IREd

04/09/2026

【「全民AI」普惠計劃 ✕ 免費工作坊推薦】開學在即，學校 AI 落地點樣做？🚀

我哋iREd 作為數碼港「全民AI」普惠計劃官方培訓夥伴之一，我哋推出每節 2 小時嘅互動工作坊，涵蓋 AI 時代下嘅未來職場趨勢、適應性學習與身心健康、數碼素養及網絡安全，更設有 Vibe Coding 實戰，帶領學生即場打造專屬 App，全方位提升學生與家長嘅 AI 素養與應用力！

早前我哋好榮幸獲邀出席「AiTLE Summit: AI for All Subjects & School Administration」，喺現場同大家分享重點解決方案：

• 推動「全民AI」普惠計劃到校工作坊：響應特區政府「全民AI」策略及國家「人工智能+」行動，全力支援各校喺新學年及早部署，協助學校預留理想嘅到校互動工作坊時段，工作坊設有四大主題任校方選擇，帶領中小學師生及家長一同探索 AI 無限潛能。

• 善用公營資助訂閱 IDEALS系統：合資格公營資助學校可使用「優質教育基金電子學習配套計劃（QEF eLAFP）」訂閱券訂閱 IDEALS！融合「學習設計工作室（LDS）」與「互動學習及評估平台（iLAP）」，建構以學習設計、真實數據及學習分析為核心的學習生態圈；無論係一般學科教學定係 STEAM 學習，都能夠全面支援學校推動數字教育及 AI 輔助學習，以數據驅動提升學與教效能。

🎁【大家注意：免費「全民AI」普惠工作坊開放報名！】

想為學校引入貼地又實用嘅 AI 學習體驗？

👥 對象：中小學生及家長（歡迎老師代表學校統一團體報名）

📍 費用：全免（名額有限，先到先得）

🔗 立即撳入連結報名同了解更多工作坊主題： https://docs.google.com/forms/d/e/1FAIpQLScyqNSy6wqiAc3MUctQRg3K0mwZmxo1iGIH7HKNs8XDtF1T6g/viewform

💬 WhatsApp 查詢更多： https://wa.me/85296107184

新學年一齊善用 AI 賦能學與教，開拓創科新視野！歡迎大家直接填表或隨時 WhatsApp 聯絡我哋！🙌

#數碼教育 #人工智能 #數碼港 #創新科技署 #電子學習配套計劃 #學習設計 #學習分析

02/09/2026

25/08/2026

【HKAGE 學員創意爆發！💡 AI Coding 結合 Sport Kit 打造專屬健體 Mini Program 🏃‍♂️📱】

早前為香港資優教育學苑（HKAGE）舉辦嘅「AI Coding x 微信小程序 with Sport Kit」體驗班經已圓滿結束！🎉 見到一班同學仔將 AI 編程同Smart Learning Suite｜Sport Kit硬件玩得咁出神入化，創意同執行力真係令人眼前一亮！

今次課堂嘅一大亮點，就係透過微信小程序跨平台、即開即用嘅特性，只要掃一掃 QR Code 即可載入程式，免除繁複下載安裝。同學仔完成開發後，可以即時 Share 畀屋企人同朋友一齊玩，將課堂所學化為日常生活嘅健康互動，唔單止帶嚟滿滿嘅實質成就感，仲拉近咗同家人朋友之間嘅情感連結！❤️✨

嚟睇下同學仔嘅精彩創意作品：
•跳繩打怪獸 App 👾：結合智能跳繩帶，同學一邊跳繩一邊累積戰力攻擊巨獸，仲可以同街坊合力打怪，將日常體能訓練變成好玩嘅 RPG 挑戰！
•The Ma-tricks 體感避彈遊戲 🕶️：跳繩轉動結合軸線移動機制，玩家需要一邊跳繩一邊避開障礙物，極度考驗即時反應同節奏感！
•心率監測驚嚇遊戲 🧟‍♂️：將心率手環結合恐怖主題，玩家要喺突發驚嚇同詭異音效中保持冷靜，將心率維持喺限制範圍內先算通關，概念新穎又刺激！

將 AI 邏輯、硬件數據同實際生活場景結合， Coding 唔再只係冷冰冰嘅代碼，而係解決生活問題、帶來歡樂嘅工具。期待同學仔繼續保持呢份熱情，創作出更多驚喜！🚀

想了解更多Ai Coding課程資訊或Smart Learning Suite學習套件詳情？歡迎隨時 WhatsApp 聯絡我哋：
📲 立即查詢： https://wa.me/85296107184

#資優教育 #微信小程序 #創意編程 #智慧生活 #健康科技

24/08/2026

【活動回顧 🚀 教育局 x 數碼港 創新及數字科技學習夥伴計劃 (2025/26) 圓滿結束！】

今日喺數碼港舉行嘅「創新及數字科技學習夥伴計劃 (2025/26) — 方案展示及教學實踐分享會」已經圓滿結束！非常感謝今日親臨我哋展位交流嘅學校校長及老師。

今次我哋重點展示咗 「Smart Learning Suite x Vibe Coding：AI 輔助跨平台手機 App 開發教學方案」，與前線教育同工探討點樣賦
能學生將 AI 融入日常，打造專屬生活應用 App：

•對學生｜實現「人人有作品」與 21 世紀核心素養：打破傳統編程複雜嘅語法壁壘，透過 AI 輔助建立高質素跨平台手機 App；更可結合健康與運動數據（Health / Sport Kit），引導學生以科技解決真實生活問題，提升邏輯思維與運算思維。

•對教師｜校本課程無縫接軌與前沿 IT 培訓：提供完整教學範本、教案及技術支援，大大減輕跨學科組老師嘅備課壓力；同時配合 Teacher Workshop 專業培訓，協助老師掌握最新 AI 編程趨勢與 EdTech 工具應用。

💡預告： 嚟緊我哋將會推出一連串針對不同學習階段嘅 AI Workshop！想了解更多最新 AI EdTech 應用同實作體驗？大家記得密切留意我哋嘅最新消息啦！

歡迎查詢更多（WhatsApp）： https://wa.me/85296107184
#教育局 #數碼港 #人工智能 #智慧校園 #教學創新

30/07/2026

【🎉 「全民AI」普惠計劃 數碼港啟動禮暨體驗日 圓滿落幕！ 🤖✨】
琴日我哋好榮幸參與喺數碼港舉辦嘅 「全民AI」普惠計劃 啟動禮暨體驗日！

今次活動響應特區政府政策同國家「人工智能+」行動，集結咗來自政府、科技界、教育界同 NGO 嘅代表與業界精英，一齊見證計畫啟動，推動數碼共融，正如創新科技及工業局局長孫東所言，目標係「讓 AI 走進千家萬戶」，讓全港市民共享 AI 時代嘅紅利！

作為 Cyberport「全民AI」普惠計劃嘅業界夥伴之一，我哋喺現場攤位展示咗熱門嘅 Smart Learning Suite 點樣配合 AI 學習，同前來交流嘅校長同業界朋友一齊互動體驗，反應非常熱烈！🔥

感謝今日每一位抽空過嚟我哋展位交流、分享辦學同教學心得嘅夥伴！未來我哋會繼續努力，將更多高質素、具前瞻性嘅創科教育方案帶入校園，實現真正的「全民 AI」。

💡預告： 嚟緊我哋將會推出一連串針對不同學習階段嘅 AI Workshop！想了解更多最新 AI EdTech 應用同實作體驗？大家記得密切留意我哋嘅最新消息啦！👀🚀

#數碼港 #數碼共融

27/07/2026

💡 【科技注入同理心！感謝《東張+》報道樂齡『同理』編程設計大賽2026 👵👴📱】

科技唔單止可以令生活更方便，仲可以將愛同關懷帶畀身邊嘅老友記！❤️
特別感謝《東張+》嘅報道！由數字政策辦公室（DPO）連續三年全力支持舉辦嘅「樂齡『同理』編程設計大賽」決賽圓滿結束🎉！一班年輕同學仔發揮無窮創意同「長幼共融」嘅精神，設計出專為長者而設嘅手機App，幫助老友記做好健康管理，真正實踐「以人為本」嘅智慧生活！

期待下一屆同學仔有更多優秀嘅本地樂齡科技作品，一齊建構更包容、更溫暖嘅智慧城市！💪✨

#數字政策辦公室 #樂齡科技 #長幼共融 #編程比賽 #同理心

樂齡「同理」編程設計大賽決賽圓滿舉行 同學們把關懷長者融入科技

22/07/2026

【樂齡「同理」編程設計大賽2026｜決賽暨頒獎典禮！精華重溫 🎬】

🎉 跨代共融 ‧ 用科技暖化人心！ 🎉
「樂齡『同理』編程設計大賽」話咁快已經踏入第三年啦！今年（2026）盛況空前，有超過 60 間學校、150 隊參賽隊伍參加，仲首度邀請到澳門嘅學校同場競技 🇲🇴🇭🇰！

🎥必睇亮點：
🌟 長幼共融互動大獎環節
今年新增嘅「與長者現場互動」體驗極具意義！同學仔直接同老人家面對面溝通，現場示範 佢哋設計嘅App 點樣幫老人紀錄身體數據同吸引佢哋運動（連武術元素都有！）🥊💪。長者們大讚同學仔花盡心思、超有心，貼心照顧佢哋嘅健康同安全需求！

💡專業評審室 Present 直擊
晉身決賽嘅同學仔喺評審室向專業評判簡報同 demo 研發成果，評判們寶貴又友善嘅建議令大家獲益良多！評審團一致盛讚今年作品水準極高，唔少項目更巧妙融入先進 AI 技術；最難能可貴嘅係，同學們並非純粹堆砌技術，而是承襲「同理心」精神，貼心設計出真正切合長者日常所需嘅手機 App！

來賓同長者們仲大讚班同學仔用課餘時間學新嘢、發揮同理心，用科技拉近兩代人距離，實現「老幼共融」，真係非常鼓舞！❤️

🌐 即刻去睇返精彩比賽花絮同得獎名單 👉 https://www.ired.info/2026competition

再次感謝所有支持機構、長者代表、參賽學校同同學仔！樂齡「同理」編程大賽 2027 已經蓄勢待發 🚀，大家記得追蹤我哋專頁，密切留意最新報名資訊！明年見！💪✨
#數字政策辦公室 #樂齡科技 #長幼共融 #編程比賽 #同理心

11/07/2026

🏆「香港資訊及通訊科技獎 2026 一 學生創新獎」7月20日報名截止🏆
我們 iREd 全力支持「香港資訊及通訊科技獎 2026 — 學生創新獎」！

由數字政策辦公室主辦、香港創科發展協會（HKITDA）籌辦、資訊科技教育領袖協會（AiTLE）及 香港科技創新推進協會（HKtag） 協辦，全港性創科盛事 —「香港資訊及通訊科技獎 2026 — 學生創新獎」請立即報名！

【比賽組別】
今屆比賽分3 大組別：
• 組別 1：初中組
• 組別 2：高中組
• 組別 3：大專組（包括所有大專本科生、研究生及博士生）

【團隊人數】
• 人數限制： 可以個人參賽，或者自由組隊至最多 5 人一隊！
• 身份要求： 參加者為在港就讀學生 或確保一半隊員為香港居民（包括永久同非永久居民）就符合資格 ！

🎯四大主題：
1）資訊、媒體、AI及數據素養的提升
2）開放數據
3）培養國家情懷
4）身心健康

立即報名：
初中組： https://forms.gle/57cqZdZgc9Yy6Gq56
高中組： https://forms.gle/r8gwdDRFmCEUU6Ts8
大專組： https://icta-apply.itda.hk

截止報名日期：2026 年 7 月 20 日下午 5 時正
獎項詳情及網上報名： https://icta.itda.hk


如有任何查詢，可以致電 / WhatsApp 秘書處：(+852) 5140 2387 / 電郵至：[email protected]

#香港資訊及通訊科技獎 #學生創新獎 #資訊及通訊 #學生比賽 #免費報名 #人工智能 #開放數據 #身心健康

09/07/2026

【👨‍👩‍👧‍👦 創科遊學玩轉暑假！上週末 HKPC 精彩回顧 ✨】
上個星期五、六（7月3-4日），我哋喺香港生產力促進局（HKPC）舉辦嘅「Summer TechEd Fest 創科遊學玩轉暑假」擺 Booth，現場真係超級熱鬧！🔥

我哋一連兩日喺現場擺 Booth，同大家展示最新嘅創科教育方案，仲開辦咗兩場超好玩嘅親子工作坊 ——「AI-Vibe Coding：從零構建個人化 AI 健康/運動監測 iOS App」！

現場直擊 📸：
💡 體驗 AI 編程模式：打破傳統寫 Code 框框，小朋友同屋企人齊齊動腦筋，用 AI 實踐創意！
💡 生活化 AIoT 應用：專注健康與運動監測，將科技融入日常生活！
💡 滿滿嘅成就感：見到小朋友同屋企人一齊成功砌好個 App、試玩
功能嗰陣，成個現場氣氛真係好融洽，大家都好有滿足感！

錯過咗今次活動？唔緊要！😉 如果你想了解更多我哋嘅課程、親子工作坊，或者想知多啲最新嘅資訊，歡迎隨時 Inbox 或者聯絡我哋！話唔定下一場工作坊好快又同大家見面！

歡迎聯絡我們 https://wa.me/85296107184
了解更多 : https://www.ired.info/smartlearningsuite

08/07/2026

【📸 決賽精彩花絮：最溫馨嘅跨世代交流！❤️】

今年決賽特別新增咗現場展示同互動環節，我哋仲好榮幸邀請咗超過 20 位來至 路德會富欣花園長者中心 Harmony Garden Lutheran Centre for the Elderly & 循道衛理楊震社會服務處 悠逸軒 嘅老友記親臨會場！👵🏻👴🏻

入圍隊伍需要喺現場親自向老友記演示作品，嚟個最直接嘅雙向體驗。而現場嘅「長幼共融互動大獎」，評審標準完全唔係睇編程技術有幾勁，而係純粹由老友記根據現場感受，選出最能帶畀佢哋快樂、溫暖同尊重嘅隊伍！

經過一眾老友記評審嘅親身體驗同投票，恭喜以下表現超級出色、融化咗老友記心房嘅得獎隊伍（排名不分先後）：

🏆 【長幼共融互動大獎】得獎名單 🏆
・聖若瑟英文小學（Team 119）｜小學 App Inventor 組
・中華基督教會銘賢書院（Team 69）｜中學 App Inventor 組
・基督教崇真中學（Team 9）｜中學 iOS 組
再次恭喜晒以上獲獎學校同埋同學仔！🎉🎉🎉

💡 直擊現場！同學仔嘅超暖心表現：當日現場真係笑聲不斷，同學們為咗令老友記投入，個個都使出渾身解數，表現超級貼心：
當日現場笑聲與溫暖交織！同學仔一見到老友記就禮貌問好，講解時特意放大聲浪、放慢速度，將深奧嘅電腦術語化作日常語言，全程送上真誠笑容。最驚喜嘅係有隊伍以「太極劍」為主題，即場邀請長者「高手過招」聯動 APP，全場齊齊舞劍、打成一片！大家亦非常貼心，溫柔咁牽住長者嘅手一步步試玩，更會主動幫手調整屏幕、拉近座椅。呢份發自內心嘅耐性與細微關懷，真係融化咗每一位老友記嘅心！❤️

🌱 【學以致用：由課堂走入日常】
我哋一直非常注重「情景式學習」。同學仔所學到嘅知識與科技，唔應該只係流於電腦屏幕或者停留在課堂，而係可以真正帶返去日常生活之中，去解決身邊人嘅需要。
今次嘅「長幼共融」正正就是一個極佳嘅實踐主題！看到同學們能夠將所學嘅技術，轉化為實實在在嘅溫暖與關懷，縮窄跨世代嘅數碼鴻溝，呢種成長同跨世代嘅化學反應，真係比任何技術指標都更加珍貴。✨

再次謝謝每一位用心溝通、用愛發電嘅同學仔，亦多謝各位老友記親臨支持！
即刻睇相感受吓當日嘅溫馨時刻啦！👇📷
#長幼共融 #跨世代交流 #互動大獎 #現場花絮 #手機編程 #樂齡科技 #情景式學習 #學以致用