თბილისის 90-ე საჯარო სკოლა

28/05/2026

რუსთავის ისტორიის მუზეუმს ესტუმრა ქ. თბილისის 90-ე საჯარო სკოლის VIIIა- კლასი.
"ნორჩ არქეოლოგთა" პროგრამის ფარგლებში მოსწავლეებმა შეისწავლეს მონღოლთა მიერ დანგრეული ქალაქის ისტორია, აღმოაჩინეს და გამოიკვლიეს არტეფაქტები: საყოფაცხოვრებო ნივთები, სახლის ნანგრევები, იარაღი, სამკაული და სხვ...
მოსწავლეების ცოდნამ და მონდომებამ გიდის მხრიდან დიდი მოწონება დაიმსახურა. ისინი დიდი ემოციებით სავსე დაბრუნდნენ სახლში

27/05/2026

|| ე და ||| ბ კლასის მოსწავლეებმა, დამრიგებელ მაკა ხუჭუასთან, ხელოვნების მასწავლებლებთან , ნატო კემუხტაშვილთან და თამარ გითოლენდიასთან ერთად აღნიშნეს საქართველოს დამოუკიდებლობის დღე — 26 მაისი.
ბავშვებმა მოისმინეს თემატური ლექსები და მოთხრობები სამშობლოზე, ისაუბრეს სამშობლოს სიყვარულზე, საქართველოს ისტორიასა და თავისუფლების მნიშვნელობაზე. მოსწავლეებმა საკუთარი ნამუშევრებითა და პატრიოტული განწყობით კიდევ ერთხელ გამოხატეს სიყვარული საქართველოს მიმართ. ღონისძიება იყო საინტერესო, ემოციური და შემეცნებითი.

27/05/2026

3 გ კლასში განსაკუთრებული სიყვარულით და ემოციებით აღინიშნა საქართველოს დამოუკიდებლობის დღე. ბავშვებმა ისაუბრეს, რას ნიშნავს 26 მაისი თითოეული ქართველისთვის, გაიხსენეს თავისუფლებისა და სამშობლოს მნიშვნელობა.
პატრიოტული ლექსებითა და სიმღერებით ერთმანეთს მიულოცეს ეს მნიშვნელოვანი დღე. დიდი მონდომებით შექმნეს პლაკატი „მომავალი ჩვენია“, რომელმაც კიდევ უფრო გააერთიანა მათი ოცნებები და სიყვარული საქართველოს მიმართ.
აქტივობის დასასრულს მოსწავლეებმა ფერადი ქაღალდებით საქართველოს დროშა ააწყვეს.
დღე განსაკუთრებით თბილი და დასამახსოვრებელი გამოვიდა, რაშიც დიდი წვლილი შეიტანეს კლასის დამრიგებელმა ანა გარშაულიშვილმა,ქართულის მასწავლებელმა მარიამ ლათიბაშვილმა და სსსმ მოსწავლის ასისტენტმა ნანა მამუკელაშვილმა. პატარა გულებში კიდევ ერთხელ გაძლიერდა სამშობლოს სიყვარული და ერთიანობის განცდა.
აქტივობამ ბავშვებს მისცა შესაძლებლობა, ემოციით აღენიშნათ საქართველოსთვის მნიშვნელოვანი დღე.

25/05/2026

სკოლაში მიმდინარე კვირეულის ფარგლებში 6-ა და 6-გ კლასის მოსწავლეებმა პედაგოგ მაია სამხარაძის ხელმძღვანელობით სცენაზე ისტორია გააცოცხლეს, წარმოადგინეს შთამბეჭდავი და ემოციური შემოქმედებით ღონისძიება ,,დედა ეკლესია 1700 წლისაა" ,რომელიც საქართველოს გაქრისტიანების უდიდეს ისტორიულ გზას მიეძღვნა. ღონისძიების ფარგლებში მოსწავლეებმა მაყურებლები საუკუნეების სიღრმეში ამოგზაურეს. სცენაზე ერთმანეთს შეხვდნენ წარსულისა და თანამედროვეობის უმნიშვნელოვანესი სახეები: წმინდა ნინოდან და ასურელი მამებიდან დაწყებული — დღევანდელი ემიგრანტებით, ოკუპირებული აფხაზეთისა და სამაჩაბლოს მავთულხლართებთან მცხოვრები მტკიცე ქართველებითა და თანამედროვე ახალგაზრდებით დამთავრებული. ისტორიული ფაქტების გაცოცხლებამ მოსწავლეებს მისცა შესაძლებლობა, ეგრძნოთ თითოეული ეპოქის პასუხისმგებლობა და ეპოვათ კავშირი წარსულის მემკვიდრეობასა და თანამედროვე ყოველდღიურობას შორის. მსგავსი აქტივობები ხელს უწყობს მოზარდებში ეროვნული იდენტობის, სამშობლოს სიყვარულის, მოქალაქეობრივი პასუხისმგებლობისა და თანაგრძნობის გაღვივებას.

22/05/2026

ძვირფასო კურსდამთავრებულებო!

დღეს განსაკუთრებული დღეა — დღე, რომელიც სავსეა სიხარულით, სიამაყითა და ემოციებით. დასრულდა სკოლის წლები, რომლებიც თითოეული თქვენგანისთვის დაუვიწყარ მოგონებებად დარჩება. აქ შეიძინეთ ცოდნა, მეგობრები, გამოცდილება და ის ღირებულებები, რომლებიც მომავალ ცხოვრებაში გზას გაგინათებთ.

ძვირფასო მოსწავლეებო, დღეს თქვენ ახალი ეტაპის დასაწყისთან დგახართ. წინ უამრავი შესაძლებლობა, გამოწვევა და წარმატებაა. გჯეროდეთ საკუთარი თავის, არასოდეს შეწყვიტოთ სწავლა და მუდამ შეინარჩუნეთ ის სითბო და ადამიანურობა, რაც სკოლამ გასწავლათ.

მადლობა მასწავლებლებს — თქვენი შრომისა და სიყვარულისთვის, და მშობლებს — მხარდაჭერისა და თავდადებისთვის.

გისურვებთ ბედნიერ, წარმატებულ და ნათელ მომავალს!
იყავით მიზანდასახულები, კეთილები და ძლიერი ადამიანები.
დაე, თქვენი ოცნებები რეალობად ქცეულიყოს!

გილოცავთ სკოლის დამთავრებას და წარმატებულ მომავალს გისურვებთ!

20/05/2026

დღეს სკოლასთან ინტეგრირებული საგანმანათლებლო პროგრამა "გრაფიკული დიზაინის" მე-2 კურსის სტუდენტებმა სკოლის საააქტო დარბაზში, სტენდებზე წარადგინეს სადიპლომო ნამუშევრები და მოაწყვეს პრეზენტაცია.
მათ სიტყვით მიმართეს სკოლის დირექტორმა ქ-ნ თამარ მელიქიძემ და პროგრამის ხელმძღვანელმა ქეთევან გორდულავამ.
ღონისძიებას ესწრებოდნენ უფროსკლასელები, სკოლის მასწავლებლები და ინტეგრირებული პროგრამის ლექტორები,

20/05/2026

ისანი-სამგორის რაიონის საგანმანათლებლო რესურსცენტრის ინიციატივით ქალაქ თბილისის N90 საჯარო სკოლამ უმასპინძლა ქართველ პოეტებს: ანდრო ჩაჩანიძეს, იზა კარიჭაშვილსა და იმედა ხადურს. მოსწავლეებმა მოისმინეს სითბოთი და სიყვარულით გაჟღენთილი ლექსები. განსაკუთრებით შთამბეჭდავი იყო ბატონ ანდრო ჩაჩანიძის სონეტები. შეხვედრის დასასრულს გაიმართა საინტერესო დიალოგი, ბავშვებმა წაიკითხეს ლექსები. სტუმრები აღაფრთოვანა პატარა დეკლამატორმა იოანე ძერიამ.

19/05/2026

18 მაისი ეროვნული სამოსის დღეა!
დღეს საოცარი განწყობა სუფევდა სკოლაში! ყველა ერთმანეთს ეფერებოდა და პატივისცემას გამოხატავდა! მოსწავლეებს არც მასწავლებლები და დირექცია ჩამორჩა! ზოგმა ექსპრომტად ფლეშმობიც დადგა!
სკოლაში მართლაც მოეწყო ცოცხალი ქართული ეთნოგრაფიული გამოფენა!
არც ინდოელი გოგონას სამოსი გამორჩენია ვინმეს!

17/05/2026

კლასის საათის ფარგლებში საინტერესო აქტივობა ჩატარდა მე-5 კლასში. დამრიგებელმა ლარისა იაკობიშვილმა და ინკლუზიურ განათლებაში ჩართულმა სპეციალისტებმა ( მ. გირკელიძე, ნ.გოგოლაძე, ნ. მამუკელაშვილი) მოსწავლეებს შესთავაზეს მოერგოთ რესპოდენტის როლი , ისინი ყულაბიდან იღებდნენ ბარათებს, რომლებზედაც მოცემული იყო სხვადასხვა შეკითხვა და პასუხობდნენ მათ. კითხვები ავითარებდნენ კრიტიკულ და კრეატულ აზროვნებას, თვითშემეცნებისა და პოზიტიური ურთიერთობის დამყარებისკენ მოუწოდებდნენ ბავშვებს. მოსწავლეები თამაშ-თამაშით, ხალისით ჩაერთნენ აქტივობაში, აღნიშნეს, რომ ბევრი საინტერესო შეიტყვეს ერთმანეთის შესახებ, მსგავსი შეხვედრის განმეორების სურვილი გამოთქვეს.

Send a message to learn more

14/05/2026

მე-3ბ კლასში ( დამრიგებელი მაკა ხუჭუა) ჩატარდა ჯგუფური აქტივობები, რომლებიც მიზნად ისახავდნენ თანამშრომლობის, კომუნიკაციის და ურთიერთთანამშრომლობის უნარების განვითარებას. ფსიქოლოგის მერი გირკელიძის, სპეციალური მასწავლებლის მადონა ჭუნიაშვილისა და ასისტენტის სოფია გველებიანის დახმარებით მოსწავლეები ხალისით ჩაერთნენ სხვადასხვა შემეცნებით თუ მოძრავ, სახალისო აქტივობებში. მათ მოახდინეს სხეულის მოძრაობათა კოორდინაცია, გამოხატეს ემოციები, პოზიტიური გზავნილები მიუძღვნეს ერთმანეთს . აქტივობების პროცესში გამოყენებულმა ენერჯაიზერებმა დადებითი მუხტი შემატა შეხვედრას, ხელი შეუწყო ემპატიის, მეგობრული დამოკიდებულების გაძლიერებას.

14/05/2026

ჩვენი სკოლის დავითიანნის სასკოლო კლუბის მოსწავლეები მონაწილეობედნენ ინტელექტუალურ კონკურსში — „გაიცანი აფხაზეთი — დაიცავი მემკვიდრეობა“
I ადგილის დაკავებისთვის სკოლას გადაეცა სიგელი, ხოლო მოსწავლეს საბა ჭელიძეს, აფხაზეთის ავტონომიური რესპუბლიკის იძულებით გადაადგილებულ პირთა მინისტრისგან დავით ფაცაციასგან - საგზური სომხეთში