Innovation-Methodist College Student Journal 15-16 Proposed Cabinet No.3

大家好呀！都知道同學們都等左凱風好耐喇，要大家等咁耐，真係好唔好意思，
係度向咁多位講聲對不起。
第一期凱風有嫁喇，我地將會係下星期二 Day 1派發。同時我地承諾，會盡我地所能，加快第二期嘅出世。

首先，要多謝咁多位同學嘅支持同信任，本閣將會盡心盡意咁為同學服務，務求為同學提供一本創新及具新意的凱風。
另外，亦要多謝友閣嘅貢獻同競爭，令到我地閣更加對參選凱風嘅信心更堅定，做宣傳嘅時候更落力。
最後，亦都希望各位同學會鍾意我地閣嘅凱風同感受到來年我地製作凱風嘅心機。

聽日就係SJ Election Day啦，希望同學都唔好浪費左你地嘅一票，可能你地嘅一票會成為決定嘅一票，來年凱風係點就靠你地啦。
我地由一開始組織到之後成立再諗政網直到宜家都有差唔多一個月嘅時間，雖然準備嘅時間唔多，不過我地都抱住服務同學嘅心去做凱風。
希望凱風可以真真正正係屬於循中學生，凱風可以新鮮得黎又唔陌生，同學真係鍾意睇凱風。
如果希望凱風係內容係豐富嘅、有趣嘅、有用嘅話——
聽日，22/10 請投我地3號內閣Innovation一票！
22/10 Please vote for Innovation.
Your vision Our Future!

Innovation政綱概要

Innovation的意思為創新、新事物。本閣將會在往年凱風舊有部份中增添新意思，希望為同學帶來新鮮感。之外，本閣亦會在凱風植入革新的面貌，憑報導新事物和配合創新的意念，能帶來眼目一新的感覺，促進雙方互動性及增加同學閱讀的樂趣

凱風主要編輯方向

一.保留舊有部份

1.1老師專訪-----老師探秘
同學在校園內經常接觸老師，相信同學對老師教學生活以外的另一面特別感興趣的。透過文字和圖片了解老師鮮為人知的一面，亦期望同學能更立體地認識我們的的老師，並從老師的交流中能有所得著。

1.2學生投稿----學生有say
循道中學的學生總是充滿豐富想像力及靈感。學生投稿是凱風一直以來的傳統，藉此可以成為發揮同學想像的平台。在無任何框架限制的平台，可以讓同學發表自己對校政的看法、也可以與他人分享自己的文章。

二、加入新元素

2.1食得招積
你是否對譚仔，M記生厭？本閣成員將身先士卒，為大家搜羅好食店，希望同學們都能食得招積。
2.2校隊/學會專訪

鑑於本年度校方增設了不少新的校隊，同時校內亦有為數不少的學會，望藉着進行專訪，加深同學對其認識。

2.3心理測驗
在同學們都勞碌於校園生活中，希望藉此能調劑一下趕忙的學習生活，同時幫助同學更認識自己，令凱風變得更加多元化。

2.4 DIY專區
同學日常生活都會用到很多日常用品，例如萬字夾、衫架等。而同學又有沒有想到這些物件稍為加工，會有另類用途呢?

2.5大爆冷
透過介紹同學較少人知道的東西，例如運動、冷知識等，擴闊同學對不同事物的認知。

2.6對比往昔
即是我們都身為循中人，對於學校的舊面貌，了解又有多深呢？透過訪問學校資歷較豐富的教職員及舊生，進一步了解昔日循中的面貌。