QC_Environmental Protection Team

環保教育組已經喺2月舉辦咗一年一度嘅Green Week，雖然因應疫情關係，所有活動都要移師網上舉行，不過可幸嘅係全部活動都順利完成！我哋會喺呢個post 公佈Green Week 期間舉行嘅比賽結果︰

中一級班際自然科學問答比賽︰
金獎 - 一乙班

中二級班際自然科學問答比賽︰
金獎 - 二丙班

生態旅遊路線設計比賽︰
金獎 - 2B 唐明德、5D 何庭昕
銀獎 - 1C 許力行、2B 何佳諾、5D 郭勤

恭喜曬上述嘅得獎班別和同學！今年Green Week 能夠順利舉行實在有賴各位同學嘅支持，希望大家會繼續支持EPT 嘅活動！

話咁快又踏入虎年喇！我哋環保教育組仝人祝大家學業進步，心想事成，最緊要疫情盡快消退！

相信大家喺農曆新年期間都收到唔少利是。不過，平時大家喺拆完利是之後又會點處理剩餘嘅利是封呢？以大眾一向對利是嘅理解，派利是無非係為咗向對方送上祝福 (錢亦係重點之一)，而利是封只係儀式上嘅附贈品。正因如此，最終身無分文嘅利是封只會淪為犠牲嘅對象，被棄置到各個堆填區。根據「綠領行動」提供嘅數字，香港人每年使用約3.2億個利是封。如果所有利是封都變為垃圾，其廢物總量將相當驚人。

大家平時聽得多嘅「4R」原則 (reuse, replace, reduce, recycle)，喺處理利是封嘅時候都可以應用。我哋環保教育組亦都鼓勵大家重用、回收已開拆嘅利是封，進行廢物利用。
(要注意嘅係，回收嘅利是封條件包括：沒有破損、沒有劃花、沒有姓氏、沒有黏貼口)

「咦？ept 往年都好似有利是封回收箱㗎喎，今年仲有冇呀？」好可惜，因為疫情緣故，我哋未能夠如常為咁多位提供利是封回收服務……不過，天無絕人之路，我哋推薦大家參與由「綠領行動」主辦嘅利是封回收活動。佢哋喺港九新界設立多個回收站，最近嗰個行到去銅鑼灣就有喇！其他商場例如Aeon、千色店等等亦都有回收點。回收咗嘅利是封會經過篩選、處理，務求喺下一年可以將呢啲「新生利是封」派畀大家，既慳錢，又環保。

最後，希望大家喺享受佳節氣氛嘅同時，不妨嘗試參與環保活動，為保護地球出一分力！

「綠領行動」: https://www.greeners-action.org/

大家放完農曆新年假之後，唔知準備好上堂未呢？相信各位同學放咗接近兩個禮拜假之後應該都叉足晒電，一定可以精神奕奕咁迎接下學期嘅開始~~ 而每年一度嘅環保週都即將開始啦。不過受到停課同各種突發情況影響，原定2月15日開始嘅環保週會延遲到2月17日至2月18日呢段期間舉行，而今年嘅主題係「減少廢物及欣賞自然」。我地希望令同學明白到生態多樣性嘅重要性以及鼓勵同學從生活上保育大自然。我哋今年亦都準備左唔少活動俾大家︰

首先，2月17日同2月18日會有兩場線上自然科學問答比賽，中一及中二的同學都會派班代表參加，我哋相信透過比賽可以增加同學環保意識，反思我們生活方式為地球可能帶來嘅遺害。

另外，EPT 會同地理學會合辦生態旅遊路線設計比賽，令同學更深入認識香港具歷史和生態價值的遠足路線。

除了比賽之外，我地亦會舉行其他活動，讓同學貼近環保的概念。

喺2月17日，中三嘅同學會在 LWL 堂聆聽由機構「無塑海洋」介紹膠對海洋生物影響，並講解點樣減低塑膠對海洋、陸地和空氣造成的污染，相信同學都會領悟到保育環境嘅迫切性。

另外，鍾意閱讀嘅「書蟲」們，我地係復課後會同霍英東圖書館合辦環保週書展，展出有關保育地球及減廢等嘅書籍，到時唔好錯過阿！

最後，雖然同學疫情下要留係屋企成日，但係仍然可以恪守不同的環保原則，例如同學出街買外賣嘅時候，係冇人使用電器或開燈嘅情況下，謹記關掉冇用緊嘅電器，節省能源。落街去出行，順手熄埋燈，環保又開心！

註:活動時間表或會因需要而有所變動，請以實質安排為準。

中秋節已經過咗幾日，相信大家嘅月餅都食得七七八八，但係食剩嘅月餅同埋月餅罐千萬唔好棄置垃圾桶呀~ 我哋喺度提供一啲渠度俾大家進行月餅轉贈同月餅罐回收 :)

1. 月餅轉贈
同學可以到以下嘅機構捐贈月餅，例如「惜食堂」喺港島區就有唔少地方收集月餅，好多同學住嘅北角、太古城等等都有收集點，真係總有一間喺附近 :) 回收日期去到9月29日，同學如果真係食唔曬月餅，記得唔好即刻棄置！廚餘都佔香港都市固體廢物一部份，大家浪費少啲，就可以對環境出大一份力！
除此之外，「房協友里禮品月餅轉贈計劃」 會於9月27日開展至10月6日，同學可以到房協轄下屋邨／屋苑管理處或會所的指定收集點捐贈。記得月餅必須完封包裝！
大家亦都可以上網搜尋月餅回收的機構同地點，減低廚餘，喺生活上降低廢物！

2. 月餅罐回收
月餅罐含有金屬，如果隨便棄置會造成好大浪費！
月餅罐回收更加普及，包括環保署嘅綠在區區，可以回收月餅金屬盒、紙盒、包裝塑膠等等，最近QC 嘅，電氣道已經有一間！其他地方包括戶戶送 X The Loops 回收月餅包裝，回收點包括MOS BURGER 分店，非常方便~
另外，大家亦都可以將月餅罐升級再造，例如將佢變身成為文具盒等等，又有個人風格，又可以減低浪費，一舉二得！

EPT希望大家喺歡度節日嘅同時都可以為地球着想，為環境出一分力。網上都有好多節日環保嘅資訊，同學可以自行搜尋，綠在生活！

資料來源︰https://www.ohpama.com/675090/
圖片來源︰Jason Goh

[QCEPT 21-22 Committee & Sub-committee Selection]

The Environmental Protection Team has initiated the selection for the committee and sub-committee members since June 2021 and after a rigorous selection process including an interview by the core members of the coming year, 12 committee and 9 sub-committee members have been chosen. We are grateful for the facilitation of the teacher-in-charge Ms Cheung and the active response from both our existing and new team members. It is hoped that the QCEPT 21-22 can bring quality activities and promote the sense of environmental protection among our schoolmates as before.

Chairman: Lo Tsz King
Vice-chairmen: Chung Kai Chung, Tsoi Chun Him
Committees: Huang Kuen Kwan, Ma Yee Chun Andy, Yin Tsz Ho Matthew, Choy Ching Hei, Hu Wang Hei, Lok Chun Man, Ting Akons, Chu Ching Ho, Luk Wing To Donald
Sub-committees: Chan Kwun Chi, Chiu Wai Fu, Cui Yuntai, Li Yue Wang, Lee Ka Chun, Ko Kai Fung, Lau Tat Him Isaac, Tse Long Kit, Yau Hong Yiu Andrin

By the way, school is starting two days later on 1st September (Wednesday). Do remember to pack your schoolbags and return to school on time. See you :)

[環保教育組 2021-2022 年度 委員及附屬委員遴選]

環保教育組為來年委員及附屬委員人選自今年六月作出遴選，經過來年核心成員的面試及仔細的考慮後，選擇了 12 名中四至中五級以及 9 名中三至中四的同學分別擔任委員及附屬委員一職。本組十分感謝負責老師張月明老師的協調以及不論是留任或新任成員的積極參與，亦期望來年一屆環保教育組的成員可以秉持我們提升環境保護意識的宗旨，繼續服務學校和同學。

主席：盧子敬
副主席：鍾啟聰、蔡晉謙
委員 (與「幹事」一職稱相同)：黃權君、馬依駿、嚴子浩、蔡政羲、許宏僖、陸雋文、丁源杉、朱政昊、陸穎韜
附屬委員：陳觀賜、趙偉富、崔允泰、李俞宏、李嘉晉、高啟峯、劉達謙、謝朗傑、邱康堯

順帶一提，後日 (九月一日) 就係 2021-2022 年度開學嘅大日子，大家記得執齊嘢，準時返學呀！

話咁快聽日就係我哋嘅開放日啦，係咪好令人期待先🤗 環保教育組嘅簡介短片將喺聽朝 10:15 首播，到時記得入我哋嘅 YouTube 頻道 (Linktree 內有連結) 睇啦。仲有呀，我哋好貼心咁為大家準備咗中英雙語兩個版本，大家到時記得揀返想聽嘅版本啦 :)

聽日準時 10:30 喺 Discord 見！

Tomorrow is the first day of our Virtual Open Days and our team's introductory video will premiere at 10:15am. You can learn more about our team's objectives as well as activities held this year. Our YT channel link can be found in the linktree at our profile page. There will be separate English and Chinese versions of the video, so make sure to choose the one that suits you more.

Also, see you at discord channel at 10:30am tomorrow :)

嚟緊嘅星期五六就係 Open Days 啦！ 🥰 今年 EPT 主要會透過 Discord Channel 同大家分享環保知識同舉辦互動遊戲，而家就講下我地到時嘅流程 🤩🤩

23/4 (星期五）
1030 - 1300 比賽得獎者及委員分享
----------------休息時段----------------
1330 - 1525 環保廢物升級再造 DIY
1525 - 1600 Kahoot 互動遊戲
----------------休息時段----------------
1630 - 1825 環保講座 - 可持續發展
1825 - 1900 Kahoot 互動遊戲
_______________________________
24/4 (星期六）
1030 - 1300 比賽得獎者及委員分享
----------------休息時段----------------
1330 - 1525 環保廢物升級再造 DIY
1525 - 1600 Kahoot 互動遊戲
----------------休息時段----------------
1630 - 1825 環保講座 - 可持續發展
1825 - 1900 Kahoot 互動遊戲

Heyyy!!! It will be our Open Days coming Friday& Saturday.🥰 This year, EPT will use Discord as a major platform for sharing knowledge about environmental-protection and holding interactive games. This is the timetable for our Discord session: 🤩🤩

23/4 (Friday）
1030 - 1300 Sharing of awardees and our committee members
----------------Break----------------
1330 - 1525 Eco-friendly Waste Upcycling DIY
1525 - 1600 Kahoot Interactive Games
----------------Break----------------
1630 - 1825 Environmentally-friendly Talk: Sustainable Development
1825 - 1900 Kahoot Interactive Games
_______________________________
24/4 (Saturday）
1030 - 1300 Sharing of awardees and our committee members
----------------Break----------------
1330 - 1525 Eco-friendly Waste Upcycling DIY
1525 - 1600 Kahoot Interactive Games
----------------Break----------------
1630 - 1825 Environmentally-friendly Talk: Sustainable Development
1825 - 1900 Kahoot Interactive Games

大家如果想具體知道內容，就記住要喺 23/4 同 24/4 Open Days 去我地嘅 Discord Channel 啦！ 到時見！ 😉

If you would like to know exactly what the content is, please join our Open Days on 23/4 and 24/4. We are looking forward to meeting you on our Discord Channel! 😉

大家好，聽日就係聖誕節，預祝各位聖誕快樂！雖然今年嘅疫情令大家唔可以同親戚朋友一齊開派對，但係我哋都想提一提一啲環保小貼士，希望大家可以出一分力，保護環境：

1.禮物
疫情下大家未能聚餐，有不少人都會選擇送禮物給朋友以表達心意，希望大家在選購禮物時會盡量以實用性來考慮，以免造成不必要的浪費。另外，在包裝禮物時可以考慮使用舊花紙或雜誌，以減低對天然資源的需求。

2.心意卡
疫情下可能有市民會選擇郵寄心意卡給朋友以表達關心，我們希望大家能多使用電子心意卡，已減小用紙。其實現時網上有大量電子心意卡提供，有些更可以讓大家自行設計，並加入不同動畫元素，大家可按自己喜好製造與別不同的聖誕卡，向其他同學或朋友表達心意。

3.聖誕裝飾
如大家去年已購買燈飾等聖誕裝飾，請在今年盡量重用，以免造成浪費。同時也請大家不要購買聖誕樹，因為香港市民及商戶每年共擺設約41250棵聖誕樹，包括27950棵塑料聖誕樹，以及13300棵真聖誕樹，共產生超過836噸聖誕樹垃圾，數量驚人。

最後，提提大家在聖誕應減少社交聚會，以切斷新型冠狀病毒在社區的傳播鏈，抗疫同環保係同等重要，希望大家慶祝聖誕之餘亦要盡力減小廢物製造，再祝大家聖誕節快樂！

[中一廢物升級再造比賽]

遞交比賽作品嘅截止日期為 9/10 (Fri)。未交嘅中一同學請盡快係截止時間前透過 google form 上載作品照片同設計理念，詳情可以參閱我地係 30/9 同 22/9 send 嘅 email >

聽日就係農曆八月十五，預祝各位中秋節快樂！但係慶祝之外大家都記住要保護環境，我哋今日就有以下貼士俾大家:

1. 月餅
每年都有好多月餅同月餅罐被棄置，浪費好多食物同資源。為咗環保啲，首先要選擇環保包裝嘅月餅。大家要避免買禮盒包裝或鐵罐裝，因為呢啲多餘包裝會增加對天然資源嘅需求，同時造成不必要嘅廢物。如果大家已經買左，就要記得洗乾淨後回收，以免增加堆填區嘅負擔。而餐具方面，大家應該避免利用即棄免洗食具嚟食月餅。仲有呀食剩嘅月餅可以捐去食物銀行，食品回收機構，如惜食堂等等，以減少廚餘。

2. 熒光棒
相信有部分同學外出賞月時都有玩過熒光棒，但係其實熒光棒對環境有好大嘅破壞架。根據綠色力量喺 2018 年嘅調查發現，四分之一受訪者家庭喺前一年中秋節有使用並丟棄螢光棒，平均棄置 46.7 支螢光棒，推算全港家庭 2017 年中秋節共丟棄逾 3 千萬支，數字相當幾驚人。事實上，螢光棒內含多種有毒化學物，包括螢光劑如溴化乙錠和羅丹明B，棄置不當會污染土壤和水源，亦唔可以回收或重用。好多時剩係玩幾個鐘，就會衍生好多垃圾，非常不環保。希望大家千祈唔好買螢光棒嚟玩。

3. 燈籠
如果以前買咗燈籠，今年又想玩，就要記得重用，唔好又買過個新嘅，減少浪費。咁如果你無買過，今年都當然盡量唔好買啦！其實與其玩燈籠，不如同屋企人一齊賞下月好過啦。仲有呀，如果你仲係玩緊要點蠟燭嘅紙燈籠，記住要小心唔好引起火燭，更加要切記唔好煲蠟，萬一出意外真係害己害人架。

而聽日其實亦都係國慶，如果同學有相關嘅擺設，例如橫額同國旗，用完亦都可以留返下年重用，唔好棄置，減少浪費資源啊！

最後再祝大家中秋節同國慶快樂:p

仲有三日就恢復網上授課，唔知大家此刻有何感受? 想唔想參加一啲比賽充實自己? :)

如果想，大家不妨可以參加由香港樹賢基金主辦嘅環保常識問題比賽，主題係推動環保生活，減少廢物堆積。參賽方法好簡單，只需要填妥答問卷上面嘅選擇題同文字題，當中選擇題嘅答案更可以係環保署網站上面搵到。比賽設有冠、亞、季軍同優異獎共十一個獎項，贏嘅仲可以有獎狀同禮券。:p
而比賽嘅截止日期係 15/9。

仲諗，快啲去我地 bio 上面嘅 linktree download 參賽表格、答問卷同章程。上面仲會有環保署網站方便大家搵答案 :)

大家有問題嘅話都可以 dm 我地嘅 email account: [email protected]

上幾次我哋同大家探討過校園入面嘅樹木，今次我哋就延伸飛遠少少，同大家睇吓亞馬遜嘅熱帶雨林啦！
-
唔知大家仲記唔記得亞馬遜森林大火呢？其實呢場大火直到依家仍然持續緊。單單喺2019年期間，巴西已經發生超過八萬次火災，其中有一半都係喺亞馬遜發生，係近年嚟次數最多嘅一次。事實上，喺每年7至11月，亞馬遜雨林大火嘅悲劇都會重演，但今年嘅情況同往年有好大分別。喺自然情況底下，火災係森林規律更新嘅一部分，燃燒死亡、腐敗的動植物，再將佢地嘅養份分解返去土壤入面，從而令樹木生得更高更強壯。但係今次嘅大火並非自然清理機制嘅「良性」大火，而係由人為活動所引起嘅。
-
巴西係發展牛肉出口產業嘅，佢哋利用刀耕火種嘅方式去清理林地和耕地，所以經常引起大火。而當地人對砍伐原始雨林嘅態度令人費解，當世界各地都認為砍伐樹林可避則避嘅時候，佢地竟然肆無忌憚咁去砍伐焚燒。原本潮濕嘅雨林亦因大量焚燒而造成空氣乾燥，影響降雨模式，令旱季嘅時間變長同變得更加頻繁。一旦有火災發生，就會更容易咁蔓延，形成惡性循環。
-
呢場大火更加會影響到當地嘅自然生態。亞馬遜雨林被視為全球最大、生物多樣性最廣嘅熱帶雨林。嗰度有好多大家喺香港見唔到嘅物種，例如黑鬚僧面猴、美洲豹等數以萬種嘅動植物，但係佢地亦因雨林遭受破壞而陷入瀕危嘅處境。由於亞馬遜有好多動物都適應唔到呢啲非比尋常嘅大火，而自然棲息地又被破壞，所以短期內會有大量野生生物死亡。亞馬遜雨林擁有無數稀有動植物物種，所以一直都被認為係減緩全球暖化嘅減碳重地，而亦因為咁令呢次大火受到全球媒體關注
-
雖然身處香港嘅我哋看似同亞馬遜距離好遙遠，但其實都無法避免今次大火所帶嚟嘅直接影響。巴西肉類出口商協會（ABIEC）指，去年全國破紀錄出口約164萬噸牛肉；美國農業部統計則指出，巴西牛肉主要出口亞洲，特別是香港和中國大陸，分別佔24%及19%。根據立法會文件，2017年香港從巴西進口留用牛肉約2億公斤，加上其他肉類共約4.8億公斤，足見數量之大。
-
其實我哋每個人都有責任保護「地球之肺」，所以我哋應該正視熱帶雨林嘅污染問題並培養環保嘅生活習慣，令地球資源達致可持續發展。