Atorfissaqartippatsigit

Ilaatigut Kalaallit sulisinnaanerat apeqquserneqaraangat eqqarsaatit puttussuuttarput sooq taamatut inissisimanersugut?

Nuummi Kangiamiorpassuit neriniartarfinni sulisut sullarillutik eqaatsumik sullissisarnerat iluarineqartartoq ataasiaannarnanga tusartarpara.

Aammattaaq sulisitsiut sulisuminnut paasinnissinnaanerat killeqarnerata kingunerani kalaalerpassuit tunniutiinnartartut takusarpakka.

Inuiaqatigiinnilu unammillernartorpassuit ersareqaat, nunasiataasimanerup kingorna kiisalu ineriartupiloornerup kinguneranik inuiaqatigiit annertuumik eqqugaasimapput allaat sulisinnaanerannut innarliisunik.

Inuk atorfissaqartinneqarluni misigigaangami sulerusussuseqarnerusarpoq tamannalu inuiaqatigiittut pikkoriffiginerusariaqarparput.

Inuup aqqusaarsimasani imaannaanngitsoq soorlu kinguaassiutitigut atornerlugaasimaneq, atornerluisuni peroriartorsimaneq kiisalu allatigut peroriartornermi sakkortuumik misigisimasaqarsimaneq peqqutaalluni napparsimaqqajaanermik kinguneqartartoq takusinnaallugu iliuusissaaleqinermillu kinguneqartartoq eqqarsarnallaraangami.

Qanoq ililluta inuiaqatigiittut immitsinnut kivissinnaavugut katatagut qaqeqqissagutsigit?

Inoqatinnut uparuaalersinnak suut nammatarisinnaanerai eqqarsaatigilaariuk.

Tamatta atorfissaqarfissaqarpugut, tamatta naligiippugut.

Inuuneq ingerlaarpoq misilittakkallu amerliartorput.
Nammineq aaliangertarpugut misilittakkagut amerliartortissanerlugit.
Piffissaasorigukku ingerlaqqigit 👊🏻

Ilinniarsimasuuguit ilinniarsimasuunngikkaluaruilluunniit tamatta atorfissaqartippatsigit.
Kinannguugaluarutta kinarsuugaluaruttaluunniit tamatta atorfissaqartippatsigit.
Naleqassuseqarpugut tamatta.

Eqqaamallugu nukiit sumut atussanerlugit illit kisivit aaliangertarakku.
Kinaluunniit pisuutissinnaanngilat inissisimaffinni, illiuvormi aquummik tigummisoq.

Iliuutsigut tamarmik utertarput 👈🏻
Kissatitit aallutikkit ❤️
Kissatiginngisatit iperakkit 🌹

Inuit tamatta immikkuullarissuteqarpugut - Pikkoriffigut assigiinngitsuupput.
Pikkoriffitit suuneri suli nalornissutigigukku misilittaagit.
Pikkoriffitit atorluakkit - Nunatsinnut kivitseqataagit 👍🏻

Nersualaarinninnissaq eqqaamallugu.
Nersualaarusutat nersualaaruk 🌹
Tamatta atorfissaqartippatsigit 👍🏻

Inuk anguniagalik apeqqusersornagu tapersersoruk - tapersersorneqarneq nukissanik tunisisarmat 💪🏻

Misilittakkat amerliartortillugit piginnaasat amerliartortarputtaaq.
Sunaluunniit suliffik suliffigalugu ilinniutaasarpoq, kukkussutit nikallussutiginagit ilinniutitut tigukkit
- Atorfissaqartippatsigit

Sunaluunniit angorusutaq upperigaanni anguneqarsinnaavoq, aamma ilinniagaqarnissap tungaatigut.
Anguniagaq ujartoraanni aqqutissanillu ujartuilluni anguneqarsinnaavoq.
Nunatsinni kikkut tamaasa atorfissaqartippagut, aamma illit.