香港求生及防災協會

香港求生及防災協會 赤腹松鼠 - 共同構建全齡防災生態圈
防災教育 | 求生訓練 | 災害管理
工作聯絡:
[email protected] / 60922901

16/09/2026

【當公共救援未必立即幫到你，我哋點樣助人自助？】

🛡️ 香港社會長期以來，習慣將個人安全嘅責任幾乎完全託付予政府同專業救援體系，卻較少建立自助能力，亦較少培養同鄰里之間互相支援嘅習慣。

一個具備韌性嘅社會，安全網絡理應由自助(保護自己)、互助(幫助他人)、公助(公共救援系統)三個層次相輔相成構成。但喺香港嘅高密度都市生活形態下，鄰里之間接觸機會有限、社區組織角色減弱，加上教育同職場普遍缺乏系統性應急演練文化，令市民較少機會鍛鍊個人應變能力，「自助、互助」呢兩層往往顯得相對薄弱。當公共資源在大型災難中面臨極限，個人嘅自救能力同社區之間嘅互助默契，便成為填補空隙嘅關鍵。

🔥 有見及此，香港求生及防災協會推出「香港防災士培訓計劃」，透過系統化嘅培訓課程，教授市民實用嘅自救互救知識同技能，希望每一位參加者都能夠成為社區防災嘅第一道防線，喺災難來臨嗰刻，有能力保護自己、同時支援身邊嘅人。如欲了解更多課程詳情，歡迎關注我哋嘅專頁。

📋 計劃詳情：https://www.hksdpcl.com/香港防災士培訓計劃/

📝 立即報名👇🏻👇🏻👇🏻
https://forms.gle/V6CrYnte83AGNWr96

📹 部分影片片段來源：集誌社

#香港求生及防災協會 #防災士 #社區防災 #防災教育 #韌性社區

以為香港求生及防災協會，只係教人行山、生火、搭避難所？其實，野外求生、防災教育同企業活動， 分別對應住三個重要場景：🏕️ 野外求生｜面對山野突發情況時，學識自救、求救同冷靜判斷。 🛡️ 防災教育｜將危機意識帶返屋企、校園同社區，喺意外發生前...
09/09/2026

以為香港求生及防災協會，只係教人行山、生火、搭避難所？
其實，野外求生、防災教育同企業活動，
分別對應住三個重要場景：

🏕️ 野外求生｜面對山野突發情況時，學識自救、求救同冷靜判斷。
🛡️ 防災教育｜將危機意識帶返屋企、校園同社區，喺意外發生前做好準備。
🤝 企業活動｜透過實境挑戰提升團隊協作，更可延伸至企業防災、社區共融及 ESG 韌性方案。

我哋相信，求生唔只係山野技能；
防災亦唔係只用於災難發生嗰一刻
由今日開始
為自己、家人、同事同社區，
多準備一步。
想持續學習實用求生及防災知識？Follow 我哋。
企業／機構想了解度身訂造活動及合作方案？
WhatsApp 我哋，輸入「企業方案」。

#香港求生及防災協會 #野外求生 #防災教育 #企業活動

⛰️ 如果你同朋友行山時迷路，你會點做？手機突然收唔到訊號，睇唔到網上地圖、打唔到電話；天色開始轉陰，眼見就快落雨；飲用水所剩無幾，仲未知道應該向邊個方向行……遇到呢種情況，你識唔識保障自己同同伴安全？行山、露營、越野活動愈來愈多人參與，但...
06/09/2026

⛰️ 如果你同朋友行山時迷路，你會點做？
手機突然收唔到訊號，睇唔到網上地圖、打唔到電話；
天色開始轉陰，眼見就快落雨；
飲用水所剩無幾，仲未知道應該向邊個方向行……

遇到呢種情況，你識唔識保障自己同同伴安全？

行山、露營、越野活動愈來愈多人參與，但野外環境瞬息萬變——迷路、受傷、失溫、缺水，往往一個小意外，就可能演變成危機。

與其靠運氣，不如預早學識保護自己同身邊人。

🌿 野外求生初級課程
一日實戰課程，帶你由零開始掌握野外應急求生技能。無論你係行山新手、露營愛好者，定係想為自己同家人多準備一項重要技能，都適合參加！

你會學到：
✅ 地圖及導向技巧｜迷路時如何判斷方向、規劃撤離路線
✅ 尋找及處理水源｜野外缺水時，點樣搵水及安全處理
✅ 野外急救概念｜遇上扭傷、割傷、失溫等情況點樣應對
✅ 搭建臨時遮蔽物｜面對日曬、雨水、低溫，如何保暖避險
✅ 野外求救訊號｜如何令搜救人員更容易發現你

完成初級課程後，更可銜接報讀 野外求生高級課程，進一步提升戶外應變能力。

📍 地點： 大潭郊野公園（天后集合）
🕘 時間： 上午 9:00 至下午 5:00
💰 費用： $800／位
📅 日期： 9月20日/10月24日

👥 二人同行優惠
留言 「我要學求生！」，再 Tag 一位想一齊學習嘅朋友，即享 二人同行減 $100 優惠！

👉 立即報名：
https://forms.gle/46W1GTQykBpumSCN6

📲 查詢／公司團體／私人包班，歡迎 WhatsApp：6092 2901
https://api.whatsapp.com/send?phone=85260922901

#野外求生 #行山安全 #戶外活動 #求生技巧 #戶外課程

🐿️🐗 小松鼠呀桔 x 波 Sir 話你知 — 喂！成 35 度咁熱，你識唔識降溫防暑？🔥🥵呀桔今日行山行到流晒汗，邊抹汗邊好奇問：「波 Sir，今日熱到爆，我狂飲清水就得啦，使咩做咁多防暑準備呀？」🐗波 Sir 即刻停低，轉頭瞪實呀桔：「...
24/08/2026

🐿️🐗 小松鼠呀桔 x 波 Sir 話你知 — 喂！成 35 度咁熱，你識唔識降溫防暑？🔥🥵

呀桔今日行山行到流晒汗，邊抹汗邊好奇問：
「波 Sir，今日熱到爆，我狂飲清水就得啦，使咩做咁多防暑準備呀？」

🐗波 Sir 即刻停低，轉頭瞪實呀桔：
「你係咪認真㗎？！35 度出嚟行山唔識降溫？？陣間中暑想我背你落山呀？！快啲拎紙筆記低啦笨蛋！！」

呀桔嚇到手震震😨，但係乖乖攞返筆記本📒
即刻幫大家整理波 Sir 嘅「野外降溫吼叫式教學」👇

✅ 避開最毒時段：11am 至 3pm 暴曬時段切忌戶外活動，改清晨或黃昏出發！
✅ 濕巾敷大血管：用濕毛巾敷頸側、手腕同腋下，散熱效果最快！
✅ 善用天然遮蔭：樹蔭、山洞一有就要避，每 30-45 分鐘強制休息一次！
✅ 防曬裝備要齊：著淺色透氣寬身衫，戴埋闊邊帽同 UV 太陽眼鏡！
✅ 電解質先係關鍵：流汗會流失鹽分，淨係飲清水唔夠，一定要飲電解質飲料！
✅ 密切監測天氣：留意「我的天文台」App，一有酷熱天氣警告即刻調整行程！

✅今日波 Sir 金句：
「防暑降溫唔係怕唔怕熱嘅問題，係會唔會出事嘅求生常識呀！」 🐗🔥

想睇更多求生防災知識，記得 Follow 我哋 Facebook、Instagram、YouTube
訂閱 HKSDPC，第一時間掌握最新資訊！🐗🐿️

你地平時戶外活動有咩獨門降溫秘招？留言話我知👇👇

#好熱 #防暑 #降溫 #香港求生防災協會

昨日（2026年8月9日），大埔船灣淡水湖郊遊徑發生一宗男子昏迷後不治事件。據報，警方正調查事件是否涉及中暑，確實死因仍有待確認。我哋對事件感到難過。亦希望提醒每一位準備在酷熱天氣下進行戶外活動嘅朋友：行山風險，未必只來自迷路、跌倒或突發天...
10/08/2026

昨日（2026年8月9日），大埔船灣淡水湖郊遊徑發生一宗男子昏迷後不治事件。據報，警方正調查事件是否涉及中暑，確實死因仍有待確認。

我哋對事件感到難過。亦希望提醒每一位準備在酷熱天氣下進行戶外活動嘅朋友：

行山風險，未必只來自迷路、跌倒或突發天氣。
高溫、高濕、無風、長時間曝曬，加上體力消耗，都可能令身體負荷迅速增加。

今日酷熱天氣警告仍然生效。出發前，請先睇清楚天氣警告、行山徑天氣，同時誠實評估自己同隊友嘅體力狀態。

如果途中出現頭暈、頭痛、噁心、氣促、異常疲倦或意識混亂，請立即停下、到陰涼位置休息並求助。
如有人意識不清或昏迷，請立即致電 999。

改時間、縮短路線，甚至取消行程，唔係掃興。
係風險管理，亦係對自己同隊友負責。

請 Save 呢個 Post，亦 Share 畀今日或明日打算上山嘅朋友。

#香港求生及防災協會 #行山安全 #酷熱天氣 #戶外安全

08/08/2026

🐿️小松鼠呀桔話你知 - 街頭自販機竟然變身救命站？！😱

上星期熊本大地震
呀桔問：「博士，平時買水嘅自販機，點解會變成救命站？」

🦉博士：「呀桔，最好嘅防災，就係悄悄藏喺你每日都見到嘅日常裡面！」

呢啲叫「災害對應型自販機」🇯🇵
一旦大地震發生
系統遠端解鎖，所有按鈕瞬間變免費
畀災民自由攞水補充體力！

仲未止！新型號內建備用電池
即使停電都可以發射免費 Wi-Fi
仲有 USB 插口畀你免費充電⚡

平時係解渴小站，災難時係生命續航基地
呢啲就係日本防災文化厲害之處！

✅ 貓頭鷹博士金句：
「最好嘅防災，就係將救命設施悄悄藏喺你每日都見到嘅日常裡面。」🦉

呀桔同貓頭鷹博士都希望大家做好準備💛
Follow 我哋 Facebook、Instagram、YouTube
訂閱 HKSDPC，第一時間掌握最新資訊！🦉🐿️

你身邊仲有咩神奇嘅隱形防災設計？留言話我知👇👇

#小松鼠 #貓頭鷹博士 #日本防災 #熊本地震

防災士活動 - 「韌性築壘：社區和家園的逆境挑戰」展覽導賞團＆空氣草工作坊 🌱防災士義工們於7月18日，來到香港中文大學賽馬會氣候變化博物館（康本國際學術園8樓），參加香港紅十字會舉辦既「韌性築壘：社區和家園的逆境挑戰」展覽導賞團，深入了解...
07/08/2026

防災士活動 - 「韌性築壘：社區和家園的逆境挑戰」展覽導賞團＆空氣草工作坊 🌱

防災士義工們於7月18日，來到香港中文大學賽馬會氣候變化博物館（康本國際學術園8樓），參加香港紅十字會舉辦既「韌性築壘：社區和家園的逆境挑戰」展覽導賞團，深入了解社區同家園面對逆境時既韌性同應變智慧💪。

導賞團入面，防災士透過展品同案例，認識到唔同社區響災難同逆境中點樣自強不息、互相扶持，重新建立家園，加深大家對「韌性社區」呢個概念既理解🏘️。

參觀完展覽，緊接就係充滿環保意義既空氣草工作坊！大家運用自備既膠樽，親手製作獨一無二既空氣草擺設，將回收物料轉化為生活小綠意，寓意逆境中都可以創造新生機🌿♻️。

今次活動由導賞加手作，寓學習於體驗，等防災士們對社區韌性有更深刻既感悟。歡迎大家一齊加入防災士，參加更多防災同韌性社區相關活動！

#防災士 #韌性社區 #香港紅十字會 #空氣草工作坊

明報三連報道｜宏福苑大火半年後 舊樓防火隱患未除 本會創辦人張清風接受訪問分享防災實戰經驗宏福苑大火發生至今，社會對舊樓防火意識雖然提高，惟基層住屋安全隱患依然處處。日前，明報一連三篇報道，深入探討劏房及舊式「三無大廈」既消防隱患，以及本地...
03/08/2026

明報三連報道｜宏福苑大火半年後 舊樓防火隱患未除 本會創辦人張清風接受訪問分享防災實戰經驗

宏福苑大火發生至今，社會對舊樓防火意識雖然提高，惟基層住屋安全隱患依然處處。日前，明報一連三篇報道，深入探討劏房及舊式「三無大廈」既消防隱患，以及本地求生教育既發展趨勢，本會創辦人張清風亦接受訪問，分享多年來既防災實戰經驗。

📍報道一：〈「朝早出門先知救緊火」 三無廈劏房租客：人窮無得揀〉
記者實地抽查發現，灣仔及深水埗40多幢舊廈無警鐘又無消防喉轆，其中兩幢過去5年曾發生火警，揭示基層舊樓租戶身處既消防安全缺口，反映「三無大廈」問題依然未解決。

📍報道二：〈宏福火餘悸 求生課程收生增三成 求生協會籲效內地 設應急部門統籌防災〉
大火後，市民防災意識明顯提升，求生課程收生錄得顯著升幅。本會亦建議借鏡內地經驗，設立專責應急部門統籌全港防災工作，加強跨部門協調效率。

📍報道三：〈求生協會創辦人三歷火警 稱警鐘誤鳴多易「狼來了」〉
身兼物業設施管理工作的張清風曾遇3次火警，其中兩次是協助商廈和地盤疏散。憑藉多年實戰經驗，他指出警鐘誤鳴頻繁容易令住戶失去警覺，一旦「狼來了」效應出現，真正火警來臨時反而錯失逃生黃金時間。

報道連結：
1️⃣ https://tinyurl.com/3aveykwv
2️⃣ https://tinyurl.com/4dc4vjkz
3️⃣ https://tinyurl.com/5n7jyscp

本會一直深信，防災意識既建立需要由生活細節做起——由家居消防設備既基本檢查，到社區層面既應急機制統籌，缺一不可。多謝明報邀請本會分享意見，未來我們會繼續致力推動全民防災教育，攜手為香港打造更具韌性既社區。

#防災士 #明報 #宏福苑 #三無大廈

01/08/2026

🐿️小松鼠呀桔話你知 - 痴膠紙防颱風？做咗幾十年原來冇用！😱

呀桔問：「風球嚟緊，係咪要買膠紙痴窗？」
🦉博士搖頭：「膠紙根本冇用㗎！」

雜物飛嚟，照爆無誤
仲會令碎片黐埋，變成鋒利「玻璃飛鏢」😱

✅ 貓頭鷹博士金句：
「痴膠紙唔係保護你，係保護你唔到！」🦉

真正有效：遠離窗邊、拉埋窗簾、裝防爆膜

呀桔同貓頭鷹博士都希望大家做好準備💛
Follow 我哋 Facebook、Instagram、YouTube、Threads
訂閱 HKSDPC，第一時間掌握最新資訊！🦉🐿️

你仲有咩颱風習慣想知係咪真係有用？留言話我知👇👇
#小松鼠 #貓頭鷹博士 #防災意識 #颱風防備

29/07/2026

🔥 【全港第一屆生火比賽】詳細賽制大公開！唔參賽都可以嚟食 BBQ 觀賽！ 🔥

你平時起火係靠打火機定係靠真實力？
香港求生及防災協會舉辦嘅 全港第一屆生火比賽 賽制正式曝光！今次賽事設有兩大核心項目，考驗大家嘅實戰能力與原始求生技巧 💪✨

🏆 【比賽項目詳情】（想挑戰嘅朋友睇呢度！）
1️⃣ 打火石生火煲水計時賽
目標： 考驗自備工具生火及控火實戰能力。
規則： 使用打火石起火後添加木材，將 200毫升 清水煲至 95°C（限時 16 分鐘）。
獎項： 最快完成嘅前 3 名獲頒 金、銀、銅獎！
物資： 大會提供引火物、木材、水及容器。參賽者可自備打火石。
限制： 僅限手動刮擦！嚴禁打火機、半自動彈簧打火石、齒輪或任何化學/機械協助。

2️⃣ 鑽木取火挑戰賽（自由參與）
目標： 考驗最原始、極致嘅體力與手轉摩擦技巧！
規則： 使用大會底板及自備轉杆純手轉摩擦，直至肉眼見到明火出現（限時 15 分鐘）。
獎項： 限時內成功出明火即獲精美獎品；最快前 3 名獲頒 金、銀、銅獎！
物資： 大會提供專用底板及引火物；參賽者自備純天然木/竹轉杆。
限制： 嚴禁使用弓鑽、繩索、槓桿或機械輔助，必須純雙手轉動！

🌟 賽事活動亮點
賽後狂歡｜比賽完結後，下午 1 點起一齊任飲任食 BBQ 4 小時！
豐富獎品｜比賽冠亞季軍總值 $3,000 神秘獎品！
人人有份｜凡參賽出席者，即送精美選手禮包一份！
新手補底班｜想參賽但未掌握技能？我哋特設專用「生火班」幫你上課進深！
貼心設施｜完善草地營火場地，設免費停車位（先到先得）。

活動資料
📅 日期：2026年12月13日（星期日）
⏰ 時間：11:00 – 17:00
🔥 BBQ時間：13:00 開始（任食任飲至17:00）
📍 地點：大埔汀角灣燒烤農莊
💰 費用：
🎯 參賽者：$280/位
👀 觀賽者：$200/位

—— 等等！唔想參賽？ ——
🍖 純粹想嚟食 BBQ 睇熱鬧？一樣大歡迎！
唔係生火高手？純粹想�

Address

柴灣
Hong Kong

Opening Hours

Monday 10:30 - 18:00
Tuesday 10:30 - 18:00
Wednesday 10:30 - 18:00
Thursday 10:30 - 18:00
Friday 10:30 - 18:00
Saturday 10:30 - 13:00

Telephone

+85260922901

Website

Alerts

Be the first to know and let us send you an email when 香港求生及防災協會 posts news and promotions. Your email address will not be used for any other purpose, and you can unsubscribe at any time.

Contact The School

Send a message to 香港求生及防災協會:

Shortcuts

Featured

Share

Category