19/08/2026
პირველკლასელთა მშობლების საყურადღებოდ!
📚ჩვენი სკოლის პირველკლასელთათვის, სასკოლო ფორმების შეძენა შესაძლებელია სსიპ ქალაქ თბილისის N79 საჯარო სკოლის შენობაში არსებულ სარეალიზაციო პუნქტში - 11:00 საათიდან 19:00 საათამდე პერიოდში (მისამართი: გლდანი, პირველი მ/რ; ანგია ბოჭორიშვილის ქუჩა №35; რესტორან "ალილოს" მიმდებარედ).
შეძენა განხორციელდება მხოლოდ უნაღდო ანგარიშსწორებით - შესაძლებელი იქნება საბანკო ბარათით გადახდა.
🗓️ჩვენი სკოლისთვის, ფორმების შესაძენად განრიგით განსაზღვრულია 9 სექტემბერი.
☀️ადგილზე უნდა მიიყვანოთ ბავშვი, რათა შეარჩიოთ შესაბამისი ზომა;
აუცილებლად თან იქონიეთ ბავშვის დაბადების მოწმობა (ან სხვა მაიდენტიფიცირებელი დოკუმენტი).
„საქართველოს მთავრობის გადაწყვეტილებით, სასკოლო ფორმა უსასყიდლოდ გადაეცემა საჯარო სკოლის დაწყებითი საფეხურის იმ მოსწავლეებს, რომლებიც
✅ 1. რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა 65 001 ქულაზე ნაკლებია.
✅ 2. იმყოფებიან სახელმწიფო ზრუნვაში, მათ შორის, ჩართულნი არიან მინდობით აღზრდის სახელმწიფო პროგრამაში, განთავსებულნი არიან მცირე საოჯახო ტიპის სახლებში, ჩართულნი არიან მიუსაფარ ბავშვთა თავშესაფრების მომსახურებაში ან განთავსებულნი არიან თბილისის ბავშვთა სახლში.
✅3. სასკოლო ფორმას ასევე მიიღებენ ის მოსწავლეები, რომლებიც 2022 წლის 24 თებერვალს უკრაინაში დაწყებული საომარი მოქმედებების შედეგად ვერ ახერხებენ უკრაინის ზოგადსაგანმანათლებლო დაწესებულებაში ზოგადი განათლების მიღების გაგრძელებას და ჩარიცხულნი არიან საქართველოს საჯარო სკოლებში.
გთხოვთ, მაქსიმალურად დაიცვათ დადგენილი განრიგი და შესაძენად მიბრძანდეთ 9 სექტემბერს.
