მოდის დიზაინის ტექნოლოგიები - Fashion Design and Technology

25/08/2026

პირველკურსელთა საყურადღებოდ!
პირველ რიგში გილოცავთ სტუდენტობას!
პირველადი რეგისტრაცია სტუ-ში
3–12 სექტემბერი

2026 წლის ერთიანი ეროვნული გამოცდების საფუძველზე სტუ-ის საბაკალავრო და ქართულ ენაში მომზადების საგანმანათლებლო პ...

17/07/2026

საბაკალავრო პროექტის ავტორი:
ლიზი მორალიშვილი
სხვაობა" არის ფენომენი, რომელიც წარმოიშობა დომინანტურ შიდა ჯგუფსა და დაქვემდებარებულ გარე ჯგუფს შორის ურთიერთობაში. იგი ყალიბდება სხვადასხვა გარეგნული, შინაგანი, ეკონომიკური, ხასიათობრივი თუ კულტურული ნიშნების საფუძველზე, რომლებიც საზოგადოებას განსხვავებულ ჯგუფებად ყოფს. ამ ჯგუფებიდან, როგორც წესი, გამოირჩევა დომინანტური ფენა ე.წ. „ელიტა“ ან „ბურჟუაზია".
"სხვაობა“ ქმნის ერთგვარ სტიგმას, რომლის შედეგადაც პრივილეგირებული ჯგუფი აღიქმება როგორც „ჩვენ“, ხოლო დანარჩენი ჯგუფები როგორც „ისინი“ ან „სხვები“. სწორედ ეს პროცესი ხდება დისკრიმინაციისა და სოციალური გამიჯვნის საფუძველი.

14/07/2026

საქართველოს ტექნიკურ უნივერსიტეტში გაიმართა სტუდენტთა 90-ე ღია საერთაშორისო კონფერენცია.
სადაც ჩვენს სტუდენტს გადაეცა I ხარისხის სერტიფიკატი.
ვულოცავთ და ვუსურვებთ წარმატებებს!
სტუდენტი: მედეა შელია
ხელმძღვანელი პროფესორი - ლია ლურსმანაშვილი.
თემა: მოდა და არქიტექტურა/Fashion and architecture.

14/07/2026

საბაკალავრო პროექტის ავტორი:
ანუკი გოგორიშვილი
„შერწყმული კოლექცია“- Fusion Collection”, რომელიც წარმოადგენს სინთეზს თანამედროვეობასა და ისტორიას შორის, ეს კი შესაძლებელი გახდა ორი განსხვავებული ქსოვილის ერთმანეთთან შერწყმით, როგორიცაა კუბოკრული და ჯინსის ქსოვილები.
კოლექციაში განსაკუთრებული ყურადღება ეთმობა ფორმასა და კონსტრუქციას. გამოყენებულია მოცულობითი, თავისუფალი და დინამიკური ფორმები, რომლებიც თანამედროვე ურბანულ სტილს გამოხატავს.

14/07/2026

საბაკალავრო პროექტის ავტორი:
მარიამ ინაშვილი
,, ობობა, როგორც ქალური არქეტიპი"
ობობის ქსელი ბუნების ერთ-ერთი ყველაზე სრულყოფილი ქმნილებაა. ერთი შეხედვით ის ნაზი და თითქმის უხილავია, თუმცა გამორჩეული სიმტკიცითა და გამძლეობით გამოირჩევა. ამიტომ ქსელი ჩემთვის ქალურობის სიმბოლოა: სინაზის, სიბრძნისა და მოთმინების 🕸🕷

14/07/2026

საბაკალავრო პროექტის ავტორი:
ნინი ქუხილავა.
კოლექციის შთაგონების წყაროა- "შავი კატა", როგორც არასტანდარტული ფემინური გარეგნობის ქალი. არამხოლოდ რბილი, ნაზი, არამედ მკაცრი და ცოტა უხეშიც. ეს არის თვითგამოხატვის ფორმა, სადაც სინაზე, ძალა და ინდივიდუალიზმი ერთად არსებობს. 🐈‍⬛

10/07/2026

საბაკალავრო პროექტის ავტორი:
ლიზი ტვინაძე
კოლექცია შთაგონებულია ჰერმან ჰესეს რომანით "დემიანი", განსაკუთრებით კი, მისი ერთ-ერთი ყველაზე ცნობილი ციტატით: "ჩიტი ლამობს თავი დააღწიოს კვერცხს. კვერცხი სამყაროა და ვისაც უნდა დაიბადოს, უნდა დაამსხვრიოს ეს სამყარო. კვერცხიდან გამოთავისუფლებული ჩიტი ღმერთისკენ მიისწრაფვის. ამ ღმერთს კი აბრაქსასი ჰქვია".
"დემიანში" თვითშემეცნების პროცესი წარმოდგენილია არა როგორც მშვიდი და ჰარმონიული გარდასახვა, არამედ როგორც რთული ბრძოლა საზოგადოებრივი ნორმების.

10/07/2026

საბაკალავრო პროექტის ავტორი:
თათა გუბელაძე
“ცხოვრების წრე”
კოლექცია „ცხოვრების წრე“ წარმოადგენს ადამიანის არსებობის სიმბოლურ ვიზუალურ ინტერპრეტაციას. მისი მთავარი იდეა არის სიცოცხლის გარდაუვალი ციკლის ჩვენება — დაბადებიდან სიკვდილამდე. თითოეული კაბა წარმოადგენს ადამიანის ცხოვრების კონკრეტულ ეტაპს და ერთად ქმნის ერთიან ნარატივს, რომელიც გვახსენებს, რომ ცხოვრება მუდმივი მოძრაობისა და გარდასახვის პროცესია. ამ თემის არჩევის ინსპირაცია გახდა თავად ადამიანის არსებობა. ყოველდღიურ ცხოვრებაში ხშირად გვავიწყდება, რომ ყველა ადამიანი გადის ერთსა და იმავე გზას — იბადება, იზრდება, განიცდის ცვლილებებს და საბოლოოდ ტოვებს ამ სამყაროს. მიუხედავად სოციალური სტატუსისა, ეროვნებისა თუ ცხოვრების წესისა, ეს ბუნებრივი წრე ყველასთვის ერთნაირად არსებობს. სწორედ ამ უნივერსალური ჭეშმარიტების მხატვრულად გადმოცემა გახდა ჩემი კოლექციის მთავარი მიზანი.

10/07/2026

საბაკალავრო პროექტის ავტორი:
ანა კვირიკაშვილი
ჰიირო (日⾊—"დღის ფერი") ეფუძნება იაპონურ ტრადიციულ პრინციპს Kasane no
Irome — ფერთა შეხამების ხელოვნებას, სადაც ყოველი კომბინაცია კონკრეტულ
ბუნებრივ მდგომარეობასა თუ განწყობას გამოხატავდა. ამ ტრადიციის
თანამედროვე გააზრებით, კოლექცია გვთავაზობს ერთი დღის განმავლობაში
შინაგან ემოციურ ცვლილებას, გამოხატულს სამი ფერისა და სილუეტის
მეშვეობით.
ჰიირო არ მოგვითხრობს კონკრეტულ
სიუჟეტს — ის აღწერს ემოციურ გზას,
რომელსაც ფერი გადის ერთი დღის
განმავლობაში: სიმშვიდიდან
ფოკუსისკენ, ფოკუსიდან იმედისკენ, და
საბოლოოდ — ჰარმონიულ სინთეზამდე.

10/07/2026

საბაკალავრო პროექტის ავტორი:
მარიამ ურუშაძე
"არაფერი არის სრულყოფილი
ყველა ნივთს, ადამიანს და
მოვლენას აქვს ნაკლი.
არაფერი არის მუდმივი
ყველაფერი იცვლება, ძველდება
და გარდაიქმნება.
არაფერი არის დასრულებული
ყოველთვის არსებობს
განვითარების, ცვლილებისა და
ახალი მნიშვნელობის
შესაძლებლობა.
ვაბი-საბი
არის იაპონური ესთეტიკური და ფილოსოფიური ხედვა, რომელიც სილამაზეს ხედავს არასრულყოფილებაში,
წარმავლობასა და სიმარტივეში".