HKAPA BFA-Applied Theatre major

HKAPA BFA-Applied Theatre major 香港演藝學院戲劇學院 全新應用劇場學士（榮譽）課程

開拓演藝領域 看見更廣濶的戲劇世界

TO…咩嚟架？OT我就知😵‍💫被壓迫者劇場（Theatre of the Oppressed）係巴西劇作家、導演兼劇場理論家Augusto Boal喺上世紀七零年代歷經多年劇場實驗而創發嘅劇場～🎭1960年代初，Boal發展出一個新嘅實...
16/06/2024

TO…咩嚟架？OT我就知😵‍💫

被壓迫者劇場（Theatre of the Oppressed）係巴西劇作家、導演兼劇場理論家Augusto Boal喺上世紀七零年代歷經多年劇場實驗而創發嘅劇場～🎭

1960年代初，Boal發展出一個新嘅實驗：畀觀眾中斷演出，向舞台上處於壓迫處境嘅演員提出建議，然後演員根據觀眾提出嘅意見進行演出。但喺一次傳奇性嘅過程中，一位女性觀眾因為演員唔了解佢真正嘅意思而好嬲😠，於是跑到上舞臺親自呈現自己嘅想法🗯️。觀演者(觀眾-演員spect-actor)從此誕生！觀眾唔再係靜坐喺舞台下方嘅旁觀者（spectator）。

Boal嘅劇場實驗從此轉型。佢開始邀請觀眾帶住佢地嘅想法介入舞臺。佢發現喺呢個過程中，觀眾因為介入演出而獲得充權(empowered)💪🏻。 觀眾唔再停留於被動想像“如何改變劇情”，而係將想法付諸實際演練。劇場成為推動草根行動嘅有效工具，一項「革命的預演」(a rehearsal for the revolution)。

圖片來源：被壓迫者劇場 書📕

#應用劇場 #互動 #參與 #被壓迫者劇場 #觀演者 #充權

唉⋯⋯好掛住上個星期個Long Weekend呀！😩如果大家都覺得好Blue嘅話，就一於約埋FD子去睇同玩AT叉叉電啦！今個月懶人包有唔少治癒系活動🫂，例如有探討生死嘅表達藝術治療導向劇場🩺、分享二、三十歲人生故事嘅一人一故事劇場📖、幫...
11/05/2024


唉⋯⋯好掛住上個星期個Long Weekend呀！😩如果大家都覺得好Blue嘅話，就一於約埋FD子去睇同玩AT叉叉電啦！今個月懶人包有唔少治癒系活動🫂，例如有探討生死嘅表達藝術治療導向劇場🩺、分享二、三十歲人生故事嘅一人一故事劇場📖、幫助個人成長嘅藝術實踐📈。玩完有興趣嘅，仲有職業導向嘅戲劇教育證書課程📄。有唔少得返小量門票，仲要入Waiting List添，睇啱就報名啦！🫶🏻

圖片來源：香港表達藝術治療服務中心、SOWGOOD！正向品格教育館、白光創作

# #應用劇場 #戲劇教育 #舞台劇 #證書課程 #表達藝術治療

有冇諗過，係你生命中發生嘅故事，都可以變成一個劇場演出？一人一故事劇場（Playback Theatre）係一種即興演出既劇場形式。簡稱為「一劇場」～🎭「一劇場」嘅演出係由領航員（即係主持人）邀請現場觀眾口述分享🗣️親身經驗同感受，演員...
05/05/2024

有冇諗過，係你生命中發生嘅故事，都可以變成一個劇場演出？

一人一故事劇場（Playback Theatre）係一種即興演出既劇場形式。簡稱為「一劇場」～🎭

「一劇場」嘅演出係由領航員（即係主持人）邀請現場觀眾口述分享🗣️親身經驗同感受，演員同樂手🪇會運用簡單嘅動作、音樂
，以及唔同嘅戲劇形式將故事呈現出嚟，並將演出作為禮物🎁回饋返畀講故事嘅人同埋所有觀眾。

愛、平等、尊重、分享都係一人一故事劇場嘅核心價值。目的係營造出安全舒適嘅氛圍畀觀眾分享自身故事，相信每個人嘅故事都係獨特同值得被聆聽，容納差異。講到呢度先～下次再同大家發掘新嘅形式！

#應用劇場 #互動 #參與 #一人一故事劇場

「你聽我解釋，我唔係誠心想放你飛機✈️，但係過程戲劇比你更加吸引🫠我地可以改過時間再約🫂，但係參加工作坊嘅機會可遇不可求🙌🏽」(設計對白，真係設計對白！)由MFA同學仔舉辦嘅過程戲劇工作坊🎭，將於4月28日(日)晚上7點，喺演藝學院黑盒劇場...
13/04/2024

「你聽我解釋，我唔係誠心想放你飛機✈️，但係過程戲劇比你更加吸引🫠我地可以改過時間再約🫂，但係參加工作坊嘅機會可遇不可求🙌🏽」(設計對白，真係設計對白！)

由MFA同學仔舉辦嘅過程戲劇工作坊🎭，將於4月28日(日)晚上7點，喺演藝學院黑盒劇場🏫進行。有興趣參與嘅朋友可以喺下面條link報名！🏃🏻🏃🏻‍♀️💨

報名連結: https://docs.google.com/forms/d/e/1FAIpQLScVQM6uw53KoNmrgdZvLBATb3UaufwW2KrirxYWHG-ycpkEVw/viewform

靜靜雞話你知🤫，小編秘密地練咗魔法好耐🪄，係時候派上用場😎！
小心啲，唔好得罪小編，如果唔係…「Petrificus Totalus！｣🪨

唉，唔講啦，小編要去氹翻俾我放咗飛機嗰個朋友先🤕

#過程戲劇
#過程戲劇工作坊
#香港演藝學院黑盒劇場
#香港演藝學院戲劇藝術碩士生
#應用劇場
#應用劇場工作坊
#應用劇場專業實習

愚人節快樂！今日大家有冇畀人整蠱到呢？🤪不過我啊@就一定唔會咁衰嘅🪽，今個月飛到去搶咗小編個位，準時送上4月應用劇場懶人包🤲🏻有喺演藝學院修讀應用劇場及戲劇教育嘅碩士學生，所開辦嘅兒童戲劇班👦🏻🧒🏻、一人一故事劇場嘅公開綵排📗，同埋探討...
01/04/2024

愚人節快樂！今日大家有冇畀人整蠱到呢？🤪不過我啊@就一定唔會咁衰嘅🪽，今個月飛到去搶咗小編個位，準時送上4月應用劇場懶人包🤲🏻有喺演藝學院修讀應用劇場及戲劇教育嘅碩士學生，所開辦嘅兒童戲劇班👦🏻🧒🏻、一人一故事劇場嘅公開綵排📗，同埋探討臨終照顧嘅劇場錄播📽️。今個4月啲假期有著落了！🥰

圖片來源：一條褲製作、拿破輪劇團

# #應用劇場 #戲劇教育 #舞台劇 #香港演出 #綵排

應用劇場有好多種，其中「過程戲劇」（Process drama）又係乜嘢呢？🤔「過程戲劇」（Process drama）係一種可以畀大家參與、由你改變劇情走向嘅劇場形式。參與者係一個特定嘅戲劇框架下🎭，加上唔同嘅道具🐷、衣服👕配合，設身...
30/03/2024

應用劇場有好多種，其中「過程戲劇」（Process drama）又係乜嘢呢？🤔

「過程戲劇」（Process drama）係一種可以畀大家參與、由你改變劇情走向嘅劇場形式。參與者係一個特定嘅戲劇框架下🎭，加上唔同嘅道具🐷、衣服👕配合，設身處地探討角色當下嘅思想、感受同行為，再作出選擇🛣️沉浸式咁體驗故事發展、建構劇情，最後故事結局由你哋話事～

而「過程戲劇」亦係「戲劇教育」(Educational drama)嘅其中一種形式，目的在於開放一個唔批評嘅空間🕋，喺虛假情景中了解真實嘅自己係點🪞，從而去學習同埋反思議題💭💬，希望當係生活遇上類似事件嘅時候，可以刺激到大家用唔同角度睇件事🫶🏻我哋之後繼續會為大家帶嚟更多AT資訊，記得留意住我哋之後嘅Post啦！😉

#應用劇場 #互動 #參與 #價值觀 #過程劇 #過程戲劇

不服來辯！ #應用劇場 #戲劇教育 #戲劇小組 #帶活動 #搞手 #心累
22/03/2024

不服來辯！


#應用劇場 #戲劇教育 #戲劇小組 #帶活動 #搞手 #心累

我向人們指嘅方向，一路飛，一路飛… 🪽我飛咗去被壓迫者劇場上堂嘅課室🏫我聽到佢哋喺度討論唔同嘅劇場形式🎭，但係……媽啊，我好亂啊！😫 #應用劇場 #被壓迫者劇場
16/03/2024

我向人們指嘅方向，一路飛，一路飛… 🪽

我飛咗去被壓迫者劇場上堂嘅課室🏫

我聽到佢哋喺度討論唔同嘅劇場形式🎭，但係……媽啊，我好亂啊！😫

#應用劇場 #被壓迫者劇場

3月3日 星期日 陰我向人們指嘅方向，一路飛，一路飛…🕊️🎊2023/24🎊我飛咗入演藝學院🏫，嗰度有一班應用劇場一年級嘅同學仔，佢哋同超過50位參與者分別喺上下午兩場工作坊進行咗過程戲劇(Process...
10/03/2024

3月3日 星期日 陰

我向人們指嘅方向，一路飛，一路飛…🕊️

🎊2023/24🎊

我飛咗入演藝學院🏫，嗰度有一班應用劇場一年級嘅同學仔，佢哋同超過50位參與者分別喺上下午兩場工作坊進行咗過程戲劇(Process drama)嘅活動。🎭

參加者透過工作坊了解咗更多應用劇場嘅知識，佢哋仲發揮創意，一齊編寫故事嘅發展！✍️

錯過咗今次開放日活動嘅大家都唔使灰心😀聽啲同學仔講嚟緊仲會有其他應用劇場嘅工作坊，期望喺劇場更加多見到大家👀

🪽🪽

#香港演藝學院 #開放日 #香港演藝學院開放日 #應用劇場 #過程戲劇 #戲劇教育 # dramaeducation #劇場

踏入3月，劇季差唔多開鑼，大家Bookmark定要睇咩劇未呀？🤩除咗傳統劇場之外，其實今個月應用劇場都有唔少演出同工作坊！💁🏻‍♀️小編就為大家準備咗即食懶人包，集合3月AT資訊方便大家打包去晒！❣️有一連兩星期嘅社區應用劇場演出🏘️、教...
08/03/2024


踏入3月，劇季差唔多開鑼，大家Bookmark定要睇咩劇未呀？🤩

除咗傳統劇場之外，其實今個月應用劇場都有唔少演出同工作坊！💁🏻‍♀️小編就為大家準備咗即食懶人包，集合3月AT資訊方便大家打包去晒！❣️有一連兩星期嘅社區應用劇場演出🏘️、教大家設計一個應用劇場嘅入門工作坊✒️、新晉應用劇場團體嘅交流聚會🫂，向右掃睇睇有乜啱心水啦！👉🏻

圖片來源：十八有藝、共時黑盒、白光創作

# #應用劇場 #戲劇教育 #舞台劇 #香港演出 #香港工作坊

平時坐定定睇舞台劇就睇得多，落場玩得又睇得嘅，大家又有冇接觸過呢？🤞🏻👀「應用劇場」（Applied Theatre，下稱AT）就正正係需要同大家互動嘅戲劇類別🫶🏻。當中透過觀賞戲劇或者玩同戲劇有關聯嘅遊戲👥，就住某一個議題，畀大家分享...
02/03/2024

平時坐定定睇舞台劇就睇得多，落場玩得又睇得嘅，大家又有冇接觸過呢？🤞🏻👀

「應用劇場」（Applied Theatre，下稱AT）就正正係需要同大家互動嘅戲劇類別🫶🏻。當中透過觀賞戲劇或者玩同戲劇有關聯嘅遊戲👥，就住某一個議題，畀大家分享自己嘅睇法🗣️、故事✍🏻、感受。Wei~唔駛驚住，因為參加者唔一定要受過專業劇場訓練，AT更加著重大家係過程嘅體驗，拎到啲乜嘢走。相比坐定定係大劇院睇嘅戲劇，AT多數會走入社區🏘️同學校🏫同大家互動，或者某日你喺街頭、教堂，一啲未必想像唔到嘅地方見到AT嘅蹤影🫣

AT由7、80年代傳入香港後，只係大約過咗半世紀。不過近年都有唔少學校會將AT納入戲劇教育嘅一部分✅，例如上演關於類似禁毒、理財等教育題材嘅School Tour，亦都多咗社區活動有AT嘅出現✊🏻。歷史雖然唔長，但係AT入面都有好多唔同有趣嘅劇種，每種觀賞嘅方法、玩法都唔同😼，例如係中小學用工作坊同戲劇教學嘅「教育劇場」、畀你創作同發聲嘅「被壓迫者劇場」等等等等⋯⋯我哋之後繼續會為大家帶嚟更多AT資訊，記得留意住我哋之後嘅Post啦！😉

#應用劇場 #互動 #參與者 #工作坊 #玩 #遊戲 #享受

喂喂喂！【🎭香港演藝學院開放日】喺今個星期日舉行喇！🎉今年我哋為大家準備咗同應用劇場有關嘅活動😍，一共有兩個時段畀大家嚟「玩」！唔知點嚟？我哋準備咗學院路線圖🗺️畀大家（詳情可見圖片）。記得早10分鐘嚟排隊啊！🫣參與活動仲有小禮物一份🎁，仲...
01/03/2024

喂喂喂！【🎭香港演藝學院開放日】喺今個星期日舉行喇！🎉今年我哋為大家準備咗同應用劇場有關嘅活動😍，一共有兩個時段畀大家嚟「玩」！唔知點嚟？我哋準備咗學院路線圖🗺️畀大家（詳情可見圖片）。記得早10分鐘嚟排隊啊！🫣參與活動仲有小禮物一份🎁，仲唔快啲一齊嚟「劇場玩應用」！😆

🕺🏻「劇場玩應用」工作坊
日期：2024年3月3日
時段：早上11點至12點/ 下午3點至4點
地點：香港演藝學院5樓 課室（Studio 10）
人數：20人

#應用劇場 #戲劇教育 #灣仔活動 #戲劇學院 #灣仔好去處

Address

告士打道一號
Hong Kong

Website

Alerts

Be the first to know and let us send you an email when HKAPA BFA-Applied Theatre major posts news and promotions. Your email address will not be used for any other purpose, and you can unsubscribe at any time.

Contact The School

Send a message to HKAPA BFA-Applied Theatre major:

Shortcuts

Featured

Share

Category