თბილისის N123 საჯარო სკოლა

როცა შაბათიც გიხარია სკოლაში

"ტყის საახალწლო ზღაპარი" - თოჯინების თეატრი

IIა კლასი, მასწავლებელი მარი ელისაშვილი

პირველადი დახმარება - ანიმაცია
ავტორი - მარიამ დარჩიაშვილი

თბილისის №123 საჯარო სკოლის მოსწავლეები პროექტის „თბილისის სამედიცინო შტაბის“ ფარგლებში თანატოლებს პირველადი გადაუდებელი დახმარების მნიშვნელობას შემოქმედებითი ანიმაციების საშუალებით უზიარებენ. ნახეთ მათი ნამუშევარი 👇 #თბილისისპირველისამედიცინოსასწავლებელი #ჰელფინგჰენდ #პროფესიულიუნარებისსააგენტო #123საჯაროსკოლა

მოხალისე - მაშო სანებლიძე ❤️

🧏‍♀️"მიმაჩნია, რომ მხოლოდ სურვილი ადამიანების დახმარების საკმარისი არ არის. მოქმედებისთვის ცოდნა და მზადყოფნაა საჭირო. სწორედ აქ დაიწყო ჩემი გზა და ასე გავხდი “მოხალისეთა სამედიცინო შტაბის” პროექტის მონაწილე.

📚პირველ ეტაპზე ძალიან მნიშვნელოვანი იყო ტრენინგებში ჩართულობა, რომელიც თბილისის პირველ სამედიცინო სასწავლებელში ჩატარდა და სადაც პროფესიონალებმა გაგვიზიარეს ცონდა და პრაქტიკული სავარჯიშოები შევასრულეთ.

📍 ვფიქრობ, რომ პირველადი დახმარების ცოდნა სკოლაში ძალიან მნიშვნელოვანია. დაზღვეული არავინ ვართ, ნებისმიერ დროს შეიძლება მოხდეს არასასიამოვნო შემთხვევა და მოსწავლემ მიიღოს დაზიანება. ამიტომ, ექიმის მოსვლამდე ჩვენ უნდა შეგვეძლოს სწორად და სწრაფად მოქმედება.

🙋‍♀️პროექტის ძალიან გამორჩეული ნაწილი იყო სასკოლო პროექტზე მუშაობა, ჩვენ თავად დავწერეთ პროექტი, შევადგინეთ გეგმა და დავიწყეთ განხორციელება. ამ პროცესში მივიღე უდიდესი გამიცდილება, რაც მოიცავს მაგალითად, გუნდურ მუშაობას, აუდიტორიის წინაშე თავისუფლად საუბარს და კომუნიკაციას. სასკოლო პროექტზე მუშაობამ დამარწმუნა ჩემს შესაძლებლობებში და მომცა მოტივაცია ჩემი ცოდნა თანატოლებისათვის გამეზიარებინა.

➡️შემიძლია ვთქვა, რომ პროექტში ჩართულობით შეიცვალა ჩემი დამოკიდებულება საკუთარი თავის მიმართაც. გულწრფელად, რომ გითხრათ არ მეგონა თუ შევძლებდი დიდი აუდიტორიის წინაშე თავისუფლად საუბარს, პრეზენტაციის გაკეთებას. ასევე მომეცა შესაძლებლობა პროფესიონალებთან ჩამეწერა ინტერვიუ, რამაც კიდევ უფრო გაამყარა ჩემი ცოდნა პირველად დახმარებაზე.

🗣️თანატოლებს ვეტყოდი, რომ მიიღონ რაც შეიძლება მეტი გამოცდილება მსგავს პროექტებში მონაწილეობით და არ შეუშინდნენ სიახლეებს. Ჩვენ არ უნდა მივცეთ შინაგან შიშს იმის უფლება და არ უნდა ვიფიქროთ “რაიმე არ გამოგვივა”.

🧏‍♀️მე თუ მკითხავთ მსგავსი სასწავლო კურსი და შემდეგ ეტაპზე უკვე მოხალისეობა, სავალდებულოც კი უნდა იყოს სკოლაში. დიდი სურვილი მაქვს პროექტის დასრულების შემდეგაც გავაგრძელო მოხალისეობა და დავეხმარო მათ ვისაც ეს ძალიან სჭირდება. ჩემთვის “მოხალისეთა სამედიცინო შტაბი თანადგომასა და პასუხისმგებლობასთან ასოცირდება”- მაშო სანებლიძე, N123 საჯარო სკოლის მოსწავლე.

🔶პროექტი "მოხალისეთა სამედიცინო შტაბი" თბილისის პირველი სამედიცინო სასწავლებლისა და "ჰელფინგ ჰენდის" მიერ პროფესიული სააგენტოს მხარდაჭერით ხორციელდება.

#მოხალისეთასამედიცინოშტაბი
#ჰელფინგჰენდ
#თბილისისპირველისამედიცინოსასწავლებელი
#პროფესიულიუნარებისსააგენტო
#123საჯაროსკოლა

მოხალისე - ანა ჭოველიძე

🔶 "ყოველთვის მსურდა, მქონოდა ისეთი ცოდნა და უნარები, რომელიც საფრთხის დროს პანიკის ნაცვლად, რეალური დახმარებისა და მოქმედებისაკენ მიბიძგებდა. “მოხალისეთა სამედიცინო შტაბში” მონაწილეობით, დავრწმუნდი, რომ მოხალისეობა საუკეთესო გზაა ამ პასუხისმგებლობისა და ცოდნის გასაზიარებლად.

🔷 ტრენინგებზე, ყველაზე მეტად გულ-ფილტვის რეანიმაციის (CPR) ტექნიკა დამამახსოვრდა. მანამდე მეგონა, რომ ეს ძალიან რთული პროცედურა იყო, მაგრამ პრაქტიკულმა სავარჯიშოებმა დამანახა, რომ მთავარია სწორი ტექნიკა და რიტმია. ასევე, კარგად გავიაზრე, თუ რამდენად კრიტიკულია დახმარების პირველი წუთები.

🗣️ სკოლაში ასობით მოსწავლე დიდ დროს ატარებს, მეტნაკლებად ყველა აქტიურ და ფიზიკურ მოძრაობაშია. ტრამვა, გულის წასვლა ან თუნდაც გადაცდენა შეიძლება ნებისმიერ დროს მოხდეს. როდესაც მოსწავლეებიი პირველადი დახმარების ბაზისურ უნარებსა და ცოდნა ფლობენ, სკოლა გაცილებით უფრო უსაფრთხო გარემო ხდება.

🧏‍♀️ პროექტში მონაწილეობა, უპირველესად, შიშისა და გაურკვევლობის განცდის დაძლევაში დამეხმარა. ადრე თუ მსგავს სიტუაციაში დავიბნეოდი, ახლა გაცილებით უფრო თამამი და მშვიდი ვარ, რადგან ზუსტად ვიცი მოქმედების თანამიმდევრობა.

📙 თანატოლებს ვურჩევდი, არ დაელოდონ კრიტიკულ მომენტს პირველადი დახმარების შესასწავლად. ეს არის ცოდნა, რომელიც შეიძლება ხშირად დაგჭირდეს, ან ერთხელ დაგჭირდეს და სხვა ადამიანის სიცოცხლე გადაარჩინო. რაც შეეხება მოხალისეობას, ეს არის საუკეთესო გზა, აღმოაჩინო ახალი მეგობრები და საკუთარი თავის უკეთესი ვერსია.

🔷 ვაპირებ, რომ მიღებილი ცოდნა და გამოცდილება მუდმივად განვაახლო, რადგან პრაქტიკის გარეშე დეტალები გვავიწყდება. პროექტში მონაწილებით, კიდევ ერთხელ დავრწმუნდი, რომ დიდი მიზნების მიღწევა მხოლოდ ერთობლივი ძალებით, კოორდინირებული მუშაობითა და საერთო იდეის გარშემო გაერთიანებით არის შესაძლებელი" - ანა ჭოველიძე, N123 საჯარო სკოლის მოსწავლე.

🔶 პროექტი "მოხალისეთა სამედიცინო შტაბი" თბილისის პირველი სამედიცინო სასწავლებლისა და "ჰელფინგ ჰენდის" მიერ პროფესიული სააგენტოს მხარდაჭერით ხორციელდება.

#მოხალისეთასამედიცინოშტაბი
#ჰელფინგჰენდ
#თბილისისპირველისამედიცინოსასწავლებელი
#პროფესიულიუნარებისსააგენტო
#123საჯაროსკოლა

მოხალისე - ლიზი ბახია ❤️

🟪 "დარწმუნებული ვარ, რომ პირველადი დახმარების ცოდნა არის ის მინიმუმი, რომელიც თითოეულმა ჩვენგანმა უნდა იცოდეს, რათა საჭირო დროს შეძლოს სხვების დახმარება. სწორედ ამიტომ ჩავერთე ამ პროექტში. აქ არა მხოლოდ ვისწავლეთ პირველადი დახმარების საკითხები, არამედ მიღებული ცოდნის გაზიარებაც და მოხალისეობა.

🟦 პროექტში ჩვენთვის ჩატარდა ტრენინგები, ყველაზე მეტად დამამახსოვრდა ვორქშოფი გულის მასაჟის ტექნიკების შესახებ, რადგან ეს უნარი კრიტიკულ მომენტში ადამიანის სიცოცხლის გადარჩენას ნიშნავს.

🟪 პროექტში მონაწილეობამ თავი უფრო თავდაჯერებულად და დაცულად მაგრძნობინა. ვიცი, რომ საჭირო დროს შევძლებ სხვების დახმარებას, ამ ცოდნას გავუზიარებ მეგობრებსა და ოჯახს.

🟦 მოხალისეობა მარტივი არ არის, მაგრამ დასრულების შემდეგ გრჩება განცდა, რომ ნამდვილად მნიშვნელოვანი საქმე გააკეთე და ეს გამოცდილება შენც გაძლიერებს და ჩვენ გარემოსაც უკეთესს ხდის" - ლიზი ბახია, N123 საჯარო სკოლის მოსწავლე.

🟪 პროექტი "მოხალისეთა სამედიცინო შტაბი" თბილისის პირველი სამედიცინო სასწავლებლისა და "ჰელფინგ ჰენდის" მიერ პროფესიული სააგენტოს მხარდაჭერით ხორციელდება.

#მოხალისეთასამედიცინოშტაბი
#ჰელფინგჰენდ
#თბილისისპირველისამედიცინოსასწავლებელი
#პროფესიულიუნარებისსააგენტო
#123საჯაროსკოლა

ჩვენი სკოლის VIIა კლასის მოსწავლეს, ლუკა მეტრეველს, ვულოცავთ ესეების კონკურსში გამარჯვებას!
მასწავლებელი ლალი ნიკოლაიშვილი

მოხალისე - ანასტასია კობიაშვილი ❤️

"როგორც მოხალისეს, მსურდა საკუთარი შესაძლებლობები გამომეცადა, ახალი ცოდნა და გამოცდილება მიმეღო, ამიტომაც გადავწყვიტე პროექტში მონაწილეობა ჩემს თანასკოლელებთან ერთად.

🔶 პროექტში რამდენიმე მიმართულებით ვიმუშავეთ, თუმცა ყველაზე მეტად რაც მსურს, რომ ავღნიშნო, არის ისეთი უნარების გაუმჯობესება, როგორიცაა მაგალითად, გუნდთან ერთად მუშაობა, არაორგანიზებულ და ქაოსურ პირობებშიც კი გადაწყვეტილებების მიღება, ემოციების კონტროლი დაძაბულ სიტუაციებში და ა.შ

🔷 პროექტის მეორე ეტაპზე, სადაც უკვე დამოუკიდებლად, თანატოლებთან ერთად ვგეგმავდით და ვახორციელებდით საქმიანობებს, ჩემთვის იყო პირველი და ძალიან საინტერესო გამოცდილება, შემძინა სითამამე და თვითდაჯერებულობა, მნიშვნელოვნად გამეზარდა პასუხისმგებლობის განცდა და მივხვდი რომ, რთულ და მნიშვნელოვან მომენტებში არა მხოლოდ ჩემი, არამედ სხვების დახმარებაც შემიძლია.

🔶 თანატოლებს რომლებიც, ჯერ კიდევ არ მოხალისეობენ, ნამდვილად ვურჩევდი, რომ არ დაკარგონ დრო და დაიწყონ. მოხალისეობისას მიღებული ცოდნა და პარალელურად შეძენილი გამოცდილება ძალიან მნიშვნელოვანი და საჭიროა თითოეული ჩვენგანის განვითარებისა და წინსვლისთვის. ყველაზე მთავარი კი მაინც ის განცდაა, რომ ჩვენ სასარგებლო ვხდებით საზოგადოებისათვის და ჩვენს არსებობასაც განსაკუთრებულ მნიშვნელობა აქვს.

🔷 მოხალისეობას მომავალშიც გავაგრძელებ. ამ პროექტმა მასწავლა, რომ წარმატება და განვითარება მაშინ იწყება, როცა არ ჩერდები და მოქმედებ. ერთი წინადადებით, რომ შევაჯამო „მოხალისეთა სამედიცინო შტაბი“ ჩემთვის ცხოვრებისეულ გამოცდილებად იქცა და მომავლის მიზნების დასახვაში დამეხმარა" - ტასო კობიაშვილი, N123 საჯარო სკოლის მოსწავლე

🔶 პროექტი "მოხალისეთა სამედიცინო შტაბი" თბილისის პირველი სამედიცინო სასწავლებლისა და "ჰელფინგ ჰენდის" მიერ პროფესიული სააგენტოს მხარდაჭერით ხორციელდება.

#მოხალისეთასამედიცინოშტაბი
#ჰელფინგჰენდ
#თბილისისპირველისამედიცინოსასწავლებელი
#პროფესიულიუნარებისსააგენტო

🔶პროექტის „მოხალისეთ სამედიცინო შტაბის“ ფარგლებში
123-ე საჯარო სკოლის მოხალისეებმა შექმნეს საგანმანათლებლო რესურსები თანატოლებისთვის, რომლებიც სწავლების ინტერაქტიულ და საინტერესო ფორმატს სთავაზობს მოსწავლეებს.

🔶პროექტი „მოხალისეთა სამედიცინო შტაბი“ ხორციელდება ორგანიზაცია „ჰელფინგ ჰენდისა“ და თბილისის პირველი სამედიცინო სასწავლებლის მიერ, პროფესიული უნარების სააგენტოს მხარდაჭერით.

#მოხალისეთასამედიცინოშტაბი
#ჰელფინგჰენდ
#თბილისისპირველისამედიცინოსასწავლებელი
#პროფესიულიუნარებისსააგენტო
#123საჯაროსკოლა

https://www.facebook.com/share/p/1AJGgi4p3H/?mibextid=wwXIfr

ლიტერატურულ კონკურსში გამარჯვებას ვულოცავთ ჩვენი სკოლის XI კლასის მოსწავლეებს თინათინ ჩუტკერაშვილსა და ანა ხაჭაპურიძეს.
ვამაყობთ თქვენი
წარმატებით ❤️