სსიპ ქალაქ თბილისის N69 საჯარო სკოლა

🌍 გეოგრაფიის გაკვეთილზე მოსწავლეებმა უყურეს დოკუმენტურ ფილმს: “დეივიდ ატენბორო, ცხოვრება ჩვენს პლანეტაზე”, ფილმის ყურების პროცესში მოსწავლეებმა ჩაინიშნეს მთავარი საკითხები, ხოლო შემდეგ გაიმართა საინტერესო და მრავალმხრივი დისკუსია.
დისკუსიის ძირითადი თემები იყო:
🔹 ადამიანის გავლენა ბუნებაზე — როგორ შეცვალა კაცობრიობამ გარემო ბოლო ათწლეულებში და რა შედეგები მოიტანა ტყეების გაჩეხვამ, დაბინძურებამ და რესურსების გადაჭარბებულმა გამოყენებამ.
🔹 კლიმატის ცვლილება — მოსწავლეებმა ისაუბრეს გლობალურ დათბობაზე, მყინვარების დნობასა და იმ საფრთხეებზე, რომლებიც ეკოსისტემებსა და ადამიანების ცხოვრებას ემუქრება.
🔹 ბიომრავალფეროვნების შემცირება — განხილული იყო, რატომ არის მნიშვნელოვანი ცხოველებისა და მცენარეების მრავალფეროვნების დაცვა და რა შეიძლება მოხდეს მათი გაქრობის შემთხვევაში.
🔹 პასუხისმგებლობა მომავალი თაობების წინაშე — მოსწავლეებმა გამოთქვეს საკუთარი მოსაზრებები იმაზე, თუ როგორ შეუძლიათ ახალგაზრდებს გარემოს დაცვაში მონაწილეობის მიღება ყოველდღიური ქმედებებით.
🔹 მდგრადი განვითარება და ეკოლოგიური ცნობიერება — დისკუსიისას გაჩნდა იდეები ენერგიის დაზოგვაზე, ნარჩენების შემცირებასა და ბუნებრივი რესურსების გონივრულ გამოყენებაზე.
📚 აქტივობამ ხელი შეუწყო მოსწავლეებში კრიტიკული აზროვნების, გარემოსდაცვითი პასუხისმგებლობისა და თანამშრომლობითი მსჯელობის უნარების განვითარებას. ფილმმა კიდევ ერთხელ დაგვანახვა, რამდენად მნიშვნელოვანია ჩვენი პლანეტის დაცვა და თითოეული ადამიანის როლი ამ პროცესში.
მასწავლებელი : სოფო ხაჩიძე

2026 წლის კალათბურთის აკადემიაში გაიმართა სენაკის, ზუგდიდის, ბათუმის და თბილისის აკადემიებს შორის შეჯიბრი. ტურნირში წარმატებით იასპარეზა ჩვენი სკოლის მე-2კლასის მოსწავლემ ლილე ბეგიაშვილმა, რომელმაც მოიპოვა "დამოუკიდებლობის თასი 2026"
ვულოცავთ ლილეს ამ მნიშვნელოვან გამარჯვებას და ვუსურვებთ კიდევ ბევრ წარმატებას სპორტულ ცხივრებაში !

1/1 კლასში ჩატარდა იაკობ გოგებაშვილის დედაენისადმი მიძღვნილი ღონისძიება.ბავშვებმა საოცარი სიტყვებით შეამკეს „დედაენა“, შეასრულეს სიმღერები „დედაენაზე“ და წარმოადგინეს გოგებაშვილის მოთხრობების ინსცენირებები.ავტორს კი აღუთქვეს, რომ მუდამ ერთგულნი იქნებიან მშობლიური ენის მიმართ.

ვულოცავთ ჩვენი სკოლის მოსწავლეს, დემეტრე ახვლედიანს, რომელმაც თბილისში„Grapple City“ ის შეჯიბრზე კიდევ ერთი შთამბეჭდავი გამარჯვება მოიპოვა და პირველი ადგილი დაიკავა! 🏆

✅️🧩✅️ გამოფენა

🟥 "შ ე ნ ი პ ო ს ტ ე რ ი"🟥

ბეჭდვითი გრაფიკის შესახებ გვიყვება.. 🎨დასვით შეკითხვა... რა გზა გაიარა აფიშამ და პლაკატმა პოსტერამდე?...😍
👇
პასუხი აქ არის!!!
📌ბავშვებმა შექმნეს პოსტერები, მათი საყვარელი ლიტერატურული ნაწარმოების და კინოფილმების მიხედვით...
📌გამოიყენეს AI და ნახატის დაგენერირების ვერსიებიც, რაც თანამედროვე არტის განუყოფელი ნაწილია...😍
🩷 გამოფენა სკოლის ფოიეში გიმასპინძლებთ🩷
💥💥💥 გამოფენის მონაწილეები სიგელებით დაჯილდოვდნენ
პედაგოგი: ირინე ჩუტკერაშვილი

🏆 ჩვენი სკოლის XII-3 კლასის მოსწავლე ნატა ოჩიგავა ევროპის ჩემპიონატის პრიზიორია! მან პარატაეკვონდოს ევროპის ჩემპიონატზე მოპოვა ბრინჯაოს მედალი🥉✨ ნატა არის ცოცხალი მაგალითი იმისა, რომ დაუღალავ შრომას, რკინისებურ ნებასა და მიზანდასახულობას საზღვრები არ აქვს. მისი ყოველი გამოსვლა ტატამზე არის არა მხოლოდ სპორტული ასპარეზობა, არამედ ქართული სულისა და სიმტკიცის დემონსტრირება. ჩვენთვის დიდი პატივია, რომ ასეთი ჩემპიონი ჩვენი სკოლის მოსწავლეა 🏫❤️ 🌟 ნატა, გვჯერა, რომ ეს მხოლოდ დიდი გზის დასაწყისია.

ბეჭდების მბრძანებლის“ სამყარო ჩვენს სკოლაში! 💍✨

კლუბმა „ფენქისმა“ სკოლაში „ბეჭდების მბრძანებლის“ თემატიკაზე ღონისძიება გამართა. დღე დატვირთული იყო მრავალფეროვანი აქტივობებით, რომელმაც მოსწავლეები და მასწავლებლები ჯადოსნურ სამყაროში გადაიყვანა.

ღონისძიების პროგრამა მოიცავდა:

🔹 ინტელექტუალური ქვიზები მოსწავლეებისთვის: მოსწავლეებმა ცოდნა გამოსცადეს ფილმის სამყაროს შესახებ – პასუხობდნენ კითხვებს პერსონაჟებზე, სიუჟეტსა და შუახმელეთის ისტორიაზე. ეს იყო ნამდვილი შეჯიბრი ყველაზე ყურადღებიანი ფანებისთვის.

🔹 გამოცდები მასწავლებლებისთვის: სიურპრიზი არც პედაგოგებისთვის დაგვიშურებია! მათ სპეციალურად მომზადებული გამოცდები ჩააბარეს, რაც ძალიან სახალისო და გამორჩეული აღმოჩნდა.

🔹 ბეჭდის ძიება: მოსწავლეებმა მთელი სკოლის ტერიტორიაზე დამალული ბეჭედი ეძებეს. მინიშნებების გაშიფვრა და ძიების პროცესი საკმაოდ აზარტული და საინტერესო გამოვიდა.

🔹 ფილმის ჩვენება: მთელი დღის მანძილზე კი გაშვებული იყო ფილმი და ვისაც ჯერ არ გამოეცადა "მეჭდების მბრძანებლის" მაგია დიდი გულომდოგინებით უყურებდა

მადლობა ყველას, ვინც ჩაერთო აქტივობებში და გაიზიარა კლუბ „ფენქისის“ ინიციატივა. ეს იყო დაუვიწყარი დღე, სავსე ემოციებითა და გუნდური სულისკვეთებით!

აღდგომის დღესასწაული ერთ-ერთი ულამაზესია,როგორც საქართველოში,ასევე ევროპის სხვადასხვა ქვეყნებში და მათ შორის რა თქმა უნდა გერმანიაშიც.
მე -5 და მე- 8 კლასის მოსწავლეებმა წარმოგვიდგინეს პროექტი ,,Ostern in Deutschland,,
მოსწავლეებმა მოგვიყვნენ და ასევე გაითამაშეს ის ტრადიციები და ჩვეულებები,რაც გერმანიაში აღდგომისათვის არის დამახასიათებელი.
მოსწავლეები ხალისით ჩაერთვნენ პროექტში.გაიღრმავეს გერმანული ენის ცოდნა,გაეცვნენ გერმანულ კულტურას და ტრადიციებს.
გერმანული ენის მასწავლებელი:ნათია ჟღენტი.