Mia Wong English

👋我又大一歲啦😬仲健在，托賴🙏祝大家同我一樣，心無罣礙 ，悠然自得🥰

新年，應吓節，送張長輩圖過你哋😬心想事成，萬事勝意🎉😉

當世界變得越來越複雜嘅時候，連啲學生都變咗啦，點會諗到初一二三都話要加堂🙂‍↕️但係新年流流冇理由托你哋手踭，好啦好啦，大家學業進步咁話啦吓😉👏👏👏

www.miawong.hk

👋大半年冇見啦😬恭喜我今屆DSE學生順利入到大學，亦恭喜小六學生成功升上Band 1A中學🎉你哋繼續為你哋嘅人生努力，我亦都繼續賞花賞月賞你哋交嘅文😆

2023係好特別嘅一年，回歸自由身，轉型私人補習。遇到一堆搞笑嘅學生，令每日開工都係一大樂事，人都變得young咗😬感激一切微妙嘅安排🙏我令你哋進步，你哋令我大開眼界。
2024雖然繼續好忙，但秤過後，我寧願呢期生命對地球有所貢獻，都唔想百無聊賴咁過。Again, 感激所有嘅安排，perfect timing🥰

#2024眾生和平快樂
#今期生命精進無悔
#好讓來日滿足回顧

《老謀深算的小五生》

香港學生，有「狡猾年輕化」。
明明小三時英文全班第十，小四升到第一，搞乜小五跌返落第三。作為長期偵探上身嘅補習老師，我勢必要火速搵出原因！
「點解最後三題你留空唔答？唔夠時間做？太深？突然肚痛？鬼揞眼？」可以原諒佢嘅藉口我已經諗晒。
「我專登嘅！Yeah！」（激死老師搵山拜系列）
「四年班咪考過第一囉，結果呀媽話我係可谷之才，唔好嘥咗我呢個奇才，要我再補多啲習，仲辛苦過以前考第十嘅時候。我今次冇咁笨呀，我識答都特登唔答！」
完全顛覆咗我做咗幾十年人嘅思維，當我以為大家仲好努力爭取第一，原來依個世代嘅人好努力咁去學掩飾自己才華。
「Mia老師，你都唔使咁盡力教㗎，教到我每次100分，阿媽就會唔使你，然後叫我去補第二科㗎啦。你唔見每次睇醫生食一轉藥都唔會好返晒㗎咩？你都醒目啲啦。」
𡃁妹，你好嘢。。。。。。

#突然醍醐灌頂
#佢醒定我蠢
#好唔好同佢阿媽講

當我問學生verb form裡面咩係「p.p.」？答案層出不窮：「pardon please」「present perfect」「preposition」「perfect pronoun」「past person」「phrase preposition」「pp tense」「perfect participle」😅 我高估咗大家對Grammar嘅認識，同時又低估咗大家嘅創意😆👏👏係「past participle．過去分詞」呀！😬祝大家中秋節快樂🎉🥰

《外星人》
教小學生唔係易事，佢哋太多嘢講！1小時課堂，會想用你45分鐘純傾計。要平衡「壓制」與「滿足」求知慾，真係少啲經驗都唔得。

我教緊生字：「Extraterrestrial，外星生物」
「Mia老師，係咪真係有外星人㗎？」
（嘩，依個topic我可以同佢傾足半年。）
「有都唔出奇吖，宇宙咁多星球，有生物存在都唔係冇可能。」
「咁佢哋勁唔勁㗎？」
「有啲智慧應該高過地球人，超碼有能力visit 地球，我哋都未可以隨時飛去其他星球。」
「咁即係好叻果啲人就係外星人啦，你咁叻，你一定係外星人。」
「我唔係呀，就算係都唔會話你知，費事你驚。」
「（懷疑嘅眼神）你係嘅！你變身比我睇啦，變綠色吖，變啦變啦x 10。。。」
「真係唔驚？嗱，我變啦，睇住呀！」
「咪住先咪住先，恐唔恐怖㗎？啲皮會唔會甩出嚟㗎？我好驚呀。」
「都話你驚㗎啦，所以外星人係唔會咁坦白話你知佢係㗎，冇啦啦做咩要嚇你啫？！」
「不如咁，你唔好突然間變，你變之前問咗我可唔可以先。」
（妖！）
「你識讀我個名先算啦，ex.tra.te.ˈrres.tri.al呀，識串埋你先可以再問我關於外星人嘅嘢。」
（終於可以講番筆記，phew!）

教唔晒，又要補番10分鐘課時比佢。佢聽日返學一定會話晒比所有人知自己個補習老師係外星人。。。唉。


#但我唔介意
#因為佢哋多數都幾搞笑

《靈魂使命》
凌晨4am-5:30am上堂！昨晚破了記錄，人生第一次凌晨教書。隨着越來越多人移民，做補習這一行都需要適應時差。愛人問我，做咩要就學生時間，點解唔就自己？你唔明白，當你享受一件事，根本可以不分晝夜。如你有試過唱通宵K到凌晨5:30am，你會明白我心情。

「你變咗！」係，我認我變咗。當年20歲出頭，每日喺班房教教教，放工吃喝玩樂後再備課，每月最緊張就係下期學生人數。工作滿足感來自學生嘅不離不棄，以此証實自己教書能力比別人強，此乃當年工作之最大樂趣。

到了30多歲，經過多年事業上拼搏，想休息一下，做自己喜歡嘅事：學風水命理，了解宗教，探索外星人，周遊列國，識多啲唔同背景嘅朋友。

人到40，想刷存在感：點解我要生存於地球？沒了我，地球照樣運作，何解要有我？有日我在澳洲悉尼塔上食自助餐，口中享受生蠔，眼裡欣賞風景時，突然有感悟：「我不想一個快樂，是我過去不自覺。」

我以為「盡早退休，享受人生」便是皇道，後來倍感無聊；輕鬆但不真正快樂，自由但不安然自在。決定重新投入工作，繼續教英文！我相信宇宙間有感應，心想便事成，迎來一個接一個主動搵我嘅家長及學生。為咗唔想再成為麻木嘅教書發聲機器，我決定現階段只接受單對單或小組教學。似乎一切是最好的安排，透過對談嘅模式上堂，我同學生都在低壓力下自動成長。見到佢哋成績有進步而開心，我感受到我嘅存在價值。

原來我需要透過教書先拎到生存最大嘅滿足感，活到這年紀，有了人生經歷，才終於得出這結論。看來每個地球人都有靈魂使命，你找到屬於你的嗎？ 學生們，請盡量逗留，「盼望能伴著你，還分享我感覺。」


#以生命影響生命
#靈魂使命

唔好以為移咗民就唔使補習!😅聯絡我嘅舊生佔咗50%係叫我幫手教英國試：11 Plus/ SATs/ GCSEs/ A-Level。仔女要同當地local人鬥英文，係輸蝕一啲，唯有將勤補拙，技巧取勝💪呢份係英國11歲小朋友嘅考試題目，你哋啱幾多？😬(答案在留言)

#天下父母一條心
#望子成龍
#補習冇對與錯
#有人真係好鍾意讀書
#亦有人真係好鍾意教書
#學英文最重要係方法
#唔係狂做練習就得

「你仲有冇開班？啊仔要搵你補習」過去一年比舊生問得最多嘅問題。出賣年齡系列，補完阿媽到個仔😅為確保教學質素，只提供有限度服務，不便之處，敬請原諒🙏😬

課程資料：www.miawong.hk

#補英文
#停唔到
#就係鍾意教
#你快樂所以我快樂

Mia Wong | English Mia Wong English tutor - DSE_English, Secondary school S1-S6, Primary school P1-P6

喺果園即摘嘅水果，你哋會唔會唔洗就食？尋日試咗，今日未肚痛😬

我想寫番Xanga，無奈佢消失得無影無蹤🤦🏻‍♀️如果我開YouTube Channel，你哋有冇興趣睇呢？掙扎中😖