Career Hackers

職場晉升破圈方程式💥 港大MBA畢業生 Level UP 攻略🚀

相信大家久唔久都會見到新聞報道話，連大學畢業生都搵工困難、無工開，令到本身來利用進修讀書 pivot自己個career嘅人卻步，擔心下一個讀完書雙失嘅人就係自己。但實際情況又係點呢？睇數據就最實際啦！根據最新《2025福布斯全球MBA排名》，如果你係HKU MBA畢業生就威啦，因為年薪中位數達161,328美元，即突破125萬港元！睇落去仲有3個硬核數據俾大家參考，如果仲係好唔sure，醒多個一對一真人 event 俾你去親自問到夠都仲得啊！💡

✅ 點樣用MBA換晉升大技？
「從Senior Analyst 升到 Strategy Director，用咗18個月」聽落係唔係好似「雞湯文」套路？但如果係foreseeable future 聽落係唔係就好吸引呢？根據Forbes嘅統計，香港大學MBA有3個數字好值得大家留意：

1️⃣ 86% 學生 archieve career goal 🎯- 比起盲目跳槽、返工坐到自然升，學識系統性升級管理思維可能就係破局關鍵
2️⃣ 82% 學生畢業三個月內獲聘 🤝- 將 send CV 射落海呢件事響數據上好似唔需要太憂慮
3️⃣ 人工增幅達 126% 💸 - 呢個number 真心黑馬！力壓多間世界知名學府 ！

除咗呢3個數，Forbes同時有release 💡Career Progress Rank 同埋 ⭐️Overall Satisfaction Score，呢兩個HKU MBA都係香港院校之中排最高！

我知你呢個時候可能心諗：「數據靚，但關我咩事呢？我個背景／行業／年齡係唔係真係啱讀㗎？」嗱！識問呢條問題本身就好值得鼓掌！👏因為我哋最唔鼓勵大家為讀而讀而唔搞清楚個目標係咩。到底係想「洗底」？定係建立人脈？定係有 skillset 想增強...etc？

唔sure就啱啦！因為咁啱港大MBA Admission Team 就開咗好多條「VIP通道」，唔使額外課金，都可以直接拎CV去1對1問到底：

In-person 1-to-1 Meet-up with HKU MBA Admission Team：
時間： 📅 3月18至20日 及 25至27日
地點：📍九龍灣📍觀塘📍尖沙咀📍中環📍黃竹坑📍銅鑼灣📍太古城📍上環 📍將軍澳

你可以問：
▸ 82%就業率背後機制：人脈拓展、公司聯繫、實習機會有幾多？💼
▸ 預判你的職涯天花板：想升職定轉工定轉行有冇成功個案？舊生都係點做？📊
▸ 當然最基本嘅curriculum 同 scholarships 安排都可以問喇～🌟

講到呢度，世界就會有兩種人：一種係望住個126%人工增幅當係都市傳說聽說就算，另一種係已經想搵報名表book個meet up！🔗報名link 已放Bio！與其花多幾個月糾結「MBA值不值」，不如直接搵 Admission Team 專業團隊解決你想知嘅問題啦！

商界嘅多啦A夢？專業 Consultant 「寶藏技能」掌握咗未？

面對大小企業嘅營商疑難奇症，可能好多人都會好奇，坊間嘅consulting firm係點樣有本事對症下藥，唔通入面個個都係「十項全能多啦A夢」熟知所有行業嘅business innovation及solutions？其實呢行亦無大家諗到咁難以觸摸嘅！今日就同大家探討做consultant 要有咩技能先可以點石成金～點表現先可以突圍而出啦！

寶藏技能 #1 - 創意及批判性思考

Consultant 經常要喺充滿變數嘅情況下，綜合市場調查、技術趨勢等多方因素，提出創新，甚至顛覆性嘅方案去解決問題。

舉個例，Accenture 最近請緊 Song Analyst - Experience Transformation (唔係要你唱歌啦～）Song就係由一班strategy experts 及設計團隊組成，透過marketing transformation、communication strategy、digital products等服務支援客戶商業突破及成長。作為團隊一份子，你有機會要主導唔同client workshops 及 creative brainstorms，洞察客戶需求或盲點，再解釋俾客戶知你團隊設計嘅產品及服務可以帶到幾多價值，然後一站式分析及改善大眾用家用後感，提升用戶體驗同customer adoption，真係唔可以慳腦力㗎！

寶藏技能 #2 - 全面解決問題及落地實行

前面講咗點搵出方案，當然唔係紙上談兵啦！下一步就要 end to end咁沿住方案，將部署好的策略應用出來。點先為之一個好嘅團隊、或好嘅Strategy & Consulting Analyst，就係佢哋不但有能力分析客戶問題需求或起因，規劃戰略，仲識得利用公司嘅強項，例如對行業知識、市場定位、IT及業務流程嘅了解，更高效、agile、確準地實踐策略。

寶藏技能 #3 - 不斷學習及自我發展

科技日新月異，客戶嘅要求有時都會愈來愈複雜，咁作為解難人，又點可以唔跟上潮流呢？特別係MNCs，佢哋開grad program時都預左一定嘅資源俾junior學嘢，仲會有senior帶住，幫你更快上手獨當一面！俾晒support你學住做，呢啲工仲唔多人爭咩？但如果個同學求學階段已經過住躺平人生，無展示任何肯學嘅性格，咁點吸引到公司從幾百個求職者之中留意到你呢？

所以當公司有要求員工「apply latest practice on 乜乜乜」時，就係提大家習慣update自己經驗，展示同份工嘅關聯性係幾咁重要。如果你唔係持續、彈性地掌握行內新技術發展，一旦遇到急劇演變嘅 tech trends，就好易不知所措，甚至落後他人，要保持水準咁交貨只會愈來愈難。試諗下，Generative AI 都只不過係呢兩年先開始應用，但普及速度近乎「爆炸式」，analysts要即時面對各種complexities、提供use cases俾客戶參考都幾有挑戰性！但正正係呢種活學活用嘅精神，先會令一個人進步及獲得獨特經驗！

寶藏技能 #4 - 跨部門合作及溝通

Consultant最常見一個情況：客人唔清楚有咩最新技術可以解決佢嘅商業難題。呢個時候有一個結合唔同智囊嘅團隊就正啦！舉例一個tech project入面，Software Engineers因為經常走在新科技嘅最前線，知道有咩tech好使好用，所以可從技術層面提供意見；而Business (Architecture) Analyst 就負責了解客戶真實需要，成為佢哋同工程師之間嘅橋樑，一邊俾客戶知道新技術方案點樣改善業務運作，另一邊同工程師設計及核實各個solutions 行得通兼達到客戶要求。

當然做consultant仲有好多搶手技能！客人就好似有個多啦A夢傍住了解所有法寶咁，仲唔win-win咩💪！相信醒目嘅同學已經聞到機會陣除啦！無錯！Accenture個Graduate Program - Analyst Accelerator Program (AAP)要人啦！呢個兩年制嘅program會俾同學一邊建立專業知識同技術，一邊搵到自己嘅passion，發展事業同時empower返公司幫客戶帶來價值🎯。

請緊嘅職位有包括Software Engineering、 Business Architecture、Management Consulting、Digital Marketing Strategy等，而且大部份更唔限你係咩major出身🎓！不過我哋明白總有同學怕自己唔夠經驗，仲想更深入了解Consultant嘅工作，唔使驚！

Career Hackers已經準備咗一個Virtual Experience俾大家網上體驗做「一日consultant」👨‍💻大家讀咩科都可以玩👩‍💻。而內容更係同Accenture合作推出！你會同團隊＆經理＆客戶合作，收集資訊，短時間內整合及滙報方案，一次過練哂以上提及嘅技能ss。完成後除咗報工、面試前有個底，仲有證書po上LinkedIn，用實例impress你未來Accenture employers添！👍立即去bio link開始玩VE及報名AAP啦！🚀

「投資，又點止股票咁簡單？（JPEX, 2023）」呢句口號最近真係無人未聽過。講緊嘅就係最近全城炒到㷫烚烚嘅虛擬資產平台「JPEX」因未領牌而有疑違法經營一事，依家金融界上上下下都無咩邊個唔係講緊呢件嘢。消息傳出之後除咗驚動一眾苦主、各大KOL甚至警方之外，證監會（Security and Futures Commision）亦喺日前同警方開咗記者會，交代案件詳情。不過搞到滿城風雨又點會咁易落幕呀，JPEX同SFC之後仍然有繼續隔空舌戰，我哋都留名跟進事態發展啊。我哋知好多同學仔將來都好想加入Crypto界／或做 regulators，咁你就真係唔可以唔知證監會係做啲咩啦！

維持市場公平 連iBank都難逃法眼 仲可能終身禁止重投業界？
SFC作為regulator，呢單case其實唔多唔少都會焫著埋佢，事關證監會職責所在就係規管唔同交易平台嘅發牌以及監察佢哋嘅運作。佢嘅工作主要係focus喺維持市場嘅健康情況，其中包括：

📌制定同執行唔同有關證券同期貨交易嘅規例，維持市場嘅完整性及公平性。當發現有市場參與者有不當行為同違反證券同期貨法例嘅行為，就會調查同採取執法行動。

📌致力保護投資者嘅利益，同時透過投資者及理財教育委員會去推廣投資者教育同意識。

📌發放執照同監管市場參與者，例如投資顧問、基金經紀或者係其他交易平台。今次JPEX就可能係審核嘅程序上無做好把關而走漏眼啦。

除咗之外，SFC過去亦處理咗好多值得關注嘅案件，例如：

📌違反信息披露和公司治理：Nomura 就曾經因為無及時匯報一名前交易員嘅重大失當行為而被SFC處以罰款450萬港元。嗰位前交易員承認喺野村香港嘅系統輸入虛假資料以隱瞞交易嘅真實風險水平，導致造成330萬美元嘅交易虧損。雖然野村係知道有件咁嘅事，但佢諗住家醜不出外傳，並無根據《操守準則》嘅規定立即向SFC披露相關資訊，最後當然被SFC揭發啦。所以唔好以為ibank就大曬呀，violate咗準則都係一樣走唔甩㗎。

📌市場操縱：Credit Suisse 嘅前交易員Jagjit Singh Dhillon亦因為操縱市場價格而被SFC撤銷牌照，終身禁止其重投業界。佢嘅多項不誠實行為包括喺有關將幾單虛構交易入帳，並故意輸入錯誤嘅市場數據，以掩飾交易虧損同埋風險持倉嘅真實水平。證監會係釐定紀律處分嘅時候，認為Dhillon嘅行為屬蓄意之餘更有欠誠實，認為佢對金融市場嘅信心構成重大風險，所以就下咗禁令「不如不見」啦。

📌未經授權活動：今次JPEX嘅案件就可以categorize為未經授權活動啦。其實早喺證2017年SFC已經開始關注虛擬資產嘅交易服務，始終係新興科技而大眾又未夠熟悉，對投資者嚟講風險真係隨時係無底深潭。直到舊年七月，SFC都將JPEX列入為可疑名單，期間更試過9次透過唔同方式去提醒投資者添。但當SFC將虛擬資產交易平台納入規管之後，JPEX不但無停止推廣，更變本加厲違規銷售，SFC唔做嘢都唔得啦。

想入行有無計仔？
其實想喺金融界發展都唔一定要淨係留意banking嘅，regulator都有唔同多姿多彩嘅learning opportunity同career ladder㗎。依家SFC都有唔同嘅job position opening，有啲仲要過多個禮拜就deadline啦，真係手快未必有，但手慢就係咁先啦！

📌Winter Internship: 4 - 8 weeks (29/9 deadline)
📌Sustainable Finance Internship (Winter): 4 - 8 weeks (29/9 deadline)

同樣地係Regulator嘅HKMA都有唔同嘅position開放緊，大家都唔好走漏眼呀：

📌Manager Trainee Programme 2024 Intake
📌Graduate Economist (GE) Programme

見到唔同regulator都開始請緊人，deadline咁近又唔知點裝備自己？特別係各位想aim做compliance，或本身讀開law major 又想轉行入finance嘅同學！不過當然SFC內都仲有好多role 需要唔同類型人才，如果自己又心郁郁想入regulator呢行，又想有資深coaches 根據你嘅profile規劃好報job嘅strategy，咁就要了解一下我哋coaching program點樣利用：

✅有強大嘅Apt Test Database 撐住你！
✅同Cross-industry Coaches 練面試同了解唔同公司文化！
✅教你Networking Skills 點爭取更多機會！

咁就唔驚盲樁樁報錯工啦！即到我哋嘅bio link 約一個 consultation call啦！

🖐️ 5 個寫 Cover Letter 必勝貼士

有研究話，超過 8 成 Hiring Manager 覺得即使 Candidate Resume 麻麻地，一封好嘅 Cover Letter 都會大大提高畀佢面試嘅機會，花時間 Tailormade 絕對會有回報！快啲 save 低以下 5 大貼士！

1️⃣ Greeting 最好寫到 Hiring／Line Manager 個名

❌ “Hi” 或者 ❌ “To Whom It May Concern” 對很多HR而言都會有陌生感，其實好多招聘廣告上，本來已經有寫 application 寄畀邊個，簡單一改 ⭐ “Dear # # #,” 就夠。如果 JD 無人名，不妨上 LinkedIn Research一下，或直接搵向該公司員工打聽，都可以顯示到你嘅誠意。

2️⃣ 提及關鍵字

寫好信，都要有「人」睇到！好多大公司都鐘意用 🤖 ATS (applicant tracking systems) 初步篩選收返嚟過百份嘅申請，唔止CV，Cover Letter 都會被 Scan 到，所以提及同職位相關嘅關鍵字，包括 ⭐ 專業資格、牌照、技能，可減低被光速 Reject 嘅危機，增加被 HR 親眼睇​​到你個申請機會。

舉例如果你想 Apply 一份 FMCG mkt 工，唔少JD都會希望 Candidate 對 CRM (Customer relationship management) 有基本認識或經驗，如果在學時參加過 Marketing Campaign 比賽攞過獎，或做過 freelance 或 part-time 或義工，都可以突出一下自己的 🗣️ Communications Strategies 及 📋 Project Management Skills。 又例如你想 Apply 做 Accountant，📄 High Proficiency in MS office 幾乎係 Must，編寫過「財務三表」嘅經驗，或你有 ⭐ ACCA qualifications，不要猶豫，寫多少少！

3️⃣ 忌寫缺點或倒模你份CV

唔好浪費 Highlight 成就嘅機會，揀一個 ⭐ 最Major 嘅 Accomplishment 寫多少少畀 HR 參考，例如幫公司 Boost 咗幾多ROI、點樣同團隊解決問題等，其他就留俾你份CV幫你補充，最忌由中學開始如數家珍，將DSE考咩科拎咩Grade都詳列出來。如果你缺乏所需嘅技能或學位，千祈唔好講，但更加唔好老作！例如你鐘意美圖唔代表你識Photoshop、成日用IG拍片唔等於係 Video Production Pro；相反，你可以強調某一科優異成績，例如你數學拎A，有利你做 Data Analysis，如果 IG 有經營 Page，可以講一下 Social Media Behaviour 有關的 Insights.

除非你份 CV 最近出現一段空白時間，無論你係被炒🦑、陪家人、旅行、讀書、都只需簡短講少少，然後迅速返去突出你嘅技能同經驗，解釋佢哋點樣幫到公司。

4️⃣ 好好演繹你嘅活力同埋好學！💪

讀咁多書、搏命搵 Intern，唔通只求平安畢業咩？🎓 如果可以將你做 Projects 做 Interns 時見過、學過、用過嘅最新學術知識，套用到你將來想入嘅工，有機會令 HR 覺得請咗你，係可以幫公司更快適應新技術同實踐！🔥 好多搶手熱門技能例如 Basic Programming、寫過吓簡單APP、了解 mobile application、web3.0、blockchain 等技術，都係加分位！識得融合再展示學過嘅嘢，邊個話 Fresh Grad 唔可以一個打十個！

5️⃣ 格式、錯字、Proofread！

唔少 Hiring Manager 好 Care 格式，最快幾秒鐘就可以 screen走你封信。最直觀影響當然係字體，要提高可讀性，⭐ Times New Roman、⭐ Calibri 及 ⭐ Arial 都係熱門，唔同嘅OS上都睇到。最唔推介嘅係 ❌ Comic Sans。長度控制一頁內，對文字無信心嘅人不妨利用語法檢查器，例如 ⭐ Grammarly 或 ⭐ ProWritingAid 等，幫自己過濾 Typo 及 Grammar，但工具始終係工具，Send 之前最好請朋友甚至 Career Coach 做最後檢查就最穩陣。

寫完都仲係好無信心，更怕之後多輪嘅面試唔識 Prep，不妨 Join 我哋嚟緊7月15日，舉辦嘅一個Free Webinar ( 👉 link in bio)，分享有關 business 行業嘅分析，除咗Big4，仲會講埋Conglomerate、MT Program、FMCG等，提埋你行內 headcount 同最新趨勢，幫不論係讀緊書，定係 Fresh Grad 嘅你搵份最適合嘅工，為面試做好準備，仲唔快d參加！更多資訊可留意 .hackers 🌟

最近有好多好戲上畫，搞到小編都心郁郁想入戲院嚟個movie marathon。等緊新戲嘅同時不如我哋睇著啲舊戲先啦！唔知大家鍾意睇啲咩呢？小編就最鍾意睇biopic改編自真人真事嘅電影，因為睇呢啲傳奇人物嘅故仔，望住佢哋嘅人生起伏，好多時都有唔少啟發。今次就等我哋未大家推介下5套同business有關嘅真人真事改編電影，睇下你又能唔能夠喺入面搵唔搵到對自己career有咩inspiration啦！你哋都可以喺comment分享你哋鍾意睇咩戲㗎！

The Social Network
Mark Zuckerberg最近因為開啟Threads平台同Twitter對撼而風頭一時無兩。而The Social Network講嘅就係Mark一開始發明Facebook嘅故事。話說Mark當年俾女飛之後嬲嬲哋開咗Facebook報復，點知呢個大整蠱十分popular，好快就變成一個好有潛力嘅business。故事講述喺公司開始初期，Mark點樣同其他人爭intellectual property，以及佢點樣為咗公司攞funding而不惜犧牲自己嘅co-founder。當然呢個故事半真半假，但係喺職場上，爾虞我詐明爭暗鬥的確少不了，你又識唔識得保護自己？為咗自己利益，你又會唔會不擇手段？

Jobs
2013年出嘅呢套關於Steve Jobs嘅戲，帶我哋經歷Steve創立Apple嘅歷史興衰。Steve Jobs同好拍檔Steve Wozniak喺屋企車房研發第一代Apple電腦，雖然當初無人問津，但係佢哋繼續潛心研究，終於靠Apple II出人頭地。不過成功之後嘅Steve Jobs越黎越不近人情，直到俾公司董事踢出Apple，佢先至慢慢改變成為一個既有vision忠於一己之見，又識得謙虛聆聽嘅劃時代領袖。無論你係想開自己嘅公司定係幫人打工，都要記住失意時唔好妄自菲薄，從挫折中學習爬返起身，但係功成名就時又切忌得意忘形啊！

Air
依家個個人屋企都總會有對Nike，但係你又知唔知原來佢地以前唔係market leader？Air呢套戲講述嘅就係1984年嘅Nike想搶佔籃球鞋嘅市場，但係面對當時adidas、converse呢啲大牌子，佢哋點先能夠break in？想知佢哋最後點樣成功遊說到鍾情於adidas嘅Michael Jordan轉會代言Nike，又開啟咗名人可以收取代言產品嘅利潤嘅新business model，就唔好錯過呢套戲喇！Air呢個故事話俾我哋知一間公司嘅culture唔一定係流於口號，只要全公司上下都確信並且付諸實行，就會發揮到對於個business嘅影響力！

The Founder
McDonald’s快餐店遍佈全球，一切都要歸功於Ray Kroc，不過嚴格嚟講，Ray並唔係麥記真正嘅創辦人。雖然Ray Kroc唔係發明快餐店嗰個，但係套戲名巧稱佢為Founder，正正係因為佢睇得通快餐店嘅成功並唔在於個漢堡包有幾好食，而係在於franchise同地產嘅位置。唔少同學仔可能都有一番大志想開自己business，但係idea is cheap，呢個世界擁有有趣idea嘅人好多，但係識得搵啱機會leverage嘅人好少。好多時候，機會往往就擺喺大家眼前，差在大家係咪可以好似Ray咁睇得通，定係好似麥當勞兄弟咁，就算睇得通都因循守舊，無呢個膽識爭取呢？

Moneyball
最後一套介紹嘅戲就係小編好喜歡嘅Moneyball！2001年美國Oakland Athletics棒球隊輸咗俾New York Yankees，仲要一連走咗3個金牌球員，就算想搵新嘅球員，得41M budget嘅佢哋又點鬥得贏有125M budget嘅大球隊？佢哋嘅GM Billy Beane不但無放棄，最後更加成功逆轉勝，領導球隊連贏20場比賽名留棒球史。呢度就唔劇透咁多佢點做到，但係Billy Beane教識我哋嘅係，當你勇於挑戰大部分人以為「正確」嘅事，差極最多都係俾人當傻仔，但係如果你係啱嘅話分分鐘可以改變遊戲規則，所以唔好因為俾人話就放棄啊！

睇戲好似一個好普通嘅娛樂活動咁，但係如果有心睇嘅話，唔單止可以學到對business有用嘅智慧，亦都可以係平時networking嘅談資，甚至乎可以喺interview以獨特嘅見解嚟表現自己嘅intangibles！想好似我哋嘅同學仔咁，可以靈活將自己嘅興趣變成interview加分位就不妨book個call了解下我哋嘅coaching program啦！

用生命見工？
五大千奇百趣請人方法：密室逃脫、跳海、形式係Speed dating?😱

世界各地都搶人才，好多大型公司招聘都唔再只用傳統面對面，或網上對答方式面試，睇求職者學歷及經驗，而係出盡奇招例如比賽、歷奇、玩game🎯，去挖出、審視見工者嘅性格、實際技能、文化適應力等等，揀出最適合人選！面對呢類最mind-blowing嘅面試形式可以點準備🤯？其中一個方法當然係首先要知佢點樣mind-blow人！今次Career Hackers就搵咗其中5個unconventional嘅例子同大家分享，等大家知道有個心理準備都好啊！一齊睇落去！

1. Google：當你搜尋到某關鍵字就會出現神秘網站🔍
相信大部份人都會話Google最出名係佢嘅 Brain Teasers，以荒誕問題例如「用幾多個網球先可以塞爆一架巴士🚌」去考求職者創意、應變同思考模式，有唔少大公司都模仿面試時問同類型問題。

不過Google以前仲有一個為人津津樂道但又唔係咁多人知嘅方式「foo.bar」，就係用search engine 挖角。有Engineer員工分享，話搜尋某啲programming 關鍵字時，頁面就無啦啦自動分出一個神秘框框問：“You’re speaking our language. Up for a challenge?” 當佢做完一系列幾星期嘅coding測試，就有人問佢拎CV同請佢到總部面試。聽落好似惡作劇呢？但唔少員工都實際大讚Google可以以呢個方式，攔截大量想見其他工或無諗過自己可以入到Google嘅人才入職。

2. Facebook : Hacker Cup 🏆
Facebook 每年都會舉辦一次叫「Hacker Cup」嘅programming 比賽，開放俾全世界所有人參加，去搵出同聘請科技界最頂尖嘅人才。比賽分好多round，每輪都測試參力者problem-solving ＆ coding skills。而最後一輪會喺 Facebook 總部舉行，贏咗嘅話除咗有獎金，仲有機會獲得喺Facebook 嘅工作機會🧑‍💼。

3. HKTV：要求職者跳海？🌊
HKTV 兩三年前請 Management Trainee 嘅過程都轟動一時！當時候選人除咗要通過apt tests同普通面試，finalists 仲要接受2日1夜嘅outward bound挑戰。2019年要人攀山⛰️、划艇🛶，甚至乎跳海😱；而2020年就要野外登山同挑戰烹飪，聲稱要「考驗求職者全方位的能力、了解各候選人的真實性格，挑選最合適的管理人才💼」真係少啲Guts同決心都唔得！雖然近呢一兩年HKTV回歸返搞下job fair等傳統途徑，但當年個請人手法真係引起好大輿論，前無古人後無來者啊！

4. United Wholesale Mortgage（前 United Shore）：密室逃脫🔑
佢哋個CEO Mat Ishbia 曾經接受訪問，表明：「我唔care你個resume、唔care你邊度畢業、唔care你上一份工喺邊度做，但我好睇重 work ethic同態度！」原因係佢覺得好多skills都係可以學，就算係哈佛畢業都唔代表佢有熱誠做好份工。於是佢公司有個自設嘅 mortgage-themed 密室逃脫房間，嚟見工嘅人都會被鎖入去，要搵出hidden clues 同解謎逃走先有Offer，過程中「面試官」會審視candidates有冇領導及抗壓能力、團隊精神🧩，定係佢只係耍耍小聰明「走精面」，去搵出最fit公司culture嘅人。

5. Career Hackers 要幫學生同創科公司做「職場Speed dating」！ 💎
響呢個搵工唔一定只係上求職網嘅年代，特別係需求以幾何級數上升嘅IT industry，單靠求職者大海撈針，或公司逐個逐個人interview去請人，咁就太無效率喇！有見及此，Career Hackers就幫香港科學園 「Talent Game On 2K23」initiate 咗個platform，成就全港第一個 hybrid 及 遊戲化嘅 I&T career search programme👑，參加者透過闖關，響一站式平台完成唔同virtual + physical任務，不論學系，以遊戲展示你嘅「IT腦」去「think like an Tech Pro」，就可以透過STP 獲得同IT 業界公司及recruiters嘅「職場Speed dating」配對機會📝，了解唔同公司發展潛力及過千份Tech 及non-Tech 工作嘅招聘機會，Fast track 你去面試！

完成遊戲兼獲聘請嘅人仲有終極大機會贏取去美國Silicon Valley Round Trip嘅機會✈️，透過I&T tour 到訪當地大型創科公司及出席industry conference，幫你份個resume一口氣爆大海外exposure及networking🔖！

想參加的話唔使跳海、唔使被人反鎖～只要去Bio Link 搵「Join Talent Game On 2K23」撳入去按示指玩game就得啦！玩完仲可以睇下leader board 排第幾🏅，推介埋俾朋友都得！

彈出彈入🪄
HSBC轉態進駐Web 3 / Crypto 同學可以點準備？

話說最近HSBC開咗個job post打算請人做「Product Manager, Digital Assets」，同時亦都向美國專利商標局申請Web 3嘅trademark。就咁睇可能無咩特別，畢竟近幾年其實好多大banks例如Goldman Sachs、Morgan Stanley、JPMorgan等等都開始想涉獵多啲crypto，請人做digital asset可以話係大趨勢。不過如果你有留意開crypto嘅話，都會知道HSBC向來抗拒crypto，突然間想參與可以話係一個重大嘅策略變革！究竟HSBC轉態有啲咩implication，對於未來banking industry嘅架構或者role又有咩影響呢？想知道就要繼續睇落去喇！

180度大轉！↩️

舊年FTX爆煲單嘢搞到滿城風雨，人人都怕咗投資加密貨幣會太大風險。嗰時HSBC嘅CEO Noel Quinn仲話：「As a bank, we’re not getting into the crypto world, crypto trading, crypto exchanges」，認為由於crypto價格波動，亦都有難以評估貨幣持有人嘅透明度，同埋可唔可以隨時轉換成法定貨幣等等嘅問題，所以即使客戶想投資，HSBC都唔會將佢視為一種資產類別。HSBC仲禁止客戶將投資crypto嘅獲利轉入銀行戶口，亦都唔俾客戶購買一啲「參考加密貨幣表現」嘅投資產品。

本來對crypto十分抗拒嘅HSBC突然間投放資源做digital asset同以前嘅取態可以話係大相逕庭，意味著crypto潛力豐富。當一啲好似HSBC向來穩打穩紮嘅銀行都願意take呢個risk嘅話，就代表加密貨幣呢種Web 3 technology真係勢不可擋，其他銀行或會陸續跟風。銀行利用多咗Web 3除咗可以令現有服務更加安全、透明、同user-friendly，為成個行業帶來深遠嘅影響之外，更加會改變請人方針，多咗要求識tech嘅人。

講返個role先💡

咁HSBC請呢個role做咩㗎？睇返個job post，呢個Product Manager直接under Global Head of Digital Assets，負責設計同實行佢哋digital asset嘅環球策略（policy）同管理（governance）。要求除咗要熟悉private banking之外，更加要對於asset tokenization點樣可以運用喺傳統銀行有概念。同傳統job post唔同，無限年資，證明有料到重要過有經驗，仲可以base喺香港！

應該點準備？😎

HSBC呢個策略改變代表佢哋同其他bank都會喺香港想請多啲識tech嘅人去support新嘅product line。其實Web 3以外，HSBC近年都密鑼緊鼓做digital transformation，例如Payme、mobile authentication、desktop portal、遙距入票、實時付款等等。對於想入banking嘅同學仔嚟講，又或者已經入咗行嘅人，就算唔係請你做engineer去create呢啲product，或多或少都要了解多啲科技嘅趨勢同發展。

有啲banks更加要求高，陸續要求non-tech roles都要識programming同埋要有tech嘅根底，因為咁先至有能力同tech team溝通，同埋向客戶去pitch新嘅service。唔好以為喺interview吹下水就得啊，佢哋已經開始用coding test去screen人，分分鐘你未入到interview room已經俾人踢出局。要攞到張入場券就係時候把握機會upgrade下自己。

我哋Career Hackers都明白要自學programming有幾困難，所以我哋特登設計咗一個Essential Tech Skills for Finance and Consulting嘅IT Bootcamp俾各位同學仔！喺八個禮拜入面，你會跟住HSBC Data Engineer所設計嘅課程去學習基本嘅programming概念。透過行內真實嘅project，你仲可以親身實習點樣應用唔同嘅algorithms去做market data analysis / visualisation又或者各種automation，就算係non-tech嘅banking division例如S&T都apply到嘅實用技能。加埋我哋嘅Coding Test Hacking Principle，幫你一個禮拜內過到Bank of America Global Markets、三個禮拜過McKinsey、六個禮拜內過到Citadel，甚至其他quant roles嘅coding test，包保你學完嘅theory識得運用，並且有能力去過到所有tech requirements。如果想參加或了解更多嘅，就快啲去Bio Link報名喇！

[Networking Networking Networking - 重要的事要講三次]

相信好多同學仔都想知道更多有關investment bank既資訊, 有咩好過networking?小編今日整理左幾個networking既渠道, 大家記得唔好蝕底, click入嚟睇下啊~

1. 使用Linkedin聯絡校友🌟🌟🌟
大家唔好怕醜, 可以善用Linkedin既search同埋inbox function, 主動approach一d同自己同大學或者中學喺investment bank工作既校友, 佢地通常都好樂意回答大家對Investment bank既問題架, 你仲可以喺佢地既Profile睇下咩internship/ case competition值得參加添~~🤗🤗

2. 善用School Career Centre🌟🌟🌟
唔同既大學都有各式各樣既Mentorship Programme 或者Referral services。同學仔記得主動報名參加, 透過大學安排結識多d investment bank既校友或者同學, 佢地作為過來人, 通常都可以比到最新鮮既第一手資訊你架！😃

3. Career Hacker app - insider call🌟🌟🌟🌟🌟
最後又點少得Career Hacking app呢！我地目前有超過20位來自唔同行業既行業Insiders, 包括Goldman Sachs, HSBC既職員。大家可以用Hacking app入面既insider call feature, 問咩有關industry既問題都得架！我地既insiders好樂意解答大家既問題！😉

事不宜遲啦, 快d去Apple Store 下載 Career Hackers App, 接受第一手資訊啦！✴️✴️

[Management Consulting Series 4 - 唔同Interview Stage答嘅嘢都要唔同🤯？First round vs Final round要注意嘅事項！]

大家都知道interviews 通常都唔會剩係1 round 咁簡單，會有First Round, Second Round 甚至 Third Round，但你哋又知唔知道咁多round interviews嘅要求同目的有咩唔同? 今日就率先同大家討論下first round interview !🥳

叫得做first round，其實interviewers 嘅目的好直接😌，就係睇下你符唔符合呢份工嘅特徵。用consulting 做例子，interviewers 會睇你能唔能夠用consultant嘅角度諗嘢以及識唔識同client溝通相處🤔。係Case interview 入面佢哋除咗會考核你俱唔俱備consultant嘅基本能力，例如係分析同組織能力，仲會考驗你識唔識點同client溝通。例如，如果client嘅諗法唔單至錯，甚至會令問題雪上加霜，你又會點樣話比佢知個idea唔work得嚟，又唔會破壞彼此嘅關係呢？🤫所以，就算你有驚為天人嘅idea，唔識點說服client嘅話，佢哋都有可能第一round就篩走你! 🥵

另一樣嘢大家要留意嘅就係，first round interview 可以由唔同種形式舉行，例如係in-person，phone，video同group interview。唔同嘅形式都係考核緊你唔同嘅skills㗎! 🤗

#️⃣In-person
記住留意同interviewers 嘅eye contact!👁 即使你已經present完，都要keep住同interviewers 有eye contact 同show到你自信嘅一面。好多時interviewers 唔係想搵一個absolutely effective 嘅solutions ，反而係你點樣將你嘅idea變成一個具說服力嘅point。佢哋好易睇得出你對自己嘅答案肯唔肯定!🤥

#️⃣Video / Phone
Eye contact依然好重要! 值得留意係，用呢個format 記住留意有無video / audio delay🔊。如果唔肯定有無，就減慢自己present 嘅節奏，同埋唔怕重覆多幾次重要嘅point，確保interviewers 真係聽到。如果interviews涉及計數嘅時候，記得interviewers 係睇唔到你嘅calculations 㗎! 要一步步同interviewers 慢慢解釋翻啲步驟。😙

#️⃣Group
話明係group，其中一個考核重點當然就係work as a team嘅能力啦! 你可以點準備? 由今日開始，嘗試留意多啲自己日常生活入面同其他人嘅交流! 你會唔會好多時無心講錯嘢? 你講嘢嘅時候會唔會太argumentative ? 如果有，可以嘗試由今日開始慢慢學習同人建立一個positive 嘅交流!😝

講咗咁多，可能你會覺得呢啲只不過係微不足道嘅地方，但試諗下，你自己工作嘅時候，想遇到一個唔識溝通嘅天才定係相對上遜色啲，但同佢相處得嚟好開心工作氣氛好好?😏 呢啲soft skills同technical skills 一樣咁重要! 亦都係first round睇重開地方。

入到嚟second 甚至final round，interviewers 已經唔再睇邊個係一個good candidates , 因為大家入得嚟都係😎。佢哋睇嘅係，邊個能夠做得比佢哋預期中好。🧐

至於係case 方面，同第一round嘅分別在於今次有可能係一日內比多過一個case你去分析。目的係睇下你夠唔夠consistent⏳ 。有啲人可能一開始最精神嘅時候分析好獨到🧠，但如果隨著時間過去跌watt跌得好勁，幾個鐘就開始謝皮，呢方面就要小心多啲喇! 🥵

亦要小心去到後面佢未必會再比老是常出現同好classic 嘅case你去分析🥶，要有心理準備會係你未prep過同無一個framework 可以100%套入去嘅case到分析。如果真係遇到一個好weird嘅case，嘗試靈活運用學過嘅framework，唔好只係跟住傳統嘅用法。但如果真係唔得，就唔好強行亂用，情願唔用，好過用錯🤥。Interviewers 最唔想見到啲人硬套framework 落去 / over structuring 🤯

總括而言，interviewers second 或者final round 好多時睇你嘅consistency同team work等等嘅skills去睇你個package 能唔能夠符合個工作同有無exceed interviewers 嘅expectations🏅

[Management Consulting Series 3 - Case Interviews 你不能不知的兩大種類]

上回提及到case interviews 一定要嘗試代入去interviewers嘅角度去諗自己應該點答🤔。今次就同大家討論下唔同type嘅case interview 應該點準備! 🤗

Case interview 可以分為兩大類- Candidates主導同 interviewer主導。

1️⃣Candidates 主導
呢類interview 通常會由一個好宏觀嘅問題開始，需要你跟住個case搵出specific solutions。呢part最想考驗嘅係你嘅 整合 同 分析能力。如果望住個case覺得無從入手，不妨問下自己，到底邊個factor對你嘅hypothesis 有最大影響🤔? 如果唔肯定嘅，問問題去clarify 佢。通常情況下都唔會咁明顯比你一眼睇到👁所以頭先提及嘅分析能力好重要🤫 最後記住練習嘅時候，record🎥自己嘅表現，再睇翻條片自己有邊啲地方做得唔好。

2️⃣Interviewer主導

如果話1️⃣就好似車上司機🚗嘅角色，咁2️⃣就係乘客💺嘅角色。每次佢會要求你答一個問題，而呢啲問題都係有次序，但內容又好唔同。例如第一題generally 問你點解解決公司profitability 下跌嘅問題，下一題可以問你market size。呢啲係有目的地測試你臨場應對能力同轉channel嘅能力🥵。唔需要諗得太複雜驚之後會自打嘴巴，答好目前嘅個一條先。有兩parts想比多啲tips大家:

答suggestions 嘅時候，唔好剩係好似本目錄咁一個個list晒出嚟，嘗試將佢哋分成一個個categories🗯 ，係咩方面......係咩方面.......咁interviewers都易follow啲🥳

答conclusion 嘅時候，通常interviewers主導嘅case都會要求你證明interviewers嘅假設係錯嘅🥴。你用翻同1️⃣一樣嘅方法就可以。

所以，最後提提你，兩個方法都係考驗緊你同一樣嘅skills，只係個方式唔同😌 順帶一提，我哋嘅Management Consulting Externship入邊會有好多Case Practice，等大家可以戰勝Case Interviews🔥

又到新一年啦，祝大家新年快樂，下年係Career上面心想事成，更想一層樓😍🥳

[Management Consulting Series 2 - 克服 Consulting Interviews 嘅兩大關鍵]

早前同大家提及過唔同type嘅interviews questions 應該點答，心水清嘅你哋🤫應該留意到仲有一種99%會出現嘅類型未分析。無錯，就係case interviews 喇😏 今次同大家一連5個post，逐步逐步分析到底需要咩skills去答😎

第一件事，亦都係最重要嘅一件事，就係你要明白interviewers嘅思維方式🧠。所謂易地而處，你要先諗下interviewers想要啲咩，先可以達到佢哋嘅要求同impress 佢哋嘛🤤 雖然呢個係一個事前唔清楚內容嘅interview ，但根據最後攞到offer嘅人分享，絕大部分人已經排練類似format超過50個鐘🤯，所以結論係，interviewers想要一個已經好似同事咁嘅candidates🧐。而佢哋睇重嘅area，有兩方面:

1️⃣Interpersonal skills
無論你cv寫得幾好幾靚，interviewer更加睇重係你真人嘅同人相處能力🗣。例如係做consulting ，識得一步步將複雜嘅事講到client易follow係一個重要嘅能力。

2️⃣independent problems-solving skills
簡單哋講，interviewer想知就係到底你入嚟做之後可以自己解決到問題，定係要我babysit你先做到🤭?

為咗更準確哋測試，interviewers有時仲會問non-standard 嘅問題，好多時候佢唔係要求你要答到right answers，更多著重於你嘅臨場應對，短時間內組織答案，篩走無謂內容嘅能力。

最後，記住每個interviewers 嘅一舉一動都係有目的嘅，希望模擬真實工作環境再搵出邊個candidates 最適合公司。Prep個陣記住諗多啲呢方面! The best way to prepare is having actual experience! 想入consulting嘅話最緊要都係要有相關經驗，有興趣嘅同學仔可以考慮吓我哋嘅Management Consulting Externship去裝備一下自己啦❤️

Deadline on 5th January, apply through the link in bio now!