თბილისის 112-ე ბაგა ბაღი ცისარტყელა

ჩვენი საამაყო თეა დირექტორი✨✨✨🌈🌈🌈💖💖💖

თეა თაბუკაშვილი და ირა იოსებიძე სტუმრად ,,გვიან დილაში”

საბავშვო ბაღში ბავშვთა აღრიცხვის ელექტრონულ სისტემაზე გადასვლასთან დაკავშირებით, დღეს ქ.თბილისის საბავშვო ბაგა-ბაღების სააგენტოს დირექტორი- გურამ ოქროპირიძე “ცისარტყელა”ს აღსაზრდელთა მშობლებს შეხვდა🌈💕
აღნიშნული სისტემა ბაღში 2026 წლის 15 იანვრიდან ამოქმედდება.

🤎🍂🍁💫

👇მშობლებისთვის საჭირო და დროული ინფორმაციაა, გაეცანით და გაითვალისწინეთ!
📌
ადაპტაცია საბავშვო ბაღში 👫
სკოლამდელ დაწესებულებაში ბავშვის წასვლა სერიოზული გამოწვევაა, როგორც ბავშვისთვის, ასევე მშობლებისთვისაც. ამ დროს ბავშვებს უწევთ ადაპტირდნენ ახალ გარემოსთან და უცხო ადამიანებთან. მშობლის სწორი ჩართულობა ამ პროცესში, წარმატებული ადაპტაციის საწინდარია.

რჩევები მშობლებისთვის :
🔹 აუცილებლად ესტუმრეთ ბაღს სწავლის დაწყებამდე ბავშვთან ერთად, თუ შესაძლებელია გააცანით მასწავლებელი ან უბრალოდ აჩვენეთ მისი ფოტო;

🔹 ძალიან მნიშვნელოვანია, თავად მშობელს მოსწონდეს ბაღი და აღმზრდელები, მშობლები იყვნენ მზად ბავშვის სკოლამდელ დაწესებულებაში წასაყვანად. ზოგჯერ მშობლები უფრო მეტად შფოთავენ და ამ მღელვარებას ბავშვებსაც გადასცემენ.

🔹 არ ისაუბროთ ბაღზე ნეგატიური წარმოდგენებით ბავშვის თანდასწრებით.

🔹 არ გაუმეოროთ ხშირად ისეთი ტიპის კითხვები როგორიცაა: ხომ არ ნერვიულობ? ხომ არ გეშინია? ხომ არ იტირებ? თუმცა თუ ატყობთ, რომ ბავშვი ღელავს, არ უგულებელყოთ მისი ემოციები, უთხარით, რომ ეს ბუნებრივი მოვლენაა და აგრძნობინეთ, რომ თქვენ გესმით მისი.

🔹 ითამაშეთ როლური თამაშები სახლში, სადაც მასწავლებელი არის პიროვნება, რომელიც ბავშვისთვის სასურველი თვისებებით და ქცევებით გამოირჩევა. (მაგ.: მხიარულია, ყურადღებიანია, ეხმარება და ზრუნავს ბავშვებზე);

🔹 თუ ბავშვი სახლში იკვებება ტელეფონის, ტელევიზორის თანხლებით, ბაღში მიყვანამდე დაიწყეთ მუშაობა იმაზე, რომ ეკრანი საერთოდ ამოიღოთ კვების პროცესიდან.

🔹 წაუკითხეთ ბავშვს ბაღის თემატიკაზე შექმნილი მოთხრობები;

🔹 შეგიძლიათ ერთად შექმნათ ამბავი თემაზე ,,ჩემი პირველი დღე ბაღში'', დახატოთ ფერადი ილუსტრაცია;

🔹 თუ ბავშვს ჰყავს უფროსი და-ძმა, სთხოვეთ გაუზიარონ საკუთარი პოზიტიური გამოცდილება ბაღთან დაკავშირებით;

🔹 თუ გაქვთ შესაძლებლობა წინასწარ გააცანით მისი მომავალი ჯგუფელები, გაასეირნეთ ერთად. ეს მას მომავალში დაეხმარება სოციალიზაციის პროცესში;

🔹 ბაღში შეყვანამდე სასურველია, მშობლებმა ბავშვი დაუტოვონ მათთვის სანდო და საყვარელ ადამიანებს. უთხრან ბავშვს, რომ დედიკო და მამიკო საქმეზე მიდიან და მალე დაბრუნდებიან მასთან. პირველად შეიძლება 10 წუთი, შემდეგ 15 და ა.შ. ამით ბავშვი დარწმუნდება, რომ მშობლები ყოველთვის ბრუნდებიან.

🔹 ზოგადად ბაღში შესვლამდე საჭიროა ბავშვი მიეჩვიოს დამოუკიდებლობას; ( ადაპტური უნარები: საკუთარი
ხელით ჭამა, ტუალეტის უნარის გამომუშავება და ა.შ.).

🔹 რამდენიმე დღით ადრე ბავშვთან ერთად შეიძინეთ ნივთები, რომლებიც ბავშვს დასჭირდება ბაღში, მას აარჩევინეთ ჩუსტები, ჩანთა რომელსაც ატარებს და ა.შ.

🔹 ისაუბრეთ ბაღზე და ბავშვზე პოზიტიურ ჭრილში. მაგ.: ,,რა მაგარია, ბაღში მეგობრები გეყოლება და მათთან ერთად ითამაშებ."
,,შენ უკვე ისეთი დიდი ხარ, დედიკოს და მამიკოსავით სამსახურში დადიხარ ყოველდღე."
,,რა კარგია რომ ვიპოვეთ ასეთი კარგი ბაღი.''
,,როგორ მომწონს შენი მასწავლებელი, როგორი მხიარულია და რამდენი კარგი თამაში იცის.''
,,ნეტავ ხვალ რას ითამაშებთ ბაღში, როგორ მაინტერესებს.''
,,მეც მინდა ასეთი მხიარული სამსახური მქონდეს...''

🔹 აღმზრდელები ხშირად უღებენ აქტივობების დროს ბავშვებს ფოტოებს, ამობეჭდეთ ყველაზე პოზიტიური ფოტოები და განათავსეთ ბავშვის ოთახში თვალსაჩინო ადგილას.

❓❓❓როგორ უნდა მოვიქცეთ უშუალოდ ბაღში მიყვანის დღეს ?
შეეცადეთ დილიდან მხიარული განწყობა შეუქმნათ ბავშვს, ჩააცვით სამოსი, რომელიც მოსწონს და ა.შ.
გაიღვიძეთ დროულად, რომ არც ბავშვი დააჩქაროთ და არც თქვენ შფოთავდეთ.
მიეცით მისთვის საყვარელი სათამაშოს წაღების საშუალება, რომ უთქვენობა დაუკომპენსიროს, მასთან ჩახუტება დედასთან ჩახუტების ტოლფასი შეიძლება გახდეს. გარდა ამისა კინესთეტიკი ბავშვებისთვის დიდი მნიშვნელობა აქვს იმ ნივთის ჭერას, რომელსაც დედის, სახლის სუნი აქვს.
ეცადეთ ყველა დასმულ კითხვაზე მშვიდად უპასუხოთ.
ბაღში მისვლისას, თბილად გამოელაპარაკეთ მასწავლებელს, აჩვენეთ ბავშვს, რომ ეს ადამიანი თქვენთვის სანდოა და მოგწონთ.
შეიმუშავეთ დამშვიდობების ხანმოკლე რიტუალი.
დედა არ უნდა ,,გაქრეს". ყოველთვის უთხარით, რომ გარკვეული აქტივობის შემდეგ დაბრუნდებით და როდესაც მიხვალთ, აღნიშნეთ, რომ როგორც დაპირდით იმ დროს მიხვედით მის წამოსაყვანად.
თუ ბავშვს ძალიან უჭირს დედასთან განშორება ძლიერი მიჯაჭვულობის გამო, შევთავაზოთ მამამ, ბებიამ მიიყვანოს ბაღში;
მიზანშეწონილია პირველ დღეს ბავშვი დარჩეს ბაღში მხოლოდ 1 საათით. შეიძლება ბავშვმა არ იტიროს, მაგრამ დიდი ხნით დარჩენა იქნება სტრესული. ბაღში დარჩენის პერიოდი უნდა გაიზარდოს ეტაპობრივად.

Send a message to learn more

📣📣📣ახლად დარეგისტრირებულ აღსაზრდელთა მშობლების საყურადღებოდ!

ვისაც ჯერ არ წარმოგიდგენიათ საბუთები, გთხოვთ მოგვაწოდოთ 5 სექტემბრის ჩათვლით!

ბაღში წარსადგენი საბუთების ჩამონათვალი
👇
ბავშვის დაბადების მოწმობის ასლი;
• 2 ფოტოსურათი 3/4 ( ბიომეტრიული)
• ჯანმრთელობის დამადასტურებელი ცნობა /აცრების ამონაწერით.
• მშობლების პირადობის მოწმობის ასლები.

ცისარტყელა მადლობას გიხდით იმისათვის რომ ჩვენ აგვირჩიეთ ❤