ზუგდიდის სახელმწიფო უნივერსიტეტი . Zugdidi State University

20/08/2026

🔈2026 წლის ერთიანი ეროვნული გამოცდების მონაწილეების საყურადღებოდ - პროგრამების რეიტინგულ სიაში ცვლილებების შეტანის ვადა აბიტურიენტებისათვის 20 აგვისტოს 18:00 საათზე იწურება⤵

🔹შეფასებისა და გამოცდების ეროვნული ცენტრი სთხოვს ერთიან ეროვნულ გამოცდებში მონაწილეებს, საკუთარ გვერდზე კიდევ ერთხელ ყურადღებით გაეცნონ სასურველ საგანმანათლებლო პროგრამებზე არსებულ კონკურსს, მიღებულ შედეგს და შესაბამისად შეადგინონ პროგრამების საბოლოო პრიორიტეტული ჩამონათვალი.

🔹გასათვალისწინებელია, რომ აბიტურიენტებს შესაძლებლობა აქვთ აირჩიოთ მათთვის სასურველი რაოდენობით საგანმანათლებლო პროგრამები.

🔷გამოსაცდელებმა პროგრამების არჩევისას ყურადღება უნდა მიაქციონ:
🔹 გაზრდილია თუ არა უმაღლესი საგანმანათლებლო დაწესებულების მიერ მინიმალური კომპეტენციის ზღვარი კონკრეტულ პროგრამაზე;
🔹 საგანმანათლებლო პროგრამაზე არსებული ადგილების რაოდენობას;
🔹საგანმანათლებლო პროგრამის სწავლის საფასურს;
🔹ქალაქს, სადაც შესაბამისი საგანმანათლებლო პროგრამა ხორციელდება.

18/08/2026

🔴მასწავლებლის მომზადების 60-კრედიტიან საგანმანათლებლო პროგრამაზე ჩარიცხვის მსურველთა რეგისტრაცია მიმდინარეობს 19 სექტემბრის ჩათვლით.
https://zssu.ge/node/1420
🔴შიდასაუნივერსიტეტო საკონკურსო გამოცდა: 23 სექტემბერი.
#რეგისტრაცია 👉 საზოგადოებრივ მეცნიერებათა და ჯანდაცვის ფაკულტეტის დეკანატში. ( I კორპუსი, მესამე სართული, ოთახი 302; ტელ. 595097214; 568876585).
🔴პროგრამისთვის გამოყოფილი ადგილების საერთო რაოდენობა: 25 ადგილი.
🔴პროგრამა დაფინანსებულია სახელმწიფო სასწავლო გრანტით.
🔴კონკრეტულ მოდულზე ადგილების შეუვსებლობის შემთხვევაში, შესაძლებელია ადგილების რაოდენობის გადანაწილება მოთხოვნად მოდულებზე (გამოყოფილი კვოტის - 25 ადგილის ფარგლებში).

#ზსუ

17/08/2026

✅საგანმანათლებლო პროგრამის ცვლილების მსურველთათვის 👉ცნობარი 2026👉 https://shorturl.at/fNen1
#ზსუ

14/08/2026

14/08/2026

🔹ზუგდიდის სახელმწიფო უნივერსიტეტში მობილობის მსურველ სტუდენტთა ელექტრონულ პორტალზე👉 https://students.emis.ge/ რეგისტრაციის ვადა: 2026 წლის 24 აგვისტოდან 2026 წლის 08 სექტემბრის 18.00 სთ-მდე.

🔹მობილობის მსურველი პირის მიერ წარმოსადგენი დოკუმენტაცია:
▫️პირადობის დამადასტურებელი დოკუმენტი;
▫️უსდ-ში ჩარიცხვის/სტატუსის შეჩერების/აღდგენის ბრძანებ(ებ)ის დამოწმებული ასლები;
▫️სამხედრო მიწერის მოწმობა (სამხედრო ვალდებულთათვის);
▫️სასწავლო ბარათი;
▫️პირად საქმეში არსებული სხვა დოკუმენტაციის ასლები.

🔹დამატებითი კითხვების შემთხვევაში დარეკეთ: 595 097 214; 591 32 42 42.

#ზსუ

13/08/2026

🟨ზუგდიდის სახელმწიფო უნივერსიტეტში სტატუსის აღდგენისა და შიდა მობილობის მსურველ სტუდენტთა განცხადებების რეგისტრაციის ვადა: 2026 წლის 24 აგვისტო - 21 სექტემბერი.

🟨განცხადებების რეგისტრაცია იწარმოებს საზოგადოებრივ მეცნიერებათა და ჯანდაცვის ფაკულტეტზე, ძირითადი კორპუსი, მესამე სართული, ოთახი 302.

🟨შენიშვნა: შიდამობილობაში მონაწილეობის მიღება შეუძლია შეჩერებული სტატუსის მქონე სტუდენტსაც.

🔸დამატებითი კითხვების შემთხვევაში დარეკეთ: 595 097 214; 591 32 42 42.

#ზსუ

13/08/2026

🔷 სოციალური პროგრამის ფარგლებში აკადემიური უმაღლესი განათლების პირველ (ბაკალავრიატი) და მე-2 (მაგისტრატურა) საფეხურზე სახელმწიფო სასწავლო გრანტის/სასწავლო სამაგისტრო გრანტის მოპოვება შეუძლია 2025 წლის 17 დეკემბრამდე ჩარიცხულ გარკვეული კატეგორიის სტუდენტებს. კერძოდ, სოციალური პროგრამის ფარგლებში, უმაღლესი განათლების პირველ საფეხურზე სწავლის დაფინანსებასთან დაკავშირებით, განცხადებები მიიღება მხოლოდ ელექტრონულად, ონლაინ რეჟიმში, პორტალზე http://socreg.mes.gov.ge 2026 წლის 26 აგვისტოდან 25 სექტემბრის ჩათვლით.

🔷 სოციალური პროგრამის ფარგლებში, სახელმწიფო სასწავლო სამაგისტრო გრანტის მოსაპოვებლად, მაგისტრანტები განცხადებას წარადგენენ მხოლოდ ელექტრონულად, პორტალზე − http://socreg.mes.gov.ge, 2026 წლის 28 სექტემბრიდან 2026 წლის 12 ოქტომბრის ჩათვლით.

#ზსუ

12/08/2026

12/08/2026

✅ „ტურიზმის“ საბაკალავრო და „ტურიზმის მენეჯმენტის“ (I და II ნაწილი) სამაგისტრო საგანმანათლებლო პროგრამები აკრედიტებულია!
ცნობარი: https://shorturl.at/XhbAb
#ზსუ

12/08/2026

🔷2026 წლის 27 ივლისიდან 5 აგვისტოს ჩათვლით საერთაშორისო ინტერდისციპლინური კონფერენცია „ადამიანი, კულტურა, რელიგია“ ჩატარდა. ღონისძიება ზუგდიდის სახელმწიფო უნივერსიტეტში გაიხსნა, ხოლო შემდეგ დაბა მესტიაში, მესტიის ისტორიულ-ეთნოგრაფიულ მუზეუმში გაგრძელდა.

🔷ღონისძიების ორგანიზატორები იყვნენ საქართველოს ტექნიკური უნივერსიტეტი და შოთა მესხიას ზუგდიდის სახელმწიფო უნივერსიტეტი. პროექტი განხორციელდა საქართველოს კულტურის სამინისტროს, ზუგდიდის მუნიციპალიტეტის მერიის, საქართველოს ტექნიკური უნივერსიტეტისა და ზუგდიდის სახელმწიფო უნივერსიტეტის ფინანსური მხარდაჭერით.

🔷სამეცნიერო ფორუმის სამუშაო ენები იყო გერმანული და ინგლისური. მასში მონაწილეობდნენ ფილოსოფიის, ეთიკის, კულტუროლოგიის, სამართლისა და ლიტერატურის მკვლევრები ხუთი ქვეყნიდან: საქართველო, გერმანია, ავსტრია, ხორვატია და პოლონეთი.

🔷კონფერენციაში ჩართულნი იყვნენ შემდეგი უნივერსიტეტებისა და აკადემიური ცენტრების წარმომადგენლები:
▪️საქართველოს ტექნიკური უნივერსიტეტი (საქართველო);
▪️თბილისის სახელმწიფო უნივერსიტეტი (საქართველო);
▪️შოთა მესხიას ზუგდიდის სახელმწიფო უნივერსიტეტი (საქართველო);
▪️ბონის უნივერსიტეტი (გერმანია);
▪️ფრაიბურგის უნივერსიტეტი (გერმანია);
▪️ბერლინის ჰუმბოლდტის უნივერსიტეტი (გერმანია);
▪️ბერლინის თავისუფალი უნივერსიტეტი (გერმანია);
▪️ვენის უნივერსიტეტი (ავსტრია);
▪️ზადარის უნივერსიტეტი (ხორვატია);
▪️ვარშავის უნივერსიტეტი (პოლონეთი);
▪️ადამ მიცკევიჩის უნივერსიტეტი პოზნანში (პოლონეთი);
▪️აკადემია იგნატიანუმი კრაკოვში (პოლონეთი).

🔷სამეცნიერო სესიების, დისკუსიებისა და სცენური კითხვის პარალელურად, პროგრამა მოიცავდა კულტურულ ღონისძიებებსაც.

#ზსუ