住的笑意。

很多家長遇到這個經典場景，第一反應是委屈，接著是火大。我們很容易把這種沉默寡言、叫他都不理的行為，歸結為心理學上的「叛逆期」，甚至覺得「他就是故意在跟我作對」。

但史丹佛大學醫學院的一項最新研究，要告訴你一個殘酷卻能讓你瞬間釋懷的真相。

他根本不是叛逆，也不是不愛你了，而是他的大腦，已經正式把你降級成了背景音。

這項發表在《神經科學雜誌》上的顛覆性腦科學研究，找來了 46 名發育正常的兒童與青少年。科學家做了一件非常巧妙的事，他們把受試者分成 7 到 12 歲的低齡兒童組，以及 13 到 16 歲的青少年組。

接著，研究人員讓他們躺進功能性磁振造影（fMRI）機器裡，播放他們自己媽媽的聲音，以及兩位完全陌生的女性聲音。

為了避免受試者因為聽懂了話語的內容而產生情緒波動，科學家故意讓這些聲音念出毫無意義的假詞。這等於是強行把所有的語意干擾剔除，硬生生地將焦點鎖死在「說話者的聲音」這個最純粹的物理特徵上。

在這裡，我們要先澄清家長心中最深的那個委屈：他到底有沒有聽到我說話？

答案是有的。

數據顯示，所有參與實驗的兒童和青少年，在辨識媽媽聲音的行為測試中，正確率高達 97.7%。

也就是說，這群 13 到 16 歲的國高中生，每一次都清楚聽見了，而且他的大腦極度精準地辨識出「這是媽媽的聲音」。他不回話，絕對不是因為沒聽出來。

真正發生翻天覆地改變的，是大腦深處的能量分配機制。

史丹佛的研究團隊在掃描全腦功能時，捕捉到了一個極具戲劇性的逆轉。對於 7 到 12 歲的小孩來說，媽媽的聲音是無可替代的生物學發光體。

當這個階段的孩子聽到媽媽說話時，大腦中主管獎賞與社交評估迴路的核伏隨體（NAc）以及預設模式網路（vmPFC）會瘋狂放電大舉活化，活躍程度遠遠超過聽到陌生人的聲音。對小學生來說，媽媽的聲音本身就是強效的快樂泉源。

然而，當研究切換到 13 到 16 歲的青少年組時，這條生存曲線直接發生了不可逆的翻轉。

當這群青少年聽到不熟悉的非家庭成員聲音時，核伏隨體和前額葉 vmPFC 區域的活躍度，竟然史無前例地壓倒了母親的聲音。大腦的獎賞迴路開始對外部的新鮮聲音產生強烈的化學反應。

更驚人的是，數據模型精確地算出了一條「神經偏好切分線」。

這個決定社交重定向的腦功能偏好轉變，不偏不倚，精準地發生在 13.5 歲至 13.8 歲之間。就在這轉瞬即逝的幾個月裡，青少年的大腦硬生生地踩下了對媽媽聲音的煞車，把注意力和動機的重心，全速撥向了外部的同伴圈子。

男孩和女孩的大腦，都在這個年紀經歷了高度同步的轉向。

科學家進一步排除了聲音頻率、音調高低等物理特性的干擾，證實這場神經逆轉，完全是大腦對聲音背後社交價值的深度重塑。從童年走向青春期，大腦的社交腦區域正在進行全面升級，它對社交訊號變得極度敏感，但在獎賞核心層面，卻主動對母親的聲音「脫敏」，對陌生同伴的聲音「通電」。

這意味著什麼？這意味著指望青春期的孩子還像小時候那樣，一聽到父母的聲音大腦就釋放大量獎賞訊號，是在對抗人類的演化本能。

這種獎賞通路的叛變，不是孩子的主觀故意，而是一套極度精密、寫在人類基因裡的自適應機制。

大腦正在透過這種硬核的物理方式，逼迫這個未成年的個體從家庭的安全網裡抽離出來。它強迫孩子去探索外面的世界、去建立非家庭的社會同盟，這是一場為了讓他們未來能夠獨立在社會上生存，所必須經歷的腦力暖身。

這要是搬到台灣的客廳裡，其實給了我們一個極度清晰的教養解答。

既然煞車不是他自己踩的，是基因大腦踩的，那你硬要靠「多講幾次」或是拉高音量把油門搶回來，只會讓場面變得更糟。因為他的大腦皮層，現在已經不負責給予你獎賞訊號了。

這段時間是大腦在把人往外推，去學習怎麼當一個真正的大人。身為家長，你要換的是你的位置，而不是你的音量。

把那個總是衝在最前面、確保他一切安好的守護者角色放下，退後兩步，變成一個只在必要時提供支援的顧問。這很難，因為我們總覺得他們還是那個需要牽著手過馬路的孩子，但史丹佛的核磁共振圖已經明明白白地畫出了那條界線。

下次，當你因為孩子盯著手機笑、卻對你的呼喚充耳不聞而感到失落時，深呼吸。你可以釋懷地在心裡告訴自己：這傢伙的神經網路發育得挺正常的，他正在練習離開我。

你家那個幾歲開始，喊他要喊第三次？ #樂樂
(示意圖／AI生成，僅作為新聞說明輔助使用)

要教小學生分辨近義詞例如：無奈、無辜，運用高對比度嘅圖畫係一個好嘅方法，小朋友一睇就知雖然兩個情景都會遲到，但如果係因為乘客同司機嗌交，咁就係「被連累」= 無辜 慢慢就可以培養到一個思考模式，下次要分辨近義詞嘅時候，諗一諗牽涉嘅人數同埋身份...
04/09/2026

要教小學生分辨近義詞例如：無奈、無辜，運用高對比度嘅圖畫係一個好嘅方法，小朋友一睇就知雖然兩個情景都會遲到，但如果係因為乘客同司機嗌交，咁就係「被連累」= 無辜

慢慢就可以培養到一個思考模式，下次要分辨近義詞嘅時候，諗一諗牽涉嘅人數同埋身份，就知道邊個詞語先係正確嘅選擇，唔需要「靠估」。

大家知道點樣用AI生成呢啲對比圖畫嗎？

Address

Hong Kong
852

Website

Alerts

Be the first to know and let us send you an email when 言語治療 Let'S Talk posts news and promotions. Your email address will not be used for any other purpose, and you can unsubscribe at any time.

Contact The School

Send a message to 言語治療 Let'S Talk:

Shortcuts

Featured

Share

Category