https://hykaviationclub.wordpress.com/

HYK Aviation Club 鄉中航空學會, 123 Kau Yuk Road, Yuen Long, N. T, Hong Kong (2026)

24/02/2021

#018
=========================================

疫苗到貨!

疫苗到港啦!前幾日一架國泰A330運載住一百萬劑疫苗，喺下晝五點安全抵達；正當全城「密切期待」😍😍打針之際，航空業早已準備好，務求安全運送疫苗，為早日結束疫情出一分力！
由每支疫苗等上飛機，去到落機，跟住出發去疫苗注射中心，喺運輸途中保溫非常重要，所以航空公司同埋物流公司都用左唔少特別設備，來去避免疫苗失效。

上機前／落飛機
大型暫存設施、保溫貨車
以「輝瑞疫苗」為例，由於稀釋前需要擺喺零下80度環境內，所以喺上飛機之前、落飛機之後，一定要確保疫苗保持規定低溫。（佢地「中暑」就大件事啦!😨😨😨😨)

物流公司運送疫苗來往機場嘅時候，特別選用恆溫貨車；呢啲車有獨立車載冷氣，所以疫苗就唔怕熱親啦！

去到機場等上飛機，又或者等轉車去疫苗注射中心嘅時候，他們都有「專屬候機室」（大型暫存設施）㗎！🤔🤔🤔

呢啲地方嘅冷氣係唔限量供應㗎（特別嘅貨物總係有特別待遇🤣）

例如輝瑞呢啲貴賓甚至有專區，裡面嘅溫度甚至設定得特別低，果然照顧周到。（見圖二）

上機啦～
恆溫貨艙、保溫貨櫃
高空-80度？！好凍呀！❄️❄️❄️❄️❄️❄️❄️
唔怕😂😂現代飛機嘅貨艙係可以按情況，嚟去特別調節溫度、氣壓😅😅有時候唔係運送疫苗，而係運送動物（例如嚟香港比賽嘅外國馬），就需要將貨艙加壓、保溫（唔係嘅話他們會凍死，甚至乎窒息而死，保險公司賠到甘！）

保溫貨櫃種類繁多，大小各異，除咗疫苗以外，他們仲需要負責運載其他醫療設備（例如係心臟搭橋手術所需要嘅部件，保持貨物溫度；而現時運送疫苗，主要使用「Environtainer 」（可以直接入客機／貨機下層貨艙）（見圖四）。

呢啲貨櫃就用乾冰作為冷凍源，甚至自設冷氣；即使運送輝瑞/BionTech疫苗，要保持零下70度低溫，都毫無問題！

31/12/2020

Wish u’ all hv a nice and prosperous 2021!

新一年航空學會祝各位新年快樂，前程錦繡，衝向新一頁～🥳🥳🥳

03/12/2020

#017

==========================================
當然唔係炸彈啦，唔係小編就早喺舊年「英年早逝」啦😂😂

如果你搭嗰班機有飛機餐食，而且又「食厭」左普通飛機餐嘅時候，其實係可以喺起飛前預約特別餐，好似係素食餐、水果餐、猶太餐之類咁🤔🤔而小編上次就為左滿足好奇心（/del 無聊），所以就預約左猶太餐啦😂

（P.S. 真係好大盒，不過啲口味未必人人都啱，啲肉就🤔🤔雞胸為主）

所以，平時飛機餐真係唔夠食嘅，預約特別餐不失為一個更加選擇。

猶太餐為左符合猶太教飲食規條，所以喺包裝、選材、菜式都有特別設計，仲要喺特別廚房專門烹調（國泰喺香港機場就有咁樣嘅設施）

至於兒童餐...下回分解😂😂

==========================================

17/11/2020

四引擎沒落？越洋飛行傳統不再（下）
=========================================

波音767（圖中為同款客機）成功開創雙引擎越洋歷史之後，三引擎、四引擎仲有一定市場。雖然767飛得遠，但係載客量唔多，所以傳統長途機主力－波音747依舊賣座。另一邊廂，三引擎客機嘅廠商－道格拉斯（Douglas）更加開始研究最後一款三引擎客機MD-11。喺八十年代至九十年代，即使波音767已經飛緊大西洋航線，但係仲有好多長途機，例如香港－倫敦，四引擎波音747一如既往大行其道。

直至九十年代，喺世界各地主要航空公司，以及飛機製造商嘅合作之下，載客量高兼且航程遠的雙引擎客機面世，威脅傳統三引擎、四引擎長途客機市場。

於1995年首飛嘅波音777，憑藉兩部大推力噴射引擎，以及通過多次嚴謹測試，成功獲得「ETOPS-180」許可，跨越太平洋。

波音777取得巨大成功後，空中巴士不甘後人，喺1998年推出航程達13,500公里嘅A330-200，同樣取得「ETOPS-180」，並且喺一啲航空公司底下，執飛長途航班。

到底「ETOPS-180」係咩嚟㗎？佢係由美國、歐洲民航總署按飛機設計、引擎可靠度、航空公司營運表現而核發嘅認證，數字則代表嗰架飛機可以飛咩航線（取決航線距離後備機場方圓多少距離（轉飛時間））例如， ETOPS-120就係「可飛行距離後備機場120分鐘的航線」。

喺ETOPS時數越來越高的時候，四引擎飛機所具備嘅安全性，雙引擎飛機都做到。故此，在燃油及維修成本考慮底下，除咗極少數需要高載客量（如東京－檀香山（夏威夷））航線外，航空公司已經用波音777取代747、A380啦。

=========================================

圖、文、後期處理：5C 陳栢霑

=========================================

08/11/2020

四引擎沒落？越洋飛行傳統不再（中）

==========================================

好耐好耐以前（大概係爺輩），雙引擎飛機嘅飛行路線局限喺「距離後備機場六十分鐘距離」嘅航線，而跨越海洋嘅航線都缺少備降機場，雙引擎越洋基本上唔可能，而且好危險。所以如果爺爺同你講，「我搭過飛機去日本㗎！」咁好大可能係搭四引擎嘅707、 DC-8。以當時英國海外航空（BOAC）為例，由倫敦出發，經三藩市、東京，飛香港嘅航班都由波音707去飛。

隨住科技進步，引擎可靠度提升，四引擎設計開始無咁必要。喺六十年代生產嘅波音727，三引擎設計，但喺安全紀錄好好，同引擎相關的故障非常罕見。所以呢，四引擎設計開始無咁必要，部分中等載客量，但係飛得遠嘅客機，好似係道格拉斯DC-10、洛克希德（最近被中國制裁嗰間美國公司）L-1011，在嗰時都有一定市場。

而雙引擎嘅天下係幾時開始嘅？1977年，空中巴士A300喺「九十分鐘轉飛限制」底下多次越洋；1985年， ETOPS，「引擎唔轉，乘客就要游水」就由波音767開創傳奇。環球航空成功用767飛大西洋路線，以「ETOPS-120分鐘」規矩，由波士頓直飛巴黎。

下集繼續。

==========================================

圖、文、後期處理：5C 陳栢霑

01/11/2020

四引擎沒落？越洋飛行傳統已然不再（上）
=========================================

我好記得自己細細個，第一次搭飛機仲係日航未重組嘅年代。

嗰時仲係波音747作為機隊主力，那四粒大大力嘅引擎，仲有佢個機身，氣勢逼人。

嗰陣時已經係2008年6月。日航早就重組左，747客機早已開始退役了，長途飛行卻換左做一架架波音777。

可能你會問，點解嘅？係唔係同引擎油耗有關？的確，少一粒引擎，油耗也總會少好多。同埋現在啲引擎推力大，但係無以前咁食油，兼且好可靠，即使係長途載貨、載客，兩粒引擎夠晒用。

不過真正塑造今日雙引擎天下嘅原因，並非係油耗，而是ETOPS。

ETOPS？咩來㗎？總之記住呢樣嘢就得：「引擎轉，或者班客游水」。背後嘅故事係點樣？下次再講。

=========================================

圖、文、後期處理：5C 陳栢霑

#2008

22/10/2020

「旅遊氣泡」姍姍來遲？新加坡對港開關，市民反應兩極
==========================================
大家對上一次去旅行已經係幾時？不過近排迎來一個好消息，新加坡同我地落實左旅遊氣泡，最快下個月就可以去旅行啦！
細節安排上，同其他國家對外（例如阿聯酋與印度等十三國）嘅旅遊氣泡大同小異，離境前須持有一定效期嘅檢測證明，同埋到達後要進行病毒檢測；所有費用由旅客自費。
雖然係可以去翻旅行，但係旅行業界人士就認為市民嘅反應唔會熱烈；部分市民對搭飛機仍有憂慮，擔心喺機艙裏面感染。小編就覺得短期內都好難出埠，同學都可能需要等多一兩年......至於學校交流團幾時復辦，難以預計。
來緊除左講航空消息之外，我地會整下其他類別嘅post；大家想睇咩post，不妨留言同我地講。
===========================================
圖、文、後期處理：5C 陳栢霑
（今次主席一腳踢）

26/09/2020

各地飛行體驗活動　參與者誓求一過「旅行癮」（三）
==========================================
泰國：泰國航空近日在其總部二樓開設以機艙主題布置的餐廳，並由當地時間早上九時開始提供各式各樣的商務艙餐飲；顧客可在經濟艙的座椅上，以平均約四十港元的價錢，享用精緻餐點。商務艙座椅僅在下午茶時段由預約顧客使用。
除了坐在飛機座椅上進餐外，顧客須從戶外登機梯進入餐廳，心思獨特，更增添一種去旅行的感覺。而餐廳內更有各類擺設，例如特製A380模型，可一探機艙究竟。雖比起台灣星宇航空連續數月的「偽出國空中之旅」（駐：最近他們更新增了中秋節航班，並在Klook上大受歡迎）較為遜色，但如此獨特且有創意的心思，可見泰航為了擺脫現有困境，可謂施展渾身解數。
==========================================
圖：Thai Airways
文：5C 陳栢霑
後期處理：2C 張肇恒

26/09/2020

各地飛行體驗活動　參與者誓求一過「旅行癮」（二）
==========================================
台灣：多間當地航空公司爭相推出「偽出國」活動
於本年一月初首航，深受當地民眾追蹤的星宇航空，於8月7日舉辦一次「偽出國」航班活動。參加者的體驗豐富，平常搭飛機的流程，如：Check-in、過關、搭接駁車登機，一應俱全；參加者在登機前，更可隨便拍照留念；而該航班由該公司董事長張國煒（人稱K董）執飛，由台北桃園機場起飛，經過釣魚台及東沙環礁上空，再返回台北。該航班188張機票，甫開賣就被一掃而空。而台灣的另外三間航空公司，長榮航空、中華航空及屬下台灣虎航，亦有舉辦類似活動，反應同樣熱烈。
==========================================
圖：Wikipedia Commons (Photograph by Jeffhuang0627)
文：5C 陳栢霑
後期處理：4E林廷軒

21/09/2020

各地飛行體驗活動　參與者誓求一過「旅行癮」（二）
==========================================
台灣：多間當地航空公司爭相推出「偽出國」活動
於本年一月初首航，深受當地民眾追蹤的星宇航空，於8月7日舉辦一次「偽出國」航班活動。參加者的體驗豐富，平常搭飛機的流程，如：Check-in、過關、搭接駁車登機，一應俱全；參加者在登機前，更可隨便拍照留念；而該航班由該公司董事長張國煒（人稱K董）執飛，由台北桃園機場起飛，經過釣魚台及東沙環礁上空，再返回台北。該航班188張機票，甫開賣就被一掃而空。而台灣的另外三間航空公司，長榮航空、中華航空及屬下台灣虎航，亦有舉辦類似活動，反應同樣熱烈。
==========================================
圖：Wikipedia Commons (Photograph by Jeffhuang0627)
文：5C 陳栢霑
後期處理：4E林廷軒

14/09/2020

各地飛行體驗活動　參與者誓求一過「旅行癮」（首篇）
==========================================
受疫情影響，航空公司均停飛，或者削減99%航班。昔日人來人往的航空樞紐，今日水靜河非，一片死寂。但在某些地區，機場卻人滿為患，擠滿了另類的航班與旅客；而又在一些地區，人們在不同與航空相關的活動中，尋回因疫情而失去的飛行樂趣。

香港：民航機師飛行體驗日

這個體驗日是香港專業飛行員協會舉辦的活動，參加者可在平常用於機師訓練的模擬駕駛艙內，由現役民航機師指導，體驗駕駛空中巴士A330／A350。我們其中一位新加入的幹事亦曾經參加，而據他所述，雖然駕駛艙並非航空公司使用的油壓式模擬器，但整體而言仍非常真實。
（續下篇）
==========================================
圖：2C 張肇恒
文：5C 陳栢霑
後期處理：4E 林廷軒

🇭🇰

05/09/2020

柏林新機場終於開幕　德國人效率讓人大跌眼鏡
==========================================
早前我們曾經發布一則限時動態「邊樣起得耐啲」，結果在二十位回答者裏面，有一半人認為鄉中「起得耐啲」，亦都有一半人認為柏林新機場「起得耐啲」；不過，我們的問題正正是想表達，德國人的施工時間，比起鄉中當年的工程需時，可謂差天貢地！

正當我們每天看新聞報導，每天在心裡暗罵港鐵延誤超資，浪費港人金錢時，你又有沒有想過，一向以高效率、準時、做事有條理的德國人，揮金如土建造的首都玄關，卻是屋縫連漏夜雨，開幕日卻是姍姍來遲，黯然在疫情之中展開營運呢？

柏林新機場（正名為：柏林布蘭登堡威利·布蘭特機場）於2006年開始施工，原定計畫於2011年開幕，但不論是建築設計、內部管理、施工進度，均出現大小問題，其中有部分失誤更是出乎意料，例如：樓梯長度過短，無法接駁樓板；而在各大小問題修正後，消防設施不及格更是讓開幕日期推遲多次，足足九年之久。

至於工程開支呢？起初預計為28億歐元（折合256億港元），最後落成時，工程費用大幅上升至78億歐元（折合715億港元）；不過，相比起香港多項工程，例如高鐵、機場三跑、港珠澳大橋、沙中線，超資幅度，還是我們更厲害。
==========================================
文：5C 陳栢霑
後期處理：4E 林廷軒
圖：https://ftnnews.com/aviation/38981-swiss-moves-to-new-brandenburg-airport

HYK Aviation Club 鄉中航空學會

24/02/2021

31/12/2020

03/12/2020

17/11/2020

08/11/2020

01/11/2020

22/10/2020

26/09/2020

26/09/2020

21/09/2020

14/09/2020

05/09/2020

Address

Website

Alerts

Shortcuts

Featured

Share

Category

Listing takedown request