სსიპ ზესტაფონის N4 საჯარო სკოლა /Zestafoni N4 Public School

#რასადროდის
#ინტელექტუალურითამაშები

📚✨ ინტელექტუალური ბრძოლა წიგნის მოყვარულთათვის! ✨🧠

💥 სასწავლო წლის ბოლო ჩვენს სკოლაში განსაკუთრებულად, აზარტულად და შემეცნებითად დაგვირგვინდა!

💥 ამბობენ, რომ წიგნი ერთადერთი პორტალია, რომელსაც შეუძლია დროსა და სივრცეში სრულიად უფასოდ გამოგზაუროს. ჩვენმა 5-6 კლასელებმა ეს ჯადოსნური მოგზაურობა მთელი სასწავლო წლის მანძილზე საკუთარ თავზე გამოსცადეს. ქართული ენის კათედრის მიერ დაგეგმილი პროექტის ფარგლებში ისინი არათუ უბრალოდ კითხულობდნენ, არამედ სუნთქავდნენ პერსონაჟების ისტორიებით, მსჯელობდნენ, კამათობდნენ და ერთად იზრდებოდნენ.

🦊🌹 სცენაზე ერთმანეთს 6 საოცარი გუნდი დაუპირისპირდა:

1.”მკითხველები” – 5ა კლასი, დამრიგებელი რუსუდან წერეთელი Rusudan Wereteli
2.”ბრძენი ბუები” – 5ბ კლასი, დამრიგებელი დალი მახათაძე
3.”წიგნების თაობა” – 5გ კლასი, დამრიგებელი ხათუნა გოდიბაძე Xatuna Godibadze
4.”ლიას არწივები” – 6ა კლასი, დამრიგებელი ლია ცხადაძე Lia Cxadadze
5.”შურისმაძიებლები” – 6ბ კლასი, დამრიგებელი ჟუჟუნა ეჯიბაძე
6.”ცნობილი ხუთეული” – 6გ კლასი, დამრიგებელი თამარ ხუსკივაძე Tamar Khuskivadze

ჩვენმა მოსწავლეებმა კიდევ ერთხელ გააცოცხლეს ყველა ის ფურცელი, რომელიც წლის მანძილზე გადაშალეს. მათ დაამტკიცეს, რომ მათთვის წიგნი მხოლოდ დავალება კი არა, სამყაროს შეცნობის გასაღებია!
ბავშვებმა აჩვენეს უბადლო გუნდურობა, კრიტიკული აზროვნება და ნამდვილი მწიგნობრებისთვის დამახასიათებელი ჟინი!

🏆 ქულების დათვლის შემდეგ, გამოვლინდა 3 გამარჯვებული გუნდი:
🥇 I ადგილი: გუნდი “წიგნების თაობა”
🥈 II ადგილი: გუნდი “ბრძენი ბუები”
🥉 III ადგილი: გუნდი “ცნობილი ხუთეული”

ვულოცავთ თითოეულ გამარჯვებულს! 🥳👏 თუმცა, როდესაც საქმე ლიტერატურას ეხება, დამარცხებული არავინაა — ყოველი წაკითხული გვერდი უკვე უდიდესი გამარჯვებაა საკუთარ თავზე.

🌟 ჩვენს პატარა, გონიერ და შთამაგონებელ მკითხველებს ვუსურვებთ მზით, თავისუფლებითა და ახალი აღმოჩენებით სავსე საზაფხულო არდადეგებს! არასოდეს შეწყვიტოთ ძიება, რადგან წინ კიდევ უამრავი ჯადოსნური სამყარო გელოდებათ გადასაშლელად! 🎓❤️

პროექტის ხელმძღვანელი: მირანდა მანჩხაშვილი

ქართული ენის კათედრა დიდ მადლობას უხდის სკოლის ადმინისტრაციას მხადაჭერისთვის

#1ივნისი2026ბავშვთადაცვისსაერთაშორისოდღე
#1ივნისი2026ბავშვთანამუშევრებისგამოფენა
#1ივნისი2026ტურნირიმინიფეხბურთში

❤️🩷💜 ფერადი, შემოქმედებითი და სპორტული 1 ივნისი სსიპ ზესტაფონის N4 საჯარო სკოლა /Zestafoni N4 Public School

✨ ბავშვთა დაცვის საერთაშორისო დღესთან დაკავშირებით, სსიპ ქალაქ ზესტაფონის მეოთხე საჯარო სკოლაში ნამდვილი საზეიმო ატმოსფერო სუფევდა! სასკოლო საზოგადოებამ მოსწავლეებს მრავალფეროვანი, ემოციური და ინტერაქციული აქტივობებით სავსე დღე აჩუქა, რომელშიც დიდი ენთუზიაზმით ჩაერთნენ როგორც დაწყებითი, ისე საბაზო და საშუალო საფეხურის მოსწავლეები.
დღის განმავლობაში სკოლის სივრცე რამდენიმე უმნიშვნელოვანეს შემოქმედებით და სპორტულ პლატფორმად გადაიქცა:

1.სკოლაში მოეწყო ჩვენი ნიჭიერი მოსწავლეების ხელნაკეთი ნამუშევრების ულამაზესი ექსპოზიცია. დამთვალიერებლის წინაშე ბავშვებმა წარმოადგინეს დიდი სიყვარულითა და ფანტაზიით შექმნილი ყვავილების კომპოზიციები, ნახატები, ორიგინალური სამკაულები, მოდური ჩანთები და სხვა საინტერესო აქსესუარები. გამოფენამ დამსწრე საზოგადოების უდიდესი ინტერესი, აღფრთოვანება და მოწონება დაიმსახურა 🔴🟠🟡🟢🔵🟣⚪ (ხელმძღვანელი: ნინო დავლაძე Nino Davladze).

2. II-დან VI კლასის ჩათვლით მოსწავლეებმა დიდი ხალისითა და ერთობლივი ძალისხმევით მიიღეს მონაწილეობა სკოლის ეზოს მოხატვაში. ბავშვების შემოქმედებითმა იდეებმა, ფერადმა ცარცებმა და ზღაპრულმა ნახატებმა განსაკუთრებული სიცოცხლე, მზე და მხიარულება შემატა სასკოლო გარემოს.🌞🌟⭐💫❤️🧡💛💚🩵

3.ჯანსაღი ცხოვრების წესის პოპულარიზაციისთვის, სპორტის მოყვარულ მოსწავლეებს შორის გაიმართა დაძაბული შიდასასკოლო ტურნირი მინი ფეხბურთში VIა (დამრიგებელი - ლია ცხადაძე Lia Cxadadze ) და VIგ (დამრიგებელი - თამარ ხუსკივაძე Tamar Khuskivadze)კლასებს შორის. მინდორზე გამართული საინტერესო, მეგობრული და ემოციური პაექრობის შედეგად, დამსახურებული გამარჯვება VIაკლასის გუნდმა მოიპოვა! ⚽🏆🏅🥉🥇🎀

ბავშვთა დაცვის საერთაშორისო დღის აღნიშვნა ჩვენს სკოლაში კიდევ ერთხელ იქცა თითოეული მოსწავლის უსაზღვრო ნიჭის, შემოქმედებითი პოტენციალისა და სპორტული უნარების წარმოჩენის საუკეთესო დღესასწაულად. კიდევ ერთხელ ვულოცავთ თითოეულ მოსწავლეს ამ ულამაზეს დღეს! ვუსურვებთ მათ მშვიდობიან, ლაღ, ჯანმრთელ და წარმატებულ ბავშვობას მოსიყვარულე და მზრუნველ გარემოში! 🎈⭐💚

#რასადროდის
#ინტელექტუალურითამაშები

ინტელექტუალური მარათონი პირველი რესპუბლიკის ისტორიაზე ქალაქ ზესტაფონის მეოთხე საჯარო სკოლაში!
სსიპ ქალაქ ზესტაფონის მეოთხე საჯარო სკოლაში შედგა უაღრესად საინტერესო და დაძაბული ინტელექტუალური თამაში „რა? სად? როდის?“, რომელიც მიეძღვნა ჩვენი ქვეყნის ისტორიის უმნიშვნელოვანეს ფურცელს — 1918 წლის საქართველოს პირველი დემოკრატიული რესპუბლიკის ეპოქას.
ღონისძიება საზოგადოებრივი მეცნიერებების კათედრის ორგანიზებით გაიმართა და მასში მონაწილეობა მიიღეს:
IXა, IXბ, IXგ, Xა, Xბ, Xგ, XIა და XIბ კლასების გუნდებმა. თამაშის განმავლობაში მოსწავლეებმა არამხოლოდ ღრმა ისტორიული ცოდნა, არამედ ბრწყინვალე ლოგიკური აზროვნება, სხარტი რეაქცია და გუნდური მუშაობის უმაღლესი კულტურა გამოავლინეს.საპრიზო ადგილები ასე განაწილდა:
I ადგილი — Xბ კლასი ( დამრიგებელი - მირანდა მანჩხაშვილი)
II ადგილი — XIბ კლასი (დამრიგებელი - სოფიო გოგნაძე Sofa Gognadze)
III ადგილი — Xგ კლასი (დამრიგებელი იოსებ ჟღენტი)

ღონისძიებას ხელმძღვანელობდა ისტორიის მასწავლებელი ნინო დავლაძე Nino Davladze.

გამარჯვებული გუნდები დაჯილდოვდნენ შესაბამისი ხარისხის დიპლომებით, ხოლო თითოეულ მონაწილე გუნდს, აქტიური ჩართულობისა და მაღალი აკადემიური აქტივობისთვის, გადაეცა სერტიფიკატები.

სსიპ ქალაქ ზესტაფონის მეოთხე საჯარო სკოლა მადლობას უხდის ყველა მონაწილეს ასეთი მაღალი დონის, შემეცნებითი და წარმატებული ღონისძიების ორგანიზებისთვის და ასევე ჩვენს მოსწავლეებს ვუსურვებთ წარმატებებს მომავალ თამაშებზე.