All Day Hadrian

All Day Hadrian alldayhadrian aka alldayhungrykid
吃喝·玩樂·學習·成長全紀錄
🍔⚽️📚🍟🥋💻🏆🎻🎨🎠🎮🏊🏻‍♂️

係時候做返個暑假回顧喇！50日暑假，返道館操練的日子超過30日😅。技能解鎖！暑假第一日用2個鐘學識踩單車🚴。師兄拎到全港賽冠軍🏆！開心到好似自己贏咗咁！操搏擊之外，最多時間就係打陀螺😂。一係唔玩，要玩就要盡力玩，梗係要參加吓比賽增加對戰經驗...
03/09/2026

係時候做返個暑假回顧喇！
50日暑假，返道館操練的日子超過30日😅。

技能解鎖！
暑假第一日用2個鐘學識踩單車🚴。

師兄拎到全港賽冠軍🏆！
開心到好似自己贏咗咁！

操搏擊之外，
最多時間就係打陀螺😂。

一係唔玩，要玩就要盡力玩，
梗係要參加吓比賽增加對戰經驗😬。

最強教練田Sir生日🎁，
多謝你一直鞭策同教導。

最靚教練Miss Janny生日🎂。

Right here waitng for you🤪，
陽光檸檬茶可唔可以搵我哋拍廣告？

唔止Toy Story 5，仲睇埋Spider-Man: Brand New Day，
大滿足啦！

11/07/2026

話說有日去MOKO行街，
走咗去公園放電，
有個細路見到個哥哥拎住個陀螺盤就大嗌，
原來係慢半拍 慢半拍製作 MBP|PRODUCE 拍嘢，
咁就玩咗吓陀螺同做咗個「訪問」🤣。

講到頭頭是道咁但係都唔知有冇講錯🤭，
不過欣賞你唔怕鏡頭，
好自然亦好自信咁講你所想所知☺️，
希望你可以繼續開開心心玩陀螺啦！

Hadrian最鍾意就係食Pepper Lunch，今日買一送一當然要幫襯啦！跟住去埋四洲食品體驗館，粒橙橙汁、檸檬啫喱、牛奶雪條同豆腐花，即場食，每樣都係$1！開心到癲🤭🤭 #餓底大細路 #銅鑼灣搵食
03/07/2026

Hadrian最鍾意就係食Pepper Lunch，
今日買一送一當然要幫襯啦！
跟住去埋四洲食品體驗館，
粒橙橙汁、檸檬啫喱、牛奶雪條同豆腐花，
即場食，每樣都係$1！開心到癲🤭🤭

#餓底大細路 #銅鑼灣搵食

工欲善其事，必先利其器😅，上星期知道有得比賽，拿拿聲訂個陀螺盒同買手套。陀螺之亂一早都預咗會發生，想今日買到心頭好根本就冇可能🙂‍↔️，好幸運今日喺現場遇到好心哥哥，將佢唔需要買的陀螺quota幫我哋買，我哋又可以幫朋友仔買，仲要哥哥教咗好...
01/07/2026

工欲善其事，必先利其器😅，
上星期知道有得比賽，
拿拿聲訂個陀螺盒同買手套。

陀螺之亂一早都預咗會發生，
想今日買到心頭好根本就冇可能🙂‍↔️，
好幸運今日喺現場遇到好心哥哥，
將佢唔需要買的陀螺quota幫我哋買，
我哋又可以幫朋友仔買，
仲要哥哥教咗好多陀螺知識比我哋。

Hadrian成為陀螺戰士只係好短時間，
但係已經遇到好多好好的叔叔、姨姨同哥哥，
令佢可以好好享受到當中的樂趣。
真心希望想玩陀螺的小朋友都買到陀螺，
可以開開心心做陀螺戰士🦹🏼。

#陀螺戰士

Hadrian的搏擊之路，係由年幾前的電子甲開始。今日再一次打電子甲，首場由輸第一局，到之後連追兩局，睇到佢能夠調整心態，有鬥心有決心，打返自己應有的節奏，跟從教練指示，感恩最後可以收穫一塊金牌🎖️。好多謝教練，仲有道館各位師姐、師兄弟，睇...
29/06/2026

Hadrian的搏擊之路，
係由年幾前的電子甲開始。

今日再一次打電子甲，
首場由輸第一局，到之後連追兩局，
睇到佢能夠調整心態，有鬥心有決心，
打返自己應有的節奏，跟從教練指示，
感恩最後可以收穫一塊金牌🎖️。

好多謝教練，仲有道館各位師姐、師兄弟，
睇住佢哋一齊操練，比賽時互相支持、打氣，
呢一份感情係好特別，好珍貴，
亦會係佢喺搏擊路上最強大的後盾。

#跆拳小子

第一次包糭，雞手鴨腳😅。 #端午節快樂🐲
19/06/2026

第一次包糭，雞手鴨腳😅。

#端午節快樂🐲

第100個post了，po啲唔一樣的相。今年上半年有好多新挑戰，呢樣係其中之一，亦可能係最有難度果樣😅。學咗2年小提琴🎻，睇佢練習睇得多，完全唔敢想像佢上台表演會係點樣🫣。又平日成日著波衫，估唔到著起裇衫西褲，可以成個青年才俊咁樣🤪🤪🤪。隨...
01/06/2026

第100個post了，po啲唔一樣的相。
今年上半年有好多新挑戰，呢樣係其中之一，
亦可能係最有難度果樣😅。

學咗2年小提琴🎻，睇佢練習睇得多，
完全唔敢想像佢上台表演會係點樣🫣。
又平日成日著波衫，估唔到著起裇衫西褲，
可以成個青年才俊咁樣🤪🤪🤪。

隨住三年級最後一次考試開始，
都即將同小三講bye bye🥲，真係太快喇！
唔想佢咁快大，但見到佢各方面的「成長」，
又真係老懷安慰🤣🤣🤣🤣。

2026下半年，又有咩新奇刺激事等緊我哋呢？

第一次離開香港出外集訓+比賽，感恩有呢一個咁難得的機會，對Hadrian來講係一次非常難忘的經歷。好多謝教練同一班師兄師姐，訓練當然好攰，但係一齊玩得好開心好盡興。今次決定增磅去打高一個量級的比賽，但因為磅數一直唔穩定，令Hadrian有唔...
07/04/2026

第一次離開香港出外集訓+比賽，
感恩有呢一個咁難得的機會，
對Hadrian來講係一次非常難忘的經歷。
好多謝教練同一班師兄師姐，
訓練當然好攰，但係一齊玩得好開心好盡興。

今次決定增磅去打高一個量級的比賽，
但因為磅數一直唔穩定，令Hadrian有唔少壓力。
幸好最後能夠達標，亦全靠教練比賽時的提點，
令Hadrian今次比賽有好好的成績🥳。

期待下一次再同大家出外集訓，
更加希望今年可以嘗試打學界同全港賽啦💪🏼💪🏼💪🏼。

Address

Causeway Bay

Website

Alerts

Be the first to know and let us send you an email when All Day Hadrian posts news and promotions. Your email address will not be used for any other purpose, and you can unsubscribe at any time.

Shortcuts

Share

Category