ორბელიანის აკადემია

🔊24 აპრილს სულხან-საბა ორბელიანის უნივერსიტეტში გაიმართა ღია კარის დღე, რომლის ფარგლებშიც მოსწავლეები საერთაშორისო პროგრამებსა და გაცვლით პროექტებს გაეცნენ.

მათ მიიღეს დეტალური ინფორმაცია ევროპის უნივერსიტეტებში სრული დაფინანსებით სწავლის გზებსა და სააპლიკაციო პროცესთან დაკავშირებულ მნიშვნელოვან საკითხებზე. ღონისძიება ასევე მოიცავდა ინტერაქტიულ აქტივობებს, რაც მონაწილეებს დაეხმარა, უკეთ გაეაზრებინათ საერთაშორისო განათლების უპირატესობები.

🖊სტუმრებმა დაათვალიერეს უნივერსიტეტის გარემო და მოისმინეს იმ სტუდენტების გამოცდილება, რომლებმაც უკვე ისარგებლეს გაცვლითი პროგრამებით.

აღნიშნული შეხვედრა მნიშვნელოვანი წინგადადგმული ნაბიჯი იყო მოსწავლეებისთვის პროფორიენტაციისა და ახალი პერსპექტივების აღმოჩენის გზაზე.

აირჩიე საბაუნი (088) და მიიღე შანსი, საქართველოში გამორჩეულ სტუდენტურ ცხოვრებასთან ერთად, საერთაშორისო შესაძლებლობებითაც ისარგებლო.💙

#საბაუნი #ღიაკარისდღე #აირჩიე088 #ორბელიანისაკადემია

🔈სულხან-საბა ორბელიანის უნივერსიტეტის ანტიდისკრიმინაციული სამართლის ცენტრისა და ორბელიანის აკადემიის ორგანიზებით, თბილისისა და ქუთაისის სკოლებში გასვლითი შეხვედრები გაიმართა.

საბაუნის სტუდენტებმა მოსწავლეებთან ერთად იმსჯელეს თანასწორობისა და ტოლერანტობის მნიშვნელობაზე, ასევე პერსონალური მონაცემების დაცვაზე. ინტერაქციულმა შეხვედრებმა მოსწავლეების მაღალი ჩართულობა და ინტერესი გამოიწვია.

🖊პროექტის მიზანია როგორც მოსწავლეებში ცნობიერების ამაღლება, ისე სტუდენტებში საზოგადოებრივი პასუხისმგებლობისა და მოხალისეობის გაძლიერება.

ღონისძიებები განხორციელდა Erasmus+ KA2 პროექტის ფარგლებში - “Enhancing Capacities for Sustainable Community Engagement: Cases of Georgia and Sierra Leone”, რომლის მიზანია საზოგადოებრივი ჩართულობის შესახებ ცნობიერების ამაღლება და მოქალაქეებში სამოქალაქო პასუხისმგებლობის გაღრმავება.

შეხვედრები გაიმართა ქართულ-ამერიკული საერთაშორისო სკოლა „პროგრესის“ ქ. ქუთაისისა და ქ. თბილისის ფილიალებში.

მადლობას ვუხდით ამერიკული სკოლების ქუთაისის და თბილისის ადმინისტრაციის წარმომადგენლებს მასპინძლობისა და მხარდაჭერისთვის.💙

#საბაუნი

სულხან-საბა ორბელიანის უნივერსიტეტი • SabaUni

🔊ორბელიანის აკადემიის ორგანიზებით, სულხან-საბა ორბელიანის უნივერსიტეტის იმიტირებულ სასამართლო დარბაზში სამოქალაქო სამართლის პროცესი გაიმართა.

თბილისის 159-ე საჯარო სკოლის მოსწავლეებმა პრაქტიკაში გამოსცადეს მოსამართლის, ადვოკატის, მოწმისა და სოციალური მუშაკის როლები.

პროცესის განმავლობაში მოსწავლეები:

▪️ გაეცნენ სასამართლო სტრუქტურასა და პროცედურებს;
▪️ დამოუკიდებლად გაანალიზეს საქმის მასალები;
▪️მიიღეს პროფესიული კონსულტაციები და უკუკავშირი დარგის ექსპერტებისგან.

🖊მსგავსი პროექტები მოსწავლეებს ეხმარება, სკოლის ასაკიდანვე განივითარონ კრიტიკული აზროვნება, საჯარო გამოსვლისა და არგუმენტირებული მსჯელობის უნარები. იმიტირებული პროცესები მათ საშუალებას აძლევს, რეალურ გარემოში დაინახონ პროფესიის სპეციფიკა, რაც მომავალში უფრო გააზრებული კარიერული არჩევანის გაკეთებაში დაეხმარებათ.

⚖️ პროცესს უძღვებოდა ადამიანის უფლებების ადვოკატი გოგა ხატიაშვილი, ხოლო მოსწავლეებს მენტორობას უწევდა სულხან-საბა ორბელიანის სამართლის ფაკულტეტის სტუდენტი მარიამ იობაშვილი.

🤝 მადლობას ვუხდით თბილისის 159-ე საჯარო სკოლასა და გოგა ხატიაშვილს თანამშრომლობისთვის.

#საბაუნი #ორბელიანისაკადემია #იმიტირებულისასამართლო

🎓 აბიტურიენტი ხარ და გინდა ერთიანი ეროვნული გამოცდებისა და რეგისტრაციის შესახებ ყველა დეტალი გაიგო? მაშინ დაესწარი ონლაინ საინფორმაციო შეხვედრას 👇

📌 რას გაიგებ შეხვედრაზე:

◾️როგორ წავიკითხოთ აბიტურიენტთა ცნობარი სწორად;

◾️როგორ ავირჩიოთ პროგრამები სტრატეგიულად;

◾️რა შეცდომებს უშვებენ აბიტურიენტები ყველაზე ხშირად;

◾️რას უნდა მიაქციოთ განსაკუთრებული ყურადღება 2026 წლის რეგისტრაციისას.

📅 7 აპრილი

🕖 19:00

📩 დასწრებისთვის გაიარეთ წინასწარი რეგისტრაცია: https://forms.gle/T9sJz3RvCRbWJPvG7

#საბაუნი #აბიტურიენტები #საინფორმაციოშეხვედრა

🔉 ორბელიანის აკადემიის ინიციატივით, ეროვნული სასახლის თბილისის ახალგაზრდული კლუბის წევრებისთვის გაიმართა საჯარო შეხვედრა თემაზე - „წინასაგამოცდო სტრესის მართვა აბიტურიენტებში“.

🖊️ შეხვედრას უძღვებოდა თეონა ნუცუბიძე - განვითარებისა და განათლების ფსიქოლოგი, სულხან-საბა ორბელიანის უნივერსიტეტის აფილირებული ასისტენტი და ლექტორი. ლექციის ფარგლებში მოსწავლეებს გააცნეს წინასაგამოცდო პერიოდში წარმოქმნილი ემოციური გამოწვევები, სტრესის არსი და მისი ძირითადი ტიპები.

სპიკერმა დეტალურად განმარტა, როგორ მოქმედებს სტრესი კონცენტრაციაზე, მოტივაციასა და აკადემიურ შედეგებზე. ასევე გააცნო ახალგაზრდებს პრაქტიკული რეკომენდაციები, რომლებიც დაეხმარებათ ემოციების მართვაში, დროის სწორ დაგეგმვასა და გამოცდების პერიოდში ფსიქოლოგიური კეთილდღეობის შენარჩუნებაში.

💙 განსაკუთრებული მადლობა თეონა ნუცუბიძეს საინტერესო და სასარგებლო ლექციისთვის, ასევე თბილისის ახალგაზრდული კლუბის მენტორს ქრისტინე ღონღაძეს მხარდაჭერისა და თანამშრომლობისთვის.

#ორბელიანისაკადემია #საბაუნი

ყველაფერი იწყება ერთი გახსნილი კარით და ახალი შესაძლებლობით.✨

💙ღია კარის დღეზე მოსწავლეებმა ახლიდან გაიცნეს უნივერსიტეტის გარემო, მიიღეს დეტალური ინფორმაცია საბაუნის საბაკალავრო პროგრამების შესახებ და პასუხები იმ კითხვებზე, რომლებიც უნივერსიტეტის არჩევისას მათთვის ყველაზე მნიშვნელოვანია.

ღირებულებები, აკადემიური გარემო და შესაძლებლობები - სწორედ ის, რაც მომავალ გადაწყვეტილებას უფრო გააზრებულს ხდის.

#საბაუნი #ღიაკარისდღე #ორბელიანისაკადემია

🔊ორბელიანის აკადემიის ორგანიზებით, სამოქალაქო სამართლის იმიტირებული სასამართლო პროცესი გაიმართა, რომელსაც გაუძღვა, ადვოკატი, საერთაშორისო სამართლის მაგისტრი, ლუკა ბიბინეიშვილი.

პროცესის ფარგლებში მოსწავლეები გაეცნენ:

▪️ სასამართლო პროცესის სტრუქტურასა და პროცედურებს;
▪️ გაანალიზეს საქმის მასალები;
▪️ მიიღეს პროფესიული კონსულტაციები.

🖊პროცესი საბაუნის იმიტირებულ სასამართლო დარბაზში გაიმართა, სადაც მოსწავლეებმა მოირგეს: სოციალური მუშაკის , მოწმის, მოსამართლის, ადვოკატისა როლები.

პროცესის დასრულების შემდეგ, დარგის ექსპერტმა თითოეულ მონაწილეს უკუკავშირი და რჩევები გაუზიარა.

დიდი მადლობა თბილისის 159 - ე საჯარო სკოლისა და "მწვანე სკოლის" მოსწავლეებს აქტიური ჩართულობისთვის!

განსაკუთრებული მადლობა კი ლუკა ბიბინეიშვილს.💙

#საბაუნი #იმიტირებულისასამართლო

✨ ორბელიანის აკადემია ქ.რუსთავის კერძო სკოლას, "მენაფირის აკადემიას" ესტუმრა.

🖊შეხვედრის ფარგლებში, მოსწავლეებს გავაცანით სულხან-საბა ორბელიანის უნივერსიტეტის პროგრამები, შესაძლებლობები და მათთვის საინტერესო მიმართულებები.

მადლობა სკოლის ადმინისტრაციას და თითოეულ მოსწავლეს აქტიური ჩართულობისთვის! 💙

#ორბელიანისაკადემია #სკოლა #მოსწავლე

✨ ორბელიანის აკადემია ქ. თბილისის №147 და №113 საჯარო სკოლებს ესტუმრა.

🖋️შეხვედრის ფარგლებში მე-9, მე-10 და მე-11 კლასის მოსწავლეებს გავაცანით სულხან-საბა ორბელიანის უნივერსიტეტის პროგრამები, შესაძლებლობები და მათთვის საინტერესო მიმართულებები.

მოსწავლეებს ასევე შევთავაზეთ პროფესიული ორიენტაციისთვის შექმნილი აქტივობები - სიმულაციური თამაშები და ქვიზები, რომლებიც საკუთარი ინტერესებისა და უნარების აღმოჩენასა უკეთ გაგებაში დაეხმარათ.

მადლობა აღნიშნული სკოლების ადმინისტრაციას და თითოეულ მოსწავლეს აქტიური ჩართულობისთვის! 💙

#ორბელიანისაკადემია #სკოლა #მოსწავლე