28/05/2025
პირველი კლასის დასრულება ღონისძიებით აღნიშნეს ქალაქ თერჯოლის მეორე საჯარო სკოლის პირველი ბ კლასის მოსწავლეებმა და მათმა დამრიგებელმა, მაია აბულაძემ. ღონისძიება თერჯოლის კულტურის სახლის დარბაზში გაიმართა. მოსწავლეებმა ბევრი ისაუბრეს ქართულ ანბანზე, იაკობ გოგებაშვილზე, ქართული ენის მნიშვნელობაზე. საოცარი იყო მათი თავდაჭერა, მზაობა, თავისუფლად იდგნენ სცენაზე და ამაყად მოუთხრობდნენ დამსწრე საზოგადოებას დედაენის შესახებ. ლექსებსა და სიტყვებს სიმღერები ცვლიდა. ემოციებით სავსე საღამო იყო. იგრძნობოდა მოსწავლეების, მასწავლებლის, დირექციისა და მშობლების ერთსულოვნება, ერთმანეთის გვერდით დგომა. ეს მათ ცხოვრებაში უმნიშვნელოვანესი დღე იყო, რომელიც არასდროს დაავიწყდებათ.
