17/07/2026
გინდა შენმა შვილმა მსოფლიოს 80%-ს აჯობოს კითხვაში?!
ჩვენი სკოლის ოთხსაფეხურიანი რეცეპტი ასეთია:
❇️ პირველი: იკითხე შენც!
თუ შენ არ კითხულობ, ბავშვმა, რომელიც გიყურებს და გბაძავს, რატომ უნდა წაიკითხოს? მიეცი შვილს მაგალითი. ბავშვები მიბაძვით სწავლობენ, განსაკუთრებით პატარა ასაკში.
📆 მეორე: იკითხეთ ერთად, ყოველდღე!
დათქვით ყოველ დღე დრო, როდესაც მთელი ოჯახი ერთად მყუდროდ მოეწყობა, ყველა თავ-თავის საკითხავს აიღებს და წაიკითხავს.
დათქვით კითხვის დროის ხანგრძლივობაც - დღეში 20 წუთი სრულებით საკმარისია, მაგრამ შეგიძლიათ მოუმატოთ ან დააკლოთ, სიტუაციურად.
დღეში 20 წუთი კითხვა (რაც ბავშვისთვის საშუალოდ 7-8 გვერდია) წელიწადში 2000-ზე მეტი გვერდის წაკითხვას ნიშნავს, ეს კი 10-დან 15 წიგნამდეა. ამ რაოდენობის წაკითხვით, თქვენი შვილი მსოფლიოს მოსახლეობის ტოპ 20% იქნება!
📖 მესამე: იკითხოს, რაც უნდა - სრული თავისუფლება!
კომიქსი ან სპორტული ჟურნალი? ძალიან მარტივი ან რთული წიგნი? მისი არჩევანია. მთავარია, კითხვა ოჯახის ტრადიციად, ყოველდღიურ ჩვევად გადაიქცეს და ტექსტები მის ხელში სულ უფრო და უფრო გართულდება, იმ ტემპით, რა ტემპიც მისთვის კომფორტულია.
🗣️ და მეოთხე: ილაპარაკეთ წაკითხულზე!
კვირაში ერთხელ “წაკითხულზე საუბრის” 20 წუთი დაამატეთ. ამ დროს არ იყოთ ზედმეტად ზოგადი და არ ჰკითხოთ “აბა, რას იტყვი ამ წიგნზე?”. დაუსვით უფრო კონკრეტული კითხვები: “რომელი პერსონაჟი მოგეწონა? რომელი არ მოგეწონა? რა იყო ყველაზე სახალისო/სევდიანი მომენტი ამ კვირაში კითხვისას? რა დაგამახსოვრდა ყველაზე მეტად?”. მას მერე, რაც გიპასუხებთ, თქვენც მოუყევით თქვენს წიგნზე - რაზეა ეს წიგნი, რატომ აირჩიეთ წასაკითხად, რომელ პერსონაჟს გულშემატკივრობთ და ა.შ. ასე მოახერხებთ, რომ კითხვის პროცესს "საჩუქრად" თქვენთან შინაარსიანი, სასიამოვნო საუბარი მიებმება მის გონებაში!
წარმატებული ლიტერატურული ზაფხული გვისურვებია ^_^
