治遊學教具坊 TheraPlay Learning Supplies

09/09/2026

最近收到好多訂單，今日係拆箱同埋執貨日，希望大家都快啲收到好玩嘅遊戲，可以喺新學年使用❤️

08/09/2026

昨天有人分享在港鐵上看見有人食電子煙，於是錄影並報告給職員聽，很多人都讚那位阿叔做得好。

如果，你看見有人食電子煙，你會出聲鬧佢嗎？

又如果，你在港鐵上看見有人瘋狂撩鼻屎，仲周圍摸，你又會唔會出聲話佢？

究竟邊個做法先係啱？ 如果你想出聲，又需要有咩條件配合？

當中真係有好多人情世故及表達策略。

呢個亦都係我當初印刷「高階思維」嘅初衷；好想學生能夠多啲去思考，並透過討論，理解唔同人嘅睇法，何謂人情世故，再找出最適合自己嘅解決方法。

07/09/2026

100 個言語治療師隨想 （30/100)

超級方便嘅治療小工具

《創意小星球》

呢盒玩具非常簡單，只係有六粒光滑嘅骰仔同埋一支墨水筆，你可以發揮創意，係骰仔上畫上或者貼上唔同嘅圖案或詞語，去創作你獨一無二嘅故事骰仔、發音骰仔、遊戲骰仔。

雖然可以自己摺一粒骰仔出嚟，但係太嘥時間啦，加埋呢粒骰仔又好有質感，擲骰仔嘅時候手感好好😆

圖片就係我自己整嘅發音骰仔，可以用嚟做句子或者故事接龍，只要加少少創意，練習就會好玩好多！

《創意小星球》只係$68，而家買佢就送高階思維㗎啦，抵到爛！

04/09/2026

賣大包 ：免費贈送

最近我哋收到好多訂單，多謝大家嘅支持，如果有錯漏請多多體諒🙏

有唔少學校都有訂購呢套「高階思維」圖卡，我哋現凡任何購物，都會贈送一下，真係超級超級抵！

點解會咁抵呢？ 其實啲盒圖卡嘅製作成本並唔平，搵插畫師畫畫，加埋印刷費都好貴。所以製作時，師奶仔心態，本着印得多啲，價錢抵啲嘅心態，冇諗過儲存空間嘅問題，結果其實最貴嘅係儲存空間嘅成本。

我自己好鍾意呢盒圖卡，當中有好多現實生活嘅情況；
- 行行吓街便急，你會選擇去邊度搵廁所？如果附近冇商場，能否就咁走入一間茶餐廳住借廁所？
- 見到有人冇公德心，你會選擇出聲提醒定係保持沉默？

每個選擇都冇話一定啱或者錯，亦都可能引起唔同嘅後果，好值得我哋去思考及討論。

年紀越大，就會發現世界唔係非黑即白，有好多灰色地帶，答案亦都唔只一個。

03/09/2026

01/09/2026

100 個言語治療師隨想 （29/100)

適合成人/老人家👵🏻👩🏼‍🦳👴🏻🧔🏻的遊戲

《噏乜嘢 up mutt yeah》
一定要介紹我好鍾意嘅「噏乜嘢」！裏面有200個廣東話俚語，有啲我已好少講，但係細個成日聽，香港嘅老人家一定有聽過，例如：金叵羅、倒瀉籮蟹、𡁻完鬆🤣

可以同老人家玩解釋詞語、詞語、填充、分享相關例子，只要發揮創意，有好多嘢可以做㗎。

我非常鍾意呢盒圖卡，亦都好多謝出品呢盒卡嘅人，多謝佢哋傳承廣東話，又畫咗啲咁得意嘅插圖❤️

31/08/2026

100 個言語治療師隨想 （28/100)

適合成人/老人家👵🏻👴🏻🧔🏻👩🏼‍🦳的遊戲

我哋出售嘅遊戲除咗適合學校，亦好啱老人及成人，所以一直都有院舍向我哋訂購產品，嚟緊推薦幾款好適合成年人及老人家嘅遊戲比大家。

《機智方塊》
呢個遊戲有少少似俄羅斯方塊，玩家首先根據骰子上的數字，擺好「柱子」，然後要將唔同形狀嘅方塊全部放入板塊中，需要手眼協調同埋空間概念，可以自己玩又可以2人對戰，我自己都好鍾意玩❤️

《機智新星》
玩法一樣，不過難度更加高，有更多唔同嘅組合。可以玩熟咗機智方塊再挑戰呢一份。

其實老人家除咗打麻雀同埋玩Rummikub，都有好多好好玩嘅遊戲，可以保持腦筋靈活同埋語言技巧呢！

28/08/2026

100 個言語治療師隨想 （27/100)

我常常在課堂開首和學生閑聊幾句，從中練習交談技巧。

昨日我👩🏻‍💼和5歲的男孩👦🏻上堂：

👩🏻‍💼：你平時放學最鍾意做乜嘢？

👦🏻：玩飛機，傻hi hi 飛機

👩🏻‍💼： 傻 hi hi？ （心諗：咩粗口嚟㗎😅😅）

👦🏻： 係呀，傻hi hi 飛機，係daddy 做嘢個商場買㗎

👩🏻‍💼: 點玩㗎

👦🏻：佢會唱歌，傻hi hi

👩🏻‍💼：哦 ！😅😅

落堂後，問清楚媽咪，媽咪話佢係講「海底撈」嘅生日歌「傻hihi」，架飛機會播呢首歌，我亦有同媽咪講返呢三個字有啲似廣東話嘅粗口音。

我覺得有生日歌叫傻hihi 實在太奇怪了，返屋企search 吓，原來不是「傻hihi」， 是普通話「說hi hi」！Sorry，係姑娘孤陋寡聞，腦裡面仲要諗咗粗口！

我宜家腦裡面loop 住咗嗰句「傻hi hi」！

27/08/2026

又忍唔住買咗新玩具，好好玩❤️
多啲玩遊戲，EQ都會好啲，能慢慢學習控制情緒，學習處理憤怒和不服氣。

遊戲嘅好處多不勝數，不過最大嘅問題就係儲存空間有限，中心啲櫃已經快爆炸！

24/08/2026

昨天晚上朋友聚會，六個年齡由10-14歲嘅細路，本來一係打機一係睇電話，但後尾攞份Top Ten 出嚟，大家玩到超開心，笑到傻咗🤣

尋日最受爭議嘅一條題目：瞞住老師，背後做一個行為，1是最輕微，10是最嚴重。我哋出嘅行為有：

- 偷偷地食煙
- 靜靜咁呼吸
- 做毒品買賣及賣俾半班同學
- 撕爛本書
- 喺班上做大耳窿叫同學借錢（要同幾個中文唔叻嘅細路解釋咩係大耳窿）
- 睇色情片轉發給全班同學

你哋又會點樣排這幾件事嘅嚴重程度呢？

真係超級推薦大家喺聚會嘅時候可以玩吓桌遊，會引發好多溝通同埋爭論，好好笑㗎！