有種部隊 Guts Army

【裸聊勒索末日？】

曾經嘅2020年，我地開咗個POST教師兄弟遇上裸聊勒索最緊要冷靜：
https://www.facebook.com/photo/?fbid=3169107073315874&set=a.478173341009227
而且一直都教開，就算中咗招，幾大蛇咬都唔認條片係自己，都係一律話假嘅，DeepFake嘅。

當年幾乎每個月都有幾單個案Inbox我地救助或幫家人查詢(最有印象嘅係有個家姐打電話嚟幫自己細佬處理呢件事，家姐打嚟查詢之時，已經畀個騙徒呃咗出街話只要轉完數就會當面DEL)

最近兩年，數埋手指嚟查詢裸聊勒索師兄弟，用兩隻手指已經數得哂。

係咩原因導致裸聊勒索嘅查詢有明確嘅下跌呢？

當然，頭一位一定係Meta搞到我地個觸及率大幅度地下跌啦，無人睇到我地，又點會查詢到呢？

其次，根據警務處治安報告資料顯示，2024年全年共錄得得3,031宗勒索案，當中2,434宗與裸聊有關，是最主要增長項目；而數據更新至2025年6月23日，警方接獲約170宗「裸聊勒索及援交」騙案[1]。因為無實證統計，我地唔會知道係咩原因令到裸聊勒索相關騙案大幅度下跌，但對比起2025年起全球盛行嘅AI圖片及短片製作技術白熱化及普及化，不難想像要生成一幅任何人嘅裸照或短片，仲要幾可亂真嘅，只係需要幾個Token，而且有手機有Apps人人都可以做到。去到呢個程度，所有圖像或短片嘅真實性已經達到幾乎每人每日都會諗緊：「其實我所見到嘅嘢到底係咪真係果樣嘢呢？」咁嘅思維。

因此，收到一個唔識嘅人SEND一段你唔知係咪真實嘅短片畀你時，而片中又係你朋友自慰嘅短片，身邊嘅人第一反應已經同5年前唔同：「嘩，咁流架，我都整到啦﹗」(佢甚至乎或者已經整過，只係無同你講而已)。

係呢個氛圍之下，透過圖像或短片勒索已經唔能夠成為一個人嘅「死穴」，當全世界都無人信係真，咁呢一份「武器」又有咩嘢用處呢？

但另一方面，科技發展有利亦有弊，既然生成任何人嘅裸照或短片只係彈指之間嘅事，好明顯就會有另一批人，會將自己一直以來對某人嘅性幻想具現化出嚟，咁就形成咗另外一個社會問題：「當性幻想被帶到現實生活當中留有實體證據，咁仍然係叫做性幻想嗎？定係已經升格到對別人的性及人格的冒犯呢？」

AI，令世界關上了一扇詐騙勒索之門，卻又打開了另一道道德爭論之門；

[1]：https://www.police.gov.hk/offbeat120/scam/64_nude-chat-scam.html

#裸聊勒索末日
#性幻想具現化

#記得將我地專頁設定為搶先看呀

***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
想查詢HPV化驗或者想打HPV 9價疫苗，問問MY PLACE(52268394)啦
https://myplace.org.hk/get-tested/mycheckup/?lang=zh-hant
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

如何有效解決早洩問題：
不定義標準時間

【檢討受害人】

曾經，有位女士係酒吧飲醉咗畀人性侵。然後有位官講：

「女性唔應該飲到咁醉。」

今日，有四名男士飲醉後畀人「執屍」性侵。然後又人講：

「男人去飲酒要好好保護自己個菊花。」

他朝，無哂酒吧無哂酒無埋夜生活，人人只得返工返學返廠返寫字樓，但仍然有人被性侵：

「都話咗唔好出街最安全架啦﹗」
「都話咗自己一個人最安全架啦﹗」
「都話咗阿媽生得我醜就最安全架啦﹗」

我地係咪要學南非嘅女性咁，部份女性佢地出街係會先戴定女性安全套入陰道，以防萬一被強姦都可以預防感染愛滋病。

#本末倒置的世界
#悲觀源於發現自己原來乜都做唔到

#記得將我地專頁設定為搶先看呀

***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
想查詢HPV化驗或者想打HPV 9價疫苗，問問MY PLACE(52268394)啦
https://myplace.org.hk/get-tested/mycheckup/?lang=zh-hant
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

【世紀難題：究竟喺香港改變邊個觀念最難？🤔】

好多人仲停留喺「愛滋病 = 濫交/生活唔檢點」嘅思維。如果要扭轉呢個根深蒂固嘅觀念，到底有幾難？🤔我地搵啲嘢嚟對比一下丫：

Level 1：對比拉開Tesla車門：第一次坐老友架車，喺門把摸索咗五分鐘都開唔到，老友話「撳呢度拉出嚟呀」！好喇，出過一次醜，你下次就秒識。因為這只是物理新訊息，毫無道德包袱。

Level 2：對比搭地鐵「兩邊企定定」：港鐵宣傳咗咁耐「兩邊企定定唔好行」，大家明知咁樣安全啲，但一去到金鐘站急起上嚟，右邊咪一樣變咗快線？因為習慣行為受制於生活節奏，要改，難過叫人戒宵夜。

Level 3：對比「吃太多雞蛋高膽固醇」：其實醫學界一早澄清咗食物膽固醇不等於人體膽固醇，但阿媽到今日見你食第三隻蛋仲係會依依哦哦。這屬於舊觀念根深蒂固，科學證據都要向幾十年食鹽多過你食米嘅長輩讓步。

相比之下，糾正愛滋病嘅標籤，係上述三者嘅終極合體再乘多十倍！因為佢唔單止係接收一個新訊息，例如U=U咁（對比就好似開Tesla門），更要對抗人類對「性」與「道德」嘅內建批判（好似食蛋咁嘅偏見）。大眾總想將愛滋病感染歸咎於「個人品格問題」、「係gay圈嘅問題」，嚟換取自己「唔會中招」嘅安全感。

其實愛滋病只係一個病，唔係一種「性生活態度」。病毒唔會睇你份人「乖唔乖」，佢只係睇你有無不安全性行為。就算你一生人只係得一個伴侶，就算你百份百相信佢都好，只要嗰一次無戴套，同樣都有機會中招。🛡️

要改變對一種事物的標籤，要熟知一個新訊息，要學習一套新習慣，的確係要花好多時間先可以，何不就由今天開始坐言起行呢？今晚就同身邊人正式講句：「戴套，只係一種保護，同個人品格無關！」

#愛滋病只是一個病
#並非一個態度
#打破標籤
#坐言起行
#記得將我地專頁設定為搶先看呀
***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
性健康知多啲 – 常見性病資訊，幫你區分係咪瀨嘢
https://myplace.org.hk/sexually-transmitted-diseases/?lang=zh-hant
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

【HIV - 現代四問】

Q1:「現今醫學進步，HIV 已被視為慢性病？」
高達 68% 網民選擇 NO（不知道）

解：其實自90年代中期，有咗雞尾酒療法之後，愛滋病係臨床醫學上已被視為慢性疾病，而且係2000 年代初期成為全球醫學界嘅公認共識。

Q2:「同 HIV 感染者發生性行為一定會被傳染？」
27% 網民選擇 YES

解：事實上，愛滋病已不再是絕症, 目前已被視為如同糖尿病、高血壓一般的「慢性疾病」。現今藥物極為有效，感染者如接受治療並能持續抑制病毒以達至無法檢測的水平，就不會透過性接觸傳播愛滋病病毒－即『測不到＝傳不到』(U=U)

進步與憂慮：我們打破了技術迷思，卻打破不了固有標籤？

Q3:「做 HIV 檢測一定要抽血驗？」
✓ 100% 網民選擇 NO

解：我們樂見這個結果！社會對「快測」的接受及信任程度已經非常高，清楚了解檢測有方便快捷的選擇。但問題是對於檢測本身，社會依然存在著嚴重的道德標籤及污名。

最後一題的結果，最讓我們深感憂慮：

Q4:「一定係濫交先去做檢測，好人好者點會中 HIV！」
依然有高達 23% 的人選擇 YES

解：HIV 的傳播取決於是否存在風險性行為，而非性別，也與個人的品德無關。這正正是關懷愛法推行 的核心原因。當社會將「做檢測」等同於「私生活不檢點」，這種道德審判就會變成巨大的心理高牆。因為害怕被貼標籤、被批判，許多有進行有風險性行為的人選擇逃避檢測、延誤治療，最終反而有機會加劇社區傳播風險，愛滋病（HIV）和所有疾病一樣，它只是一個需要被科學對待、預防與治療的健康議題。

#性健康 #測不到傳不到

【Gym Room食了死貓，但Gym Room不說！】

最近好多人都流傳去Gym做「尖」會染到HPV，再加上人地場館深層清潔嘅舉動，杯弓蛇影，搞到大家「操野」時都人心惶惶。喂，其實呢個講法完全係以訛傳訛。

首先要分清楚，引致子宮頸癌或尖銳濕疣（椰菜花）嘅HPV型號，超過99%都係經由親密性接觸傳播。而美國CDC及多項臨床數據(醫學資料庫 StatPearls)都有指出：

1. 呢類HPV病毒離開人體後，喺乾燥、硬質嘅健身器材表面極難存活，靠摸啞鈴、單車把手傳染生殖器HPV嘅機率接近0%；

2. 雖然研究指人一生有超過80%機率感染HPV，但絕大部份都係經性行為發生同操肌無關。

宜家你就話知道邊個邊個有HPV感染先話驚，咁隔離果啲人呢，人地唔講係咪就唔駛驚，定係唔驚得咁多？深層清潔完就唔會有HPV感染人士上去？更甚者，又會有幾多人知道自己個感染狀況而唔會周圍去？

其實認清感染風險，就唔駛嚇到無面啦﹗各位師兄師姐，放心去操野啦，Gym room嘅啞鈴係無辜嘅！




#記得將我地專頁設定為搶先看呀

***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
想查詢HPV化驗或者想打HPV 9價疫苗，問問MY PLACE(52268394)啦
https://myplace.org.hk/get-tested/mycheckup/?lang=zh-hant
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

【關於HPV感染你可能不知道的事】

1. HPV係世界上有過二百種型號，但唔係個個型號都會引發疾病，但當中都分開高危及低危兩批型號；

2. 高危型HPV目前主要有14種，包括：16、18、31、33、35、39、45、51、52、56、58、59、66、68型；低危型HPV主要包括：6、11、40、42、43、44、54、61、70等
型號；

3. 有性生活嘅人士，一生中有80%機會會感染最少一種HPV型號，可見HPV其實係一種普遍存在係社會嘅病毒；

4. HPV主要係透過性行為接觸皮膚、黏膜或體液感染。所以，共用GYM Room唔係主要令你感染HPV嘅地方，反而係睇你地係GYM Room內做過啲乜啦；

5. 愈活躍嘅性生活，愈多嘅性伴侶，感染到嘅HPV型號就有可能越多，曾經見過可以多到買到兩注六合彩；

6. 感染高危型HPV主要引起癌症相關病症，而感染低危型HPV則會引起皮膚疣，包括十分麻煩嘅性病疣(即尖銳濕疣、亦即「椰菜花」)；

7. 根據衛生署數據，男性感染椰菜花嘅數字係比女性高出2.5倍；
https://www.aids.gov.hk/english/surveillance/stdaids/vol31_1.pdf

8. 有90%以上的「椰菜花」係嚟自感染HPV 6及11引起；有72%嘅子宮頸癌係由感染HPV 16及18引起，但係亞洲社會嘅女性，感染HPV52及58係一個比較高嘅趨勢，而且同樣都有機會引起子宮頸癌；

9. 值得一提：如果有使用過口部發生性行為，口腔亦會有機會感染HPV，而感染HPV 16亦會可能導致頭頸部位等一系列癌症發生，如舌癌、咽喉癌、口腔癌、扁桃體癌等。而頭頸癌嘅案例，男士比女士高出2.2倍；

10. 因此，口交時使用口交套或口交膜，唔係只係用嚟隔住陣味，仲可以減低細菌及病毒感染嘅機會；

11. 90%嘅HPV感染都可以係24個月內透過自體免疫清除，而唔能夠清除到，再加上持續反覆感染者則有機會引起嚴重疾病。關鍵：擁有一個健康嘅免疫系統。

12. 如果你做一次HPV檢查已經有感染到高危型號的話，就要需要進行更詳細檢查，如組織化驗、柏氏抹片檢查等，以判斷器官有否受到病變影響；

13. 坊間有好多唔同嘅機構都有不同數量的HPV檢查服務，有2+2, 12+2, 28Types, 33Types 及49Types，市民可以按自己需求選擇合適的檢查；

14. 目標，全球最多人施打嘅HPV疫苗係9價疫苗，當中涵蓋6,11,16,18,31,33,45,52及58共九種型號；

15. 越早接種HPV疫苗，係感染之前就已經保護免受HPV感染，呢一個係目前世界對抗HPV感染嘅策略。香港政府宜家已經安排小五及小六嘅女性學童免費提供HPV 9價疫苗。9-14歲人士只需接種2劑，15歲以上需要接種3劑，即可得到保護；

16. 如果已經不幸已經中咗某些型號的HPV，是否仍然可以打HPV疫苗？「可以的，雖然對於已經中咗嘅型號沒有保護力，但對其他型號仍然有效的。」

17. 如果已經不幸已經中咗某些型號的HPV，打HPV疫苗能否幫助清除到已中招型號？「目前未有研究證實疫苗可以有助清除病毒，現時清除病毒主要都係靠自身免疫力。」

18. 目前，打HPV疫苗係未有法定針假，請勿嘗試好似小編咁攞張疫苗接種記錄卡返公司同老細Claim假；


#但你地都要知

#記得將我地專頁設定為搶先看呀

***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
想查詢HPV化驗或者想打HPV 9價疫苗，問問MY PLACE(52268394)啦
https://myplace.org.hk/get-tested/mycheckup/?lang=zh-hant
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

【誰傳染給誰？】

呢兩日大家都爭住睇電視，想了解呢單花邊新聞嘅來龍去脈：「籃球教練疑隱瞞性病一腳踏n船，害多名少女慘染生殖器官病變。」

到底係一個人感染性病，係應該誰要負上「責任」？

性病，顧名思義係透過性接觸傳播嘅疾病，而當中最主要係透過不安全性行為而導致。性病嘅類別有好多種，除咗大家都一定聽過嘅愛滋病外，梅毒、淋病、疱疹、衣原體、滴蟲、陰蝨、「椰菜花」嘅尖銳濕疣等等。以上種種都有機會透過性行為而感染，而且，不同嘅性病都會有不同嘅潛伏期，有啲可能三兩日就病發，例如淋病；又有啲可能要長到9個月後先會發出嚟，就好似椰菜花咁，完全可以係因人而異。

目前，基本上正確使用安全套，已經可以有效隔住大部份嘅性病傳播。

幾位女士今次經籃球教練而感染性病，那麼，籃球教練又係經那裡感染性病？

性病，就好似一條傳播鏈一樣：「……男女…男女…男女女女女…男女男…女男女……女男男男男…」而呢條傳播鏈係唔知幾時，唔知係邊度開始，而如果我地係繼續生活係一個自由戀愛社會，呢條傳播鏈亦都唔會知道係幾時會結束。

只係今次我地抽出其中一節來看，就看到一個男士傳給四位女士，然後下一次，唔知幾時又有另一單花邊新聞，係講緊一個女士傳播給多位男士，而呢啲事情係電視之外，幾乎每日都發生中。

係我地嘅工作上，有一個問題成日都會係接電話期間畀服務使用者問：「如果今次我中咗HPV，係咪即係話確定係佢專登傳畀我？」

其實我地真係答唔到，亦都唔會夠資料回答，因為HPV潛伏期可長可短。就算係其他短潛伏期嘅性病如疱疹等，但我地都唔清楚你性史，亦有可能係對方自己本身都唔知自己有無感染，所以我地唔能清楚咁回答服務使用者，到底係咪佢專登傳畀你。

所以，站在係公共衛生角度，我地只能夠係盡力呼籲：

從來未做過檢查嘅人，有性行為之後，至少都要「測一次」(衛生署嘅呼籲)；
頻密地有發生性行為嘅人士，可以定期每三至六個月做一次；
而發生咗高危性行為嘅人士，就應該自高危性行為起14日後做一次(免費又好自費都好)；
而每一次要發生性行為時，都應該正確使用安全套，減低自己會受性病感染嘅風險；
而對於唔清楚對方性史嘅伴侶，就最好唔好聽佢講太多，堅持使用安全套先係保護到自己；
相對於某些性病有得做額外預防或事後補救嘅，按能力而做，如食PrEP、打HPV疫苗、攞DOXY PEP、緊急避孕藥等；
最後，禁慾係100%有效預防感染性病嘅方式；

以上說法，適用於所有性別及性傾向人士，

#大家都有責任係一段關係中保護自己
#以便對方唔想在關係中保護你時都可以保護自己
#時代唔同
#以前係講啱啱識唔好咁快畀佢
#宜家係講啱啱識唔好咁快畀佢中出
***************************************
師兄師弟師姐師妹﹗立即網上預約或電話查詢(23646677)免費愛滋病及梅毒快速測試：
https://aidsconcern.org.hk/zh/testing-service/bookatest/
***************************************
性健康知多啲 – 常見性病資訊，幫你區分係咪瀨嘢
https://myplace.org.hk/sexually-transmitted-diseases/......
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟諮詢服務啦2394 6677，又或者WhatsApp我地6387 5551都可以架﹗

由即日起，所有籃球教練都能免費獲得愛滋病及性病檢查一次；籃球教練之伴侶亦可免費獲得安全套30個，兩者亦可獲得安全性行為教育一次。

【外母政策？】

講到追女仔，小編就冇乜經驗喇。 但講到教人追女仔呢，就十分在行嘅。喺云云咁多種追女仔嘅方式之中，行「外母政策」（又稱「家長攻勢」）係一種「圍魏救趙」或「曲線救國」嘅戰略。其核心思想係：通過贏得女方家長（尤其是阿媽）嘅好感與信任，建立強大嘅後援，等佢成為你嘅「情路助攻手」，從而增加成功率或鞏固更好嘅感情基礎。

以下係「外母政策」的詳細內容、實踐方法及注意事項，第二度學唔到㗎：

一、 「外母政策」嘅主要內容

建立正面形象： 等長輩們覺得你係一個踏實、有禮貌、有前途且能照顧佢個女嘅人；

獲取「內部情報」： 通過與Auntie聊天，了解佢個女嘅喜好、童年往事、性格地雷或近況；

製造「輿論壓力」： 當Auntie鍾意你時，佢亦會係個女面前幫你講好話，甚至係你們嘈交時幫你調停添；

融入家庭生活： 縮短與女方嘅距離感，將自己從「追求者」提升為「準家人」嘅身份；

二、 咁到底如何實踐「外母政策」呢？

1. 初次見面：禮多人不怪

買手信： 咪以為淨係以前啲人先興，第一次上門或見面，絕對不能空手。要事先向女仔打聽Auntie喜好（例如：喜歡邊種水果、海味或甜品等）；

儀容舉止： 穿搭要乾淨整齊（可以唔駛太正式，但切忌邋遢）。見面時要主動打招呼，I人都要做到，稱呼要得體（伯母、阿姨， 甚至乎講聲靚姐都得）；

2. 聊天技巧：投其所好、多聽少說

讚美戰術： 讚美佢廚藝、讚美佢面色好（唔係讚姿色啊！）、或者係讚佢將個女教得好咁（高明的一手，間接稱讚咗兩個人）。

尋求建議： 請教Auntie關於煮食、生活常識或人生經驗，等佢覺得自己被尊重、有價值；

報喜不報憂： 分享你嘅工作上嘅進步或對未來嘅規劃，適度展現上進心；

3. 行動表現：勤力、可靠

主動幫手： 飯後幫忙收拾碗筷（即使Auntie推辭，亦要表現出意願）、幫忙搬嘢或修理簡單家電（但如果唔得一定唔好勉強）；

記住細節： 記住Auntie嘅生日或節日，Send個祝福msg或送份小禮物等；

4. 關鍵時刻：站在「外母」一邊

雖然未必一定做到你外母，但如果女朋友同媽媽發生口角時，你不要火上加油，要嘗試做「和事佬」，兩邊討好，展現成熟的一面；

三、 必須注意的要點（地雷區）

雖然「外母政策」好有用，但如果處理不當，亦有可能適得其反架：

主角始終是「女兒」：
切記你追嘅係個女仔，而唔係佢阿媽。如果你跟auntie走得太近而忽略女仔嘅感受，女仔會覺得你好煩，甚至覺得你係代佢阿媽監控佢；

切勿繞過女生：
除非關係已經非常穩定，否則不要私下頻繁約Auntie見面或聯絡，這會令女仔感到隱私受侵犯。

千祈唔好做「二五仔」（告密者）：
女仔可能會同你分享一啲佢唔想畀父母知道嘅秘密（例如轉工、抽煙、開支、健康等）。你絕對不能為咗討好Auntie而將呢啲秘密講出來，否則信用破產，神仙難救；

不要顯得太虛偽：
長輩看人好準。如果你只是表面客氣，背後卻對個女仔唔好，一旦被識破，Auntie嘅反對力量會比支持力量更強大。

分寸感的拿捏：
不要太過殷勤到好似一個「阿四」，要保持自信和尊嚴。過分討好會畀人覺得你沒主見或動機不純。

觀察家庭政治：
有啲家庭嘅母女關係緊張，如果你嘅「外母政策」做得太過分，女仔可能會因為討厭阿媽而連帶討厭埋你。要先觀察佢地嘅關係再決定攻勢嘅力度。

總結啦。

「外母政策」嘅最高境界係「潤物細無聲」。讓Auntie覺得你係一個「值得托付女兒終生畀你嘅可靠男人」，當佢會主動同個女講：「我覺得阿XX（你個名）都幾好呀，你可以考慮下喎」時，你就成功咗一大半架啦！

#教你夾餸畀準外母

#記得將我地專頁設定為搶先看呀

***************************************
師兄師弟師姐師妹﹗立即網上預約或電話查詢(23646677)免費愛滋病測試：
https://aidsconcern.org.hk/zh/testing-service/bookatest/
***************************************
性健康知多啲 – 常見性病資訊，幫你區分係咪瀨嘢
https://myplace.org.hk/sexually-transmitted-diseases/......
***************************************
親，做完測試仲有嘢唔明又唔想周圍問人？測試完都放唔低？唔想被擔憂既情緒纏繞住？不如打上嚟我哋全新全面性健康及精神健康平台- 「性事提問(Easy Asks)」-
熱線(真人接聽)：2394 6617 ；WhatsApp(文字或語音)：5122 7312
諮詢服務開放時間：
逢星期一至六，上午10:00至晚上10:00，星期日及公眾假期休息。
一切來電絕對保密﹗