ქ.თბილისის N36 საჯარო სკოლა

26 მაისი საქართველოს დამოუკიდებლობის დღეა!
N36 საჯარო სკოლის მე-2 გ კლასის მოსწავლეებმა ეს დღე განსაკუთრებულად აღნიშნეს. ბავშვებმა გააზრებულად უნდა იცოდნენ საქართველოს მთლიანობისა და დამოუკიდებლობის მნიშვნელობა. ამის აღსაღნიშნად მათ წარმოადგინეს პრეზენტაციები თითოეულ კუთხეზე. იმის ნათელსაყოფად, რომ აფხაზეთი ჩვენი კუთხეა, მოსწავლეებმა შეასრულეს ცეკვაც.
კლასის ხელმძღვანელი ნინი დალაქიშვილი.

ჩვენმა სკოლამ ამჯერადაც უმასპინძლა ინკლუზიური განათლების “რეგიონული სასწავლო ტურის” ფარგლებში რეგიონებიდან მოვლენილ სპეციალურ მასწავლებლებს,
რომლებმაც ჩვენს სპეციალურ მასწავლებელ - თამთა გიგაურთან გაიარეს გადამზადება და გაიზიარეს სკოლის წარმატებული პრაქტიკა-ინკლუზიური განათლების მიმართულებით.

🧩ისინი გაეცნენ როგორც თეორიულ, ასევე პრაქტიკულ საკითხებს.
საშუალება ჰქონდათ, რომ გაკვეთილებზე დასწრებოდნენ ხელოვნებისა და მუსიკის მასწავლებლებს (ნანი ჯამბაზიშვილსა და ნანა წიკლაურს) და ენახათ საგაკვეთილო პროცესში სსსმ მოსწსვლეთა ჩართულობა.

🏅რეგიონული სასწავლო ტურის შემაჯამებელ ღონისძიებაზე მონაწილეებს გადაეცათ სერთიფიკატები და მასწსვლებლის სახლის ხელმძღვანელმა და განათლების მინისტრის მოადგილემ მადლობა გამოუცხადეს იმ ათ სკოლას, რომლებიც აზიარებენ საკუთარ წარმატებულ პრაქტიკას.
შეხვედრას ესწრებოდა ჩვენი სკოლის დირექტორის მოადგილე-ქალბატონი ქეთევან მელიქიშვილი.

🔗36-ე სკოლისთვის ინკლუზიური განათლება პრიორიტეტია.

📍ჩვენმა სკოლამ ამჯერადაც უმასპინძლა მასწავლებელთა პროფესიული განვითარების ეროვნული ცენტრის მიერ ორგანიზებულ “ინკლუზიური განათლების რეგიონულ სასწავლო ტურს”,
რომლის მიზანია გააზიაროს წარმატებული ინკლუზიური განათლების პრაქტიკა.

💡ტურის ფარგლებში რეგიონებიდან მოვლენილმა სპეციალურმა მასწავლებლებლებმა ჩვენი სკოლის სპეციალური მასწავლებლის- თამთა გიგაურის სუპერვიზიით გაიარეს გადამზადება.

📍ისინი ადგილზე გაეცნენ როგორც თეორიულ, ასევე პრაქტიკულ ინფორმაციას.

📚ჩვენს მასწავლებლებს:
ნუნუ კაკულიას, ნატალია ყურმაშვილსა და ნონა ღარიბაშვილს
დაესწრნენ ქართულის, მათემატიკისა და ინგლისურის გაკვეთილებზე
და ნახეს, თუ როგორ შეიძლება გაკვეთილში თანაბრად ჩავრთოთ ყველა მოსწავლე - მათი ინდივიდუალური შესაძლებლობების გათვალისწინებით.
📜აღნიშნულისთვის ჩვენს პედაგოგებს განათლების მინისტრისა და მასწავლებლის სახლის ხელმძრვანელის სახელით გადაეცათ მადლობის სიგელები-ინკლუზოური განათლების განვითარებაში შეტანილი წვლილისთვის.

🔗ჩვენი სკოლისთვის ინკლუზიური განათლება პრიორიტეტია.

დედაენის დღისადმი მიძღვნილ საკლასო ღონისძიება წარმოადგინეს Vა -Vბ კლასის მოსწავლეებმა.
" ჩვენი ენა ქართული"
თითოეული მოსწავლე დიდი სიამაყით საუბრობდა ქართული ენის შესახებ, რადგან მათ იციან, რომ ეს დღე არა მხოლოდ თარიღია მათთვის, არამედ ჩვენი ისტორიისა და ერთიანობის სიმბოლო, ჩვენი ძალა და ჩვენი მომავალია.
ქართული ენისა და ლიტერატურის მასწავლებელი- მზია ჩიტიშვილი

22 აპრილი დედამიწის დღეა. ამ დღესთან დაკავშირებით ჩატარდა აქტივობები სადაც აქტიურად იყვნენ ჩართული 36 -ე საჯარო სკოლის დაწყებით კლასების
II ა, II ბ, IIგ და III ბ კლასების მოსწავლეები🩷🩷🩷
ეს დღე პატარების აქტიური ჩართულობით გაიმართა. მოსწავლეებმა გაიაზრეს რომ ჩვენი პლანეტა ჩვენი ძალაა. აქტივობის ფარგლებში გადავიღეთ თემატური ვიდეორგოლიც, რომელიც ასახავს ამ დღის მნიშვნელოვან მომენტებს .
ეს დღე კიდევ ერთხელ გახდა მაგალითი იმისა თუ რამდენად მნუშვნელოვანია ჩვენი პლანეტის დაცვა🌍🌍🌍🌍🌍🌍❤️❤️❤️❤️❤️❤️
ბუნებისმეტყველების მასწავლებელი: ნატო კიწმარიშვილი

დედამიწის დღე აღინიშნა IIIა da IV ა კლასებშიც. მოსწავლეებმა ჩაატარეს აქტივობები, ისაუბრეს მათ მნიშვნელობაზე და დააფიქსირეს საკუთარი აზრიც. აქტივობის მიზანი იყო როგორც" ბუნების მიმართ პოზიტიური და ეკოლოგიური დამოკიდებულების განვითარება", ასევე გუნდური მუშაობის უნარების ჩამოყალიბებაც .
ქართული ენისა და ლიტერატურის მასწავლებელი: დალი ცქვიტიშვილი.

მე-4 ა კლასის დამრიგებელმა, რუსუდან ჯავახაძემ დედამიწის დღესთან დაკავშირებით კლასში ჩაატარა აქტივობა "დავეხმაროთ დედამიწას". მოსწავლეებისთვის მნიშვნელოვანია იმის გააზრება, რომ დედამიწას უნდა მოვუფრთხილდეთ. აქტივობის ფარგლებში ბავშვებმა შექმნეს ლოზუნგები და ნახატები.

მე-3 ა, მე-4 ა და მე-4 ბ კლასებში ჩატარდა "ტვინების ბრძოლა "მათემატიკაში. ამ აქტივობამ მოსწავლეებში გააღვივა გუნდური მუშაობის , ცოდნის გამოყენებისა და მისი რეალიზების უნარი. მოსწავლეებმა საკმაოდ კარგად გაართვეს თავი ამ აქტივობას.
მასწავლებელი: რუსუდან ჯავახაძე

მე-8 ა კლასის მოსწავლეები დამრიგებელ - ქეთევან კუტიბაშვილთან ერთად ეწვივნენ თავისუფალ თეატრს, სადაც ნახეს სპექტაკლი "ჯინსების თაობა". მოსწავლეებისთვის აღნიშნული სპექტაკლი მეტად საინტერესო და შემეცნებითი აღმოჩნდა.