სნობის ფურცელი - თქვენი ამბების დასტა
24/12/2015
მეოთხე სერია HD ხარისხში
ქერჩი მე-4 სერია დაუპატიჟებელი სტუმარი qerchi seria 4 daupatijebeli stumari ორიგინალური ქართული დრამის "ქერჩი - დაკარგული გმირები" მე-4 სერია: "დაუპატიჟებელი სტუმრები" HD ხარისხში. თუკი დაინტერესებული ხარ ლაშქრობით და თვითგადარჩენის ...
17/12/2015
და აი ისიც :)
ქერჩი მესამე სერია qerchi mesame seria ორიგინალური ქართული დრამის "ქერჩი: დაკარგული გმირები" მე-3 სერია HD ხარისხში. თუკი დაინტერესებული ხარ ლაშქრობით და თვითგადარჩენის ხელოვნებით, დაეხმარეთ პროექ...
08/12/2015
მომნუსხველია
ქერჩის საუნდტრეკი kerchi soundtrack mp3 ორიგინალური ქართული სერიალის "ქერჩი - დაკარგული გმირების" საუნდტრეკი დაეხმარეთ პროექტს განვითარებისთვის: ★ გამოიწერეთ ჩვენი Youtube-არხი: https://www.youtube...
02/12/2015
ორიგინალი ქართული დრამა #ქერჩი დაიწყო:
ქერჩი პირველი სერია გაწვევა qerchi Seria 1 gawveva ორიგინალური ქართული დრამა - "ქერჩი". 1-ლი სერია: გაწვევა. დაეხმარეთ პროექტს განვითარებისთვის: ★ გამოიწერეთ ჩვენი Youtube-არხი: https://www.youtube.com/channe...
07/11/2015
#ესსაქართველოა
გრანდიოზული სათავე, ვანის რაიონი სოფელი დიხაშხო ვანის რაიონ სოფელ დიხაშხოს საკურორტო ზონა "სათავე". background music copyright: ™Stephane Badey-Full Moon (French Skies Remix)
23/02/2015
ოლიმპიადა “ოლოგიკურ მათემატიკაში” ყურადღება! იწყება ოლიმპიადა
28/11/2014
რატომ ჯანსაღი კვება?
ქათმის #ფილე?
რა სარგებლობა მოაქვს მას?
რატომ ფილე?
იცით თუ არა, ქათმის ფილე #ფიტფუდის N1 ინგრედიენტია, რომელსაც საკვებად ურჩევს თითოეულ მომხმარებელს, დაწყებულს ბოდიბილდერებით და დამთავრებულს - თუმცა აქ სამომხმარებლო ჩარჩო არ არსებობოს :)
აღსანიშნავია, რომ ქათმის ხორცი ჯანმრთელი კვების უმნიშვნელოვანესი კომპონენტია. ეს არის მაღალი ხარისხის, ადვილად ასათვისებელი ცილების, ვიტამინების, ამინმჟავების და მინერალური ნივთიერებების შეუცვლელი წყარო ნებისმიერი ასაკის ორგანიზმისთვის, მისი ზრდისა და ფუნქციობისთვის.
ქათმის ხორცი საქონლის ხორცთან შედარებით მეტ ცილას შეიცავს (ქათმის ხორცში ცილები 19,5%-ია, საქონლის ხორცში კი 13%) და მას ადამიანის ორგანიზმი უფრო ადვილად ითვისებს, ამიტომ ქათმის ხორცი შეიძლება სხვა ხორცზე უფრო ხშირად და მეტი ოდენობით მოვიხმაროთ. განსაკუთრებით სასარგებლოა ახალგაზრდა ფრინველის ხორცი. მნიშვნელოვანია ქათმის ჯიშიც - მეხორცული ქათმების ხორცი შეიცავს უფრო მეტ ცილასა და ცხიმს, ვიდრე კვერცხის მდებელი ქათმისა, შესაბამისად, იგი უფრო გემრიელია და ყუათიანი. განასხვავებენ ქათმისა და ინდაურის თეთრ და მუქ ხორცს. თეთრ ხორცში მუქთან შედარებით მეტია სრულფასოვანი ცილა და ნაკლებია ცხიმი. ქათმის კანი დიდი ოდენობით შეიცავს ცხიმს და, შესაბამისად, ქოლესტერინს, ამიტომ ჭამის წინ, სჯობს, მოვაცილოთ. მოხარშული ქათმის ხორცი კანის გარეშე ყველასათვის უვნებელი და სასარგებლოა!
20/10/2014
დღევანდელი ჩვენი პოსტი ეძღვნებათ #პედაგოგებსა და #მშობლებს:
ყველა პედაგოგისთვის კარგად არის ცნობილი, რომ წარმატების მისაღწევად მხოლოდ სპეციალური ცოდნა არ არის საკმარისი. ცნობილია ისიც, რომ ყოველი გაკვეთილის მსვლელობის თუ მოსწავლესთან ურთიერთობის ნებისმიერ, უმნიშვნელო ეპიზოდშიც კი, მასწავლებელს მოეთხოვება დიდი ოსტატობა. მაგრამ სწავლისა და აღზრდის მრავალწახნაგოვან და ურთულეს პროცესში მასწავლებლის ქმედების, განწყობის, მოსწავლის მიმართ დამოკიდებულების, ინდივიდუალური მიდგომისა და ურთიერთ კავშირის დამყარების ფორმალური წესით გაანალიზება ნაკლებად ეფექტური და შედეგის მომტანია. ალბათ თვით მასწავლებელზე უკეთ ვერავინ ვერ შესძლებს სუსტი და ძლიერი მხარეების, ხარვეზების ან პირიქით წარმატებულობის გაანალიზებას. ვიცით, რომ საკუთარი ხედვით და შეფასების განსხვავებული კრიტერიუმით ბევრ სპეციალისტს უცდია ამგვარი ანალიზის გაკეთება. მრავალი პრაქტიკოსი პედაგოგიც არა ერთხელ დაფიქრებულა ამის თაობაზე. როდესაც ერთ-ერთ საკმაო გამოცდილების მქონე მასწავლებელს მივმართეთ პედაგოგის საქმიანობის ანალიზისა და შეფასების შესაძლო კრიტერიუმების თაობაზე განმარტებისთვის, მან ასე გვიპასუხა:
”პედაგოგის შრომისა და წარმატებულობის შეფასების ყველაზე ობიექტურ კრიტერიუმად ალბათ რეალური შედეგი უნდა მივიჩნიოთ და ის არა მხოლოდ დღევანდელი გაკვეთილის შედეგში უნდა დავინახოთ. მრავალი წლის შემდეგ ეს შედეგი უფრო თვალნათლივ გამოჩნდება და ან სიამაყეს და ბედნიერებას მოგგვრის ან გულს გატკენს.” განსხვავებული ასაკის, გამოცდილებისა და სპეციალობის შვიდ პედაგოგს შევთავაზეთ რამდენიმე წუთში, ყოველგვარი წინასწარი მომზადების გარეშე მოკლე ფრაზის სახით ჩამოეთვალათ 5 ან 6 მოსაზრება, რომელიც შეიძლება გამოყენებულ იქნას პედაგოგის წარმატებულობის თვითანალიზისა და თვითშეფასებისთვის. ავკრიფეთ მოწოდებული წინადადებები, არ მოგვიხდენია მათი რედაქტირება და არც ლოგიკური თანმიმდევრობით დალაგება და გვსურს შემოგთავაზოთ, ძვირფასო პედაგოგებო, თვითანალიზის მიზნით გასცეთ პასუხი ყველა ამ მოსაზრებას და თვითონვე მოძებნოთ მათ შორის არსებული ორგანული კავშირი.
ჩამოთვლილ მოსაზრებებს უპასუხეთ: ”დიახ”,”არა” ან "ნაწილობრივ", ამის შემდეგ კვლავ დაუბრუნდით თითოეულ პუნქტს, გააანალიზეთ თქვენივე შეფასება, იპოვეთ თქვენთვის პრობლემატური ასპექტები და გააკეთეთ დასკვნები.
1. ბავშვები დიდი სიამოვნებით ისმენენ ჩემს მონაყოლს
2. მიყვარს ცოდნის მუდმივი შევსება და განახლება
3. ადამიანების მიმართ ვარ ყურადღებიანი
4. საკუთარ თავს ვგრძნობ ბედნიერ, მხიარულ ადამიანად
5. არ მიჩნდება შინაგანი დაბრკოლება სკოლაში ბავშვებთან დიდი ხნით დარჩენა საჭირო თუ გახდა
6. დიდი სიამოვნებით ვღებულობ მონაწილეობას სასკოლო მუსიკალურ საღამოებში
7. არ ვიღლები ბავშვებთან ხანგრძლივი ურთიერთობისგან, ისინი მუხტს მმატებენ, მათთან ყოფნა საინტერესო და სახალისოა
8. მიყვარს საგანი, რომელსაც ვასწავლი. დიდი გულმოდგინეობით ვაგროვებ მასალას, რომელიც დამეხმარება მუშაობაში
9. ყოველთვის ვცდილობ ბავშვებში დავინახო და განვავითარო ყველაზე ღირებული და წარმატების მომტანი თვისებები
10. ყოველთვის ვეცდები თითოეულ ბავშვს მოვექცე პატივისცემით, არ განვასხვაო ერთმანეთისგან და ცალკეულების მიმართ არ გამოვიჩინო ნეგატივური დამოკიდებულება
11. მომდევნო გაკვეთილისთვის სახლში მომზადება ჩემში არ იწვევს ნერვულობას. ყოველდღიურად ამის კეთების სურვილი არ მიქრება
12. მე არ ვარდები პროსტრაციაში, თუ ხელმძღვანელები ესწრებიან ჩემს გაკვეთილებს. შემიძლია რჩევის მოსმენა ან ნაკლოვანების თაობაზე მოცემული რეკომენდაციის გაზიარება და დასკვნის გამოტანა.
13. მყოფნის შინაგანი ძალა იმისათვის, რომ გაწონასწორებულად და კეთილმოსურნეობით მოვექცე ახლობელ ადამიანებს და რაც გინდა მოხდეს სკოლაში ჯავრს არ ვიყრი საკუთარ შვილებზე.
14. ძალიან მიყვარს საგანში, რომელსაც ვასწავლი, ფსიქოლოგიაში, პედაგოგიკაში, სპეციალური ლიტერატურის, აგრეთვე მემუარების, მსოფლიო კლასიკის კითხვა.
15. არაფერი არ მახარებს ისე, როგორც კარგი, მრავალფეროვანი მუსიკა
16. შემწევს უნარი კვირის განმავლობაში შევინარჩუნო და გავანაწილო საკუთარი ძალები
17. დიდი სიამოვნებით ვაკეთებ ფიზიკურ ვარჯიშებს
18. არ მიყვარს მონოტონური, ერთფეროვანი საქმის კეთება
19. საკუთარი სიხალისით, სიხარულით, შეუპოვრობით და დაინტერესებულების პირადი მაგალითით მე შემიძლია საქმეში ჩავაბა ყველა მოსწავლე
20. მოსწავლეებთან ერთად ყოველთვის ვიგონებ რამე ახალს, საინტერესოს ამიტომ ისინი არ მეშვებიან გაგრძელების მოთხოვნით
21. ბავშვებთან ერთად დავდივართ ლაშქრობაში, ვდგამთ სპექტაკლებს, აღვნიშნავთ დაბადების დღეებს
22. ივლისის თვეში უკვე მოვიწყენ ხოლმე, ველოდები სექტემბრის მოსვლას და ჩემს მოსწავლეებთან შეხვედრას
23. ყოფილ მოსწავლეებს ვუყვარვარ როგორც მეორე დედა, ყოველთვის უხარიათ შეხვედრა, მომმართავენ და მადლიერებით იღებენ რჩევას
24. ჩემი მსოფლმხედველობისა და მსოფლშეგრძნობის საფუძველში დევს ბედნიერება და სიხარული
25. ყველა გაკვეთილზე ვცდილობ მოვიძიო ურთიერთობის ახალი ნაკადულები, გზები, ბილიკები
26. დიფერენცირებული მიდგომა ჩემთვის ნიშნავს გაუგო თითოეულ მოსწავლეს, მის შესახებ ვიცოდე რაც შეიძლება მეტი, მქონდეს განსაკუთრებული და სანდო ურთიერთობები, ვეხმარებოდე ცხოვრებისეული არჩევნის გაკეთებაში, წინსვლისკენ მოძრაობაში.
27. ვცდილობ ადამიანზე არასდროს არ ვილაპარაკო ცუდად
28. მე მიყვარს მიმოწერა ჩემს მოსწავლეებთან
29. ბევრი საინტერესო რამ ვიცი ჩემს ოჯახზე
30. კეთილმოსურნე დამოკიდებულება გამაჩნია ჩემი სკოლის მიმართ და ხშირად ვყვები მის მიღწევასა და უპირატესობაზე
31. დადებითი დამოკიდებულება გამაჩნია სკოლაში მოსწავლეთა სტიმულირების მიმართ, შემიძლია დავინახო ბავშვების წარმატებები და წავახალისო ისინი
32. ძალიან ვღელავ, როდესაც ვატარებ ღია გაკვეთილს, მაგრამ მისი დასრულების შემდეგ განვიცდი კმაყოფილების გრძნობას
33. მე პატივს ვცემ ჩემს კოლეგებს
34. ვცდილობ ვიყო გულახდილი, მაგრამ:
• ყოველთვის ვამბობ სიმართლეს;
• მხოლოდ ნაწილობრივ ვიძახი სიმართლეს
35. მე პატივს ვცემ თითოეული ბავშვის ინტერესს, მის ინდივიდუალურ და ბავშვთა კოლექტივის აზრს
36. არასოდეს არ დავცინი ბავშვებს
37. კეთილსინდისიერად ვასრულებ ადმინისტრაციის დავალებას
38. გარდა სკოლისა გამაჩნია სხვა მდგრადი შემოქმედებითი ინტერესები
39. მიყვარს კარგად ჩაცმა
40. თვითგანათლება - ჩემი ძლიერი მხარეა
41. შემწევს უნარი გამოვკვეთო და კონკრეტულად დავსახო მიზანი
42. საერთო საქმიანობას მე ვგეგმავ ბავშვებთან ერთად
43. მე შემიძლია შევქმნა ისეთი პირობები ბავშვი, რომ გათავისუფლდეს კომპლექსებისგან და გამოავლინოს საკუთარი ნიჭი და უნარი
ყველას გთავაზობთ კომენტარის სახით გამოხატოთ საკუთარი აზრი წარმატებულობის თვითანალიზისა და თვითშეფასების შემოთავაზებული ფორმის თაობაზე, შეავსოთ აღნიშნული ნუსხა თქვენი მოსაზრებებით ან მოგვაწოდოთ უკვე არსებულის თქვენებური რედაქცია და შემდგომში ერთობლივად ვიმსჯელოთ თვითანალიზისა და თვითშეფასების ამ ფორმაზე.
17/10/2014
#გაეცანით და #გაუზიარეთ სხვებს:
☛The best wine comes out of an old vessel.
საუკეთესო ღვინო ძველმა ქვევრმა იცის.
☛The body is more ( sooner) dressed than the soul.
სხეული უფრო სწრაფად იმოსება ვიდრე სული.
☛The busy bee has no time for sorrow.
მუშა ფუტკარს მწუხარებისთვის არ სცალია.
☛The cask savours of the first fill.
კასრს იმის სუნი უდის , რაც მასში პირველად ესხა.
☛The c**k is master of his own dunghill.
მამალი თავის ნეხვის გროვაზე ბატონია.
08/10/2014
დღეს წარმოგიდგენთ #მარია #მონტესორის შესახებ საინტერესო ფაქტების ანალიზს. #ვინ იყოს ეს ქალბატონი? #რითი დაამახსოვრა მან თავი მსოფლიო განათლების კერას?
*---------------------------------------------------------------------------------------*
მარია მონტესორი დაიბადა 1870 წელს იტალიაში. მიუხედავად უამრავი ბარიერისა, რომელსაც იმდროინდელი იტალიის დისკრიმინაციული გენდერული შეხედულებები წარმოშობდა, იგი მაინც გახდა პირველი ექიმი ქალი თავისი ქვეყნის ისტორიაში. მარია მონტესორი მუშაობდა რომის უნივერსიტეტის ფსიქიატრიულ კლინიკაში, სადაც ის დაინტერესდა ბავშვებთან მოპყრობისა და ურთიერთობის საკითხებით და რამდენიმე წელიწადი სწორედ ამ საკითხზე მუშაობაში გაატარა. 28 წლის ასაკში მონტესორი გახდა გონებრივად შეზღუდული ბავშვების სკოლის დირექტორი. სწავლების მისეული თეორია დაიბადა მას შემდეგ, რაც მონტესორიმ შეძლო მენტალური სირთულეების მქონე ბავშვებისათვის წერა-კითხვის სწავლება, რასაც მან მიაღწია ორწლიანი მუშაობის შედეგად. ბავშვებმა, რომლებიც ფაქტობრივად მიჩნეულები იყვნენ, როგორც სწავლის უნარის არ მქონეები, წარმატებით ჩააბარეს სკოლის გამოცდები და საშუალოზე მაღალი ქულები მიიღეს. ეს მოვლენა მაშინდელ იტალიაში სასწაულად შერაცხეს. მონტესორიმ აღმოაჩინა, რომ ამ ბავშვებს შეეძლოთ სწავლა პრეცეპტუალური სისტემის დახმარებით. მან შეიმუშავა ნატიფი მოტორიკის განმავითარებელი ვარჯიშების მთელი სისტემა და უჩვეულო სათამაშო მოწყობილობები და დაკვირვებების საფუძველზე აღმოაჩინა თანამედროვე მეცნიერების მიერ დადასტურებული კანონზომიერება: რაც უფრო სხარტი ხდება ბავშვის ნატიფი მოტორიკა და რაც უფრო მეტი საგნის დახმარებით - მგრძნობელობით გამოცდილებაზე დაყრდნობით ეცნობა გარე სამყაროს, მით უფრო სწრაფად და ადვილად სწავლობს მეტყველებასა და წერა-კითხვას. 1907 წელს მას სთხოვეს პასუხისმგებლობა აეღო უსახლკარო ბავშვებზე, რასაც შედეგად რომის ერთ-ერთ გარეუბანში ბავშვთა სახლის დაარსება მოჰყვა. სწორედ ასე დაიბადა მონტესორის სწავლების მეთოდი. „ბავშვის სახლში“ მას ჰყავდა ღარიბი, უსახლკარო და პედაგოგიურად ხელმიშვებული ბავშვები, რომლებსაც მან თავისი მეთოდის გამოყენებით ძალიან მალე შეასწავლა წერა-კითხვა და სამაგალითონი გახადა.
მაინც რაში მდგომარეობს მისი უნიკალური სწავლების მეთოდი?
მონტესორის მეთოდის ძირითადი მიზანი იყო ბავშვის განვითარების ხელშეწყობა ისე, რომ მომხდარიყო სრულყოფილი პიროვნების ფორმირება. ამისათვის მასმნიშვნელოვნად მიაჩნდა სწავლების პროცესში ბავშვის ფსიქიკური განვითარების კრიტიკული პერიოდების გათვალისწინება, როდესაც ყალიბდება ბავშვის ესა თუ ის კონკრეტული უნარი, მაგ. მეტყველების განვითარების კრიტიკული პერიოდია 1-3 წელი და ზუსტად ამ დროს საჭიროა მისი წახალისება. მონტესორისეული აღმზრდელი არის დამხმარე ბავშვის ბუნებრივი განვითარების პროცესში. მისი აზრით, არ არსებობს ზარმაცი და არასასურველი ქცევების მქონე ბავშვი. სიზარმაცე და ქცევითი პრობლემები ჩნდება მაშინ, როდესაც გარემო არ ითვალისწინებს ბავშვის საჭიროებებს.
17/09/2014
მოგესალმებით
14/09/2014
მალე ჯ.რ.რ. ტოლკინის "როვერანდომი" ქართულად გამოვა. ფასი 4.90. ასე რომ სანამ "სილმარილიონს" ელოდებით შეგიძლიათ "როვერანდომი" წაიკითხოთ. ;)
~Olorin