2016-2017 TWGHs LKTMC Student Association Cabinet - Sirius

經過兩場既中二級閃避球初賽黎緊兩日就會進行決賽🙆🏻
冠軍賽會由2A對2C 季軍賽就由2B對2D
歡迎同學到場觀賽同打氣🗣🔥
-鑑於近日有同學向我地反映賽前應說明打左第一個預備鐘比賽就結束 就以結束後既分數去作為兩方比數
-首先多謝同學提出既意見🙏🏻我地會於下場比賽多加說明打第一個預備鐘就結束比賽
-另外鑑於最近比賽有不少爭議，因此在此重申比賽所有判決以裁判之決定為準，請尊重判決

有關中四級班際閃避球事宜📢
由於近日天氣不似預期🌦
雨天導致球場濕滑以致不便賽事🌧
故此中四級原定明日和後日嘅賽事將會暫停⏯
相關嘅季軍賽和冠軍賽將會延期舉行🕐
但由於下星期將會舉辦社際活動🏫
所以相關嘅賽事將順延至社際活動後：3月8日及3月9日舉行‼️
敬請同學留意🗣不便之處敬請見諒🙇🏻

依幾日完成左部分中五級班際閃避球比賽🖖🏻
同學都好積極打出好精彩既賽事🔥
而今日既賽事因為學生會既失誤而令賽事有不公既情況出現
故此向兩班同學致歉以及於星期一同樣時間重賽
明天將暫停一天嘅賽事供各班休息 感謝各位體諒🙇🏻

今日終於似番個冬天☃可以著自己嬲番學🖖🏻
但仲係凍到騰騰震既你留意啦😈
有寒冷天氣警告既朝早我地會係7:50係獎品櫃前出售暖包♨️
每個為$3🎉🎉
今日全部暖包已經賣晒😹但已經再購入🙌🏻
由於數量有限先到先得 同學有需要購買就快手啲啦🤓
每位同學只可購買一個🙏🏻

黎緊星期二-四會係中六級班際籃球比賽🏀
第一日: 6A vs 6B 17/1(二)
第二日: 6A vs 6C 18/1(三)
第三日: 6B vs 6C 19/1(四)
🌟
比賽人數: 五人，可有替補球員(自已班別) 在中埸休息或主球員受傷時換上，人數不限。
比賽開始: 由主裁在中圈執行跳球，獲球者則取得發球權。
比賽流程:
第一節 12 : 55 – 1 : 10 (15分鐘)
中埸休息 1 : 10 – 1 : 15 (05分鐘)
第二節 1 : 15 – 1 : 30 (15分鐘)
比賽勝負: 比賽時間完結得分較多的一隊獲勝，若分數打和將會以罰球的方式決勝負。
基本規則:
1. 罰球「中籃」算一分，投球「中籃」算兩分，在三分線外投球「中籃」算三分，投中某隊所攻擊的敵籃，即為該隊得兩分。
2. 女生球員可以把以上得分乘上三倍分數。
犯規:
1. 球員用手之外的部位進行傳球、接球、運球和射籃等動作。
2. 不當行為、蓄意攻擊或挑釁對方球員者。
3. 基本籃球犯規準則 (持球走超過三步者、運球時雙手持球後再運球者)

完晒聖誕除夕乜乜乜之後又要番番學😪
聽日就開始考試啦📚溫好晒書未先🤘🏻
未既依加去溫啦💪🏻💪🏻😂
提提你聽日要帶學生證文具同精精神神既你😈
學生會室朝早會照常開放 如果唔記得帶文具歡迎黎借😛
考試加油啦咁多位🔥💪🏻

下星期二就係聖誕聯歡會🎅🏻🎉
未買相紙影相既你留意啦📸☝🏻️
我地買左數盒白邊即影即有相紙 價錢為$3️⃣6️⃣
有意購買既同學可到學生會室購買🏃🏻
由於數量有限賣完即止🙏🏻Thanks🙇🏻

早前既中六級嘅班際閃避班比賽終於圓滿結束🖖🏻
好多謝中六同學既參與🏃🏻
以下有我哋為大家影既相📸同學可以透過以下既google drive下載🤓
https://drive.google.com/open?id=0B8L0iS_k8OvPbnBCSzQzVGFGMXM
https://drive.google.com/open?id=0B1zNKFnDOJRROUVBYi1CUG50VGs

打左咁多場中六閃避球比賽終於黎到冠軍賽😈
分別係由6B對6E☝🏻️☝🏻
聽日午膳12:55記得黎幫手打氣啦😼💪🏻

話咁快就完左三(四)日假期💤
不過唔洗憂住🖖🏻黎緊既星期一-五會有中六級既班際球類比賽😎
中六同學參與之外其他同學都歡迎黎觀賽🤓
閃避球會有以下各規則👇🏻
閃避球規則與流程：
球員配置: 每局比賽開始時，需配置一名球員到外場，由各隊自由安排。
比賽開始: 比賽開始前雙方成員需站在自己的後方外場線，主裁判會把球放在中圈，哨子聲響起後雙方搶奪中圈球，獲球者則取得發球權，而雙方成員需立刻回到內場進行比賽。
比賽結束: 當任何一方在內埸區的有效人數為0時，另一方獲勝，比賽結束。

比賽人數: 最少15人，如兩隊比賽人數不同，人數較多的對伍可照常進行比賽但有效人數是計算較少對伍的人(如20:24,24人的一方剩餘最後四個時則當落敗) 。
基本規則:
1. 被對方球員投擲的球直接擊中頭部以外的部份（包括衣服，不包括頭髮），在球著地前己方球員未能接取者，則示為「出局」。
2. 二名以上球員前後連續觸球後，若球落地前被接住，最先觸球者應予「出局」。
3. 內場球員「出局」時必須退出外場。
犯規:
1. 球員越過自已所屬的場區活動。
2. 內場和外場之間的傳球以四次為限，第五次傳球成立時判為犯規。
3. 持球超過五秒鐘。
4. 不當行為或挑釁對方球員者。
發球權：
1. 外場球員最後觸球出界，由對方內場獲發球權。
2. 內場球員最後觸球出界或自己擲球出界時，由對方內場獲得發球權。
3. 判定犯規的發球權，屬於對方內場。
🌟提提聽日參賽既6A同6B同學記得帶PE衫更換 同埋準時於12:55到操場參賽🙏🏻

前日放學中六班既代表已經進行左抽籤🙌🏻
而是次中六級球類競技比賽於早前集合各班意向會係進行閃避球比賽💥
每班最少要出15人 沒有上限
提提同學記得帶齊Pe衫回校換😁
請比賽班別於午膳時間1:00到操場參賽🙇🏻
歡迎其他同學到場觀賽🏃🏻