Know How Training Center

ტრენინგი

ფონდების მოძიება და საგრანტო განაცხადის მომზადება

ტრენინგი მოიცავს შემდეგ საკითხებს:
• პრობლემის აღწერა/ საჭიროების გამოვლენა;
• პრაქტიკული SWOT ანალიზი (დონორისა და ორგანიზაციის ინტერესების თანხვედრა);
• დონორების იდენტიფიცირება და მათი ნდობის მოპოვება;
• საგრანტო გზამკვლევის დამუშავება;
• პროექტის ლოგიკური მოდელი (რესურსები, ქმედებები, შედეგი) (input-output-outcome);
• „ბენჩმარკინგი“ და ინდიკატორების მომზადება SMART პრინციპით;
• ბიუჯეტის მომზადება;
• დროში განაწილება;
• სათაური და რეზიუმე;
• რისკები და მდგრადობა.

ტრენინგი ჩატარდება ონლაინ, გაგრძლდება 3 საათი, ერთი ოცწუთიანი შესვენებით,
თარიღი: 3,6 და 10,13 დეკემებერი, 2025 (ოთხშაბათი და შაბათი)
საათი: 19:00 - 21:00

ტრენინგს გაუძღვება: დავით დარსაველიძე MPA, PhD, ე.წ. „სოფტ“ უნარების სერტიფიცირებული ტრენერი, ფონდების მოძიების 20 წელს მეტი გამოცდილებით.

ტრენინგის მსვლელობისას დიდი ყურადღება დაეთმობა პრაქტიკულ სავარჯიშოებს, რაც მაქსიმალურად აღქმად და შინაარსობრივს ხდის ტრენინგს.
ტრენინგის დასასრულს მონაწილეებს გადაეცემა სერტიფიკატი.
რეგისტრაცია: 30 ნოემბრამდე, სმს-ით გამოგვიგზავნე შენი სახელი, გვარი, და წერილის სათაურში მიუთითეთ ტრენინგის დასახელება (ექსელი (Excel) ბიზნესში - ფინანსური მოდელირება) მისამართზე: 557000587.

საფასური: 300 ლარი
თანხის გადახდა: 30 ნოემბრამდე, საბანკო რეკვიზიტების მისაღებად დაგვიკავშირდით სმს-ით ან დაგვირეკეთ ტელეფონზე: 557 000 587.

ტრენინგი:
„ექსელი (Excel) ბიზნესში - ფინანსური მოდელირება“

თუ ვმუშაობთ კერძო კომპანიაში, სახელმწიფო უწყებასა თუ არასამთავრობო ორგანიზაციაში და აქტიურად ვიყენებთ ციფრებს, დიდია ალბათობა იმისა, რომ ჩვენ ყოველდღიურ საქმინაობაში ვიყენებთ Excel-ს.
ჩვენი სამუშაო პროცესი მოიცავს მონაცემთა ანალიზს და ანგარიშის წარმოებას. შესაძლოა, ასევე, მოიცავდეს მოდელების შექმნას, რომელიც ხელს უწყობს კომპანიას გაზარდოს მოგება, შეამციროს დანახარჯები და/ან მართოს საოპერაციო საქმიანობები უფრო ეფექტურად.
მაშინ ეს ტრენინგი სწორედ თქვენთვისაა განკუთვნილი.
აღნიშნული ტრენინგის მიზანია Excel-ის გამოყენებით ფინანსური მოდელირებების შესწავლა და მათი დახმარებით გადაწყვეტილების მიღების გამარტივება (კურსი ეფუძნება ბიზნეს ქეისების ჰარვარდის ქეის მეთოდოლოგიას).

ტრენინგი მოიცავს შემდეგ 4 მოდულს:
1) ფინანსური მოდელირებების გაცნობა Excel-ში
Spreadsheet vs financial model
ფინანსური ფუნქციები Excel-ში (NPV, IRR, PV etc)
მარტივი ფუნქციების მიღმა: SUMIF, COUNTIF, VLOOKUP
ჯგუფის მიერ Excel-ში პრაქტიკული მაგალითების ამოხსნა და ტექნიკური კითხვების გარჩევა

2) ფინანსური აპლიკაციები Excel-ში დასახული მიზნის მისაღწევად
დისკონტირების განაკვეთის განსაზღვრა
Break-even ანალიზი
ჯგუფის მიერ Excel-ში პრაქტიკული მაგალითების ამოხსნა და ტექნიკური კითხვების გარჩევა

3) WACC და მოდიფიცირებული IRR
WACC-ის გამოთვლა Excel-ში
მოდიფიცირებული IRR: პროექტები შესაძლო რეინვესტირებით
ჯგუფის მიერ Excel-ში პრაქტიკული მაგალითების ამოხსნა და ტექნიკური კითხვების გარჩევა

4) მგრძნობელობის ანალიზი (Sensitivity analysis) ფინანსურ მოდელირებაში
სცენარები (პესიმისტური, რეალური და ოპტიმისტური), სენსიტიური and what-if ანალიზები
მონაცემთა ცხრილები სენსიტიური ანალიზისთვის (sensitivity analysis)
სცენარების მართვა Excel-ში
ჯგუფის მიერ Excel-ში პრაქტიკული მაგალითების ამოხსნა და ტექნიკური კითხვების გარჩევა

ტრენინგს გაუძღვება: გრიგოლ მოდებაძე, MA, PhD
ეკონომისტად მუშაობის 15 წელზე მეტი გამოცდილებით: მსოფლიო ბანკში ეკონომისტად, პრემიერის სათათბირო ინსტიტუციაში წამყვან ანალიტიკოსად, თინქთანქსა თუ კერძო ფირმებში მონაცემთა ანალიზისა და კვლევების ინტენსიური საქმიანი პორტფოლიოთი. გარდა ამისა, თავისუფალ უნივერსიტეტში ლექციების ხელმძღვანელი სხვადასხვა წამყვან ეკონომიკურ დისციპლინებში.
იხილეთ მისი პროფესიული პორტფელი ლინკზე: https://www.linkedin.com/in/Grigol-Modebadze

ტრენინგის მსვლელობისას დიდი ყურადღება დაეთმობა პრაქტიკულ სავარჯიშოებს, რაც მაქსიმალურად აღქმად და შინაარსობრივს ხდის ტრენინგს.
ტრენინგის დასასრულს მონაწილეებს გადაეცემა სერტიფიკატი.
რეგისტრაცია: 29 ნოემბრამდე, სმს-ით გამოგვიგზავნე შენი სახელი, გვარი, და წერილის სათაურში მიუთითეთ ტრენინგის დასახელება (ექსელი (Excel) ბიზნესში - ფინანსური მოდელირება) მისამართზე: 557000587.
ტრენინგი ჩატარდება: 1,3, 8 და 10 დეკემბერს (ორშაბათი და ოთშაბათი).
ტრენინგის დრო: 19:00-21:00 სთ, ერთი შესვენებით. ჯამში შედგება 4 შეხვედრა
ტრენინგის ადგილი: ონლაინ
საფასური: 300 ლარი
თანხის გადახდა: 30 ნოემბრამდე, საბანკო რეკვიზიტების მისაღებად დაგვიკავშირდით სმს-ით ან დაგვირეკეთ ტელეფონზე: 557 000 587.

დეტალებზე კითხვებით:
მოგვწერეთ სმს ან დაგვირეკეთ: 557 000 587-ზე
დაგვიმეგობრდით: facebook.com/khtc.ge-ზე
წარმატებებს გისურვებთ!
ნოუჰაუ ტრენინგ ცენტრი – გამოცდილების გაზიარების პლატფორმა
Know How Training Center – experience sharing platform

8. მეს მიღმა?
ვინც იტყვის ეგოისტი არ ვარო, ალბათ, თავს მოიტყუებს ან შესაძლოა სხვაგვარად აღიქვამდეს ეგოიზმს.

ნებისმიერი ადამიანი ეგოისტია, ის ცდილობს საკუთარი ინტერესების მაქსიმალურად რეალიზებას და სხვაგვარი აღქმა მხოლოდ სტერეოტიპებით ჩამოყალიბებულ ლაბირინთის ერთი მორიგი ჩიხია.
ზოგის ეგო გაზრდილია, ზოგის შედარებით მცირე, ზოგის ეგო უხეში პირდაპირი ფორმებით გამოიხატება, ზოგის კი დახვეწილი და მისაღებია. თუ ერთი ადამიანის ქცევა შემაწუხებელია და ამბობენ როგორი „ეგოსიტია“, ეს ხშირ შემთხვევაში ასოცირდება დაუხვეწავ ეგოსთან. განათლებული და, ამასთან, განვითარებული ემოციური ინტელექტის ადამიანი იმ ფორმით ახდენს მისი ეგოს დემონსტრირებას, რომ ეს სხვებისთვის არა თუ გამაღიზიანებელი, არამედ მისაღებიცაა, სხვა სიტყვებით, ის ფიქრობს სარგებელი მიიღოს არამხოლოდ მან, არამედ პროცესში ჩართულმა სხვა მხარეებმაც.

აინშტაინს აქვს ნათქვამი: რაც უფრო განათლებულია ადამიანი, მისი ეგო უფრო მცირეაო, ვფიქრობ უფრო მართებულია ვთქვათ: რაც უფრო განათლებულია ადამიანი მისი ეგო უფრო დახვეწილია. განათლებით ეგო არათუ მცირდება, იზრდება, თუმცა, სწორ ფორმას იღებს, ისეთ ფორმას, რომ სხვებსაც რგებს და ეს თვალშისაცემი სულ უფრო ნაკლებადაა.

ე.ი. ადამიანის განათლების მიღებისა და ემოციური ინტელექტის განვითარებასთან ერთად უფრო მისაღები ფორმით ყალიბდება მისი ეგო და იმდენად ნაკლებადაა ის გამაღიზიანებელი, რომ ზოგჯერ ადამიანმა შეიძლება იფიქროს, რომ ეს ადამიანი ეგოსგან „გათავისუფლებულია“, სინამდვილეში ეს ასე არაა.

შეიძლება ვინმემ იკითხოს: სად არის ეგო როცა ადამიანი სხვას ეხმარება, მაგალითად შეჭირვებულზე ფულით დახმარება „არაფრის“ სანაცვლოდ ან კიდევ შვილისთვის სიცოცხლის გაწირვა. როცა სხვას „უანგაროდ“ ეხმარება ადამიანი, ბევრი მიზეზის გამო შეიძლება აკეთებდეს, რაც კვლავაც ეგოს უკავშირდება: შეიძლება ადამიანს სწამდეს, რომ კეთილი საქმე გარდაცვალების შემდეგ მისი სულის ცხოვნებისთვის აუცილებელი ქმედება იყოს, ან კიდევ მას სიამოვნებას ანიჭებდეს სხვის თვალებში ამოკითხული მადლიერება/იმედი, ან კიდევ სურდეს წარმოჩენა რომ სხვას ეხმარება, ან სულაც ცდილობდეს მსგავსი ადამინებისგან აგრესიის თავიდან აცილებას და კიდევ სხვა მრავალი. შვილის შემთხვევაში, ეგოცენტრული ფაქტორები კიდევ უფრო მარტივად შესაცნობია, შვილი ქვეცნობიერ დონეზე მშობლის მიერ მის ყველაზე ფასდაუდებელ ნაწილად აღიქმება და იმდენად დიდი საგანძურია რომ მისი სიცოცხლე ხშირ შემთხვევაში მეორე ხარისხოვნადაც კი წარმოსდგება, შვილი მშობლისთვის მისი სხეულის ყველაზე მგძნობიარე ნაწილია, რომლისთვის ზრუნვა, როგორც წესი, სწორედ რომ მისი ეგოს დაკმაყოფილების აუცილებელი პირობაა.

სწორად ფორმირებული ეგო ჩვენი წარმატებისა და ბედნიერების გასაღებია, ის ჩვენი არათუ პროფესიული ზრდისა თუ რეალიზების აუცილებელ ნაწილს, არამედ ყოველდღიური ცხოვრების ლოგიკურად მამოძრავებელ ძალას წარმოადგენს.

7. უფროსობის გარეშეც „მოსულა“

ყველას პირველობა უნდა და ბევრს გვგონია პირველობა უფროსობაშია, სამწუხარო რეალობაა რომ პირველობას უმეტესწილად ვერტიკალურ დაქვემდებარებაში (უფროსისა და შემსრულებლის) და არა ჰორიზონტალურ იერარქიაში (პროფესიონალიზმის ხარისხით) ვხედავთ. არადა, ბედნიერებას შესაძლოა ერთი რომელიმე ჩვენთვის სასურველი პროფესიის სათანადო დაუფლებით მივაღწიოთ და უფროსობა საერთოდ არ დაგვჭირდეს.
თუ უფროსობას ზედმეტად არ ვეტრფით და ვეძებთ ჩვენი განვითარებისთვის ყველაზე სასურველ კალაპოტს, მაშინ უფრო დიდი წარმატების მიღწევა შეგვიძლია და შესაბამისად, განვლილი ცხოვრებაც ბედნიერი წუთების ნაკრები დიდი ისტორია ხდება, რომლის ფურცლების გაცნობა, საინტერესო ამბის მთხრობელად აქცევს ავტორს.

მენეჯერობა/უფროსობა საჩვენოა?

ბევრი ადამიანი ხარბი თვალით უყურებს მენეჯერების, მმართველების პოზიციებს, თუმცა არ იაზრებს რამდენადაა ეს მისთვის სასურველი. იყო მმართველი აუცილებლად მოითხოვს სპეციალურ უნარებს, როგორიცაა: განვითარებული კომუნიკაციის უნარი და ინტუიცია, ერთდროულად სხვადასხვა ქმედებების გააზრება და დროული გადაწყვეტილების მიღების უნარი, სამართლიანობა, ვერტიკალური და ჰორიზონტალური თანასწორობის აღქმა, მართვის სხვადასხვა სტილების (ლიდერი, ექსპერტი, ფასილიტატორი, მკვლევარი, და ა.შ. ) გამოყენების უნარი და სხვა მრავალი. აღნიშნული უნარები მინიმალურ დონემდე შესაძლოა განივითაროს ინდივიდმა, თუმცა, მის მიღმა, აღნიშნული უნარები მის ბუნებრივად ძლიერ მხარეს თუ არ წარმოადგენს, სათანადო მენეჯერად ვერ ჩამოყალიბდება.

ამასთან, ე.წ. უფროსობა დიდი პასუხისმგებლობაა და თუ ადამიანი ბუნებრივად არ არის ზემოთ მოყვანილი სპეციალური უნარებით დაჯიდოვებული, მისი მხრიდან მართვა შესაძლოა არცთუ ისე სახარბიელო მაგალითად იქცეს. მაშინ როცა, გამორჩეულად სამაგალითო იყოს მისი როგორც რომელიმე დარგის სპეციალისტის/შემსრულებლის საქმიანობის შედეგი.

აუცილებელია გვახსოვდეს რომ მართვა, მენეჯმენტი ერთ-ერთი სპეციალიზაციაა და მის გარდა, უამრავი სხვა სპეციალობაა, რომელშიც უმეტესი ჩვენგანი ბევრად უფრო კარგად ვრეალიზდებით და ვპოულობთ ჩვენთვის სასურველ ბედნიერებას.

ესეც დიდ ბრიტანეთში სწავლის დაფინანსების შესაძლებლობა https://www.facebook.com/photo/?fbid=720115153491889&set=a.306431858193556

The wait is almost over...

Get ready for applications to open TOMORROW. Our application advice and guidance is here to help 👇

chevening.org/guidance

FLEX პროგრამით ამერიკაში სწავლების შესაძლებლობისთვის, რეგისტრაცია მიმდინარეობს შესაბამისი სასკოლო ასაკის მოსწავლეებისთვის.

აგერ, ბურთი და მოედანი, წარმატებები 👀🎯✈️🏛 🇺🇸

Future Leaders Exchange Program — AC Georgia FLEX Program აპლიკაციების მიღება დაიწყება აგვისტოში  აღმოაჩინე FLEX-ი, აღმოაჩინე სამყარო! აპლიკაციის შევსება მომავალ ლიდე...

6. ბედნიერებას წარმატება ეწირება?

არამცდაარამც, თუ ბედნიერების საზომით ავწონდავწონით წარმატებისკენ სავალ ნებისმიერ გზას და მნიშვნელოვანი გადაწყვეტილების მიღების დროს ერთ-ერთ აუცილებელ საზომად ბედნიერებას გამოვიყენებთ, ჩვენ გავხდებით წარმატებული, ამასთან ბედნიერიც.

სხვა სიტყვებით, სანამ გადაწყვეტილებას მივიღებთ, საკუთარს თავს უნდა ვკითხოთ − ეს გადაწყვეტილება გაგვაბედნიერებს? ესა თუ ის სამსახური, სამეგობრო, საცხოვრებელი ადგილი, მანქანა თუ სხვა სტატუსი და ქონება ჩვენ ბედნიერს გაგვხდის, თუ პირიქით.

- წარმატება ცალკე მდგომი ღირებულია?

რადგან წარმატება ვიწრო გაგებითაც შეიძლება შეფასდეს, მაგალითად წარმატებად შეიძლება ჩაითვალოს მხოლოდ ფულის დაგროვება, ან კიდევ უფროსობა ან პოპულარობა, შესაძლოა ვერ ჩაითვალოს ბოლომდე ღირებულად. რის ფასად მოხდა მისი მიღება მნიშვნელოვანია ვიცოდეთ. თუ წარმატების მიღწევას შევწირეთ ჩვენთვის მნიშვნელოვანი ღირებულებები, მაშინ ის ვერ ჩაითვლება სათანადოდ. მაგ.: თუ დავწინაურდით, მაგრამ ნაცვლად ამისა, დავკარგეთ ჯანმრთელობა, ან დავანგრიეთ ოჯახი, ვფიქრობ, ეს ვერ ჩაითვლება წარმატებად. იგივე შეიძლება ითქვას მაგ.: თუ გამოვიმუშავეთ დიდი რაოდენობით ფული, მაგრამ ვერ შევინარჩუნეთ ღირსება, ოჯახი, მეგობრები და ა.შ., გამომუშავებულ ფულს აზრიც დაეკარგება. წარმატების გზა ბედნიერების გზასთან უნდა მოვიდეს თანხვედარში და მხოლოდ მაშინ გახდება შესაძლებელი ადამინის განვითარების უფრო მაღალ საფეხურზე გადასვლა.

რას ნიშნავს ბედნიერების კულტივაცია?

ბედნიერების კულტივაცია გულისხმობს, ყველაფრის მიუხედავად, ჩვენს გარშემო შევქმნათ პოზიტიური აურა, დავინახოთ გარშემო არსებული სიკეთე და მისი მიღებით მაქსიმალურად ბედნიერად ვიგრძნოთ თავი, რაც შემდგომი განვითარებისა და წინსვლისთვის უნდა გამოვიყენოთ: განათლების, კარიერული ზრდის, ახალგაზრდა თაობების აღზრდის თუ სხვა სასიკეთო საქმეების მისაღწევად. ბედნიერების კულტივაცია არ ნიშნავს ადამიანმა არ შეამჩნიოს უარყოფითი, არასასურველი მოვლენები თუ სხვა, მოაზროვნე არსებისთვის უარყოფითის არ შემჩნევა შეუძლებელიცაა, თუმცა, შეხვდებით რა მას, ის დროულად უნდა გადავჭრათ და თუ ეს ჩვენს ძალებს აღემატება, მუდმივ შინაგან განწყობად არ უნდა ვაქციოთ, აუცილებელია მაქსიმალურად სწრაფად გამოვიდეთ უარყოფითი მდგომარეობიდან, დადებითი ემოციით განვეწყოთ, განვაგრძოთ ბედნიერების მომტანი მდგომარეობის კულტივაცია (გავიხსენოთ და/ან ვიფიქროთ სასიამოვნო ფაქტორებზე).

როგორ შევარჩიოთ ჩვენი ბედნიერება?

ბედნიერების შერჩევისას ჩვენს შეგრძნებებს უნდა დავუკვირდეთ, რა გვაბედნიერებს, თუმცა, არა წამიერად, არამედ, ხანგრძლივად. ღირებულებები, პრინციპები, რაც ჩვენ გვკვებავს და საკუთარ სინდისთან თანაცხოვრებისთვის კომფორტს გვიქმნის, არის ხოლმე ბედნიერების საწყისის ძიების ადგილი.

5. რატომ გვჭირდება მოტივაცია?

ბედნიერებისა თუ წარმატების მისაღწევად, მოტივაცია ერთ-ერთი უმთავრესი ელემენტია. როგორც უკვე ვისაუბრეთ, ბედნიერება ერთგვარი მდგომარეობაა, რომელისთვისაც გამუდმებული ზრუნვა/ძალისხმევაა საჭირო. ამისთვის კი აუცილებელია საჭირო მოტივაცია. ზოგ შემთხვევაში ეს მოტივაცია ნელდება და საჭიროა მისი კვლავაც გააქტიურება-გაძლიერება.
აუცილებელია ყოველი ნაბიჯი სათანადო შემართებითა და ენერგიით გადაიდგას, რისთვისაც შესაფერისი მოტივაციაა საჭირო.

რაა მოტივაცია?

მოტივაცია პროცესია რომელიც შედეგზე ორიენტირებული ქცევის ინიცირებას, ნავიგაციასა და შენარჩუნებას უზრუნველყოფს, ის არის მიზეზი რაც გვიბიძგებს ქმედებისკენ.

მოტივაციის ფორმები როგორია?

• შინაგანი მოტივაცია ხშირ შემთხვევაში შინაგანი, ქვეცნობიერად სასურველი, თვითრეალიზაციის მოთხოვნილებითაა განპირობებული. მაგალითად, სურვილი მიიღო განათლება, გაიზარდო პროფესიულად, ემსახურო გარკვეულ იდეალებს, დაიცვა ღირებულებები და სხვა. ის რაც უმეტესწილად გვაბედნიერებს და საშუალებას გვაძლევს უკეთ ვიგრძნოთ თავი.
• გარეგანი მოტივაცია კი უფრო მატერიალისტური საჭიროებებით: მაღალი ანაზღაურების, სამსახურეობრივი წინსვლის, უკეთ წარმოჩენისა თუ სხვა მსგავსი სურვილითაა განპირობებული. ის რაც ზოგადად მიჩნეულია წარმატებად და აუცილებელია მზარდი მატერიალისტური საჭიროებების დასაკმაყოფილებლად.

გარკვეულწილად შეიძლება ითქვას რომ შინაგანი მოტივაცია ბედნიერების კულტივირების საშუალებაა, მაშინ როცა გარეგანი მოტივაცია უმეტესწილად სიამოვნებისა თუ არსებობისთვის აუცილებელი მამოძრავებელი ფაქტორებითაა განპირობებული.

რატომ გვჭირდება პრიორიტეტების განსაზღვრა?

უმნიშვნელოვანესია სწორად აღვიქვათ რისი მიღწევა გვსურს და ამისთვის რაა საჭირო რომ გაკეთდეს. სხვა სიტყვებით, პრიორიტეტების განსაზღვრა ცალსახად აუცილებელია და მათ შესასრულებლად საკმარისი დრო უნდა გამოვყოთ. თუმცა, უნდა გვახსოვდეს, რომ მნიშვნელოვანი პრიორიტეტების მიღმა რჩება, შედარებით ნაკლები და მცირე მნიშვნელობის საქმეები, რომელთა რეალიზებაც საჭიროა უმთავრესი პრიორიტეტების რეალიზებისთვის.
მაგ.: თუ ჩვენი ერთ-ერთი პრიორიტეტი არის ჯანმრთელობა, ამისთვის აუცილებელია ვარჯიში და სწორად კვება, ამ კუთხით, აუცილებელია სათანადო დრო გამოვყოთ ფიზიკური აქტივობისა და კვებისთვის. თუმცა, თუ სტრესულ სიტუაციას არ შევამცირებთ, დროს არ დავუთმობთ დასვენებას, ან იმ ფაქტორებს რაც ავტომატურად სხეულის მოდუნებასა თუ გააქტიურება იწვევს ძალების აღსადგენად, მაშინ შესაძლოა ეს საკმარისი არ აღმოჩნდეს ჯანმრთელობის შესანარჩუნებლად.
ერთი საინტერესო ვიდეო (A Valuable Lesson For A Happier Life, https://www.youtube.com/watch?v=SqGRnlXplx0) კარგად წარმოაჩენს პრიორიტეტების განსაზღვრის საჭიროებას:

წარმოვიდგინოთ ცხოვრება როგორც ერთი დიდი ქილა, გავავსოთ პინგპონგის ბურთებით, შემდეგ ჩავყაროთ მასში ქვა-ღორღი, შემდეგ ქვიშა, და ბოლოს დავასხათ წყალი.
დავფიქრდეთ, თანმიმდევრობა რომ შეგვეცვალა, რამდენად შევძლებდით ამ ყველაფრის გაკეთებას, რამდენად ჩავატევდით იგივე ოდენობით რამეს მოცემულ ქილაში. ქვიშას თუ ჩავყრიდით, თუნდაც იგივე ოდენობით ის უკვე იმდენად ამოავსებდა ქილას, რომ მასში ბურთების დიდი ნაწილი აღარ ჩაეტეოდა, იგივე ითქმის ქვა-ღორღზეც, ან თუნდაც წყალზე რადგან პინგპონგი მსუბუქია, წყლის ზედაპირზე ტივტივს დაიწყებს, თუმცა თუ ბურთებს ჩავაწყობდით ქვა-ღორღი და ქვიშა იმდენად ამოავსებდა რომ სავარაუდოდ ჩასხმული წყალი ბურთებს ადვილად ვერ დაძრავდა ზედაპირზე.

პინგპონგის ბურთები ჩვენი უმთავრესი საზრუნავებია, ის რაც ყველაზე ღირებულია ცხოვრებაში. მაგ.: ოჯახი, მეგობრები, ჯანმრთელობა, თვითრეალიზების შესაძლებლობა და ა.შ. ის რაც ბედნიერს გვხდის, ჩვენ თავს უფრო ღირებულად და საჭიროდ წარმოაჩენს საკუთარი თავის წინაშე და შემდეგ გარშემო მყოფთათვის.
ქვა-ღორღი ყოველდღიური საქმეებია, საზრუნავია რის გარეშეც წარმოუდგენელია ცხოვრება და აუცილებელი დამხმარე ფაქტორია უმთავრესი საზრუნავის მისაღწევად. მაგ: შემოსავალი, სახლი, მანქანა, და ა.შ.

ქვიშაა ათასი წვრილმანი რაც თავს იჩენს ჩვენს ცხოვრებაში და მას ისე განვახორციელებთ რომ არსებით ყურადღებას არც ვაქცევთ რადგან არც აქვს დიდი მნიშვნელობა, რომც არ გავაკეთოთ არაფერი დაშავდება, რაღაც დოზით გვინდა არ გვინდა მაინც დავუთმობთ დროს, თუმცა ზომაზე მეტად მასზე დრო არ უნდა დავხარჯოთ.

წყალია სხვადასხვა სიამოვნებისთვის განკუთვნილი დრო, ყოველდღიური წამიერი ბედნიერებისთვის აუცილებელი ფაქტორია, რაც დროებით გვგვრის სიამოვნებას, განსხვავებულ შეგრძნებას, თუმცა, წარმავალია და მომავლისთვის ღირებულს ნაკლებად ქმნის. ზედმეტად არ უნდა ვფოკუსირდეთ მასზე, რადგან შესაძლოა უმთავრესი საზრუნავისთვის განკუთვნილი დროც შეიწიროს.

რომ შევაჯამოთ, ცხოვრებაში უმთავრესი საზრუნავი აუცილებელია განვსაზღვროთ და მისი შესრულება პრიორიტეტულად ვაქციოთ, მათთვის ჩვენი დროის უდიდესი ნაწილი ან სულ მცირე 50% მაინც გამოვყოთ, შემდეგ ყოვედღიურ აუცილებელ საზრუნავს უნდა დავუთმოთ დრო, ამას მოსდევს ათასი წვრილმანი სხვა საქმეებიც, რომელთა შესრულება ყოველთვის საჭირო არცაა და ბოლოს, მცირედი თუმცა საკმარისი დრო განტვირთვის/ დასვენებისთვისაც აუცილებლად უნდა გავითვალისწინოთ, რომ ყოველთვის ენერგიულად ვიყოთ.

4. როგორ გავხდე წარმატებული?

საჭიროა მოთმინება, ძლიერი ადამიანის აზროვნების ტიპის გაგება და მისი აქტიურად გამოყენება, ჩვენი ოცნებისა და შესაძლებლობების გააზრება, მოქმედებისთვის მომზადება, თანმიმდევრული ნაბიჯების გადადგმა, სიკეთის მოზიდვა და მისი შენარჩუნებისთვის ზრუნვა, საუკეთესო ხალხის შემოკრება და მათთან ერთად ან მეგობრულ კონკურენციაში საქმის კეთება.

შეუძლებელი არაფერია?

შეუძლებელი თითქოს არაფერია და ჩვენ შესაძლოა ბევრი წარმოუდგენელი საქმე შევძლოთ, თუმცა, ამისთვის აუცილებელია სათანადო გარჯა, ვიშრომოთ, ნებისყოფა გამოვიჩინოთ და თანმიმდევრულად ვიმოქმედოთ. სხვებისგან გვესმის რომ შეგვიძლია „სუპერმენიც“ ვიყოთ, მაგრამ, რეალურად, არაფერს ვაკეთებს „სუპერმენად“ გადაქცევისთვის, ველოდებით ვინმეს ან რამეს, რომ წარმოუდგენელი შესაძლებლობის წინაშე დაგვაყენოს. ზოგჯერ არც კი ვცდილობთ, რომ ამ შესაძლებლობამდე თავად მივიდეთ, თავად ვეძიოთ, შევიძინოთ ის უნარები და ჩვევები, რაც წარმატებულს გაგვხდის და თითქოს შეუძლებელს შეგვაძლებინებს.

წარმატებული რომ გავხდე რაზე ვფოკუსირდე?

რაღაც საქმეში ბუნებრივად ძლიერები ვართ და ამ საქმეში წარმატების მიღწევის უფრო დიდი ალბათობა გვაქვს, ვიდრე ისეთ რამეში, რაშიც სხვაა ბუნებრივად ძლიერი. ამასთან, რაღაც საკითხში თუ არ გვაქვს საჭირო გონებრივი, ფიზკური, თუ სხვა ტიპის აუცილებელი შესაძლებლობა, მას შეიძლება ვერც მივაღწიოთ. ამის მაგალითია მათემატიკური აზროვნების შესაძლებლობა: თუ ჩვენ არ გვაქვს მათემატიკური აზროვნება, როგორც წესი, მათემატიკოსობა არ უნდა მოვინდომოთ და რომც მოგვინდეს, გვარიანად ვერ შევეტოქებით მათემატიკური აზროვნების უნარით დაჯილდოვებულს, მაშინაც კი, თუ ეს უკანასკნელი ბევრად უფრო ნაკლებ შრომას ჩადებს თავისი ძლიერი მხარეების განსავითარებლად. გარკვეულ სფეროში, ძლიერი უნარით დაჯილდოვებულმა ადამიანმა შესაძლოა ერთ საათში იმაზე მეტი შექმნას, ვიდრე ჩვენ შევქმნით მთელი ცხოვრების მანძილზე.

ნიშნავს თუ არა ეს რომ მხოლოდ რაშიც ვართ ძლიერები ის უნდა ვისწავლოთ და მხოლოდ მასზე დავხარჯოთ ენერგია?

უმეტესი ენერგია, დრო და რესურსები ძლიერი მხარის გასავითარებლად უნდა გამოვიყენოთ, თუმცა, გარკვეული უნარები რაშიც ვერ ვართ ძლიერები, თუ ისინი აუცილებელია ჩვენი წარმატების მისაღწევად, მინიმალურ დონემდე უნდა განვივითაროთ. მაგალითად, ასეთი უნარი შეიძლება იყოს: გუნდური მუშაობა, კომუნიკაციის უნარი, კომპიუტერული ტექნოლოგიების გამოყენების უნარი, უცხო ენის ცოდნა და ა.შ..

ზოგი ბევრ რამეზე ფოკუსირდება და ადვილად იღებს საწადელს დიდი შრომის გარეშე?

წარმოუდგენელია მნიშვნელოვანი რამის მიღწევა თუ არა შრომით, თანაც თანმიმდევრულად. „უგზოუკვლოდ“ შრომა აზრს მოკლებულია. შესაძლებელია ვაკეთოთ ყველაფერი და ყველაფერში ერთბაშად წარმატებული პროფესიონალები ვიყოთ? ალბათ დამეთანხმებით, რომ მსგავსი რამ გამორიცხულია, რადგან ნებისმიერ სპეციალობის დაუფლებას ბეჯითი შრომით გარკვეული დრო უნდა დავუთმოთ, თანაც იმ დოზით, რა დოზითაც ჩვენ შეგვიძლია ინფორმაციისა თუ ცოდნის მიღება, მისი აღქმა-გააზრება და პრაქტიკულად განხორციელება.
ერთი შეხედვით, ზოგი მართლაც აღწევს წარმატებას ადვილად, თუმცა ეს განპირობებულია მათ მიერ მათი ძლიერი მხარეების დაიდენტიფიცირებით და გამოიყენებით. მაგ.: მშობლებისა თუ უახლოესი საკონტაქტო წრის დახმარებით პროფესიაში ადვილად გაერკვნენ და წინსვლაც გაუადვილდათ. მეორე მაგალითი შესაძლოა იყოს: დიდძალი სიმდიდრე დააგროვა, რადგან მემკვიდრეობა მიიღო, რაც სათანადო მართა. მაგრამ რეალურად ეს მათი მოცემულობის სწორად რეალიზებით მოხდა. ბევრი წარმატებული მშობლის თუ მდიდარი ადამიანის შვილი ვერ იპყრობს მწვერვალებს. უფრო მეტიც, პროფესიის გარეშე, თუ სულაც უქონელად ქცეულა.
გარკვეული უპირატესობა ყოველ ჩვენგანს აქვს, თუმცა მისი დანახვაა აუცილებელი, ის რაც ყოველ მიზეზ გარეშე გაგვიადვილებს წარმატების მიღწევას.
ფაქტია, თუ რამეს ადვილად ვაკეთებთ, და ეს საქმიანობა გვაბედნიერებს, აუცილებლად უნდა ვფოკუსირდეთ მასზე და ზედმეტად არ უნდა გავართულოს შედეგის მიღება. სწორედ ამიტომ მნიშვნელოვანია ნებისმიერი შედეგის მისაღწევად ყველაზე ადვილი გზა დავსახოთ და ამით დავზოგოთ ფული, დრო თუ სხვა საჭირო რესურსი.

რატომ უნდა გამოვიჩინო მოთმინება-ნებისყოფა?

წარმოუდგენელია წარმატება მოთმინების გარეშე, ვიცით, რომ ყველაფერს თავის დრო აქვს, როგორც ქმედების შესრულებას, ისე, მისით მიღწეული შედეგის წარმოჩენას. შესაბამისად, აუცილებელია ქმედებას თან სდევდეს მოთმინება. შესაძლებელია ფეხით ერთ წამში ერთბაშად ასობით კილომეტრის გავლა? ერთ კილომეტრს მეორე მოსდევს და ამ ფორმით შეგვიძლია გავიაროთ ასობით კილომეტრი და მივაღწიოთ მიზანს, ამას კი ბევრად უფრო მეტი დრო სჭირდება.
ხშირად, სწორედ მოთმინების ნაკლებობა განაპირობებს ბევრი ადამიანის წარუმატებლობას. საჭირო დროისთვის მზადება შრომით და თანმიმდევრული ქმედებით აუცილებლად გამოიღებს შედეგს. ადამიანმა აუცილებელია წვრთნას საკუთარი თავი, გამოიმუშაოს ის ნებისყოფა, რომ დაწყებული საქმე ბოლომდე მიიყვანოს.

რატომ უნდა ვიყო თანმიმდევრული?

აუცილებელია ვიყოთ თანმიმდევრული, მნიშვნელოვანია გვახსოვდეს, რომ სანამ დიდ საქმეს შევეჭიდებით მცირედი რამით უნდა დავიწყოთ, საჭიროა მცირე წარმატებებით მოვემზადოთ უფრო დიდი წარმატებისთვის.
ამასთან, გასათვალისწინებელია, რომ ხშირ შემთხვევაში, ერთი რამე რომ გახდეს შესაძლებელი, მეორე პირობა უნდა დავაკმაყოფილოთ, მაგ.: თუ გვსურს გარკვეულ სტატუსს ღირსეულად მივაღწიოთ, მაგ.: დამსახურებული (ემერიტუსის) პროფესორის სტატუსი, ამისთვის სათანადო შრომა დაგვჭირდება, უნდა ვისწავლოთ, საგულისხმო აკადემიური შრომა გავწიოთ, რომ უნივერსიტეტმა დამსახურებული შრომისთვის მოგვნიჭოს აღნიშნული სტატუსი. სხვაგვარად მინიჭებული სტატუსი უბრალოდ სირცხვილიცაა და ალბათ ზოგჯერ გაგვიგია ამათუ იმ პირმა დაიკავა თანამდებობა, მიიღო სტატუსი მაგრამ რად გინდა შეუფერებელიაო, უღირსად მიიღო ესა თუ ის ჩინ-მედლებიო.
ამასთან, მნიშვნელოვანია, რომ ჩვენი ოცნება სიახლეებით თანმიმდევრულად ვკვებოთ, რადგან ახალი მიუწვდომელი მწვერვალებისკენ სწრაფვა აუცილებელია მომავალში სვლის, განვითარების მოტივაციისთვის.

საინტერესო შესაძლებლობა ლექტორთათვის 🙂

📣 გამოცხადდა ფულბრაიტის პროგრამა ლექტორებისთვის!

👨‍💻 ონლაინ კონსულტაციისთვის შემოგვიერთდით 8 აგვისტოს, 16:00 საათზე ამავე გვერდზე - US Embassy Tbilisi, Georgia

👉 დეტალური ინფორმაცია იხილეთ ბმულზე:
https://ge.usembassy.gov/facultydevelopment/

3. ბედნიერება უფასოდ?

უფასოდ მართლაც არაფერი არსებობს, თუმცა, ღირებულის შეძენა ნამდვილად ღირს მიუხედავად მისი საფასურისა; სხვა შემთხვევაში, გვინდა თუ არ გვინდა, ხარახურას შევიძენთ, ის რაც ცხოვრებას დაუკარგავს ფერებს და ჩვენ სიცოცხლეს ისე გავლევთ, რომ მის უმნიშვნელოვანეს ნაწილს ვერ დავაგემოვნებთ.

ვიცხოვრო ისეთი ცხოვრებით რომ არაფერი ახალი არ გავაკეთოთ, არ გამოვიყენოთ ჩვენს წინ გაჩენილი შესაძლებლობა, არ გავრისკოთ და არ დავიწყო ახალი „რთული“ საქმე, ის რაც ვფიქრობთ რომ გვაბედნიერებს, სანანებელი გაგვიხდება, არარეალიზებულობის განცდას გაგვიჩენს, შესაძლოა საკუთარ თავზეც კი გავნაწყენდეთ და უფრო მეტიც, ყველა და ყველაფერი შევიძულოთ გარშემო. მაშინ როცა, თუ შევეჭიდებით ახალ საქმეს, ის გაგვავითარებს, თუნდაც ვერ მივაღწიოთ დიდ მწვერვალებს ჩვენს შესაძლებლობებს გაგვაცნობს, ვნახავთ თუ რა შეგვიძლია, რა მოგვწონს უფრო მეტად, და, არამც და არამც, არ იქნება იმ დოზით სანანებელი ვიდრე მასზე უარის თქმა. სხვა სიტყვებით, იოლი ცხოვრების (უსწავლელობით, უშრომველობით, დროის უქმად კარგვით) არჩევით ცხოვრებას ვირთულებთ (ნაკლები განვითარების შესაძლებლობა, არასათანადო წრეში მოხვედრა, ნაკლებად რეალიზება, ნაკლები შემოსავალი და ა.შ.), მაშინ როცა სწავლით და განვითარებით, მართალია ცხოვრებას ადვილს არ ვხდით, თუმცა, უფრო საინტერესო შესაძლებლობებს ვაგემოვნებთ, ბევრად უფრო მეტის შექმნა შეგვიძლია და საინტერესო ხალხის შემოკრების საშუალება გვეძლევა.

რთულია „იოლად ცხოვრება“, რადგან ჩვენ საკუთარ სინდისთან თუ გარემოსთან წინააღმდეგობაში მოვდივართ და შინაგანად ვხდებით რომ უმოქმედობით რაღაცას არ ვაკეთებს სწორად, შემდეგ კი უარყოფით შედეგებს (გაუნათლებლობა თუ არასაკმარისი განვითრება, უმუშევრობა თუ არასაკმარისი ანაზღაურება, არარელაიზებულობის განცდა, არასატანადო ადგილზე ყოფნა და ა.შ.) ვიმკით.
რთულია „მისზანდასახული ცხოვრებაც“, მაგრამ ფაქტია მიზანდასახული ცხოვრება ბევრად უფრო მეტ შესაძლებლობას გვიქნის და ჩვენს ცხოვრებას ბევრად უფრო საინტერესოს და ღირებულს ხდის.

ბედნიერების გასაგებად უნდა ვიზრუნოთ ჩვენი შინაგანი შეგრძნებებისა და სინდისის შესაცნობად, ამისთვის კი აუცილებელია მის საძიებლად „მოგზაურობა“ დავიწყოთ, გავიგოთ რა გვაბედნიერებს (შეცნობის პროცესი ზოგჯერ საკმაოდ დროს მოითხოვს და დრო კი საკმარისად სწრაფად გადის და აუცილებელია მის ძიება მაქსიმალურად დროულად დავწყოთ). შემდეგ, მის მისაღწევად უდნა ვიმოქმედოთ, მოთმინებით შევხვდეთ თუ დროს გვთხოვს ბედნიერების მდგომარეობის კულტივირება. თუ ჩვენ არ შევქმენით ჩვენივე ბედნიერება, მას სხვა ვერავინ შემოგვთავაზებს, რადგან ის მხოლოდ მათი გადმოსახედიდან იქნება საკმარისი. თუ რამის მისაღწევად 10 წელი გვჭირდება დღევანდელი გადმოსახედიდან, თუ დღეს არ დავიწყეთ მასზე ზრუნვა, სავარაუდოდ მომავალ წელს კვლავ 10 წელი დასჭირდება და ჩვენ 1 წელს დავკარგავთ; თუმცა, ხშირად რასაც ადამიანი შორს ხედავს, ბევრად უფრო ახლოა, 10 წელი რეალურად შესაძლოა 2-3 წელში მოხდეს და ეს ხელშესახები მხოლოდ მაშინ ხდება, თუ ის მოგზაურობას იწყებს და მიზნისკენ დასახულ გზაზე თავდაჯერებულად დგამს ნაბიჯებს. მაგალითად, თუ ადამიანს მიზანი ჰქონდა მისულიყო რომელიმე მიუვალ ადგილას და ერთადერთ საშუალებად ფეხით გადაადგილება მიაჩნდა, დაიწყებს რა მოგზაურობს შესაძლოა ცხენით, ან თუნდაც სატრანსპორტო საშუალებითაც შეძლოს სვლა და ნაცვლად ათობით საათისა, რამდენიმე საათში შეძლოს მიზნის მიღწევას. ან კიდევ, გვსურს ესა თუ ის პროფესია შევიძინოთ და მას დღევანდელი გადმოსახედიდან სულ მცირე 4 წელი ძალისხმევა სჭირდება (ასე ვიცით ან გვეუბნებიან სხვები), დღეს თუ დავიწყებთ მას 4 წელში მივაღწევთ, და თუ უარს ვიტყვით 4 წლის შემდეგაც იგივე ადგილას ვიქნებით, რაც ჩვენს მდგომარეობას მარტივად რომ ვთქვათ ვერ შეცვლის. თუმცა დავიწყებთ რა ამ მიზნის მიღწევაზე ზრუნვას, შესაძლოა, მივხვდეთ რომ საწყისისთვის, არცაა საჭირო 4 წელი და სხვა საშულებებით შესაძლოა ამ პროფესიას მინიმალურ დონემდე დავეუფლოთ (ნაცვლად საბაკალავრო სწავლისა, ავირჩიოთ ტექნიკური ან სხვა სასერტიფიკატო სწავლება, ან სხვა გზა, რაც დროში უფრო სწრაფად გასავლელია, მაგალითად თვითსწავლება სხვადასხვა ონლაინ რესურსებითა თუ პრაქტიკით).
თუ ვფიქრობთ, რომ გაგვაბედნიერებს ესა თუ ის სიახლე და მის საკეთებლად ბუნებრივად გვაქვს უპირატესობები (უნარები, ცოდნა, კონტაქტები და/ან სხვა რესურს(ებ)ი), აუცილებელია გადავდგათ ნაბიჯი, და გასაკეთებელი საქმის სიდიდის მიუხედავად გაბედულად ვიტვირთოთ პასუხისმგებლობა. გამართლებულ, ღირებულ სიძნელეებს ღირსეულად უნდა შევეჭიდოთ, რადგან მათთან ჭიდილში გავძლიერდებით, ვისწავლით უამრავ ნიუანსს.