სამოქალაქო კლუბი "ერთობა"

კლასის საათი VIII-ა კლასში. დამრიგებელმა მოსწავლეებს გააცნო მთავრობის დადგენილება ბავშვთა რეფერირების შესახებ. მოსწავლეებმა წარმოადგინეს საკუთარი ნამუშევრების პრეზენტაციები.

X-ა კლასის სამოქალაქო განათლების გაკვეთილი დაეთმო მოსწავლეებისათვის ბავშვთა დაცვის მიმართვიანობის (რეფერირების) პროცედურების დამტკიცების შესახებ მთავრობის დადგენილების გაცნობას(მასწავლებელი ფიქრია გიორხელიძე). მოსწავლეებმა მოისმინეს მასწავლებლის ლექცია, იმუშავეს ჯგუფებში, წარმოადგინეს პრეზენტაციები. გაკვეთილს ესწრებოდა ქალბატონი დალი სილაგაძე.

30 ნოემბერს სამოქალაქო კლუბის ლიდერმა, ზურაბ თევდორაძემ ორგანიზება გაუკეთა სკოლის 30 მოსწავლის გამიკითხვას. გამოკითხვის მიზანი იყო გაგვეგო- არსებობს თუ არა სკოლაში ძალადობის რაიმე ფორმის ნიშნები - მოსწავლეებმა სხვადასხვა ასაკობრივი ჯგუფიდან , დახურულ რეჟიმში პასუხები გასცეს კითხვებს. გამოკითხვის შედეგებს წარმოვადგენთ კვირეულის დასკვნით შეხვედრაზე.

VII-ა კლასის საათის მიზანი იყო(დამრიგებელი თამილა ჭოლაძე): მოსწავლეებისთვის საქართველოს მთავრობის 2016 12 სექტემრის დადგენილება № 437-ის გაცნობა, ბავშვთა დაცვის მიმართვიანობის რეფერირების პროცედურების წესების შინაარსში გარკვევა, მოსწავლეთა ინფორმირება, თუ რა არის რეფერირების მიზანი-ოჯახში და მის გარეთ ბავშვის ძალადობის ყველა ფორმისაგან დაცვის ხელშეწობა, რეფერირების პროცედურების ეფექტური სისტემის ჩამოყალიბების გზით.
მოსწავლეებმა წარმოადგინეს ძალადობის კონკრეტული ფორმის შესახებ როლური თამაში , გააკეთეს უკუკავშირი. წარმოდგენილი იყო პოსტერები, სქემები.

VI ა კლასში ჩატარდა კლასის საათი ,,არა ძალადობას’’.(დამრიგებელი ქეთევან ჯიქია). მოსწავლეებმა კლასის საათი წარმრათეს კითხვა პასუხის რეჟიმში, გაიმართა მინი- დისკუსია.
• რა სახის ძალდობა იცით?
• რა სახის ძალადობა ხორციელდება ბავშვებზე?
• არის თუ არა ბავშვის იძულებით გაშვება სამუშაოდ?
• შეიძლება თუ არა ბავშვის დასჯა?
გაეცვნენ დადგენილებას ბავშვთა დაცვის მიმართვიანობის (რეფერირების) პროცედურების დამტკიცების შესახებ. გამოფინეს პოსტერები.

ქალთა მიმართ ძალადობის საერთაშორისო კვირეულს ვუერთდებით სსიპ ოტია იოსელიანის სახელობის ქალაქ წყალტუბოს #1 საჯარო სკოლის მოსწავლეები. ჩვენი ფორმატი უფრო ვრცელია და მოიცავს ბრძოლას ზოგადად ძალადობის წინააღმდეგ. ასევე მიზნად ისახავს ბავშვთა დაცვის მიმართვიანობის (რეფერირების) პროცედურების დამტკიცების შესახებ დადგენილების გაცნობას ყველა მოსწავლისათვის. (პოსტერი მოამზადა მურმან ხაჭაპურიძემ-VIII-აკლ.)