თბილისის N11 საჯარო სკოლა

სიამაყითა და დიდი სიხარულით გვინდა გაგიზიაროთ უმნიშვნელოვანესი სიახლე: ჩვენი სკოლის 9გ კლასის მოსწავლემ, მარიამ გაჩეჩილაძემ საქართველოს უნივერსიტეტის (UG) მათემატიკის მასშტაბურ ოლიმპიადაზე უმაღლესი შედეგი აჩვენა, მოიპოვა I -ლი ხარისხის საპატიო სიგელი!
სკოლის ადმინისტრაცია და პედაგოგები ვულოცავთ მარიამს ამ დიდ გამარჯვებას! განსაკუთრებული მადლობა მის მათემატიკის მასწავლებელს, მაია ხოსიაურს გაწეული შრომისა და მხარდაჭერისთვის, და რა თქმა უნდა, მშობლებს.

https://www.facebook.com/share/r/1AWtAwW65Q/

Send a message to learn more

https://www.facebook.com/share/r/1CgrG8KXp9/

Send a message to learn more

სსიპ ქალაქ თბილისის N11 საჯარო სკოლის VIIბ კლასის მოსწავლეები, კლასის ხელ-ლი: ინგა გუგულაშვილი, ესტუმრნენ გადაუდებელი დახმარების ოპერატიული მართვის ცენტრს — „112“-ს .სადაც, გაიმართა შეხვედრა შინაგან საქმეთა სამინისტროს სსიპ - საზოგადოებრივი უსაფრთხოების მართვის ცენტრის ,,112’’-ის ანალიზისა და პროექტების მართვის სამსახურის წარმომადგენლებთან. შეხვედრის ფარგლებში, სტუმრებმა მოზარდებს დეტალურად გააცნეს გადაუდებელი დახმარების ნომრის სწორად გამოყენების წესები, განუმარტეს, თუ რა შემთხვევებში უნდა დაუკავშირდნენ ცენტრს და რა ზიანი მოაქვს არამიზნობრივ თუ ცრუ ზარებს. განსაკუთრებული ყურადღება დაეთმო კრიტიკულ სიტუაციებში ოპერატორისთვის ზუსტი ინფორმაციის პმიწოდების უნარ-ჩვევებს.
ამასთანავე, „112“-ის წარმომადგენლებმა მოსწავლეებთან საგზაო უსაფრთხოების ძირითად პრინციპებზე ისაუბრეს. ყურადღება გამახვილდა ქვეითად მოსიარულეთა უფლება-მოვალეობებზე, გზაზე ყურადღების გაფანტვის რისკებსა და საგზაო მოძრაობის წესების მკაცრ დაცვაზე.
საინფორმაციო შეხვედრა ინტერაქციულ რეჟიმში წარიმართა — მოსწავლეებმა მიიღეს პასუხები მათთვის საინტერესო კითხვებზე და ვიზუალური მასალის დახმარებით უკეთ გაიაზრეს როგორც საკუთარი უსაფრთხოების დაცვის, ისე მაღალი სამოქალაქო პასუხისმგებლობის მნიშვნელობა.

12 ივნისს მთავრდება პირველკლასელთა საბუთების წარდგენა, წინააღმდეგ შემთხვევაში ავტომატურად გაუქმდება რეგისტრაცია
საბუთების მიღება წარმოებს 207 საჯარო სკოლის შენობაში, მის. ჩარგლის 34. მე-11 საჯარო სკოლის დირექცია

„საუკუნეთა მეჯლისი და საქართველო“ — შთამბეჭდავი შემოქმედებითი დღე მე-11 საჯარო სკოლაში!
დღეს, 9 ივნისს, ჩვენს სკოლაში შედგა უმშვენიერესი და გამორჩეული ქართული ენისა და ლიტერატურის ღონისძიება სახელწოდებით — „საუკუნეთა მეჯლისი და საქართველო“.
ჩვენმა ნიჭიერმა მოსწავლეებმა შემოქმედებითი ენერგიით და მონდომებით გააცოცხლეს ჩვენი ქვეყნის საუკუნოვანი ისტორია და ლიტერატურული საგანძური. მათ მიერ შესრულებულმა ემოციურმა სიმღერებმა და დახვეწილმა ქართულმა ცეკვებმა დარბაზში საოცარი, ამაღლებული განწყობა შექმნა. ბავშვებმა დამსწრე საზოგადოებას დაუვიწყარი ემოციები აჩუქეს და კიდევ ერთხელ დაგვანახეს, თუ როგორ უყვართ და უფრთხილდებიან ქართულ სიტყვას, მუსიკასა და კულტურას.
უდიდესი მადლობა გვინდა გადავუხადოთ ყველას, ვისი დაუღალავი შრომითა და თანადგომითაც ეს დღე ასეთი სრულყოფილი და სადღესასწაულო გახდა:
ჩვენს მე-11 საჯარო სკოლას — იმ შემოქმედებითი და თბილი გარემოს უზრუნველყოფისთვის, სადაც მოსწავლეებს ეძლევათ შესაძლებლობა მაქსიმალურად გამოავლინონ თავიანთი ნიჭი და შესაძლებლობები.
ქართული ენისა და ლიტერატურის პედაგოგს, ღონისძიების ხელმძღვანელ შორენა აბესლამიძეს — მოსწავლეებში ამ შემოქმედებითი მუხტის გაღვივებისთვის.
კლასის დამრიგებელ მაია ხოსიაურს — გვერდში დგომისთვის, მხარდაჭერისა და საორგანიზაციო საკითხების უზადოდ წარმართვისთვის.
ჩვენს ძვირფას მშობლებს — მუდმივი თანადგომისთვის, აქტიური ჩართულობისა და იმ უდიდესი მხარდაჭერისთვის, რასაც სკოლა და შვილები ყოველ ნაბიჯზე გრძნობენ.
ვამაყობთ ჩვენი მოსწავლეებით და ვუსურვებთ მათ კიდევ მრავალ შემოქმედებით მწვერვალს!

მე-5გ კლასში მათემატიკის მასწავლებელმა, ქეთი დანელიამ, მოსწავლეებს ნამდვილი დღესასწაული აჩუქა და ჩაატარა ძალიან საინტერესო, სახალისო და შემეცნებითი ღონისძიება სახელწოდებით „მეჯლისი პრინცესასთან“.
ამ უჩვეულო წვეულებაზე: მასპინძელი: თავად პრინცესა გახლდათ. სტუმრები: საინტერესო რიცხვები და... თვით დიდი პითაგორა!
ღონისძიების ფარგლებში მოსწავლეებმა წარმოაჩინეს რიცხვების უნიკალური თვისებები და ისინი სხვადასხვა ცნობილ ადამიანს თუ ისტორიულ მოვლენას დაუკავშირეს.
პროექტმა კიდევ ერთხელ დაამტკიცა, რომ მათემატიკა მხოლოდ მშრალი ციფრები არ არის — ის ხელოვნება და ნამდვილი ჯადოქრობაა! დიდი მადლობა ქალბატონ ქეთის და ჩვენს ნიჭიერ მოსწავლეებს ასეთი დაუვიწყარი დღისთვის

პირველკლასელთა რეგისტრაციის IV ეტაპი – საყოველთაო ონლაინ რეგისტრაცია 2026 წლის 15 ივნისიდან დაიწყება და 3 ივლისის ჩათვლით გაგრძელდება.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge. რეგისტრაციას უზრუნველყოფს მშობელი/კანონიერი წარმომადგენელი.

ელექტრონულად რეგისტრირებული მოსწავლის ჩასარიცხად აუცილებელი დოკუმენტების მიღება ხორციელდება N207 საჯარო სკოლის შენობაში, (ჩარგლის ქ. 34) 16 ივლისის ჩათვლით.

მოსწავლის ჩასარიცხად აუცილებელი დოკუმენტების განსაზღვრულ ვადებში წარუდგენლობის შემთხვევაში რეგისტრაცია ავტომატურად გაუქმდება.

პირველ კლასში ჩასარიცხად საჭირო დოკუმენტები:

მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე). ერეთი ფოტო სურათი 3*4-ზე.

ჩვენს სკოლას განსაკუთრებული სტუმარი ეწვია — საბავშვო მწერალი და ნეიროფსიქოლოგი ნინო მარგველშვილი.
IV დ, V დ და VII ა კლასის მოსწავლეებისთვის გამართული შეხვედრა გამორჩეულად თბილი, სახალისო და შთამაგონებელი აღმოჩნდა. მოსწავლეებმა სტუმარს საკუთარი შემოქმედებით უპასუხეს: ნინო მარგველშვილს დაახვედრეს მადლიერების ბარათები, წიგნის გმირების ნახატები და, რაც მთავარია, საინტერესო შეკითხვებით სავსე ბარათები. ავტორმა მოსწავლეებს თავისი წიგნი წაუკითხა, რამაც ბავშვებში დიდი ინტერესი და ემოცია გამოიწვია. მადლობას ვუხდით ქალბატონ ნინოს ასეთი საინტერესო შეხვედრისათვის.
პედაგოგები: ნინო ჯიხვაძე, გვანცა ჭოლიკაური, ხათუნა ხუგაშვილი.

ჩვენი სკოლის მე-3ა კლასის (დამრიგებელი ნინო ლიკლიკაძე) მოსწავლეებთან გაიმართა სსიპ მანდატურის სამსახურის ფსიქოსოციალური მომსახურების ცენტრის სოციალური მუშაკის ნიკა მექვაბიშვილის შეხვედრა თემაზე „კონფლიქტების მართვა“. შეხვედრის მიზანი იყო მოსწავლეებში კონფლიქტების მშვიდობიანად მოგვარების უნარების განვითარება, პოზიტიური ურთიერთობების ხელშეწყობა და უსაფრთხო სასკოლო გარემოს გაძლიერება.
შეხვედრის დასაწყისში მოსწავლეებმა ნახეს თემატური ვიდეო, რომელიც ასახავდა სხვადასხვა სახის კონფლიქტურ სიტუაციებსა და მათი მშვიდობიანი გზით გადაჭრის გზებს. ვიდეოს ჩვენების შემდეგ გაიმართა მსჯელობა, რომლის დროსაც ბავშვებმა გამოთქვეს საკუთარი მოსაზრებები, ისაუბრეს კონფლიქტის გამომწვევ მიზეზებზე და განიხილეს პრობლემების მოგვარების ეფექტური გზები. სოციალურმა მუშაკმა მოსწავლეებს გააცნო ურთიერთპატივისცემის, თანამშრომლობის, ერთმანეთის მოსმენისა და ემოციების მართვის მნიშვნელობა. შეხვედრა ინტერაქტიულ რეჟიმში წარიმართა.