13/05/2026
🔥 როდესაც თავად მშობელი იწვევს კურნების პროცესს
გაიცანით კიდევ ერთი ოჯახი: დედა - ციცი სულაშვილი, შვილი - თაია და ნატიფი ცვლილებები, როდესაც ზრუნვა სხეულებრივი ხდება.
🌸 კაიკონაში ძალიან ვაფასებთ მიდგომებს, რომელიც ხელს უწყობს ორს შორის გულისხმიერი ურთიერთობების აღდგენას. გზები, რომელიც უფრო ღრმად უსმენს სხეულს, ნერვულ სისტემას და თვალსაჩინოების მიღმა შრეებით ინტერესდება.
ამასთანავე, ჩვენ ვაცნობიერებთ რამხელა დამატებით ტკივილსა და სტრესს იწვევს ბავშვებისა და ოჯახებისთვის ის მიდგომები, რომელიც ქცევების შეცვლასა და გამოსწორებას ბავშვების გარემოსთან მორგებით ცდილობენ, განსაკუთრებით კი მაშინ, როდესაც საქმე სენსორული სირთულეებისა და აუტიზმის მქონე ბავშვებს ეხებათ.
🤚🏻სწორედ ამიტომ კაიკონას ხელსაწყოების სკივრს QST (Qigong Sensory Treatment) - შეხებაზე დაფუძნებული პროგრამა დაემატა. იქ სადაც ბავშვებს ხშირად ვერ ვუგებთ და უფრო მეტიც, ვაჩუმებთ ხოლმე, ეს პროგრამა მათთან კავშირის აღდგენაზეა.
QST-ის საშუალებით რაღაც ძალიან მარტივი, და ამავე დროს ძირეული იჩენს თავს: მშობლები ხდებიან ისინი, ვინც თავიანთი ხელებით, მოსიყვარულე თანდასწრებითა და თანმიმდევრული მოქმედებებით არეგულირებენ და აძლიერებენ ბავშვების სამყაროსთან ურთიერთობის სხეულებრივ მექანიზმს. არა სწრაფი შედეგებისთვის, არამედ ერთობისათვის, ნდობისა და ცვლილებებისთვის, რომელიც შიგნიდან მოდის.
✊🏼 კარავი • Karavi -სა და MAC Georgia - ს ხელშეწყობით ჩვენ უკვე ოთხ ოჯახს ვასწავლეთ QST მასაჟი. ამ ვიდეოთი კი გვსურს ხმა უფრო მეტ ადამიანს მოგაწვდინოთ და გაჩვენოთ, რომ არსებობს განსხვავებული, ნაკლებხარჯიანი, ნაკლებმტკივნეული და მეტად სიამოვნების მომგვრელი გზებიც ჩვენი შვილების ცხოვრების ხარისხის გასაუმჯობესებლად.
პროგრამასთან დაკავშირებით ინფორმაციის მისაღებად, დაუკავშირდით კარავის გვერდს.
🎥: დემეტრე დათიაშვილი
