19/04/2024
საინტერესოდ ჩაიარა დედაენის კვირეულმა "ენა დედაა ერისა" ჩვენს სკოლაში. დაგეგმილი აქტივობები იყო მრავალფეროვანი, მხატვრულ-შემეცნებითი და შემოქმედებითი ხასიათის. ჩართული იყვნენ სურვილისა და შესაძლებლობის მიხედვით სამივე საფეხურის მოსწავლეები.
აქტივობები მიმართული იყო მოსწავლეების ცნობიერების ამაღლების, შემოქმედებითი უნარების წარმოჩენისა და ამ დღის არსის უკეთ გასააზრებლად.
მოსწავლეები ხალისით ჩაერთვნენ თითოეულ აქტივობაში, ემოციურად და დამაჯერებლად წაიკითხეს ლექსები, ესეები, შეასრულეს ილუსტრაციები მოსმენილი ტექსტიდან, შდამბეჭდავი იყო პრეზენტაციები, დისკუსია, სადაც თითოეულმა მთელი გულწრფელობით დააფიქსირა თავისი დამოკიდებულება და როლი ენის სიწმინდის დაცვის საქმეში ფრაზით - "არა ბარბარიზმებს"!.
ფინალურ ნაწილში მოსწავლეებმა წატმოადგინეს ლიტერატურული მონტაჟი, სიმღერები და ქორეოგრაფიული ნომრები.
კვირეულის ნამუშევრებით:კალიგრაფიული ხელნაწერებით, ილუსტრაციებით და კედლის გაზეთით დამშვენდა სტენდი.
მადლობა ქართული ენისა და ლიტერატურის კათედრის სახელით თითოეულ მონაწილეს გულისხმიერებისთვის, პასუხისმგებლობისა და იმ სიყვარულისთვის რომელიც თითოეულ მათ სიტყვაში და ქმედებაში იყო.
