ЈЛБ „Илинден’’ Делчево

Денес треба да се прашаме, зар постои нешто почисто и посвето од детската солза која моли, од детската насмевка која облагородува, од детскиот ѕвонлив глас кој ја грее човечката душа!? Затоа наша мисија е да ги направиме децата среќни не само денес, туку секој ден, секој миг, секогаш… Секое дете заслужува среќа. Зар има нешто поубаво од детската насмевка и радост?!
Денес го одбележуваме 1 јуни, меѓународниот ден на детето. По тој повод, ЈЛБ„Илинден“ – Делчево, денес беше исполнета со детска насмевка, боја и креативност.
Во паркот пред библиотеката, дечињата од детската градинка „Весели цветови“со нвоспитувачките Марија, Весна, Даниела и Марија, цртаа омилени ликови од сликовниците кои библиотеката ги изложи во градскиот парк. Дечињата преку своите цртежи ни го покажаа светот на детската фантазија и радост.
Со вакви активности библиотеката и детската градинка, заедно ја негуваат љубовта кон децата, книгата, уметноста и детската креативност уште од најмала возраст.
Во 1925 година на Светската конференција за благосостојба на децата одржана во Женева, УНИЦЕФ донесе одлука 1 јуни да се прогласи за посебен ден на децата што означи нов почеток за подобрување на животот на најмладите. Целта на одбележувањето на овој ден е да се сврти вниманието на широката јавност на сите обврски кои општеството ги има кон децата, како и најважните проблеми со кои децата се соочуваат. Секое дете има свои желби, соништа, своја страст, кои треба да ги почитуваме. Детската среќа и иднина зависи од сите нас.
Нека е среќен 1 јуни – Денот на детето!
„ЕДНАШ СИТЕ НИЕ БЕВМЕ ДЕЦА, И НИЕ ТРЕБА ДА ЈА ДЕЛИМЕ ИСТАТА ЖЕЛБА ЗА УНАПРЕДУВАЊЕ НА ДОБРОБИТОТ НА НАШИТЕ ДЕЦА. ТОА БЕШЕ И ЌЕ ОСТАНЕ УНИВЕРЗАЛНА АСПИРАЦИЈА НА ЦЕЛОТО ЧОВЕШТВО“.

Датумот 24 мај претставува еден од најважните денови за македонскиот народ. Празникот кој се одбележува денеска е во чест на сесловенските просветители и учители Свети Кирил и Методиј, кои преку Моравска мисија успеале да ја основаат Глаголицата, првата форма на писмото Кирилица. Тие се основоположници на словенската писменост и литература и се заслужни за културниот развиот на сите словенски народи. За нивната макотрпна посветеност во описменување на словенскиот народ, Светата црква ги прогласила за рамни на апостолите.
ЈЛБ„Илинден“ – Делчево, денот на сесловенските просветители Кирил и Методиј го одбележа до третооделенците од ООУ„Св.Климент Охридски“ и наставничките Александра, Мимица и Ели.
Учениците се запознаа буквите од Глаголицата и ги споредуваа со тие од Кирилицата. Со Глаголицата учениците пишуваа зборови и своите имиња. Сакавме симболично од блиску да им ја доловиме на децата важноста и значењето на делата на Светите браќа Кирил и Методиј.
Беше интерсено и поучно.
Една од најзначајните дејности на светите Кирил и Методиј е мисионерството, за кое уживале голема почит. Во три важни мисии ја проповедале христијанската вера: Арапската, Хазарската, пред да ја извршат епохалната мисија во Моравија.
Најважната историска мисија на солунските браќа претставува Моравската мисија. Сржта на просветителската мисија на Кирил и Методиј е во просветителското, континуирано работење, кое претставува олицетворение во делата на големите просветителски дејци – свети Климент и свети Наум.
Кои се Светите Кирил и Методиј? – Тие се еден владика и еден калуѓер: Кирил бил монах, а Методиј епископ и архиепископ. И двајцата биле многу учени луѓе. Вброени се меѓу најучените во цела Византиска империја.
Нивното потекло било од Македонија. Тие го познавале својот народ и мајчиниот јазик. Затоа, на тој јазик го создале и првото писмо, азбуката и ги поставиле правилата за пишување.
Зошто создале азбука и писмо? Браќата го направиле тоа, со мисла за подобро да ја исполнат својата желба, а нивната желба била да Му служат на Бога, проповедајќи го Неговото спасително учење меѓу својот народ и тоа, на разбирлив народен јазик и писмо. Само така може да се објасни и да се сфати делото што го правеле Кирил и Методиј. И прво нешто што напишале со новите букви било Евангелието. Тие го превеле Светото писмо на мајчин јазик, на старомакедонскиот словенски јазик со македонско наречје.

По повод јубилејот 150 години Разловечко востание, ЈЛБ„Илинден“ – Делчево, распиша литературен конкурс на тема „150 години Разловечко востание – Искра за вечна слобода на Мекедонија“.
Конкурсот беше наменет за ученици и воздрасни граѓани. Комисијата за избор во која членуваа наставници по македонски јазик од двете основни училишта во градот, награди тројца учесници на конкурсот. Наградите ќе ги доделам јас, како директор на библиотеката.
Диплома за најдобра творба од ООУ„Св.Климент Охридски“ добива Максим Стефановски 9-3 одделение
Диплома за најдобра творба од ООУ„Ванчо Прке“ добива Михаела Стоименовска 7 одделение.
И во категоријата возрасни, диплома за најдобра творба добива Влатко Ситновски.Честитки и до сите!
Нека живее споменот на Разловечкото востание!

Почитувани,
Ве известуваме дека на 18.05.2026 г.(понеделник) , ЈЛБ„Илинден“- Делчево, нема да работи поради активности за сместување и подредување на книжниот фонд во клонот во с.Разловци во новиот дел предвиден за библиотека сместен во реновираниот Спомен дом. Библиотеката треба да биде уредена до свеченото отворање на Спомен домот по повод јубилејот 150 години Разловечко востание.
Ви благодариме за разбирањето и трпението.Со нетрпение очекуваме новиот простор во Разловци да стане уште едно убаво катче за книгата, знаењето и културата.
Со почит,
ЈЛБ„Илинден“ - Делчево

Денес наши гости беа учениците од IV-2 и IV-3 одделение при ООУ„Ванчо Прке“.
Пред нив денес ја промовиравме книгата „Детски бонтон“ подготвена од Христо Петрески.
И овој невообичаен час по физичко образование, кој наставничката по ФЗО, Катерина Ивановска го одржа во нашата читална беше полн правила за убаво однесување, насмевки, забава и радост.
Благодарност и до наставничките Бети, Даниела и Катерина.
Заедно заклучивме дека убаво е убавото однесување. Бонтонот се учи, колку полесно се практикува, толку побрзо и полесно се совладува и поседува.

Знаете дека читањето е како сонување со отворени очи.Еве добра причина за тоа👇Нови наслови кои ги баравте!
Добро утро!

ЈЛБ "Илинден" се вклучи во акцијата "ГЕНЕРАЛКА ВИКЕНД"