ქ.თბილისის N160 საჯარო სკოლა

02/10/2026

📣✨ საქართველოს განათლების, მეცნიერებისა და ახალგაზრდობის სამინისტროს ინიციატივით, საგანმანათლებლო რესურს-ცენტრისა და გლდანის რაიონის გამგეობის ჩართულობით, სსიპ ქალაქ თბილისის N160 საჯარო სკოლაში ღვაწლმოსილ პედაგოგთა დაჯილდოების ღონისძიება გაიმართა.

მასწავლებლებს ჯილდო საქართველოს განათლების, მეცნიერებისა და ახალგაზრდობის მინისტრის მოადგილემ თამარ მახარაშვილმა, გლდანის რაიონის გამგებელმა ბესიკ კალაძემ, პარლამენტის დელეგატმა ვლადიმერ ბოჟაძემ და საკრებულოს მაჟორიტარმა დეპუტატებმა გადასცეს.

ბესიკ კალაძემ პედაგოგებს მადლობა გადაუხადა წლების განმავლობაში გაწეული მნიშვნელოვანი შრომისთვის, ახალგაზრდების განათლებასა და მათ ცხოვრებაში შეტანილი წვლილისთვის.

✨🎶🎤ღონისძიების ფარგლებში, სსიპ ქალაქ თბილისის N160 საჯარო სკოლამ მრავალფეროვანი პროგრამა წარადგინა, რის შემდეგაც რაიონის ყველა საჯარო სკოლის თითო რჩეულ პედაგოგს განსაკუთრებული წვლილისა და მრავალწლიანი პროფესიული საქმიანობისთვის სიგელები და სასაჩუქრე ვაუჩერები გადაეცათ.

27/09/2026

სსიპ ქ.თბილისის N160 საჯარო სკოლაში ჩატარდა შიდა სასკოლო ფესტივალი 🤾🏻‍♂️ხელბურთში🤾🏻‍♀️ სადაც მონაწილეობა მიიღეს მე-4-ე და მე-5-ე კლასის მოსწავლეებმა.
🥇მე-5გ კლასი🏆
🥇მე-4ბ კლასი🏆
💪✅ასევე გამოვლინდნენ ტურნირის საუკეთესო მოთამაშეები 💪✅
🤾🏻‍♂️ვაჟებში: დემეტრე ლომსიანიძე 🤾🏻‍♂️💪✅
🤾‍♀️ გოგონებში ლიზი ჯიჯავა🤾🏻‍♀️💪✅

24/09/2026

24/09/2026

15/09/2026

სსიპ ქალაქ თბილისის N160 საჯარო სკოლა „იმედის“ პირდაპირ ეთერში.
სასიამოვნოა, ჩვენი სკოლის მნიშვნელოვანი მომენტების ფართო საზოგადოებისთვის გაზიარება. 💙

15/09/2026

სსიპ ქალაქ თბილისის №160 საჯარო სკოლა გულითადად ულოცავს ჩვენს მოსწავლეებს, მშობლებსა და პედაგოგებს 2026–2027 სასწავლო წლის დაწყებას!

დაე, ახალი სასწავლო წელი იყოს ახალი შესაძლებლობების, საინტერესო აღმოჩენების, წარმატებისა და წინსვლის წელი.

ვუსურვებთ თითოეულ მოსწავლეს მოტივაციას, ცოდნის სიყვარულს და უამრავ წარმატებულ დღეს, ხოლო ჩვენს პედაგოგებს — ნაყოფიერ და ღირსეულ საქმიანობას.

ერთად შევქმნათ კიდევ ერთი წარმატებული სასწავლო წელი! 🎓📖✨

10/09/2026

სსიპ ქალაქ თბილისის N160 საჯარო სკოლაში იწყებს ფუნქციონირებას უფასო სიმღერის გაერთიანებული გუნდი IV-დან VIII კლასის ჩათვლით. მოსმენა იქნება ორშაბათს, 14 სექტემბერს, 12:00 საათზე.

ხელმძღვანელი: ლიანა ყანჩაშვილი

26/08/2026

❗სსიპ- ქალაქ თბილისის N160 საჯარო სკოლის პირველკლასელთა მშობლების საყურადღებოდ!

📚პირველკლასელთათვის, სასკოლო ფორმების შეძენა ( უნაღდო ანგარიშწორებით ) შესაძლებელია სსიპ ქალაქ თბილისის N118 საჯარო სკოლის შენობაში არსებულ სარეალიზაციო პუნქტში.
(მისამართი: თბილისი. ავჭალა. ლიბანის ქ.22) ჩვენი სკოლისთვის ფორმების შესაძენად განრიგით განსაზღვრულია 2 სექტემბერი, 11:00 საათიდან.

❗️ადგილზე შეგიძლიათ მიიყვანოთ ბავშვი, აუცილებლად თან იქონიეთ ბავშვის დაბადების მოწმობა.
ძვირფასო მშობლებო, გთხოვთ, მაქსიმალურად დაიცვათ დადგენილი განრიგი!

ნებისმიერი გაუგებრობის შემთხვევაში, შეგიძლიათ დამიკავშირდეთ პირადად!💕

07/07/2026

სსიპ ქალაქ თბილისის N160 საჯარო სკოლის IV კლასების დამამთავრებელი ღონისძიება.🎉👩‍🎓👨‍🎓

განსაკუთრებულად ლამაზი დღე ბედნიერ მოგონებად იქცა ჩვენი პატარებისთვის. ვულოცავთ ჩვენს მოსწავლეებს IV კლასის დასრულებას. წინ ახალი მიზნები, ახალი აღმოჩენები და კიდევ უფრო დიდი წარმატებები გელოდებათ. ❤️

IVა კლასის დამრიგებელი_ მაია ასკურავა;
IVბ კლასის დამრიგებელი_ მედეა ტაბიძე;
IVგ კლასის დამრიგებელი_ თამარ ასათიანი;
IVდ კლასის დამრიგებელი_ ქეთევან გრძელიშვილი.

ორგანიზატორი: მაია ასკურავა;
მუსიკის პედაგოგები: ლიანა ყანჩაშვილი, მაია ბაწელაშვილი, მზია ფოცხიშვილი;
ცეკვის პედაგოგი: ქეთევან როსტომაშვილი;
ვიდეოგრაფი: ივანე მაზმიშვილი.

01/07/2026

თბილისის №160 საჯარო სკოლის მოსწავლეების მორიგი წარმატება! 🏆🥇🥈

2026 წლის 2-6 ივნისს ბათუმში გაიმართა ახალგაზრდული ოლიმპიური ფესტივალი, სადაც დედაქალაქის სპორტის 17 სახეობაში 120 ახალგაზრდა სპორტსმენი მონაწილეობდა.

ფესტივალში მონაწილეობდნენ თბილისის №160 საჯარო სკოლის 9-ბ კლასის მოსწავლეები – ნუცა ხიზანიშვილი, მარიამ ირემაძე, მარიამ ცქიტიშვილი და ნინი ხეცურიანი, რომლებმაც კიდევ ერთხელ ღირსეულად წარმოაჩინეს საკუთარი შესაძლებლობები და მნიშვნელოვანი წარმატება მოუტანეს როგორც სკოლას, ისე დედაქალაქს.

შეჯიბრების შედეგები ასეთია:
🥇 ნუცა ხიზანიშვილი – I ადგილი
🥇 მარიამ ირემაძე – I ადგილი
🥇 მარიამ ცქიტიშვილი – I ადგილი
🥈 ნინი ხეცურიანი – II ადგილი

ახალგაზრდა სპორტსმენებმა თავდადებით, შრომისმოყვარეობითა და გამარჯვებისკენ სწრაფვით მოიპოვეს ეს საპატიო ადგილები და კიდევ ერთხელ დაამტკიცეს, რომ მიზანდასახულობა და მუდმივი შრომა წარმატების საწინდარია.

ვულოცავთ ნუცას, მარიამს, მარიამსა და ნინის ამ შთამბეჭდავ შედეგებს! ვუსურვებთ მათ ჯანმრთელობას, ახალ გამარჯვებებს და კიდევ უფრო დიდ წარმატებებს საქართველოს სახელით საერთაშორისო ასპარეზზე. 🎉🏅