Letterato - ლეტერატო

ჩვენი იანვრის სპიკერი გახლავთ კულტურული მემკვიდრეობის სპეციალისტი ნინო ჭანიშვილი თემით „ევროპული ცივილიზაციის კულტურული მემკვიდრეობა“ 🔍

რას მოიცავს საერთო ევროპული მემკვიდრეობა? რას ვგულისხმობთ ანტიკურობაში და როგორი იყო აღმოსავლეთ და დასავლეთ საქრისტიანოს მიმართება ანტიკურობისადმი? ნინო ჭანიშვილის სემინარი სწორედ ამ კითხვებს გასცემს პასუხს. იგი მიმოიხილავს რენესანსს, რეფორმაციას, განმანათლებლობას და ენციკლოპედიური მუზეუმების დაბადებას, რაც ჩვენს მოსწავლეებს მისცემს საშუალებას, არა მარტო ზოგადი ცოდნა მიიღონ, არამედ უფრო ღრმად გაიაზრონ ევროპული ცივილიზაციის მონაპოვარი 🧭

ნინო ჭანიშვილი გახლავთ ბირმინგემის უნივერსიტეტის მაგისტრანტი. წლების განმავლობაში მუშაობდა კულტურული მემკვიდრეობის დაცვის საერთაშორისო და ადგილობრივ პროექტებზე. 2017 წლიდან არის მატერიალური და არამატერიალური კულტურული მემკვიდრეობის დაცვის მსოფლიო ორგანიზაციის (WATCH) წევრი და კონსულტანტი. ბოლო ორი წელია ეწევა კერძო პედაგოგიურ საქმიანობასაც.

რას წარმოადგენს ზებუნებრივის რწმენა და როგორია მისი ანატომია? ლეტერატოს მოსწავლეები სისი ბურდული და ეკატერინე ლეჟავა ამ საკითხის გარშემო მსჯელობენ, მაგალითებად კი ლიტერატურული ტექსტები მოჰყავთ. კამიუს "უცხო", დოსტოევსკის "დანაშაული და სასჯელი", იშიგუროს "კლარა და მზე", ბულგაკოვის "ოსტატი და მარგარიტა" მათთვის მნიშვნელოვანი მასალაა ამ თემაზე სასაუბროდ 👇

რწმენა | ლეტერატოს ვიდეო პოდკასტების სერია #6 ლეტერატოს ვიდეო პოდკასტების სერია

🔍 ვიწყებთ მოსწავლეების შუალედურ მიღებას “წიგნიერებისა და კრიტიკული აზროვნების” პროგრამაზე. თუ გსურთ მოზარდმა შეძლოს:

● არგუმენტირებული მსჯელობა
● ხარისხიანი და რთული ტექსტების წაკითხვა
● ლიტერატურის სიღრმისეულად გააზრება
● საუკეთესო ზოგადი განათლების მიღება

ამ სასწავლო წელს ეს არის კიდევ ერთი შესაძლებლობა, თქვენი შვილი გახდეს ლეტერატოს დიდი გუნდის წევრი

ჩვენი სასწავლო გარემო თავისუფალი, თბილი და მეგობრულია. სწავლება მიმდინარეობს მცირე ჯგუფებში, რაც საშუალებას გვაძლევს, თითოეული მოსწავლის საჭიროებას ვუპასუხოთ და თითოეულ მათგანთან სიღრმისეულად ვიმუშაოთ 🎯

🧩 ლეტერატოს ეკოსისტემა მოზარდებს პროგრამის გარდა განვითარებაზე ორიენტირებულ დამატებით აქტივობებსაც სთავაზობს, რაც ხელს უწყობს მნიშვნელოვანი უნარების განვითარებას:

✓ გასვლითი კლასები (მუზუმები, გამოფენები, ექსკურსია)
✓ შეხვედრები საინტერესო ადამიანებთან
✓ პოდკასტებში მონაწილეობა
✓ მენტორობის პროგრამა, რომელშიც მოზარდს შეუძლია იყოს მენტორი
✓ ონლაინ ჟურნალში მონაწილეობა
✓ საჯარო გამოსვლებში მონაწილეობა

ლეტერატო - ეს არის ადგილი, სადაც სწავლა არ არის ფორმალობა. ეს არის გამოცდილება, რომელიც ცვლის ხედვას 👁️‍🗨️

პროგრამის შესახებ დეტალებს გაეცანით ბმულზე: www.letterato.ge/wigniereba-kritikuli-azrovneba

მოსწავლის რეგისტრაციისათვის: www.letterato.ge/registration

შეკითხვების შემთხვევაში დაგვირეკეთ: 599 557 570 154; 558 219 176 💙

#დაინახემეტი

ლეტერატოს მოსწავლეები წარმოგიდგენენ ჩვენი ჟურნალის მე-19 ნომერს 🎉

“მატრიცას” ახალი რედაქტორი ჰყავს, რომელმაც გუნდის გაზრდილ შემადგენლობას წარმატებით უხელმძღვანელა 🚀

ჟურნალის ეს ნომერიც ძალიან ფერადი და მრავალფეროვანია.

ამ ნომერში:

● წაიკითხავთ კულტურის ზეგავლენის შესახებ
● გაიგებთ თუ რა როლი აქვს რელიგიას იდენტობასა და საზოგადოების ცხოვრებაში
● შეხვდებით საინტერესო ინტერვიუს ფილოსოფოს ლევან შატბერაშვილთან
● გაიგებთ, როგორ შეიძლება თანაცხოვრება შფოთვასთან ერთად და როგორ განაპირობებს მორალის თეორიები ჩვენს არჩევანს

რუბრიკა “თინეიჯერის ხმა” ნამდვილად დაგაფიქრებთ სიზარმაცის ფენომენსა თუ მშობლებსა და შვილებს შორის სწორ კომუნიკაციაზე

თუ არ იცით, რა წაიკითხოთ ან რას უყუროთ, “რეცენზიის” რუბრიკას გადახედეთ

🌈 არ დაგავიწყდეთ „მატრიცა ჯუნიორი“ – ტრადიციულად საინტერესო და მრავალფეროვანი სტატიებით. ასე რომ სასიამოვნო კითხვას გისურვებთ

კიდევ ერთხელ ვუხდით მადლობას ჟურნალის ახალ რედაქტორს, არტ. დირექტორს, მხატვრული გაფორმების ჯგუფსა და ყველა ჩვენს მოსწავლეს დაუღალავი შრომისთვის.

ჟურნალი მატრიცა N19 ლეტერატოს მოსწავლეების მიერ შექმნილი ჟურნალი

წინასაახალწლოდ, წიგნიერების პოპულარიზაციის მიზნით, ლეტერატოს მოსწავლეებთან ერთად საოკუპაციო ხაზთან მდებარე სოფელ აძვის სკოლას ვესტუმრეთ 🙌

სკოლას საჩუქრად წიგნები გადავეცით, ხოლო ჩვენმა მოსწავლეებმა თანატოლებს თავიანთი საყვარელი ნაწარმოებები გააცნეს და წერილებიც გაუზიარეს — შეხვედრა სითბოთი, ინტერესით და გულწრფელი საუბრებით იყო სავსე.

ხელოვნურად შექმნილი საზღვრის სიახლოვე მძიმე განცდებს იწვევს, თუმცა ახალგაზრდების სიყვარული ლიტერატურის, ხელოვნების, ბუნების მიმართ ამ რეალობას ნათელ და იმედისმომცემ კონტრასტად უპირისპირდება. შეხვედრის ბოლოს მოზარდები დარწმუნდნენ, რომ გაცილებით მეტი აქვთ საერთო, ვიდრე წარმოედგინათ. მადლობას ვუხდით აძვის სკოლასა და ბავშვებს გულითადი მასპინძლობისთვის, ხოლო ჩვენს მოსწავლეებს — მონდომებისა და სითბოსთვის, რომლითაც წიგნები, წერილები და საყვარელი ტექსტები გაუზიარეს თანატოლებს 💙

როგორ დავეხმაროთ უფროსკლასელებს, მიიღონ გააზრებული და ეთიკურად მართებული გადაწყვეტილებები? ამაში კრიტიკული აზროვნების კლასებზე მორალის თეორიების განხილვა გვეხმარება 🙌

კვირების მანძილზე გავდიოდით დეონტოლოგიის, არისტოტელიანიზმის, უტილიტარიანიზმისა და სოციალური სამართლიანობის მორალურ თეორიებს, რაც საბოლოოდ დებატებით შევაჯამეთ.

მოსწავლეებმა მცირე ჯგუფებში დაამუშავეს თითოეული თეორია და არგუმენტებზეც იმსჯელეს. დაძაბული და ინტელექტუალური დებატი არგუმენტებისა და კონტრარგუმენტების სიძლიერის შეფასებით დასრულდა 🧠

ამ თეორიების ცოდნა ჩვენს მოსწავლეებს უბრალოდ აკადემიურ ცოდნას არ სძენს, არამედ ეხმარება, შეაფასონ ესა თუ ის სიტუაცია სხვადასხვა ეთიკური ლინზით და წინასწარ განსაჯონ, რა შედეგები შეიძლება მოჰყვეს მათ მიერ გაკეთებულ არჩევანს

ჩვენი ნოემბრის სტუმარი იქნება ფილოლოგი ზაალ ჩხეიძე თემით „კითხვა და ადამიანი“ 📖

ზაალ ჩხეიძის გამოცდილება პირდაპირ უკავშირდება ლიტერატურას და საკმაოდ მრავალფეროვანია: ლიტერატურული ნაწარმოების თარგმნა, ხელოვნების და ლიტერატურის სწავლება, ჟურნალის რედაქტორობა და სხვა. ამჟამად იგი თბილისის თავისუფალი და აგრარული უნივერსიტეტების ლექტორია.

ჩვენი სტუმარი ლიტერატურის მნიშვნელობასა და სილამაზეზე ისაუბრებს და შეეცდება, ჩვენს მოსწავლეებს მისცეს მოტივაცია, კიდევ უფრო შეიყვარონ წიგნების კითხვა ✨

შეხვედრა გაიმართება 16 ნოემბერს, 14:00 საათზე. დასწრება თავისუფალია ყველა ჩვენი მოსწავლისათვის.

რა მოხდება, თუკი ნახატს მხოლოდ კი არ შევხედავთ, მასში ვიმოგზაურებთ კიდეც და ასე შევიგრძნობთ სულ სხვა სამყაროს, ფერებს, მუსიკას, საკუთარ ემოციებს?

მხატვრობა საუკეთესო მასალაა საკუთარ გრძნობებზე დასაკვირვებლად, ემოციების გასაცნობად. სწორედ ამიტომ ჩვენი გასვლითი კლასი ვიზუალური ენის მნიშვნელობასა და მნახველსა და ნამუშევარს შორის კომუნიკაციას დაეთმო 🎨

ამ მხრივ ფელიქს ვარლამიშვილის ფერწერა განსაკუთრებულია. ის ხომ ჩვეულებრივში არაჩვეულებრივის აღმოჩენის საშუალებასაც იძლევა, თავისი უნიკალური ფერებით, უჩვეულო კომპოზიციებითა და სიმბოლიკით. ვარლას გამოფენაზე სტუმრობით ლეტერატოს მოსწავლეები არა მხოლოდ მის შემოქმედებას გაეცნენ, არამედ პრაქტიკაში გამოსცადეს ვიზუალური კომუნიკაციის ძალა, რაც ემოციური ინტელექტის განვითარებას უწყობს ხელს

#დაინახემეტი

„როცა რაღაცის გვჯერა, გვაქვს სურვილი ვეძებოთ და დავიჯეროთ მხოლოდ ის ინფორმაცია, რომელიც ამ რწმენას ამყარებს, ხოლო განსხვავებულ აზრებს უარვყოფთ ან უგულებელვყოფთ. ამას "დადასტურების მიკერძოება" ეწოდება.“ - წერს ჩვენი მოსწავლე სისი ბურდული თავის სტატიაში „შიშიდან შვებამდე“, რომელიც ჩვენი ჟურნალის მე-18 ნომერში შეგიძლიათ წაიკითხოთ.

ეს ტენდენცია ყოველ ჩვენგანს ახასიათებს. ამიტომ ვცდილობთ ახალგაზრდებში წავახალისოთ შეკითხვა „რატომ?“, გავაჩინოთ ჭეშმარიტების დადგენის სურვილი და დავაფიქროთ ინფორმირებული არჩევანის მნიშვნელობაზე.

სანამ ჟურნალის „მატრიცა“ მე-18 ნომრის საინტერესო სტატიებს გაეცნობით, ჩვენი მოსწავლეები ჟურნალის ახალ ნომერზე იმუშავებენ, სადაც ბევრი ცვლილება გველოდება. მათ შორისაა ახალი რედაქტორის არჩევნები, რომელიც სამი ნომრის განმავლობაში გაუძღვება ჟურნალის შექმნის პროცესს, ითანამშრომლებს რედ. კოლეგიის წევრ მოსწავლეებთან და „მატრიცას“ კიდევ უფრო საინტერესოს გახდის. მოუთმენლად ველოდებით ახალი ნომრის გამოქვეყნებას! მანამდე კი შეგიძლიათ წაიკითხოთ ჩვენი სხვა სტატიები, რომლებიც აქტუალობას არ კარგავს 🙌

ჟურნალი მატრიცა N18 ლეტერატოს მოსწავლეების მიერ შექმნილი ჟურნალი

🎯 „მოსწავლეებთან ურთიერთობისას ჩვენი მიზანია, დავაფიქროთ, დავფიქრდეთ და სიყვარულით მივუდგეთ თითოეულ მათგანს. თუ ჩვენც ვვითარდებით, თუ ჩვენც ვსწავლობთ, მხოლოდ მაშინ გვაქვს უფლება ვასწავლოთ.

როდესაც ყოველ გაკვეთილს თან სდევს აღმაფრენა, აღმოჩენა და შემეცნების სიხარული, ეს ნიშნავს, რომ ჩვენს საქმეს კარგად ვასრულებთ.“

ლეტერატოს გუნდი

აჩუქეთ ბავშვებს დიდი თავგადასავალი, რომელიც მათ პიროვნულ ზრდასა და შემეცნების სიხარულში აისახება.

დარჩენილია სულ რამდენიმე ადგილი.

რა არის დემოკრატია და რატომ არის ის მნიშვნელოვანი? ლეტერატოს მოსწავლეები ეკა გელაშვილი და ელენე ჩიტაიშვილი ჩვენს ვიდეო პოდკასტში სწორედ ამ კითხვებს პასუხობენ.

მოზარდები მსჯელობენ, თუ რატომ არის აუცილებელი მოქალაქეების ჩართულობა სახელმწიფო გადაწყვეტილებების მიღებაში, არისტოტელეს ნააზრევისა და ლიტერატურული ტექსტების მოშველიებით ხსნიან, რა როლს ასრულებს დემოკრატია სამართლიანი და სტაბილური გარემოს უზრუნველყოფაში და ასაბუთებენ, რამდენად მნიშვნელოვანია განათლება და ცოდნაზე დაფუძნებული აზრი ჯანსაღი და თავისუფალი საზოგადოების ფორმირებისთვის 👇

დემოკრატია | ლეტერატოს ვიდეო პოდკასტების სერია #5 ლეტერატოს ვიდეო პოდკასტების სერია