სსიპ ქალაქ თბილისის N208 საჯარო სკოლა

  • Home
  • Georgia
  • Tbilisi
  • სსიპ ქალაქ თბილისის N208 საჯარო სკოლა

სსიპ ქალაქ თბილისის N208 საჯარო სკოლა Contact information, map and directions, contact form, opening hours, services, ratings, photos, videos and announcements from სსიპ ქალაქ თბილისის N208 საჯარო სკოლა, School, Zahesi, Tavisuflebis qucha N22, Tbilisi.

XII კლასის მოსწავლე ბარბარე ჟღენტმა მონაწილეობა მიიღო ალტე უნივერსიტეტის სამართლისა და სოციალურ მეცნიერებათა სკოლის მიერ...
20/01/2026

XII კლასის მოსწავლე ბარბარე ჟღენტმა მონაწილეობა მიიღო ალტე უნივერსიტეტის სამართლისა და სოციალურ მეცნიერებათა სკოლის მიერ ორგანიზებულ ესეების კონკურსში თემაზე:
„ხელოვნური ინტელექტი და ადამიანის უფლებები: AI-ის თანამედროვე გამოწვევები“ ✍️

კონკურსში მონაწილეობისთვის და ნაშრომის ღირსეულად წარმდგენისთვის ბარბარეს გადაეცა წარმატებული მონაწილის სერტიფიკატი, რაც მისი შრომის, ანალიტიკური აზროვნებისა და აქტიური სამოქალაქო პოზიციის მნიშვნელოვანი აღიარებაა 🌟

მასწავლებელი: თამუნა რთველიაშვილი.

ვუსურვებთ ბარბარეს კიდევ ბევრ წარმატებას და ახალ გამოწვევებს მომავალში!

კლუბმა „ინოვატორებმა“ ჩაატარეს კარლ პოპერის ღირებულებითი ფორმატის დებატები, დებატების ფარგლებში მონაწილეებმა წარმოადგინ...
31/12/2025

კლუბმა „ინოვატორებმა“ ჩაატარეს კარლ პოპერის ღირებულებითი ფორმატის დებატები, დებატების ფარგლებში მონაწილეებმა წარმოადგინეს არგუმენტები აქტუალურ თემებზე, განავითარეს კრიტიკული აზროვნების, მსჯელობისა და გუნდური მუშაობის უნარები. ღონისძიებამ ხელი შეუწყო მოსწავლეთა ჩართულობას, აზრთა მრავალფეროვნებასა და დისკუსიის კულტურის ჩამოყალიბებას.
ხელმძღვანელები: ნინო კბილაშვილი, ცაცუ გაზდელიანი, ეთო ბეგლარაშვილი

31/12/2025

თვითმმართველობის ინიციატივით, სკოლაში საბაზო და საშუალო საფეხურის მოსწავლეებმა მოაწყვეს კოსტუმირებული კარნავალი, რომელიც სიხარულით, ფერადოვნებითა და შემოქმედებითი იდეებით იყო სავსე.
ღონისძიების დასასრულს გამოვლინდა ნომინაციები, რომლებმაც კიდევ ერთხელ დაგვანახა ჩვენი მოსწავლეების კრეატიულობა, აქტიურობა და გუნდური სულისკვეთება.
გილოცავთ დამდეგ ახალ წელს თითოეულ მონაწილეს! გისურვებთ ბედნიერ, წარმატებითა და საინტერესო მოვლენებით სავსე ახალ წელს. 💥✨🌟💫🎄🎄🎄

IV (ბ) კლასის მოსწავლეებმა საყვარელი ნაწარმოებების მიხედვით წარმოადგინეს ლიტერატურული კომპოზიცია, სპექტაკლი “მეგობრობა გ...
29/12/2025

IV (ბ) კლასის მოსწავლეებმა საყვარელი ნაწარმოებების მიხედვით წარმოადგინეს ლიტერატურული კომპოზიცია, სპექტაკლი “მეგობრობა გზად და ხიდად”🫂🤍
პატარებმა თანამედროვეობაში გადმოიყვანეს კრუელა, რომელიც მოდას ფეხს უწყობს, ახლა კი ციცინათელებითაა დაინტერესებული. ✨🪄ბუნების დამცველებს ის სპეცკონტროლზე ჰყავთ აყვანილი, თუმცა მაინც არ ნებდება, მოტაცებული ციცინათელების დასაბრუნებლად ბაიას და სალამურას ჩვენი საყვარელი სახეები ეხმარებიან: პეპი და მისი მეგობრები, პატარა პრინცი, მელაკუდა და ვარდი, ფერია წკრიალა, ჰეკლბერი ფინი და ტომ სოიერი.🦊🤍🥀
სპექტაკლმა დიდი შთაბეჭდილება მოახდინა და კიდევ ერთხელ შეგვახსენა მეგობრობის ფასი.🤍❤️🤍✨
იმეგობრეთ! გიყვარდეთ! იზრუნეთ!
დამრიგებელი- ლელა მოდებაძე

X.5 კლასის მოსწავლეებმა წარმატებით მიიღეს მონაწილეობა გამომცემლობა „ფასკუნჯის“ მიერ ორგანიზებულ მინი მასტერკლასში თემაზე...
29/12/2025

X.5 კლასის მოსწავლეებმა წარმატებით მიიღეს მონაწილეობა გამომცემლობა „ფასკუნჯის“ მიერ ორგანიზებულ მინი მასტერკლასში თემაზე ✍️ „როგორ დავწეროთ მოთხრობა“.

მასტერკლასის ფარგლებში მოსწავლეებმა:
📖 წარადგინეს საკუთარი შემოქმედებითი იდეები
✍️ გაეცნენ მოთხრობის აგების ძირითად პრინციპებს
✨ განავითარეს წერითი და შემოქმედებითი უნარები

მონაწილეები იყვნენ:
• ნინო ჩხიკვაძე
• ოთარ ბერაძე
• ლუკა ოდიშელიძე
• ბეჟან ბაკურაძე

შეხვედრის დასასრულს ყველა მონაწილეს გადაეცა სერტიფიკატი, როგორც შემოქმედებითი გზის პირველი მნიშვნელოვანი ნაბიჯი.

ვულოცავთ ჩვენს მოსწავლეებს და ვუსურვებთ კიდევ ბევრ წარმატებულ ლიტერატურულ თავგადასავალს 📚💛

I(გ) კლასში ჯადოსნური საახლაწლო განწყობა სუფევდა.✨🤍🎄პატარებმა ყველასათვის საყვარელი, პიტერ პენის ჯადოსნური კუნძულის მკვი...
29/12/2025

I(გ) კლასში ჯადოსნური საახლაწლო განწყობა სუფევდა.✨🤍🎄
პატარებმა ყველასათვის საყვარელი, პიტერ პენის ჯადოსნური კუნძულის მკვიდრებად წარმოადგინეს თავი🧚🏻🪄. იმღერეს, იცეკვეს, ლექსები თქვეს და თოვლის ფიფქებიც მოიყვანეს. ❄️🤍
გულწრფელი ემოციებითა და სიხარულით ყველას დაუვიწყარი შთაბეჭდილება დაგვიტოვეს. დღის ყველაზე სასიამოვნო დასასრული კი თოვლის პაპის სტუმრობა იყო.❤️❤️🎄🎄✨✨🎅🏻🎁
დამრიგებელი- ლელა მოდებაძე

2(ბ) კლასის მოსწავლეებმა საახალწლო ზეიმი ჩაატარეს.🎊👏 ❤️იმღერეს, იცეკვეს, ლექსები წარმოთქვეს ახალი წლის მნიშვნელობ...
25/12/2025

2(ბ) კლასის მოსწავლეებმა საახალწლო ზეიმი ჩაატარეს.🎊👏
❤️იმღერეს, იცეკვეს, ლექსები წარმოთქვეს ახალი წლის მნიშვნელობაზე იმსჯელეს და დამსახურებული საჩუქრებიც 🎁❤️მიიღეს თოვლის პაპისგან.
ღონისძიებას საზეიმო ელფერი შესძინა ლამაზად გაფორმებულმა სააქტო დარბაზმა.
დამრიგებელი:თამარ ცხვედიანი;
🎹 მუსიკის პედაგოგი -ლეილა მუსხელიშვილი.

V1, V2 და V3 კლასებში პედაგოგ ნანა გოგიაშვილის ხელმძღვანელობით განხორციელდა საგანმანათლებლო პროექტი „მზის სისტემა, მზის ...
24/12/2025

V1, V2 და V3 კლასებში პედაგოგ ნანა გოგიაშვილის ხელმძღვანელობით განხორციელდა საგანმანათლებლო პროექტი „მზის სისტემა, მზის და მთვარის დაბნელება“.
პროექტის ფარგლებში მოსწავლეებმა იმოგზაურეს მზის სისტემაში და გაეცნენ პლანეტებს, ვარსკვლავებსა და თანავარსკვლავედებს.
პროექტის ფარგლებში განხორციელდა შემდეგი აქტივობები:
🔹 ინტერნეტით ინფორმაციის მოძიება პლანეტების, მზის დაბნელების, ვარსკვლავებისა და თანავარსკვლავედების შესახებ
🔹 დედამიწისა და მთვარის შესწავლა
🔹 მიღებული ცოდნის პრეზენტაცია
🔹 თემატური ფორმატების შექმნა და შემოქმედებითი გაფორმება
მოსწავლეებმა წარმატებით წარმოადგინეს ნამუშევრები, გამოხატეს საკუთარი ცოდნა.

10.2 კლასის მოსწავლეებმა პედაგოგ ლეილა მუსხელიშვილის ხელმძღვანელობით წარადგინეს პროექტი „მუსიკათერაპია და პიროვნების სოც...
23/12/2025

10.2 კლასის მოსწავლეებმა პედაგოგ ლეილა მუსხელიშვილის ხელმძღვანელობით წარადგინეს პროექტი „მუსიკათერაპია და პიროვნების სოციალიზაცია“.

პროექტის ფარგლებში მოსწავლეებმა საინტერესოდ და ამომწურავად ისაუბრეს მუსიკათერაპიის არსზე და მის სამედიცინო-ფსიქოლოგიურ ზემოქმედებაზე. მათი განმარტებით, მუსიკათერაპია მნიშვნელოვან როლს ასრულებს ფსიქიკური ჯანმრთელობისა და ზოგადი კეთილდღეობის გაუმჯობესებაში, ხელს უწყობს კომუნიკაციის, თვითგამოხატვისა და სოციალიზაციის პროცესს.

პროექტი გამდიდრებული იყო ვიდეომასალებით, რომლებშიც ნაჩვენები იყო მუსიკათერაპიის სხვადასხვა მიდგომა. მოსწავლეებმა აღნიშნეს, რომ აღნიშნულ პროცესში შესაძლებელია როგორც შეზღუდული შესაძლებლობების მქონე, ასევე ტიპიური განვითარების მქონე მოზარდებისა და ბავშვების ჩართვა.

პროექტი გამოირჩეოდა შინაარსობრივი სიღრმით, აქტუალური თემატიკითა და შემოქმედებითი მიდგომით.

19/12/2025

10.4 კლასის მოსწავლეებმა მუსიკის პედაგოგ ლეილა მუსხელიშვილის ხელმძღვანელობით წარმატებით განახორციელეს პროექტი „ქართული ეროვნული მუსიკის იდენტობა და მისი კავშირი ევროპულ მუსიკასთან ზაქარია ფალიაშვილის შემოქმედებაში“ 🎼

პროექტი საინტერესოდ და შემოქმედებითად იქნა წარმოდგენილი. მოსწავლეებმა დამსწრე საზოგადოებას გააცნეს, თუ როგორ შეერწყა ზაქარია ფალიაშვილის შემოქმედებაში ქართული ხალხური ფოლკლორის სიდიადე და ეროვნული მუსიკის მიღწევები. 🎶

პრეზენტაციის დროს გამოიკვეთა ფალიაშვილის განსაკუთრებული როლი ქართული მუსიკალური თვითმყოფადობის შენარჩუნებასა და მსოფლიო მუსიკალურ სივრცეში მისი ღირსეული ადგილის დამკვიდრებაში. პროექტმა კიდევ ერთხელ დაადასტურა მოსწავლეთა ინტერესისა და პასუხისმგებლობის მაღალი დონე ქართული კულტურული მემკვიდრეობისადმი 🇬🇪

X⁴ კლასის მოსწავლეებმა ჩაატარეს საგაკვეთილო პროექტი – „ქალთა ისტორიული როლის წარმოჩენა და მათი უფლებების გაცნობა“ , რომლ...
10/12/2025

X⁴ კლასის მოსწავლეებმა ჩაატარეს საგაკვეთილო პროექტი – „ქალთა ისტორიული როლის წარმოჩენა და მათი უფლებების გაცნობა“ , რომლის მიზანი იყო ქალთა ისტორიული როლის გააზრება და თანამედროვე უფლებების გაცნობა. პროექტის ფარგლებში მოსწავლეებმა:
• მოიძიეს ინფორმაცია სხვადასხვა ისტორიულ წყაროზე დაყრდნობით;
• მოამზადეს კედლის გაზეთები და ვიზუალური მასალები;
• ჩაატარეს ინტერვიუ-გამოკითხვა თემის შესახებ;
• ორგანიზება გაუკეთეს შეხვედრას ორგანიზაცია „საფარის“ წარმომადგენელთან, რომელთანაც ისაუბრეს ძალადობის პრევენციასა და ქალთა უფლებების დაცვაზე.

მოსწავლეებმა პროექტის საშუალებით გააძლიერეს კვლევითი, კრიტიკული აზროვნებისა და სოციალური პასუხისმგებლობის უნარები.
მასწავლებელი: ნინო კბილაშვილი

VI.1, VI.2, VI.3 და VI.4 კლასებში, პედაგოგ ნანა გოგიაშვილის ხელმძღვანელობით, მოქალაქეობრივი პასუხისმგებლობის გაღრმავების...
05/12/2025

VI.1, VI.2, VI.3 და VI.4 კლასებში, პედაგოგ ნანა გოგიაშვილის ხელმძღვანელობით, მოქალაქეობრივი პასუხისმგებლობის გაღრმავების მიზნით ჩატარდა კვლევა თემაზე: „როგორ მოქმედებს საყოფაცხოვრებო ნარჩენები გარემოს მდგომარეობასა და ადამიანის ჯანმრთელობაზე“
კვლევის მიზანი იყო მოსწავლეებს დაედგინათ, თუ როგორ ზემოქმედებს საყოფაცხოვრებო ნარჩენები გარემოსა და ადამიანის ჯანმრთელობაზე. მათ გააცნობიერეს, რომ ნარჩენების გონივრული მართვა და რეციკლირება შესაძლებელია ისე, რომ გარემოს ზიანი არ მიადგეს და თავიდან იქნას აცილებული დაბინძურება.
კვლევის ფარგლებში განხორციელდა რამდენიმე მნიშვნელოვანი აქტივობა:

- მოსწავლეებმა მოიძიეს ინფორმაცია ნარჩენების სახეებსა და მათ ზემოქმედებაზე;
- გამოთვალეს საშუალო რაოდენობა, თუ რამდენი ნარჩენი გროვდება ოჯახებში;
- განიხილეს ნარჩენების სხვადასხვა ტიპი და მათი მეორეული გადამუშავების მნიშვნელობა.

კვლევის დასასრულს მოსწავლეებმა თავად შექმნეს პრეზენტაციისთვის საჭირო სასწავლო ფორმატები და შემოქმედებითად გააფორმეს ისინი.

Address

Zahesi, Tavisuflebis Qucha N22
Tbilisi

Website

Alerts

Be the first to know and let us send you an email when სსიპ ქალაქ თბილისის N208 საჯარო სკოლა posts news and promotions. Your email address will not be used for any other purpose, and you can unsubscribe at any time.

Shortcuts

Share

Category