ზუგდიდის წმიდა გიორგის სახელობის სკოლა-გიმნაზია

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიის IV კლასის მოსწავლეები დამრიგებელ ნანა კაკულიას ხელმძღვანელობით დასწრნენ ქ.სენაკის აკაკი ხორავას სახელობის პროფესიულ სახელმწიფო დრამატულ თეატრს, სადაც გაიმართა ერნსტ თეოდორ ამადეუს ჰოფმანის ზღაპრის მიხედვით დადგმული სპექტაკლი ,,მაკნატუნა“.

#გენეთლია2026
10 იანვარს, ზუგდიდისა და ცაიშის მიტროპოლიტ გერასიმეს ლოცვა-კურთხევით,ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიის მოსწავლეები გიმნზიის დირექტორის, ქალბატონ მანანა ნაჭყებიას, სულიერი მოძღვრის- ნიკოლოზ ლატარიას, მასწავლებლებისა და მშობლების თანხლებით იმყოფებოდნენ ქ.გორში, საშობაო ფესტივალ ,,გენეთლიაზე“.
ფესტივალი მიზნად ისახავდა მოსწავლეთათვის ქრისტეშობის სიხარულის გაზიარებას, მოზარდებში რწმენის გაძლიერებისა და ცხოვრების ჯანსაღი წესის დამკვიდრების ხელშეწყობას. გიმნაზიის მოსწავლეებმა ფესტივალის პროგრამის თანახმად, ლოტბარ ნიკოლოზ ლატარიასა და ქორეოგრაფ- სანდრო ნარმანიას ხელმძღვანელობით შობის სადღესასწაულო განწყობა შექმნეს.
ფესტივალზე საკოფერენციო თემა, სახელწოდებით ,,სამეფო კარის გაქრისტიანება“- წარადგინა წმიდა გიორგის სახელობის სკოლა-გიმნაზიის მე-10 კლასის მოსწავლე- ნინო ზარანდიამ , თემის ხელმძღვანელები : მზია დარასელია და ზაურ აბაკელია.
ტრადიციულად, საშობაო ფესტივალი ,,გენეთლია“ ღირსი მამა გიორგი მთაწმინდელის სახელობის გორის გიმნაზიაში გორისა და ატენის ეპარქიის მიტროპოლიტ ანდრია (გვაზავას) ლოცვა-კურთხევით ტარდება.

📌📌❄️დღეს, 29 დეკემბერს, ზუგდიდისა და ცაიშის მიტროპოლიტი გერასიმე ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიას ესტუმრა და დირექტორს, ქალბატონ მანანა ნაჭყებიას, მოძღვრებს, მასწავლებლებს, მოსწავლეებსა და მშობლებს დამდეგი შობა-ახალი წელი მიულოცა. ❄️🌲☃️🎄
✝️ მისმა მაღალყოვლადუსამღვდელოესობამ გიმნაზიაში მრავალწლიანი ნაყოფიერი ღვაწლისათვის გიმნაზიის პედაგოგებსა და თანამშრომლებს: დაწყებითი საფეხურის მასწავლებელს- მარიამ მგელაძეს, საღვთო სჯულის მასწავლებელს-ნანა გოგიას, ისტორიის მასწავლებელს -ზაურ აბაკელიას, ქართული ენისა და ლიტერატურის მასწავლებელს-მზია დარასელიას და გიმნაზიის თანამშრომელს - მედეა კუკავას გადასცა ფულადი ჯილდოები.
📚📚ასევე დაჯილდოვდნენ ბიბლიის შემსწავლელი წრის წარჩინებული მოსწავლეები: ქეთევან თოდუა, ანამარია ლოგუა, ცირა კუხალეიშვილი,ნინო ზარანდია, ქრისტინე ბეჭვაია და მარიამ ფიფია. მეუფემ აღნიშნა ბიბლიის შემსწავლელი წრის ხელმძღვანელის, მამა ნიკოლოზ ლატარიას მნიშვნელოვანი წვლილი.
გიმნაზიის დირექტორმა, ქალბატონმა მანანა ნაჭყებიამ უღრმესი მადლობა მოახსენა მეუფეს გიმნაზიაზე ზრუნვისა და ამაგისთვის.
✨-მრავალჟამიერ თქვენი მეუფება ჩვენი ეპარქიისა და ეკლესიის საკეთილდღეოდ!.

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიაში ინტელექტ-კლუბის ,,ისტორიის ლაბირინთები" მორიგი თამაში გაიმართა. თამაშში მონაწილეობას იღებდნენ საბაზო-საშუალო საფეხურის მოსწავლეები. ხელმძღვანელი - ისტორიის პედაგოგი, ზაურ აბაკელია

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიაში X კლასში სახვითი ხელოვნების პროექტული სწავლების ფარგლებში, პედაგოგ მარიამ შიოლაშვილის ხელმძღვანელობით, ჩატარდა მოსწავლეთა მინი-კონფერენცია. მოსწავლეებმა წარადგინეს წალენჯიხის მაცხოვრის ფერისცვალების სახელობის ტაძრის აგების ისტორია, მისი კულტურული და ისტორიული ღირებულება. პროექტის მრავალფეროვანი აქტივობები მოიცავდა ტაძრის მოლოცვას, ფოტომასალების შეგროვებას, ბეჭდური და ინტერნეტ წყაროების ანალიზს.
დიდ მადლობას ვუხდით დეკანოზ ანდრია კემულარიას ინტერვიუსთვის, რაც მოსწავლეებისთვის ძალიან საინტერესო და დასამახსოვრებელი იყო.

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიაში ბიოლოგიის, ქიმიის, სამოქალაქო განათლებისა და საღვთო სჯულის ინტეგრირებული პროექტ-გაკვეთილი ჩატარდა. გაკვეთილის თემა იყო : უჯრედი- პატარა სახელმწიფო, ერთგულება და თანადგომა". პროექტ-გაკვეთილში მონაწილეობდნენ X-XI კლასის მოსწავლეები, რომლებმაც თემის მნიშვნელობა რელიგიურ ასპექტში წარმოადგინეს.
ხელმძღვანელები: ირმა კალანდია, ლალი ბიგვავა

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიის მოსწავლეები: ვიკა ძანძავა( VII კლ), სალომე პაპავა( VI კლ.) და გიორგი აბაკელია ( Vკლ) გუნდის სახელწოდება ,,გიმნაზიელების“ სახელით ზუგდიდის მოსწავლე-ახალგაზრდობის სასახლის საგანმანათლებლო პროექტის- ,,ჩვენ ვკითხულობთ“ მეორე ტურში გადავიდნენ.
პროექტში სულ ასპარეზობდა ზუგდიდის 16 საჯარო და კერძო სკოლა. აღნიშნული ტურის სამუშაო წიგნი იყო თანამედროვე ეპოქის ქართველი პროზაიკოსისა და პოეტის, ლადო მრელაშვილის (1926-2006 წ.წ) ,,იყალთოელი ბიჭები“, რომლის ამონარიდებზე ვიქტრორინა გაიმართა. თამაში საკმაოდ საინტერესოდ და აქტიურად წარიმართა და უმაღლესი 9-9 ქულა ზუგდიდის წმ.გიორგის სახელობის სკოლა-გიმნაზიისა და ზუგდიდის №6 საჯარო სკოლის გუნდებმა მოიპოვეს.
მომდევნო ტურის სამუშაო ნაწარმოებად დავით ტურაშვილის ,,ტყეების მეფე“ დასახელდა.

ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიაში ისტორიის პედაგოგ ზაურ აბაკელიას ხელმძღვანელობით გაიმართა ინტელექტ-კლუბ ,,ისტორიის ლაბირინთის" პირველი დაგეგმილი თამაში ,,რა? სად? როდის?". თამაშში მონაწილეობას იღებდნენ IXბ და X კლასების მოსწავლეები, რომლებმაც ანგარიში ფრედ დაასრულეს.
აღნიშნული აქტივობა მიზნა ისახავს მსწავლეთა ცოდნის გააქტიურებას, კრიტიკული აზროვნებისა და თანამშრომლობითი უნარ-ჩვევების განვითარებას.

📌📌ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიაში ნიკოლოზ მირონ-ლუკიის მთავარეპისკოპოსისა და
საკვირველთმოქმედის ხსენების დღისადმი მიძღვნილი პარაკლისი ჩატარდა. სკოლა-გიმნაზიის მოძღვარმა, მამა ნიკოლოზ ლატარიამ შეკრებილ მრევლთან ერთად ლოცვა აღავლინა.
🙏✝️ მსახურების შემდეგ მოძღვარმა იქადაგა ქართულ მართლმადიდებლურ ეკლესიასთან წმიდა ნიკოლოზის განსაკუთრებულ კავშირზე და მის, როგორც საქართველოს ზეციური პატრიარქის როლზე.

📌📌ა(ა)იპ საქართველოს საპატრიარქო, ზუგდიდის წმიდა გიორგის სახელობის სკოლა-გიმნაზიის თვითმმართველობის წევრების ინიციატივით ჩატარდა კონფერენცია თემაზე ,,ღვთის განძთსაცავები საქართველოში“, სადაც მონაწილეობას იღებდნენ X-XI კლასების მოსწავლეები.
გიმნაზიის აღსაზრდელებმა პროექტის ფარგლებში ინტეგრირებული ფორმით - (საღვთო სჯული, ქართული ლიტერატურა, ისტორია და უცხოური ენები- ინგლისური, რუსული) წარმოაჩინეს თემის იდეურ-მსოფლმხედველობრივი, ისტორიულ-კულტურული და რელიგიური ასპექტები.

📌📌ა(ა)იპ საქართველოს საპატრიარქო , ზუგდიდის წმიდა გიორგის სახელობის სკოლა-გიმნაზიაში ისტორიის პედაგოგმა, ზაურ აბაკელიამ გამართა ინტელექტ-კლუბის📚 ,,ისტორიის ლაბირინთი“ პირველი შეხვედრა, სადაც შემუშავდა კლუბის წესდება და ლოგო.
📋📋კლუბში გაწევრიანებული არიან გიმნაზიის საბაზო-საშუალო საფეხურის მოსწავლეები.