სსიპ ქალაქ ზუგდიდის N12 საჯარო სკოლა

პირველკლასელთა საყოველთაო რეგისტრაცია 2026 წლის 15 ივნისის 09:00 საათიდან დაიწყება და 3 ივლისის ჩათვლით გაგრძელდება.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე - registration.emis.ge.

ბავშვის სისტემაში რეგისტრაციას უზრუნველყოფს მშობელი ან კანონიერი წარმომადგენელი.

🗓️ელექტრონულად რეგისტრირებული მოსწავლის ჩასარიცხად აუცილებელი დოკუმენტების მიღება 2026 წლის 6 ივლისიდან 17 ივლისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

🔶️პირველ კლასში ჩასარიცხად საჭირო დოკუმენტები:

მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

🔸️შეგახსენებთ, რომ სასკოლო ასაკთან დაკავშირებით „ზოგადი განათლების შესახებ“ საქართველოს კანონში ცვლილება შევიდა. კერძოდ, 2026-2027 სასწავლო წელს პირველ კლასში დარეგისტრირებას შეძლებენ ბავშვები, რომლებსაც 31 დეკემბრის ჩათვლით შეუსრულდებათ 6 წელი.

სკოლების პორტალი სკოლების პორტალი, საქართველოს სკოლები, სკოლები, სკოლა, georgian schools

დღეს სკოლაში დამოუკიდებლობის დღისადმი მიძღვნილი მასწავლებელთა და მოსწავლეთა რიგით მეორე კონფერენცია ჩატარდა.

საქართველოს დამოუკიდებლობის დღისადმი მიძღვნილი მასწავლებელთა და მოსწავლეთა კონფერენცია🇬🇪🇬🇪🇬🇪

სსიპ ქალაქ ზუგდიდის N12 საჯარო სკოლა ღრმა მწუხარებით იუწყება ამავე სკოლის დამსახურებული პედაგოგის ლეილა ჩიტაიას გარდაცვალებას და უსამძიმრებს ოჯახს, ახლობლებს და კოლეგებს.

ლეილა ჩიტაია 1973-2019 წლებში მუშაობდა ქალაქ ზუგდიდის N12 საჯარო სკოლის დაწყებითი კლასების მასწავლებლად. ის იყო კრეატიული პიროვნება, რომელიც გამოირჩეოდა პროფესიონალიზმით, კეთილშობილებით და ბავშვებისადმი უსაზღვრო სიყვარულით. მისი თბილი დამოკიდებულება და მზრუნველობა სამუდამოდ დარჩება მისი აღზრდილების, კოლეგების და ახლობლების გულში. მან მრავალი თაობა აღზარდა ცოდნის სიყვარულით, პასუხისმგებლობითა და ადამიანური ფასეულობებით.
ლეილა ჩიტაიას ხსოვნა მუდამ იცოცხლებს ყველას გულში ვისაც ერთხელ მაინც შეხებია მისი კეთილი სიტყვა და მზრუნველი ხელი.

📢15 მაისს, პირველკლასელთა რეგისტრაციის მესამე ეტაპი იწყება.

📣 სიახლე საჯარო სკოლის პირველ კლასში რეგისტრაციის პროცესში - რეგისტრაცია ტერიტორიული პრინციპით (III ეტაპი)

საქართველოს განათლების, მეცნიერებისა და ახალგაზრდობის სამინისტრო პირველკლასელთა რეგისტრაციის მსურველებს სთავაზობს სიახლეს — საყოველთაო რეგისტრაციამდე, ჩატარდება ახალი - ტერიტორიული პრინციპით ელექტრონული რეგისტრაცია.

📍 აღნიშნული ეტაპი მშობლებს სთავაზობს ბავშვის რეგისტრაციის შესაძლებლობას, მის საცხოვრებელ სახლთან ახლოს მდებარე საჯარო სკოლაში.

📌 მნიშვნელოვანი ინფორმაცია:

📍 რეგისტრაცია განხორციელდება მოსწავლის სარეგისტრაციო მისამართის შესაბამისად.

🗂 სსიპ განათლების მართვის საინფორმაციო სისტემა დაეყრდნობა სსიპ სახელმწიფო სერვისების განვითარების სააგენტოს მონაცემთა ელექტრონულ ბაზაში, 2026 წლის 15 აპრილის მდგომარეობით რეგისტრირებულ მისამართებს.

📌 იმ პირთა შემთხვევაში, რომელთა საცხოვრებელ მისამართად სსიპ სახელმწიფო სერვისების განვითარების სააგენტოს მონაცემებში მითითებულია ოკუპირებული ტერიტორია (აფხაზეთი, ცხინვალი, ახალგორი), სასკოლო უბანი განისაზღვრება სსიპ – დევნილთა, ეკომიგრანტთა და საარსებო წყაროებით უზრუნველყოფის სააგენტოს მიერ 2026 წლის 15 აპრილის მდგომარეობით მოწოდებული იურიდიული მისამართის საფუძველზე.

🏙 ტერიტორიული პრინციპით რეგისტრაცია განხორციელდება 12 საპილოტე ქალაქში:
თბილისი, ბათუმი, ქუთაისი, რუსთავი, ზუგდიდი, ამბროლაური, ოზურგეთი, ახალციხე, გორი, მცხეთა, თელავი და ფოთი.

📍სასკოლო უბნები ქალაქების მიხედვით

თბილისი დაყოფილია 10 სასკოლო უბნად: ისანი, სამგორი, ვაკე, საბურთალო, დიდუბე, ჩუღურეთი, გლდანი, ნაძალადევი, მთაწმინდა და კრწანისი.

მშობელს შეუძლია აირჩიოს სკოლა, ბავშვის რეგისტრაციის მისამართის შესაბამის სასკოლო უბანში

ასევე თბილისის შემთხვევაში, სასკოლო უბნის საზღვართან ახლოს რეგისტრირებული ბავშვის მშობელს, შესაძლებლობა აქვს რეგისტრაცია განახორციელოს მომიჯნავე სასკოლო უბნის სკოლაში, თუ რეგისტრაციის მისამართიდან ამ სკოლამდე საფეხმავლო მანძილი არ აღემატება 1 კილომეტრს.

ქუთაისი დაყოფილია 5 სასკოლო უბნად:

• სასკოლო უბანი - ავტოქარხანა;

• სასკოლო უბანი - გამარჯვება, უქიმერიონი, გუმათი;

• სასკოლო უბანი - ნიკეა, ვაკისუბანი, სულხან-საბა;

• სასკოლო უბანი - ქალაქი მუზეუმი, საფიჩხია;

• სასკოლო უბანი - ძექვიანი, კახიანოური, მუხიანი.

ბათუმი დაყოფილია 4 სასკოლო უბნად:

• სასკოლო უბანი - ბაგრატიონი 1, ბაგრატიონი 2, ბონი, ჯავახიშვილი, კახაბერი, აღმაშენებელი;

• სასკოლო უბანი - ხიმშიაშვილი, რუსთაველი, ძველი ბათუმი;

• სასკოლო უბანი - თამარი, მწვანე კონცხი;

• სასკოლო უბანი - გონიო, აეროპორტი, სამრეწველო.

რუსთავი დაყოფილია 3 სასკოლო უბნად:

• სასკოლო უბანი - დ. აღმაშენებლის, ი. ჭავჭავაძის, 13 ასურელი მამის, ჟ. შარტავას ადმინისტრაციული ერთეული;

• სასკოლო უბანი - ვ. გორგასლის, ი. ცურტაველის, შ. რუსთაველის ადმინისტრაციული ერთეული;

• სასკოლო უბანი - გ. ჭყონდიდელის, ნ. ბარათაშვილის, ძველი რუსთავის ადმინისტრაციული ერთეული.

რაც შეეხება ზუგდიდს, ამბროლაურს, ოზურგეთს, ახალციხეს, გორს, მცხეთას, თელავს და ფოთს - აღნიშნული ქალაქები სასკოლო უბნებად არ არის დაყოფილი და ბავშვის რეგისტრაცია შესაძლებელი იქნება შესაბამის ქალაქში მდებარე საჯარო სკოლებში.

🔎 გადაამოწმეთ წინასწარ

რეგისტრაციის დაწყებამდე გადაამოწმეთ, რომელ სკოლაში შეგიძლიათ ბავშვის რეგისტრაცია:
🔗 https://rb.gy/h3z514

🗓 რეგისტრაციის ვადები

📅 15 მაისი, 09:00 საათიდან — 25 მაისის ჩათვლით

💻 რეგისტრაცია ხორციელდება ვებგვერდზე:

🔗 https://registration.emis.ge პორტალი გაიხსნება 15 მაისს, 09:00 საათზე

🎥 რეგისტრაციის ვიდეო ინსტრუქცია: https://www.youtube.com/watch?v=dTkrkCSEtZg&t=1s

👉 დეტალური ინფორმაცია სასკოლო უბნების შესახებ ქალაქების მიხედვით: https://emis.ge/posts/124

#პირველკლასელები #რეგისტრაცია #საჯაროსკოლა #განათლება

📣პირველკლასელთა რეგისტრაციის II ეტაპი იწყება.

მოსწავლეთა რეგისტრაცია და დოკუმენტაციის წარდგენა 2026 წლის 24 აპრილიდან 8 მაისის ჩათვლით განხორციელდება.

ამ ეტაპზე რეგისტრირდებიან ბავშვები:

რომელთა და-ძმაც სწავლობს სასურველ სკოლაში;
რომელთა მშობელიც სასურველი სკოლის თანამშრომელია;
რომელთა ოჯახიდანაც ერთდროულად ორი ან მეტი ბავშვი შედის პირველ კლასში;
წარდგენილი დოკუმენტაციის საფუძველზე რეგისტრაციას უზრუნველყოფს საჯარო სკოლა.

დედამიწის დღე ჩვენს სკოლაში🌏🌳🍀