ქალაქ თბილისის N136 საჯარო სკოლა

2026 წლის 29 აპრილს მე-11ბ კლასში განხორციელდა პროექტი თემაზე: ელექტრონული სიგარეტი და მისი მავნებლობა.
პედაგოვი როზა ვიალოვა.

28 აპრილს მე-10ბ კლასში ჩატარდა პროექტის პრეზენტაცია თემაზე: რძის ისტორიიდან. პირველ ეტაპზე ჩატარდა ექსპერიმენტი მოსწავლეები -შეისწავლეს რძის ფიზიკური და ქიმიური თვისებები, მეორე ეტაპზე შეაგროვეს ინფორმაცია რძის გადამუშავების მეთოდებზე. შექმნეს საინტერესო საწავლო რესურსები.
პედაგოგი როზა ვიალოვა.

25 აპრილს, 1 დ კლასის მოსწავლეები, კლასის ხელმძღვანელთან — ლალი აკობიასთან ერთად, ესტუმრნენ გარდენია შევარდნაძეს. ეს იყო ძალიან საინტერესო და შემეცნებითი ექსკურსია. ბავშვებმა დაათვალიერეს ულამაზესი ბაღი, გაეცნენ სხვადასხვა მცენარეს და ბუნებას. მათ თავადაც დარგეს ყვავილები და ამით ძალიან კმაყოფილები დარჩნენ. დღე იყო მხიარული, სავსე დადებითი ემოციებითა და ახალი შთაბეჭდილებებით

„ჩვენ ბუნებაში ვართ, იგი ჩვენშია“
ბუნებაზე ზრუნვა თითოეული ჩვენგანის ვალია.2026 წლის 23 აპრილს ქართული ენისა და ლიტერატურის პედაგოგმა,მაკა კაციტაძემ
2 ა კლასში განახორციელა პროექტი თემაზე: „მოვუაროთ ბუნებას“, „დავიცვათ ფრინველები და ცხოველები“.
პროექტის მიზანი იყო, მოსწავლეებს გაეაზრებინათ გარემოს დაცვის მნიშვნელობა და შეესწავლათ ბუნებაზე ზრუნვის ელემენტარული წესები. თანამედროვე ცხოვრების მოთხოვნებიდან გამომდინარე, ხშირად იჭრება მწვანე საფარი და ადამიანი აბინძურებს გარემოს.ტყის საფარის განადგურება კი მძიმე შედეგებს იწვევს დედამიწაზე მცხოვრები ადამიანებისთვის.
მნიშვნელოვანია,რომ ბავშვებმა გააცნობიერონ ბუნების მოვლისა და დაცვის აუცილებლობა,ხეებისა და მცენარეების დარგვის მნიშვნელობა.ეს უზრუნველყოფს მეტ ჟანგბადს,ადამიანის ჯანმრთელობას და სიცოცხლის გახანგრძლივებას.
პროექტზე მუშაობის პროცესში მოსწავლეები მიეჩვივნენ დამოუკიდებელ საქმიანობას და თანატოლებთან თანამშრომლობას,რაც მნიშვნელოვან როლს ასრულებს მათი პიროვნული და სოციალური უნარების განვითარებაში.
ბუნების გარეშე სიცოცხლე წარმოუდგენელია — მისი წყალობით არსებობს ყველა სულიერი და უსულო არსება.
მოსწავლეებმა დავალების შესაბამისად შექმნეს ნამუშევრები და წარდგენისას წაიკითხეს მათში ასახული მოწოდებები: „ნუ დაანაგვიანებ გარემოს“, „გავუფრთხილდეთ ბუნებას“ მათ ასევე განმარტეს თითოეული გამოსახულების მნიშვნელობა — ცხოველის, მცენარისა თუ ფრინველის.

136 ე საჯარო სკოლაში უკვე ტრადიციად იქცა ,სასკოლო პროექტის განხორციელება "ჯანსაღი ცხოვრების წესი". აღნიშნულ პროექტში, მინაწილეობა მიიღო. მე 6ა,ბ, კლასებმა და 23 აპრილს წარადგინა პროექტი "მავნე ჩვევა თუ დამოკიდებულება?"მოსწავლეებმა მოამზადეს კედლის გაზეთები,სლაიდშოუები და სოციალური რეკლამა. მოსწავლეებმა ზეპირი პრეზენტაცია მოამზადეს თემაზე : "ნარკოტიკი,ალკოჰოლი თამბაქო". პროექტს ესწრებოდნენ სასწავლო ნაწილი მელანო ბოჭორიშვილი და საგნის მასწავლებელი ნელი ვიალოვი.

2026 წლის 22 აპრილი II „ა“ კლასისთვის განსაკუთრებული და ფერადი დღე აღმოჩნდა. პატარა სცენაზე გაცოცხლდა „ყმაწვილი და პეპელა“ — ისტორია,რომელმაც ბავშვების გულებში სითბო და სიხარული გააღვიძა.
როლური თამაშის დროს ისინი უბრალოდ მოსწავლეები აღარ იყვნენ, ისინი იქცნენ პერსონაჟებად, რომლებიც გრძნობდნენ, ფიქრობდნენ და ერთმანეთის სამყაროს იზიარებდნენ.თითოეულმა ბავშვმა საკუთარ თავში აღმოაჩინა ახალი შესაძლებლობები, გამბედაობა და შემოქმედებითი ძალა.
ამ პროცესში მათ ისწავლეს, რა არის ნამდვილი მეგობრობა,ერთგულება, სიყვარული და ურთიერთპატივისცემა. თითოეული ემოცია გულწრფელი იყო, თითოეული მოძრაობა — მნიშვნელოვანი.
სწავლა იმ დღეს აღარ იყო მხოლოდ წიგნი — ის იქცა თამაშად,სიხარულად და პატარა,მაგრამ დასამახსოვრებელ გამოცდილებად.

22 აპრილს ქართული ენისა და ლიტერატურის მასწავლებელმა ეკა ყურაშვილმა მე-7 ბ კლასში ჩაატარა ინოვაციური გაკვეთილი თემაზე „აზროვნების 6 ქუდი და „თათქარიძეობა“. გაკვეთილის მიზანი იყო, კლასიკური ლიტერატურული ტექსტის თანამედროვე აზროვნების მეთოდებთან დაკავშირება.

მოსწავლეებმა ილია ჭავჭავაძის უკვდავი ნაწარმოები „კაცია-ადამიანი?!“ ედვარდ დე ბონოს ცნობილი მეთოდის გამოყენებით გააანალიზეს. გაკვეთილის მსვლელობისას კლასი „ფერად ქუდებად“ დაიყო და თითოეულმა ჯგუფმა პერსონაჟები და მათი ცხოვრების წესი სხვადასხვა რაკურსით დაინახა:
როგორ „მუშაობდნენ“ ქუდები:
⚪ თეთრი ქუდი - მოსწავლეებმა მშრალი ფაქტებით აღწერეს ლუარსაბისა და დარეჯანის ყოფა, მათი ყოველდღიურობა და ეპოქალური კონტექსტი.
🔴 წითელი ქუდი - აქ ემოციებმა იფეთქა! ბავშვებმა გამოხატეს თავიანთი დამოკიდებულება პერსონაჟების მიმართ — სიბრალულიდან დაცინვამდე.
⚫ შავი ქუდი - კრიტიკულად შეფასდა „თათქარიძეობის“, როგორც სოციალური სენის, დამღუპველი შედეგები ერისა და ინდივიდისთვის.
🟡 ყვითელი ქუდი - მოსწავლეებმა სცადეს ეპოვათ რაიმე პოზიტიური (თუნდაც კომიკური) პერსონაჟების ხასიათში და იმსჯელეს, რატომ არის ეს ნაწარმოები დღემდე ასეთი პოპულარული.
🟢 მწვანე ქუდი - ეს იყო კრეატივის ნაწილი — „როგორ შევცვალოთ ლუარსაბი?“ მოსწავლეებმა ალტერნატიული გამოსავლები და პერსონაჟების განვითარების გზები შემოგვთავაზეს.
🔵 ლურჯი ქუდი - გაკვეთილის ბოლოს ჯგუფმა შეაჯამა მსჯელობა და გამოიტანა მთავარი დასკვნა — ილიას სათქმელი დღესაც აქტუალურია.
მასწავლებლის მიზანი იყო, მოსწავლეებს არა მხოლოდ წაეკითხათ ტექსტი, არამედ ესწავლათ კრიტიკული აზროვნება და პრობლემის სხვადასხვა პრიზმიდან დანახვა. "თათქარიძეობა" ხომ მხოლოდ წარსული არაა, ის მდგომარეობაა, რომელსაც ყოველდღიურად უნდა ვებრძოლოთ საკუთარ თავში.

გაკვეთილი იყო ინტერაქციული, დინამიკური და დატვირთული ჯგუფური მუშაობით.

გილოცავთ,სულ გამარჯვების გზებზე გევლოთ!❤️❤️📚📚

პროექტი: „ ერთი ნაბიჯი გარემოსთვის — ერთი წიგნი მომავლისთვის“
2026 წლის 18 აპრილს მე და საზოგადოების პედაგოგმა მაკა კაციტაძემ 4 დ კლასის მოსწავლეებთან ერთად დაასრულა გრძელვადიან საგანმანათლებლო და ეკოლოგიურ პროექტზე მუშაობა,რომლის მთავარი მიზანი იყო,გარემოზე ზრუნვის მნიშვნელობის გააზრება და წიგნის სიყვარულის გაძლიერება.
პროექტის ფარგლებში მოსწავლეები აქტიურად ჩაერთვნენ მაკულატურის შეგროვების პროცესში.ამ აქტივობით მათ ხელი შეუწყეს გარემოს დაცვას, რესურსების დაზოგვასა და მათი ხელახალი გამოყენების კულტურის დამკვიდრებას.
შეგროვებული მაკულატურის შედეგად მიღებული თანხით მოსწავლეთა მშობლებმა შეიძინეს ქართველი მწერლის გოდერძი ჩოხელის მოთხრობების წიგნი, რომელიც პედაგოგმა მოსწავლეებთან ერთად საჩუქრად გადასცა სკოლის ბიბლიოთეკას.გოდერძი ჩოხელის
შემოქმედება გამოირჩევა ღრმა ჰუმანიზმითა და სულიერი სითბოთი.მისი ნაწარმოებები მკითხველს აფიქრებს ადამიანურ ღირებულებებზე,ბუნებასთან ჰარმონიულ თანაცხოვრებასა და შინაგანი სამყაროს სილამაზეზე.სწორედ ამიტომ შეირჩა მისი წიგნი,რათა ბიბლიოთეკის თითოეულ მკითხველს ჰქონდეს შესაძლებლობა,გაეცნოს ამ განსაკუთრებულ ლიტერატურულ სამყაროს.
ვიმედოვნებთ,რომ ჩვენი ინიციატივა შთააგონებს სხვებსაც,გადადგან მსგავსი ნაბიჯები — გაუფრთხილდნენ გარემოს და კიდევ უფრო დააფასონ წიგნის მნიშვნელობა.პროექტის განხორციელებამ დაგვარწმუნა,რომ მცირე ნაბიჯებითაც შესაძლებელია მნიშვნელოვანი შედეგების მიღწევა — როგორც გარემოს დაცვის,ისე განათლების მხარდაჭერის მიმართულებით.