ახალშენის საჯარო სკოლა

📚🇬🇪 ჩვენს სკოლაში განსაკუთრებულად აღინიშნა 14 აპრილი — დედაენის დღე. გაიმართა საინტერესო და შთამბეჭდავი პრეზენტაცია, რომელიც მიეძღვნა ქართული ენის მნიშვნელობას, სილამაზესა და მის დაცვას.
მოსწავლეებმა სიყვარულითა და დიდი პასუხისმგებლობით წარმოადგინეს მასალა დედაენის ისტორიის, მისი უნიკალურობისა და მნიშვნელობის შესახებ. ღონისძიებამ კიდევ ერთხელ შეგვახსენა, რომ ქართული ენა ჩვენი იდენტობის, კულტურისა და ისტორიის უმნიშვნელოვანესი ნაწილია.
მადლობა თითოეულ მონაწილესა და პედაგოგს, მზია სულაძეს, რომ ეს დღე ასეთი დასამახსოვრებელი გახადა. ერთად ვიზრუნოთ ჩვენი დედაენის დაცვასა და განვითარებაზე!

2026 წლის 27 აპრილს, სსიპ წალკის მუნიციპალიტეტის ახალშენის საჯარო სკოლაში გაიმართა სასწავლო-ინტეგრირებული პროექტის ,, ფოსფორი და მისი ნართები“ პრეზენტაცია.
X-XI კლასის მოსწავლეებმა საფუძვლიანად წარმოადგინეს მასალა ფოსფორის ალოტროპიული ფორმების, მისი ნაერთებისა და მათი გამოყენების შესახებ., ასევე შეეხნენ ფოსფორის წრებრუნვას ბუნებაში. აღსანიშნავია ბიოლოგიასთან წარმატებული ინტეგრირება- მოსწავლეებმა იმსჯელეს კალციუმის დეფიციტზე, მის პრევენციასა და ჯანსაღი კვების მნიშვნელობაზე, რისთვისაც შექმნეს შესაბამისი მენიუს ბუკლეტებიც.
პრეზენტაციას განსაკუთრებული სიცოცხლე შესძინა ჩატარებულმა ექსპერიმენტებმა, სადაც თვალსაჩინოდ იქნა ნაჩვენები კალციუმის ფოსფატის დაშლის პროცესი და მისი გავლენა ძვალსა და კვერცხის ნაჭუჭზე. ასევე საინტერესო იყო პრაქტიკული ნაწილი, როდესაც სარეცხ საშუალებაში ფოსფატის არსებობა დადასტურდა ქიმიური რეაქციის საშუალებით.
ღონისძიების დასასრულს, ქიმიის მასწავლებელმა ნინო ნოზაძემ მადლობა გადაუხადა მოსწავლეებს აქტიურად ჩართულობისათვის და სიგელებით დააჯილდოვა.

შემოდგომის ერთი ფერადი და მხიარული დღე ახალშენის საჯარო სკოლაში🍎🍐🍑🍇🥝

ერთ- ერთი საუკეთესო პროექტიდან❤️

2025 წლის 9 ივნისს, სსიპ წალკის მუნიციპალიტეტის სოფელ ახალშენის საჯარო სკოლაში ჩატარდა ღონისძიება ,, შუა საუკუნეების ციხე- სიმაგრე“.
აქტივობის მიზანი: სასწავლო ინოვაციური მეთოდების დანერგვა, მოსწავლეთა მოტივაციის ამაღლება, საგნობრივ კათედრებს შორის თანამშრომლობის განვითარება.
აქტივობის აღწერა: საწყის ეტაპზე მოხდა საგნობრივი კათედრების წარმომადგენელ მასწავლებელთა შეხვედრა. შეირჩა გარკვეული სასწავლო თემები ,რომლებიც წინასწარ მიეცათ მოსწავლეებს მოსამზადებლად.
საგნის მასწავლებლებმა :ნოდარ მგელაძემ, ინგა თოდუამ, მარინე კაჭკაჭაშვილმა, ნატო ბაბლუანმა, ფიქრია ფარჯველიანმა, ნინო ნოზაძემ და მაკა გელაშვილმა დიდი ძალისხმევა გასწიეს, რომ კითხვები საინტერესოდ და მრავალფეროვნად ყოფილიყო შედგენილი.
მონაწილე გუნდები იყო შერეული, დაკომპლექტებული VIII- XI კლასის მოსწავლეებისაგან. თითოეული საგნისათვის მომზადდა რესურს- ოთახი, სადაც შედიოდნენ მოსწავლეთა ჯგუფები და ასრულებდნენ დავალებებს განსაზღვრულ დროში. დაწესებული ბარიერის გადალახვის შემთხვევაში იღებდნენ ,, გასაღებს“. გამარჯვებულად გამოცხადდა ის ჯგუფი, რომელმაც მეტი გასაღები დააგროვა. გამარჯვებული მოსწავლეები გაემართნენ განძის საძებნელად. განძისათვის უნდა მიეგნოთ სპეციალურად შედგენილი რუკის მიხედვით. გზადაგზა მათ მინიშნებები ხვდებოდათ. კოდური სიტყვების ამოცნობით მათ შეძლეს იმ ადგილის მიგნება, სადაც ინახებოდა განძი.
აქტივობა წარიმართა საინტერესოდ და სახალისოდ. მოსწავლეთა ინტერესი და მოტივაცია იყო მაღალი.
შედეგი: მოსწავლეებმა დაახარისხეს სასწავლო მასალა და შეაჯამეს ნასწავლი თემები. აღნიშნულმა აქტივობამ ხელი შეუწყო კრიტიკული აზროვნების, პრობლემების გადაჭრის და გუნდური მუშაობის უნარების განვითარებას.
ღონისძიების ორგანიზატორები: ქიმიის პედაგოგი ნინო ნოზაძე
ქართული ენისა და ლიტერატურის პედაგოგი მაკა გელაშვილი

დღეს ახალშენის საჯარო სკოლის ბავშვები იყვნენ წალკის განვითარების ცენტრში სადაც დაესწრნენ ლექციას, ასევე მონაწილეობა მიიღეს საინეტერესო აქტივობებში და გამართეს დისკუსიები.
ლექციას ესწრებოდნე : 9;10; 11 და 12 კლასის მოსწავლეები,
წარმატებებს ვუსრვებთ ბავშვებს მომავალშიც 🤍🤍

დღეს ახალშენის საჯარო სკოლის მოსწავლეები კახა ბენდუქიძის კამპუსს ესტუმრენ და პროექტის (MS შოთა რუსთაველის საქართველოს ეროვნული სამეცნიერო ფონდი) ფარგლებში დაგეგმილი აქტივობა ვანო უდესიანითან ერთად შესრულდა.
გარდა ამისა, ენტომოლოგიის ინსტიტუტის დირექტორმა გიორგი ჯაფოშვილმა მოსწავლეებს გააცნო ლაბორატორიის სტრუქტურა და ზოგადი მუშაობის პრინციპები, მადლობა მას დათმობილი დროისთვის, ასევე მადლობა მერი სალაყაიას Meri Meriko და სოფი ინჯიას. ვესტუმრეთ მეაბრეშუმეობის ინსტიტუტს Zoia Tskaruashvili ❤ საუკეთესო ხარ ❤
გარდა პროექტით გათვალისწინებული აქტივობისა, მოსწავლეებმა დაათვალიერეს და გარკვეული ინფორმაცია მიიღეს უნივერსიტეტის რამდენიმე ლაბორატორიის შესახებ, მოინახულეს კულინარიის აკადემია, ბიბლიოთეკა და მუზეუმი, დიდი მადლობა ორგანიზებისთვის, დათმობილი დროისთვის და საინტერესო ინფორმაციისთვის Anna Veshaguridze და ლანა გაბრიაძეს ❤

ახალშენის საჯარო სკოლის მე-5 კლასის მოსწავლე საბა ფარჯიანმა, კინქსის ინგლისურის ტურში, სამივე რაუნდზე, მაქსიმალური ქულები აიღო და დაჯილდოვდა დიპლომით,წარმატებებს ვუსურვებთ ჩვენს ოქროს ბიჭს.❤️🙂

დღეს, წალკაში, სოფელ გუმბათში ჩატარდა TOK TV -ის მიერ ორგანიზებული ღონისძიება. შეხვედრაზე მოწვეული იყო მწერალი დათო ტურაშვილი. ის სკოლის მოსწავლეებსა და პედაგოგებს შეხვდა და უპასუხა მათ შეკითხვებს. ახალშენის საჯარო სკოლის ბავშვებმა და მასწავლებლებმა აქტიურად მიიღეს მონაწილეობა, მიიღეს ავტოგრაფები და გადიღეს სამახსოვრო ფოტოები.❤

მიმდინარე წლის 6 ივნისს, ახალშენის საჯარო სკოლის IX კლასის მოსწავლეებმა დაასრულეს მუშაობა ინტეგრირებულ პროექტზე ,,Health is Wealth"/ჯანმრთელობა კეთილდღეობაა. პროექტი განხორციელდა ინგლისური ენის, ბიოლოგიისა და სპორტის მასწავლებლების თანამშრომლობით. პროექტის მიზანს წარმოადგენდა თემატიკის განხილვა სხვადასხვა საგნის ერთიან ჭრილში. მოსწავლეებმა წარმოადგინეს პრეზენტაცია, მოამზადეს თვალსაჩინოებები, მშობლებთან ერთად შეავსეს კითხვარი, გაეცნენ ადამიანის ფიზიკურ, მენტალურ, სოციალურ და ემოციურ მხარეებს, რომლებიც ადამიანური კეთილდღეობის ერთობლივი საწინდარია. იმსჯელეს თითოეული ცნების დანიშნულებაზე და გამოკვეთეს მათი შესაბამისი აქტივობები. მადლობა პროექტის მონაწილეებს აქტიურობისთვის, , ასევე პედაგოგებს, ზურაბ მგელაძესა და თამაზ მგელაძეს თანამშრომლობისთვის🙏💜