სსიპ ქ.თბილისის N216 საჯარო სკოლა

✨ 26 მაისი — თავისუფლების, ღირსებისა და ეროვნული ერთიანობის დღე.

ეს თარიღი თითოეული ქართველისთვის განსაკუთრებულ ემოციას ატარებს — გვახსენებს ისტორიას, რომელიც გმირობით, ბრძოლითა და სამშობლოს სიყვარულით დაიწერა.

ვულოცავთ საქართველოს დამოუკიდებლობის დღეს და გვჯერა, რომ განათლებული, მოტივირებული და თავისუფალი თაობა ქვეყნის საუკეთესო მომავალს შექმნის. 🇬🇪

#216საჯაროსკოლა
#26მაისი
#დამოუკიდებლობისდღე

🎓✨ დღეს ჩვენს სკოლაში განსაკუთრებით თბილი, ფერადი და ემოციებით სავსე დღე გათენდა — ჩვენმა პატარა პირველკლასელებმა ცხოვრების ერთ-ერთი ყველაზე მნიშვნელოვანი ეტაპი წარმატებით დაასრულეს.
სულ ცოტა ხნის წინ ისინი სკოლაში მორიდებული ღიმილით და ცნობისმოყვარე თვალებით შემოვიდნენ, დღეს კი უკვე ცოდნით, მეგობრობითა და დაუვიწყარი მოგონებებით სავსენი ემშვიდობებიან პირველ კლასს. 📚🌟
გამოსაშვები ღონისძიება ნამდვილ დღესასწაულად იქცა — სიხარულით, ბავშვური გულწრფელობით, ბედნიერი ღიმილებითა და ამაღელვებელი წუთებით. 💖👏

განსაკუთრებულ მადლობას ვუხდით კლასის დამრიგებელს, ქალბატონ ქეთევან შანშიაშვილს, იმ სიყვარულისთვის, მზრუნველობისთვისა და უდიდესი შრომისთვის, რომელიც მთელი წლის განმავლობაში თითოეულ მოსწავლეს უანგაროდ გაუზიარა. ❤️🌷

ვულოცავთ ჩვენს საყვარელ პირველკლასელებს პირველი დიდი ნაბიჯის წარმატებით გადადგმასა და ვუსურვებთ ცოდნით, ბედნიერებით, სიყვარულითა და წარმატებებით სავსე გზას! 🎈

#216საჯაროსკოლა

🔔 დღეს ჩვენი სკოლის XII კლასელებისთვის ბოლო ზარი დაირეკება…
✨ ეს დღე განსაკუთრებული ემოციებით არის სავსე — სიხარულით, მონატრებით, სიამაყითა და სიახლეების მოლოდინით.
12 წლის განმავლობაში სკოლა თქვენთვის მხოლოდ სასწავლო სივრცე არ ყოფილა — აქ გაიზარდეთ, ჩამოყალიბდით, შეიძინეთ მეგობრობები, დააგროვეთ მოგონებები და ერთად გაიარეთ არაერთი მნიშვნელოვანი ეტაპი.

💙 თითოეულ თქვენგანს მადლობას გიხდით იმ სითბოსთვის, შრომისთვის, წარმატებებისთვის და იმ დაუვიწყარი კვალისთვის, რომელსაც ჩვენს სკოლაში ტოვებთ. თქვენი თაობა ჩვენი სკოლის ისტორიის განსაკუთრებული ნაწილია.

⭐️ გისურვებთ საკუთარი პროფესიის პოვნას, მიზნების მიღწევას და ნათელ, წარმატებულ მომავალს. თქვენი ახალი ეტაპი სწორედ დღეს იწყება ! ✨
#216საჯაროსკოლა

სსიპ ქალაქ თბილისის N216 საჯარო სკოლის ხალხური სიმღერისა და საეკლესიო გალობის გუნდმა, ნატალია ყველიაშვილის ხელმძღვანელობით, მიმდინარე წლის 10 მაისს მონაწილეობა მიიღო საქართველოს ბავშვთა და ახალგაზრდული საგუნდო კოლექტივების X ეროვნულ კონკურსში.
ჟიურის გადაწყვეტილებით გუნდის გამოსვლა შეფასდა 93 ქულით - I ხარისხის დიპლომი - რაც უდიდესი წარმატებაა.
მადლობა ჩვენს დიპლომანტ მოსწავლეებს - თამუნა ჭრიკიშვილს, ლელა ჩივაძეს, გვანცა შანშიაშვილს, ევა მოდებაძეს, მარიამ მაისურაძეს, ანდრია მაკარაშვილსა და მათ ხელმძღვანელ ნატალია ყველიაშვილს.

#216საჯაროსკოლა

🎨📚 საქართველოს სახვითი ხელოვნების მუზეუმში ვიზიტი ✨️

✅️216-ე საჯარო სკოლის მეცხრე კლასის მოსწავლეები სასწავლო-შემეცნებითი ვიზიტით ეწვივნენ საქართველოს სახვით ხელოვნების მუზეუმს.

🎯მსგავსი აქტივობები ხელს უწყობს მოსწავლეების შემოქმედებითი აზროვნების, ესთეტიკური გემოვნებისა და კულტურული ცნობიერების განვითარებას.

#216საჯაროსკოლა

📢📢📢

📖✨
216-ე საჯარო სკოლაში ჩატარდა ღია გაკვეთილი, რომელიც მიეძღვნა საზოგადო მოღვაწის — იაკობ გოგებაშვილის ცხოვრებასა და საქმიანობას.

გაკვეთილის ფარგლებში მასწავლებელმა მოსწავლეებს საინტერესო ფორმით გააცნო იაკობ გოგებაშვილის ცხოვრების გზა, მისი მოღვაწეობა და ის უდიდესი წვლილი, რომელიც მან ქართული განათლებისა და ეროვნული ცნობიერების განვითარებაში შეიტანა. ყურადღება გაამახვილა „დედა ენის“ შექმნის ისტორიასა და იმ ფასეულობებზე, რომლებიც დღემდე მნიშვნელოვან როლს ასრულებს ქართველი თაობების აღზრდაში.

ღია გაკვეთილი მოსწავლეთათვის შემეცნებითი და შთამბეჭდავი აღმოჩნდა, რადგან მათ კიდევ ერთხელ გააცნობიერეს, თუ რამდენად მნიშვნელოვანია საკუთარი ენის, კულტურისა და ისტორიის დაცვა. 🇬🇪📚
#216საჯაროსკოლა

📢📢📢

🐦🌿 „მფრინავი ცხოველების თავშესაფარი“ 🌿🐦

📢216-ე საჯარო სკოლის მეორე კლასის მოსწავლეებმა მონაწილეობა მიიღეს საინტერესო და შემეცნებით აქტივობაში — „მფრინავი ცხოველების თავშესაფარი“.

✨️აქტივობის ფარგლებში მოსწავლეებმა ისაუბრეს ფრინველებზე, მათ მნიშვნელობასა და ზრუნვის აუცილებლობაზე. ბავშვებმა საკუთარი ხელით დაამზადეს ბუდეები და კიდევ ერთხელ გააცნობიერეს, რამდენად მნიშვნელოვანია ბუნებისა და ცოცხალი სამყაროს დაცვა. 🐦

✅️პატარა მეგობრებმა დიდი მონდომებითა და სიყვარულით იზრუნეს ფრინველებზე, შექმნეს თბილი და უსაფრთხო გარემო მათთვის.❤️

🎯 აქტივობამ მოსწავლეებს განუვითარა პასუხისმგებლობის გრძნობა, გარემოზე ზრუნვის უნარი და შემოქმედებითი აზროვნება. 🌱✨

#216საჯაროსკოლა

სპორტი ჯანსაღი და აქტიური ცხოვრების მნიშვნელოვანი ნაწილია. იგი ხელს უწყობს არა მხოლოდ ფიზიკურ განვითარებას, არამედ გუნდურობის, პასუხისმგებლობისა და მიზანდასახულობის ჩამოყალიბებასაც. სწორედ ამიტომ, ჩვენი სკოლა განსაკუთრებულ ყურადღებას უთმობს სპორტულ ცხოვრებასა და მოსწავლეთა აქტიურ ჩართულობას სხვადასხვა სპორტულ ღონისძიებაში. ამ მიზნით, სკოლაში გაიმართა 6-9 კლასების მოსწავლეთა შორის ფრენბურთის ფესტივალი, რომელმაც მონაწილეებს საკუთარი შესაძლებლობების წარმოჩენის შესაძლებლობა მისცა. ღონისძიება მოსწავლეთათვის საინტერესო და დასამახსოვრებელი აღმოჩნდა.

#216საჯაროსკოლა

თბილისის 216-ე საჯარო სკოლის მეათე კლასის მოსწავლეებისათვის, სამოქალაქო განათლების სასწავლო კურიკულუმის ფარგლებში, ქალაქ გორში საგანმანათლებლო-შემეცნებითი ტური მოეწყო. ვიზიტის ფარგლებში, ახალგაზრდები დავით აღმაშენებლის სახელობის საქართველოს ეროვნულ თავდაცვის აკადემიას ეწვივნენ, სადაც დეტალურად გაეცნენ უმაღლესი სამხედრო სასწავლებლის ინფრასტრუქტურას, სასწავლო ლაბორატორიებსა და სპორტულ კომპლექსებს. აკადემიის წარმომადგენლებმა მოსწავლეებს მიაწოდეს ამომწურავი ინფორმაცია კარიერული დაგეგმვის შესაძლებლობების, მისაღები კრიტერიუმებისა და იმ სახელმწიფოებრივი პრივილეგიების შესახებ, რომლებითაც მომავალი ოფიცრები სარგებლობენ.
აკადემიის დათვალიერების შემდეგ, მოსწავლეებმა თავდაცვის სამინისტროს მე-11 ქვეით ბრიგადაში გადაინაცვლეს. მათ საშუალება მიეცათ, უშუალოდ გასცნობოდნენ თავდაცვის ძალების შეიარაღებას, საბრძოლო ტექნიკასა და სამხედრო მოსამსახურეების საცხოვრებელ პირობებს. განსაკუთრებული ინტერესი გამოიწვია ჯარისკაცების ყოველდღიური რეჟიმისა და ყაზარმული პირობების დათვალიერებამ.
აღნიშნული ვიზიტი მოსწავლეებს ეხმარებათ სამხედრო სამსახურის, როგორც საპატიო და პერსპექტიული პროფესიის აღქმაში. მსგავსი აქტივობები ხელს უწყობს ახალგაზრდებში პატრიოტული სულისკვეთების გაძლიერებას, დისციპლინის მნიშვნელობის გააზრებასა და სამომავლო პროფესიული არჩევანის გაკეთების ხელშეწყობას.